張兆輝同前世情人 西貢賞夜色
1 :
GS(14)@2017-04-14 11:12:50■張兆輝本周一在西貢遇到fans拍照,女兒識做站在一旁。讀者提供圖片
【爆相爆片】現年54歲的張兆輝,是導演杜琪峯御用演員之一,他近日回巢返無綫與46歲陳松伶合作拍劇。曝光率增加自然多人認得,本報讀者張小姐透過《蘋果》爆相爆片,指大前日見到張兆輝跟一名妙齡少女親熱同行。張小姐透露本周一傍晚在西貢見到張兆輝,身邊還有一位穿短裙的少女,她說:「見到張兆輝喺西貢碼頭拖住個女仔沿住海邊行,中間佢哋都好親熱,又攬腰又拖住好親密,仲見到張兆輝攬到實陪個女仔睇海。」
「一直都係咁癡纏」
張小姐起初以為是張兆輝跟太太,但年紀相差太遠:「我以為佢哋係拍戲,但係睇真啲附近又冇攝影機,之後見佢哋入咗去一間海鮮店,不過見到人多就耷低頭,跟住有fans截住男嘅影合照,女嘅好識做行開,好似好避忌咁!」張兆輝太太接受訪問時笑着回應,直言是美麗的誤會:「哈哈哈,咁都有得爆,嗰個女仔係阿女嚟㗎!嗰晚大仔有啲同學喺英國嚟咗香港,我哋咪一家人去咗西貢食飯,佢哋兩父女不嬲啲感情都好好,成日出街都會手拖手,一直都係咁癡纏!」其舉動更印證女兒就是父親的前世情人。撰文:唐心悠
■張兆輝陪Twiggy在西貢碼頭望海。讀者提供圖片
■張兆輝與女兒攬腰同遊,感情非常要好。
■顧家的張兆輝(中)不時跟兒子Edison及女兒Twiggy外出食飯。微博圖片
來源:
http://hk.apple.nextmedia.com/entertainment/art/20170414/19989506
【《蘋果》專訪】一講仔女即喊張兆輝獻唱冧妻「一生中最愛」
1 :
GS(14)@2017-06-10 13:09:27■自爆被老婆彈似一碌木的張兆輝,拿起結他即變型佬。
現年54歲的張兆輝是行內公認的好男人、好老公和好爸爸,日前他應《蘋果動新聞》邀請在鏡頭前獻唱《一生中最愛》送給太太郭碧妍,認真冧死人。
■張兆輝即場獻唱《一生中最愛》冧太太,輝嫂開心拿着手機不斷錄影。
輝嫂
■張兆輝十分疼錫太太及子女,直言曾因不捨離港拍劇而落淚。
每朝陪女食早餐
張兆輝跟太太結婚20年來一直恩愛,不過輝哥受訪時透露,原來輝嫂覺得他像「一碌木」,他說:「成日都話我木無表情呀,或者又唔浪漫呀。?家知道呢樣嘢唔啱,就慢慢改變啦,有時見到啲歌詞好冧,咪唱畀佢聽表白一下,咁佢真係我一生中最愛嘛!」除太太外,一對仔女亦是輝哥的命根,雖然拍劇時間日夜顛倒,但輝哥稱會爭取「親子時間」:「咪入去房望吓佢哋,見到佢甜睡嘅時候,已經好安慰㗎喇,有時又幫佢冚吓被,索吓佢啖味咁樣囉!」講到以前首次要離港拍劇,臨走前想起要離開家人,輝哥更講到眼泛淚光。細女張卓姿下年會跟哥哥張焯鏗去留學,輝哥直言不捨,惟有盡量抽時間陪伴:「?家每朝都6點半起身陪個女食早餐,抱抱、傾吓偈維繫感情。」
下定決心Keep Fit
82年完成訓練班入行至今超過30年,輝哥近年除工作外,會更珍惜跟家人相處時間:「我哋喺呢一行日拍夜拍,日做夜做,突然間有一日see you,好似曾守明,我之前都有同佢WhatsApp,點知會突然間發生呢啲事?經歷多咗,做人要珍惜時間。」輝哥透露劇集出街後迷倒少女觀眾,他表示:「之前我去一個活動,有啲小妹妹叫我大莊生(劇中名字),又讚好靚仔,真係多謝大家支持。」他指以前曾有段身形暴脹的時間,直到六年前才下定決心keep fit,更鼓勵新一代藝人,努力做好角色,裝備好自己。採訪:何慧斯、懷鈺攝影:沈健程服裝:Ted Baker化妝:Frances Ho of jessicachan_make-up場地提供:Big Echo
來源:
http://hk.apple.nextmedia.com/entertainment/art/20170608/20047960
【唔捨得個女】54歲張兆輝一講即喊半夜入房聞陣味
1 :
GS(14)@2017-06-10 13:09:27一講起女兒之後將離港升學,本來一直健談風趣的輝哥突然眼泛淚光。
張兆輝除咗識得唱情歌冧老婆,查實講到佢17歲嘅囝囝張焯鏗同13歲嘅張卓姿,輝哥都一樣咁鬼冧!講到以前拍劇搞到日夜顛倒,親子時間自不然唔多,之不過睇你點樣分配時間啫,輝哥話就算佢哋瞓晒覺,都會爭取時間「親子」:「咪入去房望吓佢哋,見到佢甜睡嘅時候,已經好安慰㗎喇,有時又幫佢冚吓被,索吓佢啖味咁樣囉!」
仔女o依家都17同13歲,輝哥諗番佢哋細個就最開心。(被訪者提供圖片)
輝哥講起個女就唔停口。(被訪者提供圖片)
收工返到屋企,仔女瞓晒覺,輝哥要聞吓佢哋陣味「親子」吓。呢個係妹妹BB(被訪者提供圖片)
其實聽落一啲都唔重口味,如果你哋都係工作型父母,都一樣會咁做,你懂的!之後輝哥講到第一次要離開香港幾個月拍劇,見唔到家人嗰種感覺,講講吓仲眼濕濕話:「我有個電腦入面有好多佢哋細個嗰啲相同短片,我太太唔俾我睇㗎,因為怕我會感觸,佢話:『嘩!你睇埋呢啲咁嘅片,仲聽埋呢啲咁憂怨嘅歌,梗係唔開心喇!』」仔女細細個時就最得輝哥鍾愛,因為成日都喺自己身邊嘛,尤其囡囡呀:「細女細個好得意㗎,譬如佢自己好輕鬆行咗去前面都好喇,咁我喺後面,佢行吓停吓又望番轉頭,見到你又走番埋嚟捉住你對手拖,即係永遠都係喺身邊。見唔到我,又會猛問daddy喺邊度呀,成日都daddy、daddy。」又諗番起件冧爆事件:「個女兩歲時,夏天好熱㗎嘛,我着鞋嘅時候,已經一頭汗,佢就行去攞張紙巾幫我抹汗,嘩…仲唔值呀,超值啦!嗰陣時兩歲咋喎。」人哋話女兒係爸爸嘅前世情人真係冇講錯。
唔捨得。真係好唔捨得。
有時要離家幾個月去拍戲,輝哥掛住啲仔女就會睇相,然後好感觸。(沈健程攝)
不過細女下年會跟埋哥哥去留學,輝哥都話唔捨得,但係諗深一層都希望佢學多啲,惟有自己抽多啲時間飛去探佢哋,又話好彩近排都係喺香港工作:「咁咪可以留喺屋企,又可以去拍嘢,拍完辛苦又可以見到啲家人,如果呢幾個月又離開屋企,咁咪又少咗幾個月見面。」珍惜同家人嘅相處嘅輝哥,o依家每朝都6點半起身陪個女食早餐,抱抱、傾吓偈維繫感情。唔知輝哥遲啲又會唔會做「呷醋外父」呢?「我唔敢諗咁遠喎!呢啲嘢順其自然喇!如果佢真係搵到一個好好嘅男仔照顧佢又愛佢,冇所謂,最緊要佢開心快樂喇!細個嘅時候喺daddy身邊好快樂,大個嘅時候喺佢愛人身邊一樣要好快樂!」
哥哥已經去咗外國升學,下年到妹妹喇,輝哥兩老當然唔捨得。(被訪者提供圖片)
妹妹細個好得意,唔怪得輝哥咁錫佢。(被訪者提供圖片)
採訪:何慧斯、懷鈺攝錄:馮峰、Neo攝影:沈健程服裝:Ted Baker化妝:Frances Ho@jessicachan_make-up場地:Big Echo
來源:
http://hk.apple.nextmedia.com/entertainment/art/20170608/20047946
張兆輝1700萬破頂價沽翠擁複式 曾用作自住 持貨14年賺逾千萬
1 :
GS(14)@2019-03-13 09:43:14https://www.mpfinance.com/fin/da ... 0857&issue=20190313
【明報專訊】樓市氣氛轉熱,市場上陸續有屋苑錄得破頂成交之際,名人亦趁勢沽貨,由藝人張兆輝及其妻郭碧姸聯名持有的馬鞍山翠擁華庭一伙逾千呎特色戶,新近以1700萬元易手,創屋苑成交價新高,持貨14年帳面勁賺逾千萬元;另沙田新城市廣場有3房戶以1833萬元成交,成交金額亦創下屋苑新高。
明報記者 謝穎怡
美聯高級營業經理陳少鴻表示,馬鞍山翠擁華庭1座頂層C室,實用面積1105方呎,屬複式連平台特色戶,平台約175方呎,外望山景,附設雅致裝修,單位原以1800萬元放售,放盤約一年,累減100萬元或5.5%,終以1700萬元易手,實呎15,385元,成交金額創屋苑新高紀錄。
土地註冊處資料顯示,上址原業主為張兆輝(CHEUNG SIU FAI EDDIE)及郭碧姸(KWOK PIK YIN CONNIE),兩人於2005年以653.8萬元買入,曾作自住用途,現持貨約14年帳面大幅獲利1046.2萬元或1.6倍。資料顯示,張氏夫婦目前仍持有薄扶林貝沙灣2期8座一伙高層戶,單位實用1376方呎,兩人於2010年斥資2236萬元連車位買入,料市值逾4000萬元。
與妻仍持有貝沙灣市值4000萬豪宅
此外,盤源短缺下推動部分單位以高價易手。美聯助理區域經理梁兆堅表示,沙田新城市廣場3期2座紫藤閣高層D室,實用1018方呎,屬3房間隔,獲同區換樓客以1833萬元購入,創屋苑成交金額新高紀錄,實呎18,006元。據悉,同類單位未有其他放盤,上址原開價1850萬元,終減價17萬元易手,原業主則於1990年220.94萬元一手購入,持貨約29年,帳面獲利約1612萬元或7.3倍。
另市場追捧600萬元以下、可承做八成按揭樓價上限的盤源。代理指,東涌區600萬元以下單位集中於東環1房戶,推動屋苑兩日連錄5宗1房成交。中原分區營業經理陳旭明表示,東環3A座中層8室,實用378方呎,1房間隔,新近以548萬元易手,實呎14,497元。
新城市廣場1833萬創屋苑紀錄
原業主2015年以413萬元一手買入單位,之後一直出租,持貨約4年,帳面獲利135萬元或33%。
慈雲山居屋慈愛苑3房直逼800萬元,市場消息指,慈愛苑G座高層6室,實用650方呎,3房間隔,新近以799萬元(已補地價)易手,實呎12,292元,成交價創屋苑自由市場價新高,原業主2012年以500萬元(已補地價)買入,持貨約7年,帳面獲利299萬元或60%。
Next Page