出土男神 54歲型爆復出 銀髮林俊賢：我啲經歷慘過《大時代》
1 :
GS(14)@2015-06-11 12:47:382015-05-28 NM
消失娛圈近廿年的無綫小生林俊賢，去年低調復出拍電影《最佳嫌疑人》後，早前再為應采兒做監製的網劇《天才在左瘋子在右》埋位，五十四歲一頭銀髮的他，依然型英帥。離開娛圈後兩度炒股輸身家，身心受挫搞到身體出問題的林俊賢，經過痛苦掙扎成功翻身，變成證券行、廣告及製作公司老細；見重播《大時代》被熱捧，林俊賢說：我啲炒股經歷慘過《大時代》。
免疫系統失調
一頭銀髮，身形健碩的林俊賢，比起廿年前在成名作《男兒本色》飾演徐湘，更多添了一份成熟的型格，從商多年，經常要穿梭北京、深圳，戲癮發作，林俊賢重操故業，為處女監製應采兒埋位拍網劇。「我做個有精神病嘅智者，睇完劇本就好想做！我自己身體都有啲不好，四年前患上蕁麻疹，唔可以太操勞，太大壓力或唔開心，會好易復發。拍呢個劇講明只係要十幾日，又俾足時間休息，咁先接。（如果無綫搵你？）我都會考慮玩吓。」林俊賢說。
輸兩次身家
離開娛圈的日子，林俊賢經歷大起大跌，情緒受困，因而令免疫系統失調，賠上健康。據了解，離婚後，女兒跟前妻生活，之後的一個女友為林俊賢誕下一子，其時，他轉行做股票行，全職炒股，因為買賣神仙股，輸掉整副身家，女友亦因此帶同兒子離他而去，四十幾歲人，人又冇錢又冇，輸晒！林俊賢面對現實，咬緊牙關由零開始。邊度跌低，邊度起番身，到投資公司做策劃，又兼職做廣告，終於成功翻身。不過，歷史○七年再重演！林俊賢說因為miss咗個call，就錯失了一個大買賣的決定，股票投資，再次輸清光。林俊賢的股場經歷，拍得住《大時代》的劇情。「輸晒，全部輸晒！《大時代》只係做戲，我慘好多！做生意就好似賭博一樣，有起有落，有順有唔順；不過都過咗，經驗多咗，依家做生意學識穩陣，唔會俾自己再跌。諗番轉頭，我奉勸年輕人有乜大不了，瞓醒一覺，起身就冇事。」林俊賢說。
甲一球員變小生
入無綫讀第十一期藝訓班前，六呎高的林俊賢是籃球港隊甲一組球員。82年藝訓班畢業，同期有歐陽震華、吳鎮宇，87年在《男兒本色》擔正跑出；之後轉攻電影，又出過兩張唱片，95年轉行離開娛圈。
最想同萬子合作
屢敗屢戰，從失敗中吸取教訓的林俊賢索性開證券公司，教人投資。「做證券行咪唔使驚！投資其實冇問題，但如果抱住以小博大心態，咁風險就大好多，所以應該投資唔係投機。例如窩輪，你用對衡角度睇就好安全。」講起投資心得，林俊賢滔滔不絕。除了金融生意，林俊賢說他會投資電影，新片已開始籌備中，對於同期的戰友黎明，仍有保持聯絡，但林俊賢最想合作的藝人是萬梓良。當提到當年同劉嘉玲傳緋聞，林俊賢不忿說：「我都唔知點解當時會有呢啲新聞出現，我都要向劉嘉玲講聲唔好意思！趁呢個機會，鬧一鬧作呢單嘢條友XYZ……」當年憤青，今日五十四歲，一樣有火。
15年後父女重逢
錢銀，女人！同樣兩次打敗仗的林俊賢強調現階段是單身。對於再搵番個伴，他說：「成日都搵o架啦！（仲有冇同前妻或者以前啲女友聯絡？）之前嗰啲都唔理我喇！」當年前妻帶埋女兒離開，從此失去聯絡。林俊賢尋親抽絲剝繭，在fb尋遍跟女兒出生日期相同的女孩，再從其他蛛絲馬跡確定身份，之後搵朋友跟女兒在fb做friend，一步一步發展至約出來見面，至安排父女重逢。見面一刻，林俊賢哭了。女兒今年20歲，跟細仔一樣不時都有聯絡，彌補失去。
唔幫拖 大女要做Model 林俊賢經濟封鎖
1 :
GS(14)@2015-06-18 14:38:082015-06-18 NM
前無綫小生林俊賢離開幕前後經歷人生「大時代」，輸身家妻離女散，再翻身變證券行、廣告及製作公司老闆的他，最近復出過戲癮，依然有型有款。遺傳父親演藝細胞，與林俊賢六年前再相認的長女決定入行做model，但他極力反對，講明唔幫拖。積極減磅
林俊賢跟第一任中英混血妻子所生的女兒Denice，今年二十歲；據了解，六年前跟分開超過十年的生父相認後，父女倆經常見面，知道Denice收入有限，林俊賢亦會定時定候給零用錢。「Denice做保險嘅，早排都攞咗傑出營業獎，不過係一team人攞嗰種，所以佢搵錢其實唔多。」知情 者說。貌似梁洛施，有175cm高、四十三吋長腿的Denice，兩年前曾經嘗試向模特兒公司探路，但因為一身baby fat，被拒諸門外。「嗰次之後佢積極減肥，keep住日日做運動，個人細咗成個碼。其實Denice知道老豆唔鍾意佢入行，今次都係叫表姑姐（李思捷緋聞女友Naomi）幫手，安排佢去模特兒公司面試，都見咗四、五間，反應都唔錯，都覺得Denice有條件，不過仲未落實簽邊間。」
拒絕同場
有名氣父母幫出面，星二代入娛圈可以慳唔少力，但林俊賢就講明唔贊成，更加拒父女同場，尤其擔心女兒三分鐘熱度，所以會實行經濟封鎖，令Denice明白做藝人又好，做模特兒又好，也不能抱住玩玩吓心態。「Denice有時買嘢會問爹哋攞錢資助，自從決定入行，佢爹哋就話唔會再俾錢佢使，仲講明唔會好似黃日華咁，同個女一齊出活動撐場，總之Denice要靠自己，唔好諗住搵老豆幫手。」知情者說。上週五（六月十二日）晚，記者發現一身運動服打扮的Denice，跟住表姑姐Naomi到銅鑼灣買化妝品，行完連卡佛再轉戰崇光，掃完貨，再到附近商場餐廳醫肚，表姑姐請客。對於表哥林俊賢反對Denice入行，Naomi避重就輕說：「唔算支持。（經濟封鎖佢？）佢大個女，都係時候自力更生。」
星二代出台
星二代入娛樂圈，未必一定可以順風順水大紅大紫，但無論星級父母支持與否，單是「星二代」招牌，已經着數咗！
翁靜晶大女劉萬儀花了多年時間攻讀法律考得律師資格，但劉家良與翁靜晶長女劉萬儀卻一意孤行要入娛圈，並以27歲「高齡」簽約模特兒公司，早前更有機會在紐約舉行的「Tribeca Film Festival」電影節嘗試採訪工作。
關禮傑女兒關楓馨在英國升讀大學的關楓馨，現年21歲，憑着陽光膚色及野性外形，去年暑假回港被廣告商邀請處女行天橋。賺咗五萬蚊零用錢的她，有意畢業後正式入行。
龔慈恩大女林愷鈴現年得15歲的Ashley（林愷鈴）是六級鋼琴高手和有聲樂底外，更常在朗誦比賽得獎，有樣有才華的她，出席過幾個品牌活動都成為全場焦點，不過龔慈恩堅持女兒先完成大學。
上山詩鈉女兒Hilary遺傳媽咪基因，自小已擁有一副上鏡面孔的Hilary，18歲亭亭玉女加埋惹火身材，索過唔少花旦，更是星二代當中的傳媒至愛。今年8月將到波士頓讀大學，但亦有傳她會簽約蕭定一公司。
星二代集中地關禮傑囡超甜 林俊賢囡超索
1 :
GS(14)@2016-09-02 05:49:43前晚中環Dior唇膏活動真係星光閃閃，星二代雲雲，包括應該係最索嘅關禮傑女兒關楓馨，仲有林俊賢女林鈺洧、鄭丹瑞女兒鄭瑤、湯鎮業女兒湯愛嘉，以及何超鳳女兒何鍶珩等等等等。五位美女跟番大會dresscode，以黑、紅或白色現身，一身成熟打扮，林鈺洧更加係高人一等，鄭瑤同關楓馨就嬌小可人，何鍶珩就高貴成熟，湯愛嘉輪廓似足英俊老竇，各有各靚。關楓馨啱啱喺英國大學畢業，之後計劃去澳洲working holiday一年，呢排都會出吓活動接job：「電視、電影同做模特兒都可以試下，不過唔會叫爹哋搭路，要靠自己，爹哋媽咪都好支持我。」至於會否接受拍親熱戲？關楓馨就話：「未諗到咁遠，如果有親熱錫嘴，都會問爹哋媽咪，始終係屋企人，男友都要問，佢都好支持我喺呢行發展，佢唔會呷醋，佢明白係工作。」林俊賢個女林鈺洧就透露會專注模特兒發展，都會考慮拍戲：「要學好做戲，不過未搵到老師，唔會搵爹哋，佢忙緊喺大陸做生意，亦都唔會特別搵佢介紹工作畀我。0依家工作量都OK，會想喺香港做模特兒工作，等香港成功先出去發展，自己最鍾意係Victoria's Secret天使模特兒Candice，自己就冇咁嘅身材做到，因為鍾意食嘢，惟有每個禮拜做多啲運動keep住身材。」
來源:
http://hk.apple.nextmedia.com/entertainment/art/20160902/19757102
林俊賢女陪仔買底橫
1 :
GS(14)@2016-12-24 10:55:34■林俊賢女兒林鈺洧和男友昨晚在銅鑼灣拍拖。
林俊賢女兒林鈺洧（Denice）以星二代姿態入行做模特兒，甚少提感情事，不過原來已有一個六呎男友。昨晚6時多，二人現身銅鑼灣，Denice身穿黑色皮褸、短裙與黑絲襪打扮，蹺實男友手臂去希慎廣場睇衫，她細心幫男友揀孖煙囪，不斷與男友有商有量，最後逗留了20分鐘便埋單走人。
Denice和男友離開時全程手拖手，男友趁搭扶手電梯時出手攬腰兼錫面。其實二人拍拖至少有大半年，本報曾於4月影到二人在中環吃拉麵，之後男方做柴可夫送女友返將軍澳寓所。此外，范姜與富商劉定成分別在中環名店購物。採訪、攝影：畢紹基
來源:
http://hk.apple.nextmedia.com/entertainment/art/20161224/19875087
民建聯推何俊賢頂鼎查UGL
1 :
GS(14)@2017-05-27 08:51:59■蔣麗芸昨於立法會內會發言時，舉起梁繼昌大頭相，質疑議員無權查特首。謝榮耀攝
【本報訊】立法會內會昨日同意於下周五內會上，就周浩鼎辭職遺下的調查UGL事件委員會委員空缺進行補選。民建聯議員何俊賢昨承認，黨高層早前邀請他替代周浩鼎出任委員會職務，他覺得可盡力而為，希望向黨團和公眾作一個交代。據知民主派暫決定派社民連「長毛」梁國雄對撼，然而內會在建制派佔多數下，相信勝算不高。
蔣麗芸舉相狙擊梁繼昌
立法會內會昨日開會，討論補選安排期間，獨立議員毛孟靜籲建制派「應諗一諗，唔好諗住個位係世襲、一定要民建聯擺番個人出嚟代替佢」。民建聯蔣麗芸接着發言時，表明不會加入委員會，隨即批評專責委員會並無權力及特權法授權，是「冇控方、冇辯方、冇證人」，質疑「靠乜去查呢？靠想像力呀？咪又係吹水會」，並突然高舉林卓廷大頭相，指林曾就UGL事件舉報梁振英。蔣的做法惹內會副主席郭榮鏗不滿，不明白內會主席李慧琼為何容許蔣離題攻擊議員。李慧琼就聞言後即叫蔣不要離題，但蔣未有聽從，並舉起梁繼昌大頭相再攻擊，惹來民主黨黃碧雲向李慧琼投訴，「你（李慧琼）個黨友都唔聽你講」。李慧琼反指「剛才毛孟靜都離咗題，我要對議員公道啲」，說法惹來毛孟靜批評是「馬後炮」。民主黨尹兆堅亦要求李慧琼交代，根據哪一條議事規則，主席可以在議員違規發言時不作警告，再容許另一議員違規發言。最終蔣麗芸「補鑊」，指自己無攻擊任何議員，「我要講大把機會講，為免你（李慧琼）難做，我暫停唔講住」。最終內會通過於下周五內會，進行相關提名同補選。■記者林俊謙
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170527/20035382
林俊賢喊住認番個女
1 :
GS(14)@2017-06-18 11:18:12曾經結過兩次婚的林俊賢，與前妻所生的女兒林鈺洧（Denice）一直沒有聯絡，女兒亦由歲半開始未見過爸爸，直至數年前林俊賢主動於facebook與Denice相認，父女才有機會重逢，Denice更爆父親當時激動到哭。遺傳了父親優良基因的Denice，近年更跟隨父親加入娛樂圈，於模特兒公司做楊穎（Angelababy）師妹及返內地拍劇。日前Denice與父親慶祝夜蒲，提早慶祝父親節。Denice於微博上載父女合照，更留言說：「今晚第一次跟爸爸喝酒，開心。」林俊賢雖然已經56歲，但他除了一頭白髮外，樣貌和身形均保養得宜。撰文：魯吉
來源:
http://hk.apple.nextmedia.com/entertainment/art/20170618/20059456
Next Page