ZKIZ Archives


癲價四合院六億放盤


2013-07-04  NM  
 

 

最近有北京經紀喺網上以近六億癲價,放售一座「目」字形嘅三進四合院(即由門屋、廳堂、兩廂共三個院落組成)。呢座「世界上第二個故宮」位於北海公園,佔地近七萬呎,建築面積都有成差唔多兩萬呎,九房九廳九廁,另加一個可以停放一百零八架車嘅地下室。

有份放盤嘅經紀小林話,呢座「皇家級別、京城唯一」嘅四合院原本建於一七五六年,係乾隆為其生母所起嘅居所,亦即係「北海九龍壁」同埋「大圓鏡智寶殿」所在地。但係喺一九一九年失火焚毀,十幾年前重建,現時業主係一個台灣人。小林仲話,已經有「五個高端客戶」話感興趣,更謂如想睇樓,要出示資金證明兼經律師核實,認真巴閉!其實呢間癲價四合院喺一○年曾經放售,當時開價四億二千萬,威震京城,不過無人問津,最近反而加價重現江湖。而北京四合院向來交投淡靜,兼且甚為秘密,小林透露,一年只有大約二十幾間成交,而且成交呎價企硬一萬蚊以上,比起大廈豪宅貴起碼一倍。「有實力的買家到處是,可惜沒好院子。」而有做開京城四合院買賣嘅經紀透露,一座位於故宮旁邊南池子大街嘅二萬七千呎四合院,正以十五億暗盤放售,呎價高達五萬五千幾,有美國投資公司正在洽談。

另外,可能因為呢排中央打貪風聲緊,搞到喺四合院經營嘅私人會所生意慘淡,最近多咗呢類盤源。好似喺后海一間唔夠四千呎嘅四合院,正以七千二百萬放售,呎價直逼兩萬,屬於北京頂級豪宅。北京四合院向來都係香港有錢佬心頭好。○六年病逝嘅「愛國商人」霍英東早喺八十年代就喺北京買入一間,據傳晶剛大婚,霍家就係送咗呢間四合院俾郭晶晶父母做聘禮。前港區人大朱幼麟嘅四合院極具皇宮氣派,專門請嚟藝術學院師生喺客廳天花畫咗一千零二條龍,為此用咗成兩公斤黃金,又搵維修故宮老師傅做裝修。至於港區人大王敏剛可以話係四合院大地主,佢早喺十年前已經有六間揸手。

租客:冬天好凍

德國商人Heino鍾情中國文化,一家五口月花三萬,租住東城區一間二千幾呎嘅四合院。佢話住喺四合院乜都好,不過最頭痕係冬天好鬼凍,事關並唔係間間四合院都有暖氣,就算有都未必夠暖。「而且電費好貴。」佢話冬天試過每個月交四千蚊電費。至於每到雨季,天花漏水同埋牆身滲水時不時都發生。不過斷估住喺「世界上第二個故宮」都唔使怕凍怕漏水啩!

本週圖片

記者喺山東煙台市中心隔五條街見到呢個「金木水火土」海報,仲以為麥玲玲擺風水陣擺到上煙台。行近一睇,原來係當地臨海豪宅「黃海明珠山莊」嘅樓盤廣告。至於呢五隻字可以點樣催谷新盤銷情,睇嚟真係要問過麥師傅先知!查番字典,鑫廣東話讀「音」,意思係金多興旺。淼讀「秒」,意思係水勢浩大。焱讀「驗」,解作光焰。垚讀「堯」,解作山高。


癲價 四合院 四合 六億 億放 放盤
PermaLink: https://articles.zkiz.com/?id=62829

紅姑呻錯過買四合院

1 : GS(14)@2017-04-13 00:23:59

【北京直擊】鍾楚紅前晚在北京出席珠寶品牌Chaumet活動,同場有荷李活女星、蜘蛛女姬絲頓丹絲(Kirsten Dunst)、《天使愛美麗》(Amelie)法國女星柯德莉塔圖(Audrey Tautou)、內地女星高圓圓、韓國組合EXO成員張藝興及日本名模長谷川潤等。傳懷孕的高圓圓穿上火紅長裙,身形很好不似有孕。紅姑則表示想到頤和園觀光:「以前會行街買字畫,行胡同,鍾意四合院,仲爭啲買咗間,不過因為條例複雜買唔成。如果當時買咗,?家就發達。」



■柯德莉原來已是第二次去北京。

第二次訪京的柯德莉受訪時,表示對珠寶首飾很感興趣,看見現場放有后冠,她說:「珠寶很珍貴,自己能看到這些手工藝覺得很幸運。」採訪、攝影:曾小嘉




來源: http://hk.apple.nextmedia.com/entertainment/art/20170412/19987394
紅姑 姑呻 錯過 四合院 四合
PermaLink: https://articles.zkiz.com/?id=330268

富豪‧山峯設空中庭園 意念源自四合院

1 : GS(14)@2018-06-04 10:57:11

https://www.mpfinance.com/fin/da ... 2909&issue=20180604
【明報專訊】百利保繼2016年推出元朗洪水橋富豪‧悅庭後,今年重點新盤為位處沙田九肚的富豪‧山峯,項目提供136個分層戶、實用面積約1600至3300方呎,部分特色戶會引進「空中庭園」設計,意念源自北京四合院,採中空佈局的庭園,讓戶主更能飽覽四周山景;另外24幢洋房實用面積約2200至5000方呎。富豪‧山峯早前已獲批預售樓花紙,范統期望最快8月、9月可獲批入伙紙,部署以現樓形式發售。

范統又稱,富豪‧山峯的地利優勢,讓大部分單位的景觀不會被同區其他樓盤遮擋,擁開揚山景、以至沙田馬場的景色;屋苑採取人車分流設計,符合現今環保潮流,項目車位供應亦充裕。屋型設計方面,范統指24幢洋房中,有20幢設私家電梯,方便家中有長者及小孩的家庭,間隔主要屬4房4套、6房4套,令各家庭成員均有自己私人空間。

同區新盤如新地(0016)雲端、永泰(0369)牽頭的澐瀚,近期呎價高逾4萬至5萬元,范統不諱言屬富豪‧山峯開價參對象。資料顯示,富豪‧山峯是百利保系繼2003年推售赤柱富豪海灣後,15年來在港最大型住宅項目。
富豪 空中 庭園 意念 源自 四合院 四合
PermaLink: https://articles.zkiz.com/?id=350507

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019