ZKIZ Archives


電企賺定蝕?國資委、統計局口供唔夾 李華華

2010-03-30  AD






 

同一個政府,同 一個行業,同一個月份,唔同字頭竟然會有截然不同嘅睇法!中國國務院旗下國有資產委員會綜合局局長劉南昌,前幾日響「2010年經濟形勢與電力發展分析預 測會」度講,二月份全個電力行業都蝕錢,電企資產負債比率普遍都高過80%,佢仲語重心長咁提醒大家,電力企業已經進入風險攀升嘅階段!講到個情況好似嚴 峻過雲南旱災,咁係咪無貨就唔好買,有貨快啲散先?

統計局讚好國資委話蝕

且慢!有電力股喺手嘅股民又唔使咁擔心喎,大家不妨 睇睇國家統計局又點講!佢哋響官方網頁度公佈,1至2月份電力行業利潤繼續快速增長,實現利潤156億人仔(人民幣是也),比之前一年增加咗132億,增 幅有成5.5倍(舊年同期係下降61.9億人仔),表現之好絕對唔講得笑!睇完統計局呢粒數,唔入齊4隻喺香港掛牌嘅電力股,至少都入一隻半隻喇!

咁…… 我哋應該相信國資委抑或統計局先啱呢?究竟電力企業蝕到嘔定係賺到開巷先?股民o依家應該買電力股定係沽貨好?華華真係唔知,我相信連溫總都未必答到你!

大 家惟有等下個月啲電企派成績表,到時咪知邊個「抄錯錶」囉!

建行俾人話抽水郭樹清嫌不光彩

內地電力行業究竟係賺係蝕o依家未 知,但銀行業就肯定威威,工行(1398)係亞洲最賺錢公司,建行(939)舊年利潤都首次過千億人仔,照計董事長郭樹清(圖)應該好開心,點知佢竟然嗱 埋口面。點解?咪就係俾人話「抽水」囉!唔好誤會,唔係郭生抽人水,而係建行喺市場集資嗰隻抽水呀!

郭樹清噚日喺香港主持記者會,劈頭已經 澄清,話建行冇喺市場抽水400億人仔,「我理解抽水有負面意思」,又強調佢哋間寶號唔缺水,俾人話佢哋要抽水,「不是太光彩」。

郭董越講 越收唔到口,話建行05年喺港上市,係首間H股全流通內銀股,一直都幾受投資者歡迎,前景一片光明,家陣媒體「抽水」嘅負面報道,講到建行好似洪水猛獸 咁。查實郭董唔使咁勞氣,事關「抽水」兩個字喺媒體嘅財經新聞出現,只係活潑坊間口頭語,股民一睇就明,媒體對間間內銀股,用語都係一視同仁嘅。

榮 太子離開中信阿仔留低狂加薪

建行郭樹清唔鍾意人哋用「抽水」嚟形容佢哋嘅融資大計,覺得用字唔多光彩,咁華華相信,當日中信泰富(267) 炒燶澳元,太子榮智健應該更加唔想多提。為咗呢件「唔光彩」嘅事,舊年4月太子毅然辭職唔撈,剩番佢個寶貝仔明杰(圖),喺中信泰富繼續做執董。表面睇, 太子好似付出咗好大代價,但作為平民嘅我同你,千祈唔好以為佢好慘!事關榮太子喺中信泰富公佈業績後嘅股價高位,掟貨套現8億銀。

仲有,根 據中信09年年報顯示,太子雖然4月唔撈,但都有百幾萬袍金執番,而太子仔明杰嘅人工,更加由08年嘅186萬,大幅「調整」到1252.5萬銀,升幅足 足近6倍!相對又遊行又輸得眼甘甘嘅小股民,係咪好大對比呢?

李華華

LiWaWa@AppleDaily.com



電企 企賺 賺定 定蝕 國資委 國資 統計局 統計 口供 唔夾 華華
PermaLink: https://articles.zkiz.com/?id=14970

【譚仔新口味】新蕃茄湯底要額外加兩蚊 味淡兼唔夾

1 : GS(14)@2016-11-25 07:37:38

譚仔推出蕃茄湯底,選用新鮮蕃茄,但結果卻令人失望。



你到譚仔會點甚麼口味湯底?清湯、麻辣還是酸辣?最近譚仔推出蕃茄湯底,讓湯底選擇增至五款,但暫時只限指定分店。記者就到調景嶺分店實試,蕃茄湯底需要額外加兩元,與其他湯底一樣能選擇辣度。根據譚仔Facebook所指,三小辣與蕃茄湯底是最速配的。



記者如Facebook所建議,柯打三小辣的蕃茄湯底米線,上枱後發現碗內有大量蕃茄粒,聞起來只有少許蕃茄味,不過看起來亦算吸引。但真正將湯底放進口後,卻有點失望。因為辣味跟蕃茄味道不夾之餘,蕃茄味亦不算濃郁,有點像蕃茄清湯的感覺,感覺就是力有不逮,無法令人回味。記者:李泳烔攝影:陳健邦


暫時只有十多間分店有蕃茄湯底,在Facebook一推出後,便得到過數百個留言查詢。

在記者街訪下,會試蕃茄湯底的人數佔一半,另一半則表示到譚仔主要是為麻辣湯底,故對蕃茄湯底不太感興趣。



來源: http://hk.apple.nextmedia.com/su ... t/20161125/19844729
譚仔 仔新 口味 蕃茄 湯底 底要 要額 外加 兩蚊 味淡 淡兼 兼唔 唔夾
PermaLink: https://articles.zkiz.com/?id=317003

【寵物算命】狗仔都有相睇? 睇出生日期知同主子夾唔夾?

1 : GS(14)@2018-02-25 03:23:09

玄學家顏瑞麟大師,約於十年前發明利用五行形格、面相及八字,為寵物算命。

一click免費下載《籽想去東京》旅遊指南:http://bit.ly/2rSv4c4全新旅遊專頁,即like籽想旅行:https://fb.com/travel.appleseed


新年流流,市面推出一本又一本運程書,人人都想知道流年運程,但原來不只人可以睇相,連寵物都有相睇。有超過二十年風水算命經驗的玄學家顏瑞麟大師,稱利用寵物的出生年、月、日,配合寵物的面相和體形,就能算出寵物的性格、健康甚至加上五行屬性,就能知道與主人是否契合。


Happy(柴犬)耳仔豎起代表聽覺靈敏;嘴巴尖長即胃口大。但主人Jonie反問:「柴犬不全部都長這樣子?」

他說Pigleg(鬆獅犬)身形肥大屬土,性格較好動勇猛。


Jonie最想知道愛犬的年壽,「愛牠如親人,最怕牠去世,但大師沒回答。」


顏瑞麟大師以「大師」自居,他向記者表示,過去曾有美國傳媒請他為總統候選人睇相,更稱自己是全球首位玄學家,約於十年前已發明利用五行形格、面相及八字,為寵物算命,「講得出嘅動物都睇得,馬、蜥蜴、蛇都得。」他續稱憑寵物面相和身形,即可推算出性格和健康狀況,「屬金有金毛尋回犬、雪橇;木有哥基、臘腸狗;屬水有北京狗、八哥;屬火有芝娃娃、松鼠狗;屬土有聖班納、鬆獅狗。屬金嘅性格勇敢,屬土就會勇猛啲。」


訪問當日,記者帶兩隻狗仔Happy(柴犬)和Pigleg(鬆獅犬),連同牠們的主人Jonie、Marcus和Zi,請顔大師為寵物睇相。「Happy耳仔豎起,聽覺一定好靈敏;嘴巴尖長,胃口肯定好大。Pigleg就身形肥大啲,屬土,性格比較好動勇猛。」顏大師知道狗仔出生日期後,更說牠們都很旺兩位主人,性格又能互補,叫主人多帶狗仔出外玩,會帶給主人歡樂。兩位主人聽後,認為顏大師所說有準有不準。柴犬Happy的主人Jonie:「性格方面,佢講得都少少似,但佢話Happy耳豎嘴尖就係聽覺好靈敏,其實柴犬隻隻個樣都係咁。」她更認為顏大師未能回答問題,如狗仔的年壽和身體健康等。鬆獅犬Pigleg的主人Zi則認為顏大師跟其他玄學家一樣,「都係用人嘅面相數據去講狗仔性格。」Jonie問到,萬一跟寵物不合,應該怎算?他回答說:「都要照顧,你買咗佢就要照顧。你可以買飾物或搵個利寵物嘅方位畀佢瞓,就會同主人好合拍。」風水命理的事,信不信由你,照顧好寵物,享受快樂時光才最重要。顏瑞麟玄學家地址:尖沙嘴麼地道67號半島中心商場G47號舖記者:黃凱婷攝影:劉永發、伍慶泉



來源: https://hk.lifestyle.appledaily. ... e/20180217/20307623
寵物 算命 狗仔 仔都 都有 有相 相睇 出生 日期 知同 主子 夾唔 唔夾
PermaLink: https://articles.zkiz.com/?id=348917

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019