ZKIZ Archives


又講吓風險 CUP

From

http://chuicup.blogspot.com/2008/07/blog-post_28.html

睇到ckm001兄的文章,http://hk.myblog.yahoo.com/jw!G9qPswuRGxoAjkVjcnY-/article?mid=7087,等我又講吓風險先。

我自己對風險的定義是:損失的機會。損失的機會愈大,風險的機會就愈大。

例如去賭場賭大細,輸錢的機會永遠大於一半,那肯定就是高風險的行為。

ckm兄認為「人算不如天算」的情況是風險的特點。我是極之同意。

因為假如人是理性而且聰明的話,其行為應該會避開預計之內一切有機會令他產生損失的事。

可是基於人知識的局限性、情緒影響下的不理性、或者某些具賭博的性格使然、或者某些非理性的信念等等,導至人去做各種高風險的行為。

ckm文中提到長線投資相對短線炒賣而言,風險較低而回報較高。我是極之認同。

而以投資項目的質素去降低風險更是對極。

可是,若果認為分散投資無助於降低風險,我卻不表認同。

我亦要強調:追求高質素的投資項目和分散投資並沒有任何衝突。

我認為適度分散投資於優質的投資項目,是絕對具有減低風險的作用。

之前我們提到,「人算不如天算」是風險的特點。

「人算不如天算」的情況,除了會出現在國際政治或者宏觀經濟層面上(例如伊朗射幾個核彈將以色列滅國的假設),也會出現在個別公司身上。

莫說以我們老散而言不能得到第一手資訊,即使是親身參予一檔生意,我們也不能保證一路是一帆風順,任何突發性事件令到生意嚴重損害,又或者政府個別政策的突然改變、又或者訴訟令到個別公司蒙受嚴重損失,這好多時也是誰也沒法料到的。

因此,分散投資於數家具有良好質素的優質企業,對減低風險絕對是有用處。因為其中一個企業在「人算不如天算」下出事,也令損失有所局限,不致於全軍盡墨。

那當然,我們不能盲目追求分散投資。

之前我提及高風險行為源於:知識的局限性、情緒影響下的不理性、或者某些具賭博的性格使然、或者某些非理性的信念等等。

不斷進修充實自己,培養穩定的情緒,多點了解自己信念的源頭、建立良好的投資態度。而每投資一個項目之前,都能以嚴肅的態度,確認那投資項目經過詳細審視並且有充份而可靠的理據支持。那也會有助減低風險。
又講 講嚇 風險 CUP
PermaLink: https://articles.zkiz.com/?id=1533

又講新股 味皇

http://hk.myblog.yahoo.com/lgaim-foolman/article?mid=6185

零售股因為之前冇野好炒先炒到咁高,現在市場的焦點開始轉移到新股上,拜此所致,真實組合中的零售股回左幾萬蚊,凡是追逐新股的資金都是用於投機的,因此每當新股熱鬧的時候都是投機風氣正隆的時候

所以想講下罪魁禍首的新股,但味皇一旦開口就滿口狗屁,肯定冇人想聽,還是不講好了

其實睇新股也不用我逐隻去講,與其幫人逐一審核,倒不如教人睇相的方法,原理之前已經花左好多心機講左,雖然不是太明示,但也有人明白,好似偉哥等 一點就明,就算唔點自己都明,關鍵在於他也買過老千股,有深刻的感受,讀者當中不乏買過老千股的人,但只要對風險非常厭惡的人才能避免重復犯錯而花心機分 辨老千,正如味皇的新衣一樣,沒有愛與正義之心的人只會看見味皇裸跑

話說味皇初入股場時,竟然同時集中持有3隻福建股,今天的我幾乎想把當天的我絞成肉醬,現在當然不想再犯,在網絡另一邊也有個叫偉哥的 blogger,無論買股經歷,選股風格,甚至思考方式同味皇相當類似(決斷力佢在味皇之上,只有文筆我自認好d),令人想起一個說法,每個人在地球的另 一邊都有個劇場版本的在生活,好似車路士的筋肉人球星在地球的另一邊在做人造人歌星,我想味皇同偉哥是蛔虫同蛔虫之間的關係,如果讀者有乜野股票的問題, 唔該去問佢唔好煩我,相信佢的答案同味皇的基本一樣,味皇的傳球數值99...哈哈

買新股即日鮮會較好,基本上新股冇乜好東西,別人認為買股的風險是波動,但味皇最懼怕的買股風險卻是爆煲,味皇的研究同股價升跌無關,只是避免踩中爆煲股,我想你買得新股,最終你不外乎3種死法,國美的死法,第一天然的死法,福記的死法,或者好似亨泰咁在死同唔死之間

好似脷囊,痔膏等,未上市就估到佢九成九是國美,咸木像,O-Bee睇怕似第一天然,至於好似福記咁就要上市之後幾年先知,升兼,醃才等最終應該會同亨泰一樣,有些是好公司,但是老闆有不良嗜好,公司再好也沒有意義,難道媽媽冇教你不要同邊d人做朋友嗎?


又講 新股 味皇
PermaLink: https://articles.zkiz.com/?id=18409

又講下波 味皇

http://hk.myblog.yahoo.com/lgaim-foolman/article?mid=6689

愛隊日前粉碎歐洲盟主,球迷也能帶著輕快的心情投入工作,雖說是地頭蟲,至少也贏得光明正大,而且見識了傳說中的R1+R2,簡直有如柏度夫上身

之前有講過足球經理,味皇玩的時候財政都非常好,有人卻玩到破產,明明球場比別人更小,差別在於量入為出

比如周薪25萬鎊,可能相當於7500個坐位,即使有6萬個位的球場都養唔起幾多個,何況一隊成廿幾人,相反周薪7.5萬鎊的話,3.5萬個位的球 場都養得起,再者同一隊人的人工相差太遠,同工唔同酬會成日有工潮要加薪,不利團結同士氣,而人工較低的一隊,只要人人都差唔多,就會少很多葡萄撚,所謂 不患貧而患不均,現實中即使係玩殘歐洲盟主的3人組,人工都不過是5萬同7.5萬,成隊平均4萬左右,所以愛隊在聯賽球隊中算是最團結的球隊之一,連球品 人品都在較高水平,係成日打衛生波果下衰,話說費沙的著作中提過一間叫柯紐鋼鐵的小公司,高管同前線員工人工差距很小,人人都要著工人褲開工食飯堂,人事 關係很融洽,明明是高競爭性的行業,連伯利恆鋼鐵的國家象徵企業都執粒的情況下,柯紐鋼鐵卻長期提供16%以上的回報,又話說味皇今日返工,上頭又落一些 奇怪指令,味皇做到成隻積咁,上頭落柯下好簡單,郁下個口就得,而下面的工作量卻大增,大增不緊要,但增加的勞力卻是做些沒有意義的程序,空降的人一般都 是外行管內行,形式主義可以使其顯得有事可做...公司未來幾年都不打算派息,加薪就不用說了,而且總裁又再換了人

有點離題了,說回球會,味皇做人口販子也有些原則:

原則1:堅持唔買貴人,即使係神人20萬以上都唔買,人工超過5萬都唔買,用實例來說,比起3000萬買基亞連尼,味皇會用1000萬買積基卡,比起4000萬的安古路,我寧願用500萬的祖奧

原則2:有更抵的就換馬,同質換馬同升級換馬兩種,用實例來說,我用1000萬賣走奧哈拉,700萬買入本田圭佑,能力幾乎一樣,但人工得一半,為 之同質換馬,又比如我用3900萬賣走連儂,用1050萬買迪馬利亞,人工得一半,能力升1倍,為之升級換馬,又如我用2700萬賣走柏拉斯奧斯,再用 1500萬買入辛度,能力幾乎一樣,但人工得1/4,而已更後生,升級了年齡,用1300萬賣走高美斯,用500萬買祖赫特揍合用,升級了年齡同英籍的條 文,仲順眼d,因為成日有平價的好球員一般用一年左右就有人可以換

原則3:人老唔買,超過30歲就賣唔出好價錢,要提前賣走,呢點同雲格想法一樣,太水唔買,如果冇足夠的能力即使再平也不買,以保障將來有買家,人多唔買,一線隊只養18人左右,太多揍唔掂,仲要有幾個周身刀,方便應付突發情況

大致就是如此了,將球員當成商品就自然要合商業原則,其實買賣股票同販賣人口冇乜差別,低買高賣而已,低於價值時買入,高於價值時賣出,同時適當的 換馬,賣出高於價值的,買入低於價值的,這兩句話好似只有語法唔同,但內裡其實有好大差異,自己參透啦,總之冇話冇邊個/隻唔得,如果差價夠大,泰維斯抵 換沙維奧拿,利福抵換永安,質量不減賺到差價,即使沒乜差價,阿蒙尼亞換阿美尼亞,上實換長江基建,都賺都其他地方,但賺錢並不是只靠販賣人口,球會本身 都有門票,贊助,獎金等收入,沒有長期靠賺轉會費而成功的球會,成功的球會都是有穩定的常規收入,這需要一些核心球員維持,而股票真正賺錢是靠派息,而且 派息好的股票賣價也不會差得去邊,核心球員出於感情同穩定,一般都是非賣品,同樣地,買喜歡的股票,年年有得分,賣唔賣又有乜所謂


又講 講下 下波 味皇
PermaLink: https://articles.zkiz.com/?id=18979

又講Google 麥博 Mak Blog

http://makblogg.wordpress.com/2011/01/27/%E5%8F%88%E8%AC%9Bgoogle/

見Traffic 好左,又係時候講下悶野。

Google CEO  Eric Schmidt 榮休,讓番個位比創辦人 Larry。最關鍵的,是”我放心下去了”,那句說話。

事緣 Google 創業要上市的時候,兩位創辦人不過廿五、六歲,而且從未踏出社會,不懂商業社會的運作原則。而且是典型的 Tech Geek, 對技術的鑽研和追求,達走火入魔的地步,卻沒有生意的頭腦。所以,上市前入股的 PE Fund 想替他們找個 CEO, 費了極大的精力。

Eric 也是因為有極強的 Technical Background,才有辦法與Gooogle兩位創辦人溝通,成功執掌當時是網界最強最有希望的 Startup  公司。

據史書(!?) 記載,包括 search advertising等賺錢元素,都是 Eric 同佢手下團隊的 Idea。

了解了這個背境,就知道Eric 這句說話有多重要了。

但係,Eric 到底是否是客套話,更加重要。

所以,股價升一浸就套囉,無他,Larry做生意的能力,還有待考驗。

又講 Google 麥博 Mak Blog
PermaLink: https://articles.zkiz.com/?id=22273

我又講止蝕 股海無涯

http://blogcity.me/blog/reply_blog_express.asp?f=U5ESNT0PL4145585&id=197912&catID=&keyword=&searchtype=

上星期大家講期權, 今天很多人講止蝕, 我也跟大家分享一下我的止蝕心得.

 

想學正宗止蝕的方法, 可以看看熱門文章, 他們都很有系統, 保證易學易用. 我的方法有些冇厘頭, 看不懂不是你的問題, 是我本身有毛病..

首先, 投資或投投機在我而言, 是一門藝術而不是學問, 更不是甚麼財務自由、致富之道. 既然是藝術, 那當然沒有指定動作,基本上都是即興. 但正如前文提過, 我本出身名門, 所以我還是有些rules 難以逃脫.以我今天為例, 稍為解釋一下:

首先我跟大戶一樣, 沽貨我一定要有理由, 因為沽錯了有得賴. 輸錢找人賴是一種自我療傷, 對於在股海長期浮沉的人是很重要的. 千萬不要把責任全背在自己身上, 那樣輸了錢又傷身, 何必呢? 好像我今天斬(656)股價及相關新聞 , 我全算在菁姐身上, 這個肥婆有時間不去減肥, 寫甚麼尃欄, 我從今以後唔會再睇佢..... 至於我今天沽貨的理由有兩個, 第一, 大市該跌不跌, 成交一直沒法突破, 搞到我想沽很久, 難得四叔又出貨, 大市又暴跌至2萬邊, 天時地利人和都很符合. 第二, 我手上的貨, 其實沒有一件是好東西, 跌市一般都跌得多過人, 例如(820)股價及相關新聞 , 我之前也說過, 一遇跌市是出不了貨的, 又例如(941)股價及相關新聞 , 我也說過我條命跟他是相沖的. 所以, 在大關之前又成手爛股, 我沒理由坐以待斃, 雖說手持大量現金, 也不至於要送錢給人. 沽貨時我沒有任何百分比的概念, 一切以安心為主. 有些股票我輸過4成也不沽, 如JPM, PCLN等等, 總之一定要坐到蠃為止, 有些股票我輸1%也止, 如和黃, 新世界等....純粹個人喜惡. 炒得多的人會有gut feeling, 與其將來要斬底, 不如趁早斬.

我還有一個特性, 就是很多股票喜歡一半一半沽, 越跌越沽, 正如買貨時一樣. 正常情形下, 一定先沽蝕本貨. 再其次是原先要溝貨的股票, 一有這念頭, 條件反射就要沽, 我怕真的走去溝貨. 最後才沽賺錢的貨.

 

我又 又講 止蝕 股海 無涯
PermaLink: https://articles.zkiz.com/?id=29023

母子檔陪月中介講心又講金

2012-6-21 NM




龍年生仔潮催谷下,陪月員其門若 市,不但師奶爭入行,中介公司亦如雨後春筍,越開越多。五十五歲的胡陳彩雲(胡太)○六年入行做陪月,後來不甘中介公司「食水深」,遂「撬走」姊妹,自立 門戶,與三十歲的兒子胡家瑋(James),○八年用九萬元開設「好安心」。不過,中介公司門檻低,競爭大,絕非「印印腳」有錢收。胡太和James自度 一系列增值服務,由職前培訓、面試技巧到針對準父母的「湊仔班」等,成功羅致四十多名陪月員班底,高峰期月做四十多宗生意。「而家佢哋上晝驗到有咗,下晝 就要打嚟book陪月員啦!」胡太笑說。

上週六晚上七時,十八位剛修畢陪月員課程的師奶,在好安心位於太子的辦公室內上堂。「點先知道BB食得夠唔夠奶?」擔任導師的在職護士陳姑娘突然問。一名 師奶答道﹕「係咪睇小便顏色,如果茶色就唔得?」另一名師奶即驚呼﹕「嘩,如果茶色就要入院啦!係唔係磅吓條片夠唔夠重呀?」雖然大家都有證書在手,但對 陪月知識仍一知半解,陳姑娘惟有再問﹕「咁正常一個BB一日換幾多條片?」「六至八!」台下齊聲道。「咁換少過呢個數目咪知道唔正常囉!」各人恍然大悟, 立刻把答案抄在筆記本上。這班師奶個個都希望能成為「星級陪月員」,自此「豬籠入水」。做過陪月員的老闆胡太,知道要做中介,就要摸清陪月員及客人的心 理,再「對症下藥」。接下來就由建立班底和吸客兩方面,分析好安心的賺錢方程式。

四招建班底一、招募

現時由非牟利機構如明愛、職工會聯盟等舉辦,獲僱員再培訓局認可的陪月員課程,每年約有五千名畢業生,好安心會定時到不同中心舉辦招聘講座。「一班二十五 人,得一、兩個會入行,其餘只為拿到完成課程後約一千二百蚊嘅津貼。」James說,所以要先挑出有心兼有潛質的畢業生。「我哋有免費嘅陪月員分享會,俾 新人上來聽吓啲師姐嘅意見,同時推銷工作坊。」James表示,工作坊共四堂,每堂一百二十元,「佢哋肯俾錢再進修,證明真係有心做,我哋亦可以睇表現來 揀人。」James指,而客人的喜好亦是重要因素,胡太補充﹕「以前啲客鍾意老啲嘅,覺得資歷深,但而家就鍾意後生嘅,貪佢好氣力,可以大細兼顧,個樣靚 啲、有福氣、有肉地嘅亦會受歡迎。」

二、簽約

每次成功轉介一單生意,好安心會收取總薪酬約兩成作為中介費。為確保有足夠陪月員,好安心和二十多個資深陪月員簽訂合約,沒有底薪,但保證一年連續「有工 開」,每年續約,而資歷較淺的則簽半年,表現好才能續約。「對佢哋來講,最緊要連續有工開,唔會疊期或有一、兩個月喺屋企坐。試過有陪月員唔續約,自己走 去接job,最後都返咗來。」James表示,為加強陪月員的歸屬感,會定時舉行聚會,以及一起做義工。胡太更要兼任心理輔導員,訪問當日,有陪月員致電 訴苦,足足傾了一小時。「有時啲有錢人唔係好識尊重人,試過一個富貴人家搵咗幾個陪月員一齊面試,鬥快換尿片。」胡太皺眉道。

三、特訓

陪月員大多半途出家,「未打過住家工」,見客前,James會先教授面試技巧:「試過有姐姐會踢住拖鞋去面試,有啲就著『行政look』,其實著素色衫最 好。」另外,陪月員不應留指甲或塗指甲油,避免指甲及化學物刺激到嬰兒,「客人好多時會問陪月員做唔做家務,唔好答『唔做』,要話『BB第一、媽媽第二, 其他事有時間就做』。」James教路。另外,他們亦不時請來專業人士為陪月員進行免費講座,如在香港護士協會聘請護士教授餵奶和掃風知識,及邀請社工來 教授如何與客人相處,亦有中醫教授產後調理湯水等。「其實陪月員面對最大嘅困難就係婆婆嬤嬤,佢哋覺得自己都識做,成日當住你面話『嘥錢』,又挑剔,為咗 避免衝突,我會勸陪月員喺唔傷害到媽媽嘅情況下,盡量跟老人家嘅意思做。」胡太補充。

四、監察

陪月員質素直接影響公司聲譽,客人可於七日內免費更換陪月員,「有時未必係陪月員做得唔好,純粹係唔夾、唔啱傾。試過有陪月員同個婆婆為媽媽嘅飲食日日 嘈,就算過咗十日,都照安排換人。」負責帶陪月員面試的胡太,亦會上門家訪,觀察陪月員的工作。公司更有個「師姊妹」制度,安排資歷深的陪月員,在新人上 班首星期,每日一電詢問情況。另外,James亦設計了一份問卷予客人,再將問卷原份放上網。「客人反應話唔好嗰啲,我就唔安排工作,等佢自然流失」 James說。

兩招吸客一、攞獎搏宣傳

搵客第一步是要打響名堂。開業初期,James試過走到母嬰健康院門外派傳單,及在Yahoo!買關鍵字,成效不大,卻十分昂貴。「而家太多公司搶『陪 月』呢個關鍵詞,搶到貴晒,一個點擊成廿幾蚊!」James現時仍有幫襯Yahoo!,但設定每月上限為八千元,「問番啲客,發現八成都係朋友介紹。」 James表示,最佳的免費宣傳其實是「攞獎搏見報」,太子辦公室內放了十多個獎項,如香港優質顧客服務協會的優質顧客服務大獎等。James更替陪月員 報名參加不同的服務獎項,「對陪月員同公司都好,係雙贏。」James笑說,為增加知名度,過去一年半內,他們做了十多個訪問,連日本的電視台都找上門。

二、開班吸客賺到盡

好安心利用太子的辦公室,開班教準父母「湊BB」,名為「自己做陪月」產前工作坊,由專業護士教導,每個課程四堂,收費九百八十元,每班只限五至六對夫 婦,「賣點係小班教學,等佢哋可以落手落腳試做,三、四班入面,就有一、兩對夫妻變咗我哋客人。」James表示,雖然母嬰健康院也有類似課程,但通常一 班有三十多人,並安排在平日上班時間,加上有時地點亦不及好安心方便,所以開辦以來都不愁客路,「好多時一開即爆滿,客人要一個月前報名。」James 說。

母帶子入行

胡太可說是整盤生意的靈魂人物,一手帶兒子James入行。原在青少年中心任活動工作員的胡太,開朗健談,○六年退休後覺得生活沉悶,便修讀陪月員課程, 之後經中介公司找到陪月員工作,「客人同我分開簽約,嗰時未有最低工資,我一個月收六千蚊,有次同個客傾起,先知中介公司收咗佢一萬蚊。」除了「食水 深」,亦「不近人情」,「有個客住葵涌,我住將軍澳,問公司一個月可唔可以俾多五百蚊我搭車,佢哋好強硬咁話唔得,但個客原來俾成萬三蚊,公司淨係收錢, 咩都無幫過我!」胡太憶述時仍語帶氣憤。最後,竟然是她的第一名客人鼓勵胡太創業。於是,她「膽粗粗」以月租一萬元,租用灣仔服務辦公室,再以較低的佣 金,「撬走」一起讀陪月員課程的同學。之後生意不錯,便鼓勵兒子James辭掉員工培訓的工作,全職打理好安心。去年,公司以月租三萬元租用位於太子,約 六百呎的單位做辦公室兼課室,「呢度以前係牙醫診所,好乾淨,唔使花錢裝修。」James笑說。現在他和媽媽正撰寫《好安心坐月手冊》,於今年書展出售, 除了做宣傳,亦是母子創業路的一個紀念品。

開業資料(02/2008)

租金$10,000宣傳$30,000註冊及律師費$30,000雜費$20,000總投資$90,000

營業資料(05/2012)

營業額$176,000

租金$40,000*

人工$70,000 #

宣傳$15,000

雜費$26,000

盈利$25,000

*太子及灣仔辦公室租金

#連導師薪金及兩名負責人各支薪兩萬元

母子 檔陪 陪月 中介 講心 心又 又講 講金
PermaLink: https://articles.zkiz.com/?id=34492

職場點滴(14):講心又講金 亂博

http://notcomment.com/wp/?p=6683

作為一個打工仔,如果有得你揀,你會揀曾蔭權定還是梁振英做你老細?

曾蔭權一上任就即時加人工,又返5日工,多年來人工加幅起碼追通脹,甚至高於通脹,任內不做不錯,什麼也沒做過,也因此沒有刺激不同既得利益者不滿而上街遊行,結果做他的下屬都少啲嘢做,每天可以無驚無險又到6點!

CY一上任就周圍揾地起樓,搞到下屬走來走去,一些地方前面長期哥爾夫球場景或開揚景,如今要起樓,當然引起很多附近居民不滿。又搞辣招阻人發達,搞到地產代理無啖好食,醫院原本擴建諗住收雙非生仔錢,零雙飛搞到醫院不滿,入境處職員要阻截孕婦衝關,零雙飛和限奶令又搞到入境處多咗嘢做。成日落區,每次一大班人示威又要大批警員到場維持秩序。CY越做得多,下屬越多嘢做,又刺激不同既得利益者不滿和反對派出來揪後腳,一年有過萬次遊行,警員做到氣咳,做CY的下屬就每天都驚濤駭浪又過6點!

以打工仔心態而言,CY做老細,下屬每日返工好像打仗,仲要人工加幅低於通脹,相比老曾,無驚無險到退休,你話打工仔跟邊個着數啲?

相信CY亦知警員辛苦,除了出言撐警隊,國務院還高調接見警隊高層,顯示中央都很體恤警隊。上司能夠表現體恤下屬當然好,不過跟你寒喧幾句,員工笑笑口心裡仍會問:「你知我辛苦就好,幾時加人工?」打工仔出來打工都只是求財,有理想服務市民都唔可以當飯食,有錢才可以改善生活,講心不講金,多勞少得,不如少勞少得好過,仲唔使孭鑊!

如果老細唔識做會點?下屬要老細滑鐵盧有好多方法,明明睇到當睇唔到, 見到你扣錯鈕都唔話你知, 樣樣側側膊,細鑊唔孭大鑊缷番俾老細。

近日入境處20名員工集體請病假,導致深圳灣口岸超過10萬人過境緩慢,出現大批旅客輪候。然後又有屋宇處員工罷工,接連有政府部門不滿而曠工,是否一種警號就來爆煲?那些經常喜歡公民抗命的遊行人仕,相信很快可以自遊行了!

職場 點滴 14 講心 心又 又講 講金 亂博
PermaLink: https://articles.zkiz.com/?id=81301

又講辱警罪

七警判監後, 又有人倡議為辱警罪立法了。

涂謹申:會否處理警「辱民」問題

立法會保安事務委員會副主席涂謹申表示,明白警隊初期對判刑或有情緒,但須冷靜分析辱警罪立法的利害,他認為就辱警罪立法存很大困難,「辱警定義如何肯定恰當?質疑執法是否辱警」;又指倡議辱警罪的同時,當局會否處理警員「辱民」問題,令法律公平對等,亦將是社會關注,囑警方冷靜思考可行性。另一立法會議員葛珮帆則認為,在社會撕裂氛圍下警隊已成「出氣袋」,「保持尊嚴方可執法」,她認為政府至少可先就立法展開研究。

(20/2/2017 明報節錄)

我以前為這題目寫過6篇(連結在此):

辱警
辱警二
辱警三————答民陣警權關注組召集人王浩賢問
辱警四
辱警和撐警
辱警罪訂立的簽名運動

我不想重複以前講過的說話, 真的不要花時間去立法, 訂立到也經不起違反《人權法》、《基本法》賦予的言論自由的挑戰, 拿捏平衡點不容易, 但言論自由會佔優, 英國在2014年2月也正式廢除了羞警罪, 皆因考慮言論自由的因素。涂謹申講當局會否處理警員「辱民」問題, 那是明顯的廢話, 警察對待市民不禮貌, 長久以來警察投訴課都有處理。真的立法, 就禁止任可人侮辱其他人, 但在立法會就未能通過了, 因為議員又怎肯放棄這種權利, 真的立到法, 到其時又要爭論那詞語是辱罵抑或問候呢。所以, 何必呢? 何必立法, 不如靜心等待社會的改變, 只要一場劇變, 大家就不會花心思在互相仇恨鬥爭, 當自身難保, 天災降臨時, 就沒有人去辱警了。或者我講得黑心咗, 但是我想不到解救辦法。或者咁講, 有無人發現家中有竊匪, 會打去報警, 然後話我屋企有賊, 快啲派黑警嚟, 或者救命呀! 黑警救我!
又講 講辱 辱警 警罪
PermaLink: https://articles.zkiz.com/?id=236079

利世民:又講中國澳洲

1 : GS(14)@2012-03-08 22:45:45

http://www.sharpdaily.hk/article/index/15307/20120308/64136
噚日,澳洲公佈去年第四季GDP。結果,增長差過預期,係經濟分析師預計嘅一半。有睇開呢個欄嘅讀者都知道,我一向對呢一類預測,甚至乎統計數字,都抱住「姑且聽之」嘅態度。不過,由於呢幾日撞正兩會,溫總公佈政府工作報告,又講到今年GDP增長目標放棄保八,兩件事一併起來,天衣無縫,結論就係:中國經濟正在放慢步伐。
記得大半年之前,歐洲出事,好多人除咗寄望德國會願意出手救窮親戚,更有一個天方夜譚,就係話中國會增持歐債。講咁耐,講到大陸都經濟步伐放慢。另一邊廂,歐洲經濟亦都正式進入寒冬。除咗出晒事嘅歐豬,就連一路以來跑贏嘅幾個國家,例如德國荷蘭,都已經出現若干程度滯脹。我真係好懷疑,究竟大家一直期望歐洲問題可以透過處理好內部矛盾,最終得解決,係唔係有少少超乎現實。
QE3無着落 金價即插

講番澳洲。前日,澳洲聯邦儲備銀行決定維持利率不變,不過,個別成員銀行就輕微上調利率。我個人解讀,就係澳洲一樣有個別地區,通脹情況仍然嚴重。有個剛剛從澳洲Working Holiday返來嘅朋友講,當地物價貴到嚇死人,簡簡單單一條香蕉都可以賣成廿幾蚊港紙。當然,除咗香蕉之外,其他嘢一樣貴到無朋友。
但最詭異係,Bloomberg做咗個即時調查,問一班經濟師,結果係有四分一人預期下個月澳洲聯邦儲備銀行會減息。尤其是當上年第四季GDP數字出來之後,減息預期即時增加,澳元亦都即時弱勢。
呢兩晚,另一個好明顯嘅現象,就係金價繼續落。記得上星期伯南克話通脹預期上升,QE3無着落,金價即晚插咗過百美金。其中一個好多人信嘅神話,就係澳洲出產黃金,澳紙升,因為市場對黃金需求升。當然,同樣道理亦通用於掉轉頭嘅情況。
順帶一提,金甲蟲話係央行使橫手沽期金,目的就係要掩飾紙幣失信嘅現象。我就比較接受簡單嘅講法,黃金有一班投機者,見QE3無着落,即刻笠水。黃金現貨價,已經唔單止係通脹預期咁簡單。
其實我一直有個問題:歷史上,黃金同白銀價格,都有個比例,但今次明顯黃金價格遠拋離白銀。究竟係白銀價格真係為被操控?定係黃金價格有泡沫?

利世民
專欄電郵:SharpHK.Simon@gmail.com 
Facebook專頁:www.facebook.com/AppleSimon
利世 世民 又講 中國 澳洲
PermaLink: https://articles.zkiz.com/?id=278169

青姐又講邊間名店呀?

1 : GS(14)@2012-05-17 22:58:22

http://www.sharpdaily.hk/article/news/20120517/91097
成功故事聽得多,今日講一個真人真事趕錢出門口的反面教材。
自由行之後,好多本地消費者都領教過名店銷屎嘴臉。查實,狗眼看人低,又豈用等到自由行。小女子曾於一家名店的兩間分店,貼錢買難受。上世紀九十年代香港回歸前,另一半陪我到某牌子銅鑼灣分店,買個我早就睇中的漆皮銀包做生日禮物。銷屎似嫌飛來蜢不夠肥美,唔太願意攞件貨給客人過目。攞出嚟,又好似嫌阻佢時間。以為幾千蚊貨仔,費事驗來驗去,爽快直接碌卡找數。點知條勁寸兼眼厲厲嘅銷屎玩嘢,話簽名唔似,再碌再簽,到第五次才收貨。諗住息事寧人忍氣吞聲算數,不過以後就冇幫襯。
之後,又自作賤,見一個款式簡單的包包減價至三千,諗住見客或出席飯局之用。中環分店的那位銷屎,又嗌多次才從貨架上攞個包包下來。最終買了回去,但每次見到那包包,總會諗起不愉快經歷。如今那兩件垃圾也不知丟到哪裡去了,小女子更未再回頭這家慈姑店,連櫥窗都費事望多眼。
一、兩個銷屎之行為,破壞整個品牌的形象。品牌叫慈姑,裡面班銷屎阿姑一點也不慈祥。細水長流好客唔要,今天內地同胞大款以為有錢大晒,要求多多,脾氣大,聲音更大,說話如鬧交,尤其是人家趕住送禮,但想要嘅款式缺貨,銷屎就算賺到都要受一肚氣。如今我的包包和高踭鞋,都幫襯另一家以手工質料優質見稱的品牌。失去我這種細客,名店銷屎不會視為損失。但發生在小女子一位富三代朋友身上的事件,卻令人拍案叫絕。一心博釣金龜的銷屎妹妹,要引以為戒。究竟發生乜事?下星期開估。

胡孟青
專欄電郵:SharpHK.Women@gmail.com
facebook專頁:www.facebook.com/SharpHK.Women
2 : barryruger(14987)@2012-05-17 23:02:22

慈姑,姑慈?
3 : 亞力士(1473)@2012-05-17 23:03:01

慈姑店<----- 姑慈?
青姐 姐又 又講 講邊 邊間 名店
PermaLink: https://articles.zkiz.com/?id=279438

講金又講心

1 : GS(14)@2012-06-04 23:20:01

http://hk.apple.nextmedia.com/su ... t/20120604/16393679
看看百貨公司、 Boutique的時裝、手袋、鞋子,由來已久的閒閒地每款標價過萬,市道再如何不景也還是有人買,有人付鈔,年紀輕輕,濃妝艷抹的女子一手挽着一個上了年紀的男子,或者一張附屬卡,嬌嗲的、貪婪的、渴切的;恨不得每一樣都到手。
日前蘋果國際新聞版大字標題男女關係掀糖心風暴。大佬,這是新聞嗎?也許在外國是吧,四十多年前在電影界打工時,已見月薪幾百元的新人新星手挽名牌袋,一坐下來名牌打火機輕脆的一響,似乎個個都有個「甜心爹哋」照顧,無限量的供應一切奢侈品以及物質金錢所需。時至今日,公開場合出現的商家名人小二小三,也都以手袋的牌子價錢驕人,無論市道多麼艱難,有大客戶罩住,日子過得悠哉游哉,根本不必以工作換取些微的工資,價值觀老早改變,不僅年輕女孩羨慕,年輕男子也是如此,「甜心契媽」照顧着,果然各取所需,各有各撈,另類的男性女性平等之至。
發展到今天的糖心網站的用戶,大有笑貧不笑娼的趨勢,堂而皇之的有錢就好辦事,來者不拒的明買明賣交易,還美其名曰這樣的交易不同於娼妓,而用錢來買青春肉體以性愛換取金錢也不算是嫖客,講金也講心云云。果然是如此嗎?當一個女子可以把自己當貨品一樣出賣,當一個男子用錢來買自己的慾望,這種交易買賣的男女關係,當然是交易,世界無論如何改變,人的價值,人的尊嚴與生命的意義在不道德的交易中遭受踐踏,世人還笑貧不笑娼呢。

蔣芸
mcwriter@appledaily.com
2 : abbychau(1)@2012-06-07 13:20:18

呢排專欄唔知點解講"笑貧不笑娼", 學生時期我都對呢個題目搵過下, 因為覺得呢句野好無理, 因為一來會令娼妓增多, 二來也是令女性的本錢改變
好心就search 下先, "笑貧不笑娼"唔係一個普遍社會現象, 只係一個用黎啁貶不合理觀念的語句
想描寫呢用現象唔可以用其他人笑唔笑黎當成一個原因, 財貌交易原自於一來有富豪急於求成, 成功利用金錢衝破既有價值觀而進行大小規模的海選, 然後當事件增多, 金錢所用以交換的事物慢慢改變

要把這個過程說完恐怕又要打很長
3 : GS(14)@2012-06-07 22:49:05

富豪用錢都是能買這個set的女仔
4 : abbychau(1)@2012-06-07 22:51:11

結果是有人選結果才有我後面的一句
5 : abbychau(1)@2012-06-07 22:52:15

我想講ge 係作者又寫d 自己唔了解ge 野
6 : GS(14)@2012-06-07 22:55:15

5樓提及
我想講ge 係作者又寫d 自己唔了解ge 野


咁你用數字,他用感覺,感覺當然就是錯的啦
7 : abbychau(1)@2012-06-07 22:56:06

感覺通常是對的, 不然已經無人用, 但寫文不可以寫成這樣
8 : GS(14)@2012-06-07 23:30:16

7樓提及
感覺通常是對的, 不然已經無人用, 但寫文不可以寫成這樣


你認為嚴謹,要用心理推
9 : abbychau(1)@2012-06-07 23:32:59

寫專欄可以唔嚴謹, 但寫乜係作者自己揀, 揀個自己唔係好識ge 寫, 咁即想比d 讀者睇自己發up 風, 睇完就覺得好心理唔平衡, 一黎無用, 二黎佢仲要有錢收
10 : GS(14)@2012-06-07 23:34:05

9樓提及
寫專欄可以唔嚴謹, 但寫乜係作者自己揀, 揀個自己唔係好識ge 寫, 咁即想比d 讀者睇自己發up 風, 睇完就覺得好心理唔平衡, 一黎無用, 二黎佢仲要有錢收


咁寫專欄就是用你個人風格去演繹嘛,寫得唔好,他又可以駁,他仲發
11 : abbychau(1)@2012-06-07 23:36:57

我覺得專欄淨係可以用黎連載小說
12 : GS(14)@2012-06-07 23:38:19

11樓提及
我覺得專欄淨係可以用黎連載小說

就算亂作都得?
13 : abbychau(1)@2012-06-07 23:42:49

唔係
14 : GS(14)@2012-06-07 23:43:25

13樓提及
唔係


咁要點?
15 : abbychau(1)@2012-06-07 23:44:44

好正當咁比人去追係得小說, 唔洗好似專欄咁post要格硬post 爛文
16 : GS(14)@2012-06-07 23:45:35

15樓提及
好正當咁比人去追係得小說, 唔洗好似專欄咁post要格硬post 爛文


哈哈,如果我給人罵就是罵交啦
講金 金又 又講 講心
PermaLink: https://articles.zkiz.com/?id=279697

高仁又講回購

1 : GS(14)@2012-06-19 23:34:18

2012-5-19 HJ
...
此後一段時間,高仁與一班「豬朋狗友」各有各忙,未有時間見面敘舊,直至上市公司業績期後,大家終於可以再真正聚首一堂,地點則轉戰「車胎人」一星評級的IFC 國金軒。
....
沈繼司──核數師,熟悉會計制度、對數字敏感,但對外面
世界一無所知;
程更計──本地證券行經紀兼財務顧問,除了招呼散戶之外,亦向上市公司出謀獻計;戴孤劃──上市公司大股東,經常欺壓小股東;施友化──擁有助公司私有化經驗的前「唉賓」,被看中轉型為上市公司CFO。
...
沈繼司:以我所知,大股東增持股份目的,唔係為咗支持股價咩?
程更計:呢個當然係主要原因之一,話晒大股東真金白銀付出,無理由想股價走樣。
施友化:大股東買股亦有好多限制,例如在季度業績公布前一個月、年終業績公布前兩個月就唔得,上市公司董事都有股份禁售期;加加埋埋,一年入面,大股東有好多時間都唔能夠買賣股份。
沈繼司:所以,一般散戶會視大股東增持為利好消息,事關佢哋擁有公司最新資訊,亦最了解公司財務及經營情況。
戴孤劃:mmm……你都可以咁樣去理解,但好多時候,大股東增持只佔身家好少比例,可以用九牛一毛來形容。
施友化:講得啱。例如公司每年向股東派發股息,大股東收息10 億元,然後花區區1000 萬元去增持。你話大股東對公司的commitment,究竟係多咗定少咗?

高仁:其實,這樣等同大股東利用公司資源去增持。如果大股東真係睇好公司前景,大可以以股代息收取股票,讓公司保留資金繼續發展。
增持避免被追孖展
沈繼司:唔好意思,我又有嘢唔明白。有時候,我見到有部分二三線股,大股東不斷增持股份,即係股價唔能夠反映價值,但點解公司唔做回購呢?
...
程更計:公司所以無錢去回購股份,是因為有部分蠱惑大股東玩弄財技,可能透過友好的「獨立第三方」注入資產,繼而將公司現金「變走」,落入自己的荷包。
施友化:大股東富,公司窮。
公司惟有向銀行貸款,令到負債偏高, 但上市公司借錢通常都好easy。
程更計:若果部分大股東是「大花筒」的話,佢哋會索性將股份抵押,以提高孖展借貸額,令到自己可以盡情花費。
高仁:由於孖展額是跟隨股價變動,大股東為避免被call margin或者被斬倉,惟有在股價低殘時落力增持股份,以穩定股價。

不經不覺,大家一邊吃、一邊講,時間已經接近11 點。惟各人意猶未盡,決定轉戰蘭桂坊,一邊飲酒、一邊睇歐洲國家盃。
本欄逢周二刊出
歡迎交流上市公司的財技個案及招數,請電郵至koyan@hkej.com
增持有機會觸發提出全面收購根據《公司收購、合併及股份購回守則》,如
出現以下4種情況:
①任何人士取得一間公司30%或上的投票權時;②一致行動人士合共持有一間公司的投票權不足30%,其中任何一個或以上的人取得額外投標權,結果令他們的投票權增加至30%或以上時;③任何持有一間公司不少於30%、但不多於50%投票權的人士,在12 個月期間所持投票權增加超過2%時;或④一致行動人士合共持有一間公司不少於30%、但不多於50%投票權的人士,其中任何一人或以上的人士取得額外投票權,令他們在12 個月期間所持投票權增加超過2%時;該等人士必須提出全面收購,向其他股東買入餘下股份。
高仁
高仁 仁又 又講 回購
PermaLink: https://articles.zkiz.com/?id=279915

沙膽虹手記昨日一篇又講樓

1 : GS(14)@2012-09-04 09:48:27

http://hk.apple.nextmedia.com/news/art/20120903/18006872
認識一位朋友,他二○○○年以四百萬元買入了一個住宅單位,最近賣出,賺了四百萬。為何要賣?是否認為樓市見頂?他的想法是不管樓市是否見頂,他拿住賺得的四百萬,租住一個相若的單位,每年租金三十萬,夠他租十三年。何況他拿著這筆錢,再加上原來的本金二百多萬,投資在盈富基金,每年收股息亦差不多二十萬,夠交三分之二租金。他有信心呢世唔憂住,寧願揸住現金勝過揸住層樓,彈性較大!
亦認識一位三十出頭的年青伙子,他才剛入市,以三百萬買了一層四百呎的單位,付一百二十萬首期,向銀行借一百八十萬。以現時年息兩釐計,每月供利息三千元,其餘供款都是供本,即係供番畀自己,而該單位月租要九千。他的如意算盤是每月起碼慳番六千元,唔係幫別人供樓,自己供番畀自己,條氣順啲!
有人辭官歸故里,有人漏夜趕科場,誰對誰錯?沙膽虹覺得,這難言對錯,畢竟買樓是一個投資決定,除了涉及對後市睇法,亦要視乎自己的狀況和對生活質素的要求。步入中年打穩陣波亦無可厚非,後生仔正值當打年紀,薪金跑贏通脹,即使高價入市買樓,亦唔愁供唔起!
(後記:Ipsos公佈去年十月至今年六月報紙讀者人數調查,不計網絡及手機閱讀人數,收費報紙中,《蘋果》名列第一,而免費報紙之中,《爽報》則屈居亞軍。)
沙膽虹
2 : Sunny^_^(11601)@2012-09-04 11:31:24

第一位既人兄,唔知佢仲有冇做野.

但係咁租樓法再+埋冇工作收入好易坐食山bong.

佢有幾百萬既cash收息,但係生活$呢??一個正常既中產(住開800萬既樓應該都唔只中產)應該每個月使7000-10000到.仲未計去旅行...

PS:湯兄既生活方式當然唔使擔憂...
沙膽 膽虹 手記 昨日 一篇 篇又 又講 講樓
PermaLink: https://articles.zkiz.com/?id=281374

趣BLOGBLOG:講金又講心

1 : GS(14)@2017-05-14 10:44:53

■買到好股票、穩定收息,較傳統的銀行定存、或者高息外幣更具吸引力。





母親節送甚麼畀阿媽,相信是不少子女頭癢的事。今年買了一手中電(002)予母親,原因不外乎每年穩定派息、每年收到四張股息支票,但背後卻想他們知道買到好股票、穩定收息的好處,較傳統的銀行定存、或者高息外幣更具吸引力。很多父母都有炒股,而經常在電視節目中向財演吐苦水的,亦是年長的長輩,不過炒來炒去,都是垃圾的三四線股。很多時候,長輩買股票,為求有穩定回報,但殊不知買中妖股,股價大跌之餘,股息年年欠奉,過了一段時間要大折讓供股抽水,買中幾次,就對股市心死,到了大時代重臨,又被熾熱氣氛吸引入場再買、然後再中伏。香港不乏好股票,但更慘是有更多的衰股票,長者認定了買磚頭好過買股,就是源於成世人,總遇上幾個股渣,守也守唔到。
https://www.facebook.com/stockwing1


早一兩個月寫過買藍籌自製年金,有網友嫌月供會有碎股,想知道50隻藍籌的入場費及股息,統計了數據。買港股煩的地方,是每隻港股一手股數都有分別,藍籌由一手最少的騰訊(100股)至最多的吉利(5000股);最貴藍籌一手入場費是新地(016),以上周四收市價計,最低消費一手1000股超過11萬,隨後是長江基建(1038)及九倉(004),入場費皆超過6萬元。至於股王騰訊(700),每手100股約2.5萬元,兩電則大約3至4萬,煤氣(003)約1.6萬元。最低入場費是內銀,中行(3988)4,000元有找,工行(1398)亦大約5,000元。去年每手派息最多藍籌是電能(006),有近4,000元,這是由於有派特別息的因素;新地及長建則分別有3,850元及2,260元;中電則有1,400元,股息皆超過3厘。幾年前,曾經參加過中電專為股東而設的睇廠活動,「團友」更興奮話,早年曾遇過大老闆米高嘉道理帶隊睇電廠,更難得是帶同子女同行睇電廠運作情況,這是買股收息之外的意外之獲。股榮
https://www.facebook.com/stockwing1




來源: http://hk.apple.nextmedia.com/financeestate/art/20170514/20020700
BLOGBLOG 講金 金又 又講 講心
PermaLink: https://articles.zkiz.com/?id=332915


ZKIZ Archives @ 2019