150呎都要住得好美靚仔演員設計華麗蝸居
1 :
GS(14)@2017-01-21 03:36:43房屋問題不只困擾香港，英美亦有蝸居一族，不少人想盡辦法令小單位看來空間感十足。美國一名演員把150呎的單位打造成一個潮味十足的安樂窩，引起網民熱議。曾出演電影《單身又如何》的美國演員Anthony Triolo花盡心思為曼哈頓的小單位裝修，他把廚房料理台兼做成書桌，在廚房上加了一張碌架床，騰出空間放置書架及一張梳化，甚至放了一個半人高的櫃子，更有足夠空間放鞋子。單色調是很多小單位屋主常用的裝修技巧，除了增加空間感之外，更加添一點成熟氣氛，英國伯明翰女博客拉克爾（Raquel）幾乎全屋只用黑白兩色，看上去非常型格。網民「Jaerose93」亦採用黑白灰色調，就算床邊已經可以見到煮食爐，但看上去與周圍環境融為一體，一點也不覺突兀；「Audristorme」家居亦非常類似，但他就將自己的帽子全掛在牆上，並串連起來，變成家居裝飾之一。網民「Knham1989」的小單位改走鄉土風格，用木條砌成一個類似屏風的間隔，分隔床與客廳，令人有空間大增的錯覺。美國俄亥俄州網民「Anthonydpaul」就在梳化上建碌架床，善用空間，又在底下掛上燈飾，營造溫暖的感覺。以上裝修例子證明，就算住在小單位中也毋須犧牲生活品質，只要家居整潔便可大大增加房間品味。英國《每日郵報》
來源:
http://hk.apple.nextmedia.com/international/art/20170120/19903430
愛妻陳豪三年抱三 張繼聰時光倒流都要娶Kay
1 :
GS(14)@2017-01-24 03:00:16黎諾懿前日(21日)就拖住腹大便便嘅老婆李潔瑩，去到中環睇BB床，為呢個雞年BB做好一切準備，愛妻之情表露無遺。而其實圈中亦有唔少出名嘅「愛妻號」藝人。
張繼聰
07年1月20日，張繼聰同謝安琪奉子成婚，當時好多人都話男方襯唔起女方，仲叫佢做謝繼聰，但日前係佢哋結婚十周年，張繼聰就喺fb到再發愛的宣言，留言話：「就算時光倒流幾多次，我都會娶你做老婆。我愛你。」冧死人咩！
陳豪
陳豪同陳茵媺13年結婚，之後三年抱三，誕下梓燁、浩鋒同凱婷，兩仔一女，一家五口好幸福咁生活，陳豪呢個多個公，仲不時咁做埋湊仔公，咁帶埋老婆仔女去行街Shopping。
杜汶澤
阿澤同田蕊妮結婚多年，兩夫婦不斷互相扶持，阿澤患上香港極罕有病症米勒費雪症候群時，阿田對老公不離棄。而阿澤亦大讚老婆，所以周不時都會送啲驚喜俾佢，好似阿田36歲生日時，阿澤就親自下廚，煮九大簋冧老婆同宴請朋友。
胡諾言
胡仔同陳琪結婚多年，婚後先後誕下兩女，但喺14年，陳琪不幸流產，差啲連子宮都要切掉。幸好陳琪之後養好身體，去年成功懷有第三胎，當時記者問陳琪，佢老公係咪錫晒佢，陳琪答得好開心：「梗係啦！我話晒喺屋企都好重㗎。」日前佢哋仲為小王子搞咗個百日宴㖭，認真Sweet爆！
來源:
http://hk.apple.nextmedia.com/entertainment/art/20170123/19906229
高C9手記：扮friend都要講策略
1 :
GS(14)@2017-01-27 07:40:09阿媽在我小時候經常說：「平日不燒香，臨急跑佛腳」，笑我臨考試才溫書，想起林鄭早前跟大家分享搬屋趣事，結果變成超離地笑話，這件事告訴大家，公眾人物想換形象扮親民，都要平日多燒香才行。在香港政商界，撇除薯片，親民典範要數港鐵（066）主席馬時亨及行會成員陳智思，兩位仁兄多年來跟傳媒打交道，練出一身好武功，厲害之處，是兩人予人感覺自然真誠（即使背後可能有agenda）。需知道好多人滿以為懂得公關工夫，甚至可以把傳媒玩弄於股掌之中，其實別人一早洞悉他們意圖，一埋身便感覺到他們虛偽到爆。
馬時亨與陳智思應付傳媒則相對自然輕鬆，提及個人或家人事，他們均表現得無所謂，講得就講。舉例說，身形弗爆的陳智思就十分願意分享keep fit心得，馬時亨提到女兒、孫仔孫女也口若懸河。除了無所謂，我估計，他們真的沒有把自己放得太高。大家有所不知，政商界不少人老是覺得自己極為重要，抽時間跟你說話，簡直是皇恩浩蕩，最好笑是，有些nobody總以為自己是somebody。林鄭無端端自爆新居無廁紙，可能只是想嘗試改形象玩親民，心意與勇氣可嘉，可惜她從來無做過，不明白扮friend這回事，並非靠「好打得」就做得到，而需要日子有功，兼且要有策略。高淑嫻
https://www.facebook.com/koc9nine
來源:
http://hk.apple.nextmedia.com/financeestate/art/20170127/19910209
【電腦巡場】小型投影機都要行Android 當小盒子睇電視
1 :
GS(14)@2017-02-02 02:34:37今日可能有人仲放緊年假，不過深水埗腦場同旺角先達，都已經從新走入正軌，絕大部份舖頭已正常開門營業。
新一年新希望，想不到咁快又有新產品玩了，就是這一部小型投影機－－Home LED mini HD Projector。呢部機最大不同處，就是一般同類產品，都要接駁手機或平板電腦，先可以取得畫面資訊及播片；這部Home LED mini HD Projector就更進一步，因為佢機身內置有Android系列，所以需要連上Wi-Fi，佢就可以直接裝App來打機、上網又睇片。話說有腦場Sales新年期間，攞咗部機做測試，試過在機身內安裝「小盒子」軟件，咁就可以在家中長播賀年音樂了，以$999價錢，感覺幾抵玩又免麻煩。至於機身硬件規格方面，投影機液晶體顯示部分解像度達800 x480，投放影像最高解像度達1080p，背光燈使用LED，最長使用時間達20,000小時；投放距離為1.07m至3.8m，投放影像尺寸為32吋至120吋（16:9/4:3）。查詢：訊達科技（深水埗福榮街146-152號黃金商場地面54號舖）記者、攝影：朱崇德
機頂有基本按鍵，方便進行裝機設置。
機背除基本HDMI及TF卡插位外，更重要是有天線插位，可以睇埋電視；另外機身內置有一枚2W喇叭，在未接駁音響系統情況下，都可以獨立操作。
跟機有遙控器，方便你操控投影機之餘，還可簡單操作Android系統。
來源:
http://hk.apple.nextmedia.com/su ... t/20170201/19913302
高C9手記：開兒童戶口都要靠父幹
1 :
GS(14)@2017-02-11 18:34:54卡通片真夠益智，好似有集《櫻桃小丸子》，小丸子不斷追問媽媽，將她每年的利是錢儲到哪兒去，媽媽不斷咿咿哦哦，明顯已經花掉，或跟自己派出的利是錢做了對沖。不知怎地，我女兒牢牢記住這一集，農曆新年前後不停嚷着要去開銀行戶口儲起利是錢。我於是的起心肝去開一個兒童戶口，不開不知，開兒童戶口亦非易事。我一心打算為女兒選一間夠本土的銀行，二話不說選擇恒生（011），豈料恒生要求5,000元開戶，又要我有恒生戶口。買樓要靠父幹，我明白，小朋友開個兒童戶口都要靠父母先提供5,000元，才可以入場，擺明揀客兼趕客。我明白，銀行處理每個戶口都有成本，一個兒童戶口滾存十幾廿年，等到小朋友長大成人，再出來社會工作賺錢儲錢，才有可能開投資戶口、買保險、買基金等等，為銀行帶來效益，銀行實在犯不着經營，只歡迎大客亦無可厚非。但做生意總要講點人情味，講長遠，凡事不能計到盡，小朋友自細看着手上的紅簿仔，漸漸會對這間銀行產生感情，覺得值得信賴，這些感情分是無法計算的。最終，我返去我有戶口的中資銀行，為女兒開兒童戶口，職員手腳勤快，笑面迎人，指「呢個戶口都係一年用一次入利是錢」，完全不介意我們這類小客戶，忽然間對這間銀行多了好感。高淑嫻
https://www.facebook.com/koc9nine
來源:
http://hk.apple.nextmedia.com/financeestate/art/20170210/19923560
假戲真做都要做得漂亮 方卓如
1 :
GS(14)@2017-02-11 23:48:392016-02-07 HJ
選舉可以係假，但質素高低係真。特首選舉就算係假戲真做，你都睇得出邊個做得投入、做得漂亮。好多嘢未必係參選人自己嘅主意，但最後拍板嘅一定係參選人自己。
物以類聚，什麼參選人就引來什麼競選團隊，品味個性唔係淨係用錢可以搞掂。當然，香港人5年前被騙過一次，競選漂亮，執政可以醜陋。講過嘅說話可以唔算數，競選時候嘅笑樣，當選後可以變成惡相。
特朗普應該係破紀錄最遵守競選承諾嘅候選人，當選之後每星期（若非每日）都有行政命令，落實佢競選時候講過嘅說話。政綱？唔使一定係寫幾版紙、長篇大論先叫做政綱，集會講得興起、台下拍爛手掌嘅，都可以係政綱。
乜嘢係政綱？只不過係總結所有講過嘅承諾。而家4個特首參選人，都喺唔同場合講過某些承諾， 有實有虛。唔可以話參選人政綱未出，只可以話等緊佢哋白紙黑字寫晒出嚟，方便比較同未來追數。
金融市場 零和遊戲
最新嘅特朗普命令就係要檢視金融規管，包括Dodd-Frank法案。金融海嘯之後嘅Dodd-Frank改革，就係要避免金融危機再次發生，減低金融機構炒得太勁而令市場崩潰，要政府負責。特朗普上場，息口上升，金融鬆綁，大利銀行券商再發大財，同時亦都埋下另一次爆發金融危機嘅炸彈。
金融市場係零和遊戲，你輸我贏，但呢個零和遊戲係喺升降機入面進行。可以大家嘅資產價格一齊升到上天嚟財富轉移，亦可以大家跌到落地底先嚟資產大挪移。每次金融危機都係資產轉移嘅大機會，但同時間全部人都會經歷身家縮水。
3個月前全世界都牙痛咁聲，無晒計，唔知點樣先可以帶領世界走出經濟不景氣，同埋拆解人人掛在口邊嘅潛伏大爆煲。
3個月後嘅今日，突然間全世界都開心得跳起，殺到雙眼通紅，迎接經濟強勁嘅勢頭重臨。原來解決經濟問題，就係要有個人夠膽不理世界同下一代死活，再借再使，以呢一代美國人開心為目標，隊冧別國亦在所不辭。好難令人相信纏擾咁多聰明人嘅難題，一個生意人上場就可以迎刃而解。
可以肯定，以往你成日聽見嘅問題並無消失，只係掃咗落地氈底。但唔緊要，一如以往所講，未爆嘅危機就等於冇，太早估中比估錯輸得更慘烈。
千祈唔好智者千慮，諗住世界搖搖欲墜而去保守行事，反而應該投入不理性亢奮，走入去賺埋一份。因為你要賺到夠，先可以捱到下一次全世界身家大縮水，同埋避免財富被轉移。
#方卓如 #港股分析 #方如玉帥 - 假戲真做都要做得漂亮
【空姐煉成】考試要五關斬六將 救火拯溺儀態都要識
1 :
GS(14)@2017-02-12 13:55:36完成八個星期訓練，還要通過一系列模擬考試，才能正式晉身空中服務員行列。
隨便上上討論區，就會發現在不少香港人心目中，空中服務員（俗稱空姐）不過是穿得漂亮一點，在三萬呎高空上捧餐的侍應。究竟一個空姐的育成計劃有幾艱難？
每次遞上物品給客人，都要確保身體保持open gesture，左右手不能交叉重疊，予人生人勿近之感。
左右手交叉重疊的錯誤示範。
以香港航空為例，每位見習空姐要經過八星期訓練，其中約六成是日常運作、服務技巧等，要將成本字典咁厚的服務和安全指引背到滾瓜爛熟，並能實際應用，另外四成是安全訓練，包括急救包紮，如何使用自動外置式心臟去顫器（AED）、救火、逃生、使用定位儀器等，要過五關斬六將。每次考試有兩次補考機會，由民航處認可的考官監考，至於合格率，航空公司表示不便透露。以為空姐們天生儀態翩翩，其實有一套外人不知道的服務禮儀需要嚴格遵從，指示方向、物件不能伸出食指，一定要用open plam，即是手掌攤外，掌心向外；遞上物件時，左右手不能交叉，客人在左邊用左手遞，反之亦然，因為手指指和雙手交叉都會給人不禮貌，或者難以接近的感覺，所以一律避免。這些規矩看似簡單，但要徹底改變一個人的生活習慣，也並非易事，其實每個職業都是一門專業來的。記者：陶思敏攝影：潘志恆2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170212/19925443
高海寧樓盤鑽石都要
1 :
GS(14)@2017-03-04 10:18:38高海寧和張秀文前晚在灣仔會展出席香港國際珠寶展。高海寧佩戴逾千萬的18K白金粉紅色寶石，有如豪宅上身的她表示要格外小心，問她想要樓抑或寶石？她說：「女仔兩樣都想有。等人買，不如自己買好啲，買定戒指或者耳環都可以。」
■張秀文的造型甚搶鏡。
後結婚要鑽戒求婚？高海寧說：「講心，對象啱，大細冇所謂，冇鑽石戒指就睇吓佢心思同誠意。」張秀文謂不會開口叫男友或者未來老公買鑽飾：「若然另一半買，即係珠寶襯你，等如在乎你，諗起你。」採訪、攝影：黃曉妍
來源:
http://hk.apple.nextmedia.com/entertainment/art/20170304/19946712
熊黛林仔女都要
1 :
GS(14)@2017-03-23 06:27:21熊黛林昨晚身穿粉紅色長裙、胸前少少低胸亮相，去年下嫁郭可頌成為百億人妻，已明言努力造人的她，要為老公開枝散葉。她接受訪問時說：「未有住，不過自己準備咗好耐，努力中，睇緊中醫調理。」談到姑奶郭可盈透露全家沒有給壓力，熊黛林說：「係呀，不過見到佢個女好乖，自己都想有個女，如果有個女就好，不過自己想生仔先，妹妹有個哥哥保護會好幸福，自己會keep住做嘢，有工作人先自信，狀態好啲，老公鍾意女，因為會黐吓佢。」又謂不是奶奶一定要她生囝囝，只是她想生個哥哥先。對於舊愛郭富城亦表示想開枝散葉時，熊黛林笑言：「係好事嚟㗎！」採訪：張俊銘
來源:
http://hk.apple.nextmedia.com/entertainment/art/20170322/19965614
【切菜都要學？】橫切直切有紋有路 爽脆椰菜絲要咁切
1 :
GS(14)@2017-03-23 06:52:08青椒橫切可以保持柔軟，適合生吃。
切菜誰不懂，但怎麼同樣的蔬菜在家煮跟外出吃，口感便會不一樣？除了烹煮的火路控制，關鍵問題就是輸在起跑線，有些蔬菜切的方向不同，出來的口感會不一樣，其中比較大差別的就是青椒，直切橫切，口感迥異。青椒的纖維由頂至底為之順紋，順着纖維打直切成條，適合用來炒餸如炒牛肉等菜式，炒完仍然可保持爽脆。如果預備用青椒作沙律或醃菜等生吃的話，則可以把青椒橫切，把纖維切斷，吃起來口感較柔軟，方便嘴嚼。
在外吃日式炸豬扒時，總會配上爽脆椰菜絲同吃。想在家同樣做出爽脆效果，椰菜切絲時，便要留意切的方向了。椰菜葉的葉片是中間往左右生的，即纖維與葉芯成對角，要把椰菜纖維切斷便要逆紋切。不想搞錯方向，最簡單是把椰菜由頂至底對半切開，然後把有硬芯的椰菜底部朝向自己平鋪，打直切絲就是。切好的椰菜絲先泡浸冰水一會再瀝乾，吸飽水後的菜絲會更挺身爽脆。如果用來炒，可以較隨意，但切成小塊炒起來可縮短時間，吃起來便不會過腍。洋葱利用不同切法，口感和味道也會有頗大的差別。洋葱的纖維也是由頂至底為之順紋，把洋葱纖維切斷，洋葱的味道便會容易跑出來，這種切法適合用來做洋葱湯，洋葱味較易跑出也較易變腍，加快炒出甜味。如果愛以生洋葱做沙律，亦可用種這切法。把洋葱浸水一會，可去掉洋葱的嗆辣，味道會較溫和。如果用來炒菜的話，則可以順紋切，炒好後的洋葱會比較爽脆和不會走樣。記者：謝翠玲攝影：鄧鴻欣2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
直切青椒適合炒食，保持爽脆口感。
椰菜切絲時要留意菜葉生長的方向，下刀時要逆紋切。
椰菜絲切好先泡冰水再瀝乾，生吃較爽脆。
洋葱橫切後浸冰水可去辣味，適用於涼拌生吃。
直切的洋葱條炒起來會較爽脆。
來源:
http://hk.apple.nextmedia.com/su ... t/20170323/19966834
Next Page