ZKIZ Archives


【親子籽】BB每日沖涼傷皮膚 唔沖反而仲好?

1 : GS(14)@2016-05-24 10:47:57

天時暑熱,好多時坐坐下會出汗,所以好多人夏天會每日沖幾次涼,你以為沖得多就代表乾淨,沖得多就一定好?未必!


美國一個親子Blogger叫 Lauren Knight指,當大兒子還是BB的時候,每晚都會替他洗澡,卻沒想過這正是導致兒子的背脊和腳部濕疹的元兇。Lauren指,後來因為再生多了兩個兒子,兩夫婦都太忙,沒有時間為幾個兒子每晚洗澡,所以有時會隔三日(甚至更多)才涼一次,她發現大兒子的皮膚反而變好,所以認為洗澡太多會傷皮膚。她曾閱讀一本由生物學教授Dr. Rob Dunn寫的書,書中指因為人人都怕細菌,所以近年越來越多抗菌及消毒產品出現,父母去到任何公眾地方都會拿出消毒濕紙巾或消毒洗手液為孩子消毒,生怕有細菌感染。其實曾有研究指該類產品含有農藥,過量使用反而對人體免疫系統有害,因為免疫系統始終需要一些微生物和腸道細菌才能正常運作,保護身體健康。咁小朋友到底應該幾耐沖一次涼呢?美國皮膚病學會(The American Academy of Dermatology)指出,6至11歲的孩子應該每星期最少洗澡一至兩次,或者玩到全身污糟、游水後、或流了一身汗後才洗。澳洲寶寶中心(Baby Center)則建議,BB每星期洗澡兩至三次便足夠,但當然要每日洗臉,換片後也要如常清潔。大一點的小朋友,當父母嗅到異味或眼見有點污糟才洗澡也沒有問題,平時多用傳統的肥皂和清水洗手,勤換乾淨衣服便可。資料來源:essentialbaby記者:黃子配





來源: http://hk.apple.nextmedia.com/su ... t/20160523/19623260
親子 BB 每日 沖涼 皮膚 唔沖 反而 仲好
PermaLink: https://articles.zkiz.com/?id=301385

【自製沙冰】韓國即即冰熱賣斷貨 買益力多自製仲好味!

1 : GS(14)@2016-09-29 08:06:35

乳酪多即即冰在韓國甫發售即大熱,明星飲、小朋友都飲,每個人去到韓國都爭相買支打卡呃like。近日,香港7-11終於都有得賣,記者買了一支實試,成$19.9一支,雖然看起來很大包,但只有170毫升,感覺頗貴。有些分店更已全數售罄,完全沒有貨。



買不到、不捨得買,但又想試?其實很簡單,買支益力多就得。$3至4一支,一支100毫升,買夠兩支就有200毫升。做法超級簡單,只需兩個步驟:一)把益力多放入冰箱;二)等等等等等。幾個鐘之後,食得!兩者倒出來,不論顏色或口感都差不多。至於味道,乳酪多即即冰甜度濃郁,但乳酸味欠奉;相反,自製益力多沙冰很香乳酸味,甜度適中。論方便程度,韓國乳酪多一開即食當然較為方便;最後論價錢,當然是益力多大勝!選那款,就自己想吧。記者:李珮禎攝影:鄧鴻欣 


韓國乳酪多即即冰,香港7-11近日有得賣,$19.9一支。

自製益力多沙冰非常簡單,放入冰箱就得。

韓國乳酪多冰與自製益力多沙冰,兩者倒出來,不論顏色或口感都差不多。



來源: http://hk.apple.nextmedia.com/su ... t/20160929/19784844
自製 沙冰 韓國 即即 熱賣 斷貨 買益 力多 仲好 好味
PermaLink: https://articles.zkiz.com/?id=310613

【星級醬油】紅酒調味推薦配牛扒實試夾雞蛋仲好味

1 : GS(14)@2017-01-09 08:11:53

為了做出中、西餐都合用的醬油,Robuchon特別用了蘋果、石榴、櫻桃及紅酒做調味。醬油香甜,帶淡淡酒香,$64.9。



國際級名廚推出調味料並不是新鮮事,像Jamie Oliver推出的種類更是多不勝數,但像獲得最多米芝蓮星星的法籍名廚Robuchon這樣撈過界,推出亞洲調味料,卻應該前無古人。Robuchon與全日本銷售量第二的著名醬油公司山字牌(Yamasa)合作,以醬油公司最頂級、鹽粉比一般日式醬油少50%的醬油,「鮮度之一滴」做底,加入蘋果、石榴、車厘子及紅酒做調味,製成紅酒味醬油。除了成份與一般醬油不同外,連包裝都特別過人,不用玻璃用膠袋。這樣不但方便使用,更有效阻隔醬油與空氣接觸,室溫保存180日,鮮味仍不會流失。聲稱用途廣泛的紅酒醬油,標榜無論中菜、西菜都合用,網頁中最推介的食法,竟然是「九唔搭八」的配搭--醬油煎牛扒。我們分別試用它來為牛扒、味道清淡並與醬油味道很匹配的煎蛋調味。根據網上的食譜,我們把牛扒兩面煎得金黃後,倒進適量的紅酒醬油調味,待牛扒吸收醬油後即成,味道竟然出乎意料地夾,沒有不淪不類西菜變中菜,而且鹹度亦比鹽易控制得多。煎蛋,我們直接把醬油淋上,由於雞蛋味道比牛扒清淡得多,紅酒醬油的酒香和甜味更突出,果然比一般的日式醬油好,不過300毫升卻索價$64.9,常備中式醬油的家庭未必會買。



煎牛扒是他們其中一個建議的食法。把醬油直接淋到煎得金黃的牛扒上並煮至收汁。牛扒散發淡淡的酒香,比用鹽來調味,鹹度更易掌握,不過甜味並不突出。

煎蛋味道清淡,紅酒醬油的味道更突出,味道甜甜的,有酒香,比一般醬油的味道更富層次感。

Jason's food& living銅鑼灣希慎廣場B2記者:吳宛蔚攝影:周芝瑩




來源: http://hk.apple.nextmedia.com/su ... t/20170109/19890639
星級 醬油 紅酒 調味 推薦 牛扒 實試 試夾 雞蛋 仲好 好味
PermaLink: https://articles.zkiz.com/?id=322063

太古廣場:仲去日本掃平藥妝?直接送到屋企仲好啦!

1 : GS(14)@2017-01-21 03:35:02

想趁yen再上之前平買藥妝?唔使搶平機票去日本入貨嘅傻豬,呢個世界有Amazon㗎嘛,仲有直送香港㖭!價錢分分鐘仲平過喺日本藥妝店呀、驚安之殿堂買㖭呀,跟家姐嚟網上爆買啦!最近毒霧咁嚴重,梗係要大手入口罩啦。有隻日本好出名嘅口罩,一嚟佢產品名叫「超立體」,戴咗真係唔會頂住口鼻;二嚟佢勾住耳仔條繩係紗布料,又舒服又貼面,家姐我次次都俾人託買勁多,搞到要爆買。呢款口罩七片裝喺藥妝店賣380yen已經覺得好平,Amazon竟然仲只係賣268yen,即係每個口罩都係兩個幾港紙咋!可以大手入貨抗毒霧啦!



另外港女最鍾意托返嚟嘅平面膜都有,阿信屋旗下Kawaiiland都有賣嘅日本Pure Smile面膜,香港一塊賣幾蚊,日本藥妝店有8片裝,Amazon只係賣436yen,除返開每塊都係3個幾港紙咋陰功!一大盒有42塊嘅Lululun Mask都有得賣,仲要同藥妝店免稅個價錢一樣,只係1,500yen!同價之餘最重要係唔使托,42片裝喎,買多幾盒都拎唔到返酒店啦!喺屋企就買到日本藥妝係好high,咁但係運費呢?自從日本Amazon上年開始直送香港之後,運費真係平到笑。當我買三磚Lululun面膜(真係成嚿磚咁)、三包口罩,同埋頭先講嘅Pure Smile面膜,仲有啲洗面乳補充裝咁,埋單運費都只係80幾蚊港紙,就有速遞送到門口。會唔會好耐先?我唔直接答你,我用例子答你:家姐我喺日本Amazon買過兩次嘢,星期三落單,星期六就收到速遞電話到咗門口!仲快過喺日本買完去郵政局寄返香港呀!(除非你寄超貴EMS啦吓)



■咁大盒mask都係同日本同價,仲要唔使自己托返嚟。

■有圖有真相,8片裝都係賣400幾yen咋。

■運費100蚊都唔使,仲計埋個rate畀你睇,唔滿意Amazon個rate仲可以揀返用yen找數。

會唔會驚上網賣嘅係假嘢?放心,Amazon唔係強國嘅產物,你會見到產品賣家其實就係官方,例如喺Amazon賣雪肌精嘅會係Kose,由官方供返貨畀Amazon,分分鐘仲信得過你喺啲不知名又好平嘅藥妝店買呀。唔止女人嘢,日本Amazon買DVD甚至blu-ray都係平到笑,兩者仲要多數同價。之前諗住買返隻《Interstellar》嚟儲,隻blu-ray都只係1,080yen,即係70幾蚊港紙咋!當然係無中文字幕嘅,但都仲有英文同日文揀,英文唔好可以考慮番喺香港用幾百蚊買。



最後,都有啲嘢係Amazon買唔到嘅,因為暫時可以寄嚟香港嘅貨好有限,嚟緊會唔會增加就唔知喇。首先大部份藥品類都唔寄得,龍角散呀、咳丸傷風丸一律NO;另外有啲大牌子例如雪肌精同埋Sofina都係唔賣海外的,梗係啦平咁多,你叫香港門巿仲使做嘅?所以要買呢啲,就要飛一轉日本喇。



【家姐教路】係,日本Amazon係用日文嘅,但其實買嘢都係睇嗰幾樣:產品名、價錢、數量㗎啫。喺Google搵返件產品嘅日文名,再copy& paste落Amazon search bar就可以搵到。最最最緊要係search完要搵左手邊一個叫「絞り込み」嘅物體,其實即係narrow search,㩒呢個再揀海外配送(Amazon Global),就會show晒邊啲貨送香港。唔識咪搵個識日文嘅朋友幫手囉,仲易過搵人幫你托貨返香港啦。



提供上面講過嘅產品日本名畀大家search:超立體口罩:ユニ・チャーム超立体マスク
Pure Smile面膜:ピュアスマイルエッセンスマスク
Lululun面膜:フェイスマスクルルルン



關家姐
http://fb.com/kwangajei本欄逢周五刊出




來源: http://hk.apple.nextmedia.com/financeestate/art/20170120/19902446
太古 廣場 仲去 日本 掃平 藥妝 直接 送到 屋企 企仲 仲好 好啦
PermaLink: https://articles.zkiz.com/?id=323371

【CheckCheckCin】秋分到仲好濕熱 日日飲杯米水脾氣好

1 : GS(14)@2017-10-09 03:47:33

米水不是洗米水,又比薏米水性質更平和。



踏入秋季第四個氣節秋分(9月23日,周六),亦剛好是秋季的中間點。香港屬南方氣候,雖然已過立秋,日漸乾燥,但天氣依然偏熱。到了秋分,才算是正式入秋,但由於氣候原故,我們可能開始感受到絲絲秋意,但要跟着節氣養生,還是要先配合自己體質。



其實一年四季都應該健脾胃,脾胃狀態好自然能強身防病,假如脾胃虛弱,反而吃甚麼滋補食材也不能被吸收,所以我們還是應該先健脾再開始潤燥,最好每天飲用一杯屬性平和的米水,理論就好像皮膚要先做磨砂才可好好吸收護膚品。



註冊中醫師梁尹倩

米水並不是薏米水、洗米水或粥水,而是以紅米、白米及生薏米煲製而成,比一般只有袪水作用而又偏涼的薏米水更平和,最適合香港轉季天氣飲用!但記住要天天煲,一天飲完,不要過夜。米水(一人份)材料:紅米2湯匙白米半湯匙生薏米半湯匙做法:將材料洗淨,鍋內加入約800-1,000毫升水,再加入材料,以武火煮滾後調文火煮20-30分鐘。撰文:註冊中醫師梁尹倩@CheckCheckCin2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170923/20161295
CheckCheckCin 秋分 到仲 仲好 濕熱 日日 飲杯 米水 脾氣
PermaLink: https://articles.zkiz.com/?id=342291

劏場理髮舖 28元單剪冇人吼店主:深圳生意仲好做

1 : GS(14)@2018-01-22 05:29:00

■來小姐開業兩個月,每日生意平均約10宗,生意額僅約280元。王子俊攝

【周末專題】港股新高、樓價破頂,但不代表劏場迎來大翻身之日。劏場經典之一大埔大日子商場開場逾月,場內人流寂靜冷清,一位從業20年的理剪師來小姐,開超筍價28元單剪,仍無人問津,每日呆等客人光顧。來小姐回想,1991年深圳15元剪髮仍能做出約每月1萬多元營業額,慨嘆為何來到大日子商場的生活如此艱辛。記者:黃朗鈞


大日子商場前身為大日子酒樓,2014年由「劏場大王」尹柏權拆售成220個劏舖,實用面積最細僅25方呎,以入場費低至約140萬元及首兩年5厘租金回報保證作噱頭,一星期火速沽清七成舖位,成劏場奇葩。

■大日子商場於2014年拆售成220個劏舖。

吉舖滿佈 無大型品牌

事隔三年,商場現時吉舖滿佈,由地下至3樓所見,全場約有132間吉舖,部份面積約30方呎,佔店舖總數約六成;人流稀疏,逾一小時才有約20至30名顧客進入商場,部份租戶不是玩手機,就是與鄰近店主寒喧。現有店舖中,有美容、時裝、玉石、體育用品、理髮等店舖,大部份為小本經營,毫無大型連鎖品牌進駐,當中除來小姐的店舖外,其他理髮舖收費均30元。商場附近的理髮舖收費則由60元至240元。

50呎舖位 月租$5,000

速剪理髮舖來來速剪於場內開舖兩個月,負責人來小姐除了在商場正門放置「單剪28元」街招外,更親自落場拉客,為求做多幾單生意。略帶鄉音的來小姐坦言,1991年曾在深圳開舖,當時店舖面積約250呎,租金才2,000多元,15元剪一個髮,營業額高達約1萬多元,剪得停不了手,更能聘請員工幫輕負擔。她感慨當年做港人生意為主,小費多,收入高,心情愉快,與現時天差地別。



直至來港生活後,見本港營商環境好,而大日子商場租金比同區便宜,於是小試牛刀,以月租5,000元租下1個50方呎的相連舖位,每呎租金約100元。好景不常,大日子商場人流冷淡,來小姐剛開業曾叫價25元剪髮,經營十日後發現支出過多,惟有加價至28元,每日生意平均約10宗,生意額約280元,最多試過約20多宗,生意額約500元,最少只有約5宗,生意額約140元。假如以22天工作天計算,每月營業額約6,000元,交付租金後只剩1,000元利潤,日常生活捉襟見肘。



來小姐直言,香港生意非常難做,都是大陸那邊好做,她指沒客時只能到商場門口派卡片或清理用具,平日只能吃清茶淡飯和麵包。代理表示,該場目前約3至4個舖放租,平均每呎叫租金92元,平均實用面積25方呎。去年12月商場錄首宗蝕讓成交,土地註冊處資料顯示,2樓222號舖,建築面積58方呎,以80萬元售出,呎價1.38萬元。原業主於2015年7月一手購入,作價178.2萬元,持貨逾兩年賬面蝕98.2萬元,貶值55.1%。此外,有業主於網上放盤,店舖位於一樓樓梯轉角位,實用面積25方呎,叫價99萬,實用呎價39,600元。



來源: https://hk.finance.appledaily.co ... e/20180120/20280474
場理 理髮 髮舖 28 元單 單剪 剪冇 冇人 人吼 店主 深圳 生意 仲好 好做
PermaLink: https://articles.zkiz.com/?id=347050

周顯﹕莊家走晒貨仲好炒

1 : GS(14)@2018-03-19 04:24:45

【明報專訊】近來看到炒新股和半新股,有很奇怪的現象﹕明明看走勢,莊家已經走晒貨,點解隻股票仲會大成交狂升呢?

在很多時候,莊家沽清貨之後,股價反而會升,皆因market force(市場力量)實在太大,所有的沽盤也已經出清了,在沒有沽貨壓力下,上升反而是正常的事。在1997年之前,這是常常發生的事,例如說,有位姓「林」的股壇莊家便對我說過,他在1.4元沽清了所有股票,結果升到2.5元,手上無貨可沽,大呼可惜。

在現在,這些「美麗童話故事」雖然已不多,但也偶有發生。然而,持續上升的時間太長,而且可以過億元成交,成交不減反增,這就是很奇怪的事了。

終於,我在上星期,詢間了一個市場消息靈通人士,他的說法是﹕「現在股壇有一班高手,看通了莊家出清了存貨,自己買進十零個巴仙,便撲入場,大炒特炒。這時莊家手頭沒貨,沒有對手,只要買進千零萬元,股價便可以飛升了。」

短炒密食當三番

我想了一想說﹕「這種做法,2000幾萬元成本,利潤兩三百萬元,好薄咋喎!」

他說﹕「玩T+2,成本係零呀!而且山大斬埋有柴,日日有新股上,當係一盤生意做囉。有時候,隻嘢買入千零萬,過兩日又沽番千零萬,賺幾個巴仙,過兩日又買番,又沽番,走幾轉,炒足一兩個月,都可以好和味㗎!」

由於費事寫足咁多個候選人,所以選舉期間,暫時不寫。有人叫我解釋「焦土」,我引用了投票日網上討論區高登的帖子﹕「當年高鐵卿姐手鬆有財委會過,教協民主黨力推普通話教中文,公民黨係(喺)莊豐源案幫雙非攞到居留權,民主公民兩黨撐領匯上市,仲有打官司幫新移民可以一年攞綜援同上樓,以上種種事迹都係泛民賣港豐功偉績,所以投畀佢哋先係真焦土,記住!3月11日請投咖啡飯同逃蟲痰。」

這句不精彩,下句才是punchline(精華)﹕「泛民式焦土行咗幾十年,好明顯唔work,689式焦土先有用!」

[周顯 投資二三事]


來源: http://www.mpfinance.com/fin/dai ... 0139&issue=20180315
周顯 莊家 走曬 曬貨 貨仲 仲好 好炒
PermaLink: https://articles.zkiz.com/?id=349777

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019