ZKIZ Archives


馮仁昭四圍超:千嬅湊細路MV剪出眼淚

1 : GS(14)@2015-02-13 00:01:46





■千嬅同呢幾個細路合作拍攝《五個小孩的校長》,MV場面感人。








楊千嬅同古天樂主演嘅《五個小孩的校長》喺下月十九日上映,呢套戲最大賣點係有五個天真爛漫嘅小朋友參與演出,睇過試片嘅人都話呢五個小孩演技好又可愛,唔知監製陳木勝去邊度搵到咁多個咁有演戲天份嘅細路出嚟,唔怪得千嬅同古仔都話有幾場同班細路拍離別嘅對手戲時,俾佢哋搞喊晒。千嬅噚日話:「班小朋友真係演得好自然逼真,見到佢哋喊到咁淒涼,唔好話我忍唔住喊,連平時嘅Mr.Cool(古仔)都忍唔到喪喊啦!」噚日電影公司仲發放咗戲中一首大合唱嘅《友誼萬歲》MV,千嬅重唱二○一五新版本,條MV剪咗唔少戲中嘅感人場面,而五個小孩嘅家長包括姜皓文、劉玉翠、吳浣儀同吳耀漢等一班好戲之人,也會喺MV中出現。



■古仔喺新戲同千嬅演夫婦,仲會有燭光晚餐。



感情戲令人動容

呢部以真人真事改編嘅戲,係講一位有二十幾年幼兒教育經驗嘅老師呂麗紅喺元岡幼稚園面臨執笠,竟然以四千五百元月薪接任只剩五名學生嘅幼稚園校長一職,仲要兼任埋老師同清潔阿姐工作。經過佢努力,間學校竟然可以起死回生,而期間佢同班學生互動嘅感情戲都幾感人,觀眾可能要帶定紙巾入場。撰文:馮仁昭





來源: http://hk.apple.nextmedia.com/entertainment/art/20150212/19038299
馮仁 仁昭 四圍 千嬅 嬅湊 湊細 細路 MV 剪出 眼淚
PermaLink: https://articles.zkiz.com/?id=287801

千嬅湊Torres好驚青

1 : GS(14)@2015-07-18 09:51:35

【中環置地】楊千嬅噚晚接近7點,帶住囝囝丁進諾(Torres)、外籍傭工同一女性友人現身中環置地廣場。鬆身褲襯件白底紫色tee打扮嘅千嬅,戴黑超保星味,而已經3歲嘅囝囝全程由工人抱住。


■千嬅囝囝Torres,全程由工人抱住。


當一大班記者忽然出現影相嘅時候,見慣大場面嘅千嬅起先都嚇一跳。問到千嬅去邊時,佢話約咗朋友食飯。唔想畀記者影嘅佢,全程急步行往太子大廈上車離開。採訪、攝影:潘冠恩





來源: http://hk.apple.nextmedia.com/entertainment/art/20150718/19223492
千嬅 嬅湊 Torres 好驚 驚青
PermaLink: https://articles.zkiz.com/?id=291410

千嬅湊精靈Torres快閃買文具

1 : GS(14)@2015-10-09 07:53:49

【搜羅菲林】■沒有化妝打扮的少奶奶千嬅架起墨鏡,選購了不少心頭好。


【爆相爆片】楊千嬅近排忙於為巡迴演唱會DVD出席簽名活動,又要為稍後的巡演做準備,早排3歲囝囝丁進諾(Torres)發燒,令到她非常擔心加重負擔,不過好在囝囝很快復原,還跟媽媽一起外出濕平。昨日讀者Elaine透過本報「爆相爆片」報料,指楊千嬅昨日下午12時帶同囝囝及外籍傭工,到銅鑼灣時代廣場購物。Elaine表示在時代廣場地庫見到楊千嬅3人步出電梯,相信是剛泊完車。當時Torres一馬當先跑出電梯很開心的大叫:「好嘢!」戴着墨鏡的千嬅笑笑口跟在後面。



■千嬅經過即影即有相機的菲林架,即停下腳步細看。

■Torres在店內行了一圈後,會合媽咪齊齊睇菲林。

■Torres對場內所有出售的物品都非常好奇。


■童愛玲帶兒子到中環看病,不過心情似乎頗差。 攝影:羅德光

人仔細細乜都好奇

之後一行3人入到日式精品百貨店LOG-ON,Torres先由傭工照顧,又對店內裏所有物品都非常好奇,就連家居用品都看得非常興奮,但依然表現聽話。千嬅趁着空檔選購物品,雖然她完全沒有化妝,以一身家庭主婦look出現,但仍然被不少顧客認出。千嬅先行到出售即影即有菲林的陳列架大量搜購,然後再到文具部買紙張及文具,未知是否為Torres上學時應用。前後花了大概15分鐘千嬅便買完所需用品,其後便會合囝囝到櫃位付錢。接着她們一行三人行過對面的city'super買餸,千嬅亦不假手於人,她選購了肉類外還有不少蔬菜,實行多菜少肉,食得健康,同時她又買了梨及蘋果等飯後果才離開。另外,懷有第二胎的童愛玲昨日4時許帶同囝囝到中環看醫生,臨上醫務所前她不停以英語跟兒子交談,囝囝則一直低頭受教,他們在醫務所內逗留1小時後離開。採訪:李森





來源: http://hk.apple.nextmedia.com/entertainment/art/20151009/19325908
千嬅 嬅湊 精靈 Torres 快閃 閃買 文具
PermaLink: https://articles.zkiz.com/?id=292948

屋企裝修 老公四圍飛千嬅湊仔做家務謝晒

1 : GS(14)@2017-06-23 02:58:32

領賢慈善基金昨日假尖沙嘴舉行慈善晚宴,翁嘉穗低胸赴會,楊千嬅就和老公丁子高現身。問到會否頂替劉德華年尾紅館檔期?千嬅說:「應該有好消息,公司安排緊,場數量力而為。」千嬅樣子有點倦,她表示因為屋企局部裝修,老公經常要飛,自己朝早7時要湊小朋友返學,跟住做家務。



■翁嘉穗昨晚打扮性感出席慈善晚宴。

■楊張新悅也有到場湊熱鬧。


電筒照醒以為賊

千嬅指今次主力幫囝囝房裝修,更爆老公夜晚扮鬼,丁子高解釋:「因為囝囝瞓喺老婆隔籬,唔想嘈醒佢,所以用iPhone電筒照醒千嬅,佢可能以為係賊,大嗌。」問到老公地位是否被兒子霸佔了?他扮呷醋說:「係囉,邊個男人瞓喺你側邊。」千嬅聞言即啋。



■陳奕迅和Renée(右)合唱單曲為基金籌款。

■鍾鎮濤拖老婆范姜現身,透露父親節收卡。


Eason搵藉口放假

鍾鎮濤(阿B)拖老婆范姜出席,他透露父親節收卡:「鍾幗送superman油畫,冧到superman塊面都甩色,但唔係好似我。」對於譚詠麟在父親節貼兒子曉風牽手相,阿B笑言:「唔係曉風,係許冠傑,點解以前我同佢開騷,佢唔拉我隻手。」至於基金會青年大使陳奕迅(Eason),就跟國際女高音歌唱家Renée Fleming合唱單曲《I Want》為基金籌款,這首歌很多人曾翻唱,Eason說:「係呀,我都有參考,呢首歌係我揀,覺得幾得意,首歌可以容納唔同語言,未認識呢位女高音前,都諗佢可唔可以唱啲咁鬼馬嘅歌,點知佢都好鍾意。」
Renée以英文表示:「今次好開心好興奮,Eason是很有趣的人,我好喜歡他的聲音,覺得好有力量,聲音質感好好。」問會否盡地主之誼帶Renée周圍去?Eason說:「下次先啦,佢話覺得香港好潮濕,但對把聲好好,知道佢嚟緊喺紐約有音樂劇,可以帶埋阿女去,有藉口放吓假。」採訪:羅慧敏攝影:沈健程




來源: http://hk.apple.nextmedia.com/entertainment/art/20170622/20063977
屋企 裝修 老公 四圍 飛千 千嬅 嬅湊 湊仔 仔做 家務 謝曬
PermaLink: https://articles.zkiz.com/?id=336631

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019