ZKIZ Archives


【簡單係最難】樂器手碟只得八、九粒音 人手製每個萬四元起

1 : GS(14)@2017-01-14 07:55:31

Edmund(右)和黑鬼(左)是師徒,兩人相識於雨傘運動的金鐘。當時黑鬼碰見坐在地上敲打Handpan的Edmund,隨即拿出澳洲原住民樂器Didgeridoo合奏一曲,「我成日覺得Hang(Handpan一種)係好神奇,會聚埋啲啱頻率嘅人,聚聚下成隊band聚咗番嚟。」



從富德樓十四層拾級而上,藍天下的天台,只見兩個男人,一個身穿七彩闊褲、綁了髮髻,一個頂着灰白鬈髮,忘我地敲打手上的「鑊」。他們雙水如行雲流水,叮叮噹噹如雨水滴在銅鐘上,在「鑊」裏交錯回盪,如瀑布流瀉。軒尼詩道的車輛縱橫交錯,汽車聲、叮叮聲、交通燈聲都作了陪襯。明明置身鬧市,卻彷彿飄在繁囂之外,令人心境平靜。「Handpan的音色本身會令你進入某種狀態。佢嘅聲音,其實我覺得係搭咗個橋樑,在城市節奏和大自然節奏之間。我哋會想創造一個城市綠洲,城市裏面嘅一個安全地帶。」較年長的梁卓堃(Edmund)道。他是本地資深獨立音樂人,3年前開始鑽研這「鑊」──樂器手碟(Handpan),並創立了樂團The Interzone Collective,聚集十名分別來自古典樂、民族樂和街頭音樂領域的樂手。而劉進豪(黑鬼)就是其中之一。單從他的打扮就知道他的樂趣在民族樂,「handpan設計好簡單,只有八、九粒音,但係咁有限嘅嘢入面做無限嘅事,係好簡單,不過簡單係最難。」

Handpan如同武士劍唔係入百佳就買到個

Handpan是新穎的敲擊樂器,2001年由瑞士的Panart Studio發明,只有十五年歷史。別看它外形似足隻鑊,但其音色與價錢卻與柴米油鹽沾上不邊──起碼要港幣一萬四千元起跳,才有可能買到這款音色空靈蘊含禪味的獨特樂器。高價只因Handpan非由機器大量生產,每隻都由師傅人手製作,就連音色都可隨買家喜好而定。然而要入手Handpan並非易事,買家需直接與製造者聯繫,說明想擁有Handpan的理由,嘗試打動賣家。黑鬼認為這是很反資本主義的過程,「你幻想一個日本武士,需要造一把屬於自己嘅劍,佢唔可以走入去惠康或百佳買一把劍,一定要去搵個造劍師傅,直接同造劍師傅有聯繫,可能仲要求個師傅,先可以得到一把武士劍,唔係有錢就可買到。」他就花了一年時間,才得到手上的Handpan,如獲至寶,「玩handpan嘅人有個共識,會當佢係藝術品,係有生命嘅,會好尊重佢。」



Handpan外形似鑊亦似UFO,它的音色確實像外太空傳來的空靈之音。

本地首張Handpan大碟《Qualia》,收錄了Edmund十四首solo作品,探索城市人的內心躁動及個人經驗。


以聲音治療塑造城市安全地帶

全港現有約30名Handpan樂手,以往在街頭,你可能曾經見過他們的蹤影。但Edmund認為Handpan絕不止於街頭,「好似小提琴咁有五至六百年歷史,好難發掘新野,而Handpan只有十幾年歷史,仲有好多可能。」網上可見除了街頭外,也有很多國外樂手會帶同Handpan,去郊外演奏。空靈的、回盪的音樂,像在溪邊、又像置身溪谷中,Edmund:說這正正是我們所需要的,「大城市有佢個種生活節奏、方式,亦都會有好多人係鍾意返番去大自然,更著重環保意識。我睇Handpan呢種樂器,佢嘅聲音,某程度上都想回歸大自然。這正正是我們所需要的。」



Edmund說Handpan可以一個人兩隻手表達整隊band,簡單而多變。

原本玩搖滾樂的黑鬼說,本身為人較急躁,傾向用力量解決問題,自接觸Handpan後發現它傳達一種內在力量,讓他學懂如何保持內心沉穩冷靜。

為此,Edmund推出了本地首張Handpan大碟《Qualia》,收錄共十四首solo作品,探索城市人的內心躁動。大碟名稱Qualia意指「感質」,內心深處連串微妙的躁動,Edmund則解作個人經驗,「就算你話我聽你跌斷手你有幾痛,你講十萬個字我都感覺唔到你有幾痛,係好個人嘅感覺嚟。希望啟發到聽眾去思考關於人類經驗嘅野。」而團隊The Interzone Collective更開始研究聲音治療,希望以工作坊形式,借助聲音,令參加者達到三個狀態:放鬆、精神集中、連繫。精神與身體、自己與他人的連繫。「將佢哋從緊張狀態,利用呢啲樂器,帶佢哋去到安全狀態。返番去我哋想做嗰樣野,係城市裏創造一個安全地帶畀人。」工作坊:Tongue Drum/Tank Drum Workshop時間:1月19日7pm-9:30pm
Facebook專頁:The Interzone Collective訪問場地提供:祘鵠(灣仔軒尼詩道365-367號富德樓14樓)記者:封愷瑜攝影:林柏鈞2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://bit.ly/2gcDRuo




來源: http://hk.apple.nextmedia.com/su ... t/20170113/19895170
簡單 係最 最難 樂器 手碟 只得 八、 、九 九粒 粒音 人手 每個 萬四 元起
PermaLink: https://articles.zkiz.com/?id=322546

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019