猴年旺選美佳麗黛黛熙年今年結婚
1 :
GS(14)@2016-08-18 06:04:292012年港姐冠軍張名雅早前被好友陳庭欣踢爆好事近，今年9月喺洲際擺酒，嫁律師男友Joe。戚黛黛2003年港姐季軍戚黛黛下月13號同副機師男友Calvin喺意大利一座古堡舉行婚禮。李雪瑩2010年最上鏡港姐李雪瑩喺大台做咗四年，於2014年以進修為由同TVB提前解約，上月宣佈結婚，於Instagram貼出張同未婚夫蘇頌輝頭貼頭嘅合照。宋熙年陳智燊(Jason)去年向宋熙年求婚成功，計劃年底拉埋天窗，於6月在港秘密入紙排期註冊，Jason透露會先註冊後擺酒，陳宋聯婚會在香港、澳洲同倫敦三地輪流舉行。
來源:
http://hk.apple.nextmedia.com/entertainment/art/20160818/19741019
趕得切猴年出世吳忻熹順產誕B再做人母
1 :
GS(14)@2017-01-26 18:22:16現年42歲嘅98年港姐季軍吳忻熹（前名吳文忻），6年前嫁畀有「南丫島王子」之稱嘅金融才俊陳劍陵，3年前仲生咗囡囡陳芊彤（Scarlet），佢一直有意再追多個佢，去年成功有孕，預產期係下農曆新年後，腹中B女昨日突然搶閘出世，提早咗成3個禮拜，由雞女變猴女。吳忻熹經過休息，昨晚喺facebook貼相報喜。吳忻熹仲分享咗BB靚相，樣子精緻，同媽咪生得餅印一樣，第二次做媽咪嘅佢留言：「陳施辰Season Chan，趕着出來逗利是，今朝急不及待要趕出來同大家見面，Season好合作，朝早7點幾穿水，媽咪喺屋企慢慢執嘢，冲埋個涼，成9點幾先去醫院，入到醫院原來已經開到3度，10點幾11點打完無痛已經開到7-8度，11點半等到醫生來開始生，12點就出世了！今次笫一次試順產，真係順利到不得了！原本是雞女的你，原來你是一隻馬騮女！Welcome to our family n wish u healthy n happy ever after!!!」相中所見剛剛生完嘅吳忻熹臉色紅潤，好精神，然做咗家姐嘅Scarlet好開心，係咁護住妹妹，好有家姐仔風範。《蘋果》昨晚致電吳忻熹，佢好興奮話：「今朝穿水，同時有陣痛，我上一胎係剖腹，未試過順產，今次仲一早book定開刀，估唔到係順產。」囡囡提早出世，趕住逗利是唔蝕底，但咁樣係咪打亂媽咪陣腳，佢話：「我其實都未買齊啲嘢，但OK啦，今日順產好快，好開心。好彩我搵定咗陪月，同佢講咗我可能會早生。」由於囡囡早產咗成3個禮拜，佢體只有5磅多，但好健康，母女平安，明日仲可以趕及年三十晚返屋企，一四口團年迎雞年，恭喜恭喜。
來源:
http://hk.apple.nextmedia.com/entertainment/art/20170126/19909546
港股猴年進賬逾兩成專家料牛市重臨：恒指雞年追落後
1 :
GS(14)@2017-01-27 07:38:26【本報訊】港股猴年進賬逾兩成，7年最勁。美股歷史性突破20000點，港股昨在年廿九臨近收爐前借勢大發力，大升逾300點，突破23000關兼創3個月高。雖然恒指2016年幾近平收，但由正月初一起計的猴年，避過新曆1月熔斷，加上本月發力，恒指埋單升21%，是牛年後最大升幅。記者：余倩敏
恒指昨期結日升325點或1.4%，以23374點近全日高位收市，連升4日累計升489點；H指升112點或1.2%，收報9854點，主板成交按日增加兩成至649億元，沽空佔10.5%。好友全力進攻下，23200至23399點的熊證重倉區昨淪陷，熊證重倉區最新已上移至23500及23700點兩大水平。昨合共有52隻熊證遭打靶，當中42隻屬恒指熊證。
瑞聲年內升60%跑出
港股今除夕僅半日市，下周一（初三）及周二（初四）農曆年長假休市，至下周三（初五）復市；換言之，1月份只餘半個交易日便收爐。埋單計數，截至昨日止，恒指1月份氣勢如虹，累計升6.2%，不單止是去年3月以來最大的月度升幅，亦是最近5年來錄得最大升幅的1月份。在1月大升、以及去年初內地熔斷跌市後的低基數下，總結截至昨日止的猴年，恒指及H指分別進賬21%及22%，前者是2009年牛年後、即7年來最大升幅，表現較新曆年強勁。猴年最強藍籌是瑞聲（2018），期內升六成，其次中銀香港（2388）、九倉（004）與銀娛（027），齊齊升58%。豐盛金融資產管理董事黃國英表示，港股雞年有望重返牛市，又指相比其他地方，港股落後幅度大，今年有機會追落後，而且美金開始停止升勢，暫緩人民幣貶值壓力，有助推動港股向上。惟後市短期表現會是「矮仔上樓梯」格局，即「通常行完一棍，聽日又唔會好行住」。
銀行股旺滙控看70元
招銀國際策略師蘇沛豐認為，大市昨屬真突破，長假結束後料可續升，因指數重磅股如滙控（005）及騰訊（700）開始發力，大市長假後有望上試23500至23600點附近阻力。他相信復市後焦點會落在盈喜股與業績股，以及能夠受惠中國加推基建的資源股，看好個別近期開始發力的鋁業股、銅業股及水泥股，但煤炭股則不宜高追。板塊方面，個別本地及國際金融股昨跑出，渣打（2888）、恒生（011）、中銀香港、宏利（945）及大新金融（440）齊創52周新高。黃國英料銀行股今年有運行，因為美國總統特朗普上台後，股市加債息齊升，連同「美金唔行」，氣氛當旺銀行股，看好滙控多於渣打，預期滙控會向70元進發。
【散戶過肥年】
■陳姑娘
陳姑娘：短炒泰山石化（1192）賺咗唔少，長線睇好渣打（2888）同港鐵（066）。今日（昨日）開心到買咗3盒西餅，請證券行散戶同職員食。
■鄔先生
鄔先生：今日賺咗唔少錢過肥年，過完年個市仲會開紅盤，仲有得升呀！我會繼續買。通常買收息同大價股，但呢個星期大市升咗唔少，都有炒細價股。
來源:
http://hk.apple.nextmedia.com/financeestate/art/20170127/19910562
陳家強料雞年經濟勝猴年
1 :
GS(14)@2017-01-30 09:23:30【明報專訊】財經事務及庫務局長陳家強接受電台訪問時表示，香港經濟在今年初持續改善，零售業有復蘇迹象，除非外圍再現衝擊，否則雞年經濟增長可望比去年好。
特朗普成最大風險
對於外圍會出現什麼可能衝擊影響到香港經濟，陳家強稱，美國總統特朗普上任後，短期內令美股上揚氣氛良好，亦帶旺香港股市；但他推行的政策或會出乎市場意料，可能令市場波動，將會是雞年最大的風險。再者，特朗普效應雖然短期利好股市，但情况可否持續要視乎他的政策能否順利推行，若果落實時遇到困難，市場可能會轉勢。
另一方面，陳家強認為，特朗普的貿易政策難以預期，以致市場波動亦難以預期，可能令美元轉強；美國也可能與中國爆發貿易爭拗，特朗普甚至有可能在環球地緣政策上有新舉動，這些措施是否能夠順利推行，都對金融市場和環球消費意欲有影響。
盼下屆政府續增樓宇供應
陳家強又認為，政府去年底為樓市調控措施「加辣」，在需求管理方面見成效，現時很多成交是自住和首置人士，但仍要繼續增加供應令供求平衡，樓市才能平穩。他說，現屆政府在土地房屋和經濟發展方面出了很多力，希望下屆政府可以延續相關政策，令香港經濟和民生改善。
另外，新任財政司長陳茂波前日發表網誌，也談及今年香港經濟，重點提到訪港遊客減少問題。他表示，去年政府重點支援旅遊業，近期已初見成效，雖然去年的整體旅客人次下跌，但有關數字在第四季已輕微回升，全年非內地旅客人次亦錄得3%的增幅，今年1月份的初步旅客數字繼續回穩。未來港府、旅發局和業界會繼續推廣香港的美酒佳餚、體育和文化盛事，改進旅遊景點和設施，以及配合業界推出大型活動和旅客優惠。
來源:
http://www.mpfinance.com/fin/dai ... 7320&issue=20170130
Next Page