傳曾與魯平囝囝拍拖曹眾緋聞男友仲有中聯辦副部長
1 :
GS(14)@2017-01-12 08:08:32曹眾喺90年憑《百鳥衣》獲角逐百花獎影后，雖然當時佢落敗而回，不過佢喺邵逸夫嘅賞識下，簽咗3年包薪合約，就算當時說話帶點鄉音，但係都無礙星途發展，仲獲得點名力捧。做咗親生女兼係受六叔賞識女人嘅曹眾，就算佢說話有鄉音，亦唔係乜嘢天姿國色，不過完全冇礙演出機會，除咗擔正做女主角之外，又被委派同彭子晴、傅明憲、陳彥行同姚瑩瑩成為「五美圖」，事後有指曹眾之所以得到重用，因為無綫有多個部門都收到密令，要「特別處理」兼「妥善照顧」。其後有報道話，曹眾並非只係一個「受六叔賞識的女人」咁簡單，佢嘅背景亦十分「紅」厚，有傳佢係前港澳辦公室主任魯平嘅仔魯恭嘅女友，同大陸好多官員啲關係好好，當時佢哋分隔中、港兩地，不過因男友係生意人，經常穿梭中、港兩地，所以冇影響戀情，跟住曹眾承認喺叔叔介紹下，喺北京一個晚宴認識對方，但係佢否認同魯恭拍拖，大家只不過係普通朋友，只係見過1、2次面，總之唔係好熟。冇耐曹眾俾《蘋果》影到佢同六叔十指緊扣喺金鐘睇戲，之後又見到佢同一個中年男人搭地鐵，事後發現呢個男人大有來頭，原來係中聯辦文體宣傳部副部長崔頌明，曹眾接受訪問時承認曾經為負面新聞落淚，又話自己問心無愧，唔明白大家點解要傷害佢。曹眾嘅戀情受到關注，但係冇影響佢政途生活，喺03年開始，佢先後擔任溫州同杭州市政協，喺07年約滿離開無綫之後，曹眾主力發展飲食同旅遊事業，近年仲晉升做淅江省政協。後來曹眾喺姐夫嘅好朋友介紹下，識咗從事海運業兼曾經喺日本公司工作嘅陳京，結果佢哋低調結婚，喺2011年3月生咗囡囡瑛華，相夫教女嘅同時，亦發展飲食生意。
來源:
http://hk.apple.nextmedia.com/entertainment/art/20170112/19894379
陳錦鴻渴望囝囝獨立
1 :
GS(14)@2017-01-14 12:25:44陳錦鴻昨日於灣仔出席「來跑一場親子障礙賽」家長教育網站啟動禮，他為照顧患自閉症的兒子駕樺休息多年，目前9歲的駕樺雖然還要做語言治療，但情況已進步不少，錦鴻說：「個仔唔需要我，叫我出去做嘢，係開心嘅，我都想佢快啲獨立，唔需要我就好。」錦鴻指永遠都會對着囝囝展現微笑，最緊要是讓他知道標準，最近他便教囝囝男人工作緊要，不要餓死老婆瘟臭屋，他說：「佢8歲時情人節帶佢接觸外界，同佢講男女朋友，有心儀女仔，要準備禮物，佢仲話想結婚，做爸爸，生個男仔，佢連名都諗好，叫陳小虎，Little Tiger Chan，我話畀佢聽想做爸爸就要努力，我感覺已經抱咗孫㗎嘞。」採訪、攝影：羅慧敏
來源:
http://hk.apple.nextmedia.com/entertainment/art/20170114/19896118
徐若瑄囝囝着猿人衫坐B class荷里活星二代從小坐私人飛機
1 :
GS(14)@2017-01-18 08:04:28徐若瑄2014年嫁給海運大亨李雲峰，更千辛萬苦瞓床多月，誕下兒子小V寶（Dalton）。不過，徐若瑄少奶奶福未享到，去年又傳出老公負債上億，她幾個月前已復出拍廣告代言，又照顧老公和前妻所生的兩個女兒非常堅強利害的媽媽！徐若瑄對小V寶萬千寵愛，她前日又post了囝囝去公園玩的相片，已經會行會走的小V寶，今次是老公和前妻所生的二女拖住，「二姐，我到底還要等多久才可以像你一樣高啊？」小V寶著了猿人Bathing Ape的童裝tee，拖住家姐，姐弟情暖暖的。雖然徐若瑄要努力和老公解決財政問題，但對兒子從不吝嗇，這位人生勝利組的小朋友小V寶，更已升格做她口中的「李大爺」。日常經常有明星朋友、名牌送上Karl Lagerfeld童裝等，在家坐名廠玩具車。跟著明星媽咪出埠，自然也是坐商務位啦！其實除咗小V寶跟媽咪徐若瑄坐商務位出埠工作，荷里活明星收入勁，派頭都一樣勁，出國多半也是私人飛機。這些巨星的仔女，日常跟住星爸星媽出埠，當然也是一出生就搭私人專機出國，不用搶廉航，更沒坐過經濟艙。好像Jennifer Lopez、Mariah Carey、男星Dwayne Johnson等，都不時帶位仔女坐私人飛機，爭取親子時間。真人騷女星Kim Kardashianm，更post過囡囡North West行去私人飛機駕駛艙參觀的相，真的不是一般小朋友的體驗！
來源:
http://hk.apple.nextmedia.com/entertainment/art/20170117/19899866
胡蓓蔚爭抱等生B 胡諾言陳琪囝囝福星
1 :
GS(14)@2017-01-24 03:00:15■胡蓓蔚（右）抱過BB後，陳琪即預祝她快添丁。
胡諾言、陳琪夫婦前晚在迪士尼樂園為囝囝胡澔錕（Jayden）舉行百日宴，加上大女胡芷苓（Jay）、細女胡芷悠（Jacey）一家五口影全家福，氣氛熱鬧。吳家樂、陸詩韻、梁靖琪（Toby）、陳庭欣、沈震軒及胡蓓蔚等過百賓客到賀。
為子接廣告
小名「波仔」的Jayden偕爸爸胡仔以父子裝亮相，波仔趣致可愛，現場嘉賓爭相抱他，陳琪趁胡蓓蔚抱起波仔時，即笑說：「抱過就會生㗎啦。」至於盛裝打扮的陳琪則笑謂：「台慶都冇着到咁靚，原來搞百日宴辛苦過結婚，感覺似預演娶新抱咁。」胡仔夫婦大讚囝囝腳頭好，出世後夫婦工作各樣都變得順利，最近更為囝囝接洽一個嬰兒用品代言人廣告。陳琪並分享一單趣事：「有次胡仔抱囝囝出街，有街坊要求合照，但原來只係想同囝囝影，搞到胡仔好尷尬。」胡仔即笑謂：「唔緊要，希望個仔第日名與利都比我好。?家我好投入做湊仔公，希望佢可以帶旺我哋。」問到是否三個夠數？陳琪直言：「夠皮，因為生小朋大責任大。」
■胡諾言和陳琪夫婦前晚為兒子舉行百日宴，與兩女一家五口影全家福。
■百日宴以Jayden的BB踢死兔fondant cake作回禮。
■陸詩韻表示有男仔追，但堅稱單身都好幸福。
詩韻老皇妃
此外，單身的陸詩韻坦言眼見相識多年的胡仔一家幸福，回想自己卻仍然原地踏步：「單身都有單身嘅幸福，家庭當然都想擁有，但冇得強求，一切都整定，我相信緣份。有男仔追，但要觀察吓先，?家嘅年紀要求穩陣，唔會心急同任性。」至於有份拍無綫劇《深宮計》，飾演皇妃的她，被外界譏笑與一班妃嬪年紀都大，詩韻即笑說：「咁咪實力強勁囉。」採訪、攝影：卓寶花
來源:
http://hk.apple.nextmedia.com/entertainment/art/20170123/19905627
過年留家安胎 5月生得翠翠做慈母 囝囝有求必應
1 :
GS(14)@2017-01-31 16:01:54■葉翠翠預產期在5月，她明言休息一年再努力追女。攝影：郭賢興
【《蘋果》專訪】現年35歲的葉翠翠，前年7月嫁拍拖僅十個月的建築師男友周曉東（Raymond），榮升人妻，翠翠講明會積極造人，上年11月宣佈有喜，陀「小雞丁」的她，將於今年5月榮升人母。
■葉翠翠爆老公已幫未出世的囝囝買了兩年的衫仔。資料圖片
■翠翠自陀B後，上圍升級不少。資料圖片
嘗試餵母乳
日前翠翠挺着巨肚接受《蘋果》訪問，她說今年過年跟以往大不同，以前一定會去行年宵，但今年選擇留在家中，她說：「?家好易攰又成日要去廁所，所以留喺屋企好啲。」不過，翠翠新年前已跟老公去了日本旅行，她笑說：「老公血拼能力比我仲強，去程行李15公斤，返嚟80公斤，全部都係BB嘢，阿仔啲衫可以着到兩歲。」問翠翠會否餵母乳？她說：「會先嘗試畀BB飲母乳，但如果冇或者唔夠就飲奶粉，我都係飲奶粉大，?家啲奶粉都好好。」至於，是否已準備好做人母？翠翠哈哈笑：「我同老公講，我會幫你湊大個仔，但係唔會半夜起身餵奶同換尿片、抹pat pat同逼佢做功課嗰啲都交畀佢做。」
追多個豬女
當然翠翠只是說笑，她再認真表示已跟老公分配好忠奸角色：「如果囝囝第時問我乜嘢，我都會話OK，但要佢問爸爸，因為老公會係一個嚴厲嘅爸爸。」雖然囝囝未出世，但翠翠已講明會再追囡囡，笑言因為想生豬年出生的「豬頭」，故會休息一年先再開工。採訪：鄉奈仁
來源:
http://hk.apple.nextmedia.com/entertainment/art/20170131/19913186
楊怡抱敏之囝囝：融化了
1 :
GS(14)@2017-02-06 07:28:02■楊怡（中）去探望陳敏之的B仔，敏之乘機催她趕快生B。微博圖片
楊怡和老公羅仲謙結婚不到一年經常公開晒恩愛，雖然二人世界生活甜蜜，不過楊怡亦恨做媽媽，日前她向好友陳敏之拜年時，就被敏之催生BB。去年冬至誕下囝囝「雷冬至」的陳敏之，圈中人緣甚好，連日來有不少好友上門拜年探望，繼由加拿大回港探親的袁彩雲、伍詠薇及黎諾懿，前日就到楊怡去探B。
■伍詠薇日前與準爸爸黎諾懿探雷冬至。
陳敏之昨在微博轉貼她與楊怡合照，楊怡手抱「雷冬至」一臉慈母樣，楊怡留言：「So lovely，雷冬至，抱着他，心也融化了。」陳敏之回覆時催促楊怡趕快生B：「看着你抱着冬至一副慈母的樣子，我的心也融化了！都係嗰句，快啲生番個小羊咩同冬至玩啦！」撰文：葉綠悠
來源:
http://hk.apple.nextmedia.com/entertainment/art/20170206/19919036
導演會春茗許冠文獲榮譽大獎千嬅唔操囝囝面試：怕佢討厭Interview
1 :
GS(14)@2017-03-04 00:34:49香港電影導演會春茗暨年度頒獎禮昨晚在尖沙嘴洲際酒店舉行，出席者包括劉嘉玲、莊思敏、林家棟、楊千嬅、甄子丹與太太汪詩詩、余文樂、許冠文、劉偉強、曾國祥與女友王敏奕等。
■許冠文獲頒榮譽大獎，他揚言會繼續拍戲。
■林家棟憑《樹大招風》奪得最佳男主角，由劉嘉玲頒獎。
■最佳新演員是《點五步》的胡子彤。
■（左二起）劉浩龍與薛凱琪等昨晚出席導演會春茗。
林家棟奪影帝
昨晚大會頒發七個獎項，最佳男主角為《樹大招風》的林家棟、最佳女主角是《幸運是我》的惠英紅、最佳導演為《美人魚》的周星馳與《七月與安生》的曾國祥、最佳電影是《樹大招風》、最佳新演員是《點五步》的胡子彤、新晉導演是《一念無明》的黃進，而榮譽大獎得主是許冠文。惠英紅攞獎時說：「從未試過有導演兜口兜面讚我，今次咁多導演讚我，40年一次過攞番晒自信。」小紅姐認為稱讚是正面鼓勵，她笑說：「我阿媽從來都冇讚過我，畀佢哋讚好重要，佢哋係套戲靈魂，讚我真係曉飛。」家棟接受訪問時說：「上嚟攞獎就用咗30年，呢個獎係時間證明導演唔係惡意鬧，睇番畫面睇番多年犯錯。」
着重兒子身教
楊千嬅近日被本報讀者發現帶兒子Torres到香港仔的加拿大國際學校面試，對此她說：「同佢見咗幾間，主要係國際學校。」是否很緊張囝囝入學？她說：「我諗爆相爆片嗰個緊張過我，當日我同老公各自做緊自己嘅嘢，完全唔關小朋友事，可能我將手機擺喺袋入面，唔想畀老師覺得我成日玩電話咁，加上我用筆寫嘢，所以俾人覺得我好緊張咁mark低啲嘢。」問到囝囝面試前千嬅可有跟他操練？她說：「千祈唔好做呢啲咁嘅事，小朋友身教同禮貌係最重要，如果成日同小朋友操練，可能佢會討厭咗呢件事，唔鍾意interview。」是否不想兒子考TSA？千嬅說：「冇話想唔想，制度嘅嘢我冇辦法改變同批評，揀國際學校係IB（國際文憑課程）好啱我小朋友。」採訪：卓寶花攝影：陳慧安
來源:
http://hk.apple.nextmedia.com/entertainment/art/20170303/19945495
Next Page