86年亞軍港姐吳婉芳氣質贏過少女幾條街
1 :
GS(14)@2016-11-16 05:47:5386年選過港姐嘅吳婉芳，當屆拎咗個亞軍仲即刻入加咗大台，試過備受力捧又慘遭雪藏，結果93年就嫁咗畀富商胡兆熾兒子胡家驊息影，婚後育有兩子一女。不過，世界上只有懶嘅女人，而吳婉芳好肯定唔係呢類人。雖然生咗三個仔女，但佢都好努力咁keep到個完美身型，瘦得嚟望落去仲好後生，完全唔似已經49歲。呢位靚太，同老公仲有個興趣，就係得閒出入馬場，支持下佢哋家族旗下嘅「喜蓮」系列馬匹，最威水嘅梗係「喜蓮獎星」呢隻馬，上個馬季出賽8場，拎咗4冠1亞，所以吳婉芳都拉過唔少頭馬架。
來源:
http://hk.apple.nextmedia.com/entertainment/art/20161116/19834970
【落選港姐】唔做乖女做性女
1 :
GS(14)@2016-11-17 11:30:36陳梅馨於88年參選港姐，同屆冠軍為李嘉欣、亞軍陳淑蘭及季軍張郁蕾，陳梅馨落選後加入無綫，在劇集《壹號皇庭》系列飾演檢察官關靜，又於《刑事偵緝檔案II》演專業人士，可惜發展未如意。一向乖乖女形象的陳梅馨，於2000年性感上陣拍電影《赤裸紅唇》及三級片《Big波誘惑》，當年她與顏仟汶拍《赤》片，因導演臨時加露股鏡頭，陳梅馨堅決拒絕演出：「我拍戲有自己底線，呢場出浴戲着住短褲、兩點黐膠布，已經係好大膽，希望佢哋可以尊重我嘅決定。」她又認為做演員好辛苦，特別是走大膽戲路女星。同年她與陳昭昭及張綺桐以大膽出位的言論及打扮，主持有線電視收費台成人節目《性在任你Call》。
來源:
http://hk.apple.nextmedia.com/entertainment/art/20161117/19836166
【同屆港姐】張嘉兒最快結婚生B
1 :
GS(14)@2016-11-23 07:53:20即將當人妻的王君馨，07年成為三料港姐，分別獲頒亞軍、國際親善小姐及最上鏡小姐，而當年撼贏她奪冠的是張嘉兒，季軍是周美欣。除了選美成為張嘉兒手下敗將，結婚生B方面，王君馨亦比張嘉兒慢一步，事關張嘉兒去年已嫁會計師男友Nathan，今年9月更誕下6磅重囡囡榮升人母。當日自然分娩的她，之後更謂產前產後都痛到嘔。至於當年獲季軍的周美欣，多年來發展平平，由電視台轉去當歌手、模特兒，知名度依然不高，早前她接受傳媒訪問，更自爆在電視台坐足三年冇工開。
來源:
http://hk.apple.nextmedia.com/entertainment/art/20161123/19842341
同屬港姐冠軍 26年來零交流袁詠儀陳法蓉「最後一吻」
1 :
GS(14)@2016-12-04 17:34:1590年港姐冠軍袁詠儀前日出活動，力撐同屆季軍梁小冰，就外套事件反擊89年港姐冠軍陳法蓉。袁、梁出名牙尖嘴利性格剛烈，亦有嗰句講嗰句，走埋一齊，火花四射，已經唔係濺咁簡單。袁詠儀為咗撐小冰，當眾示意要老公張智霖收聲唔好阻佢發言，加一句「可能有記者喺度佢(陳法蓉)會好啲！」畫公仔畫到出腸。而小冰日前宣佈退出慧妍時曾話：「如果我見到佢(陳法蓉)，我驚會好似見到曱甴咁走開！」前日得悉袁詠儀力撐佢之後，更話:「對付呢隻曱甴，太浪費呢張『王牌』，我仲諗住九十歲先用！」連心肝脾肺腎都畫晒。但其實，26年前，8月18日，香港文化中心，袁詠儀同陳法蓉有世紀碰頭一刻，仲有錫錫添！因為當晚係1990年香港小姐選舉，陳法蓉為袁詠儀加冕。之後？之後真係完全搵唔到兩女合照，反而袁詠儀同亞軍翁杏蘭、季軍梁小冰多年一嚟一直都咁friend。物以類聚，人以群分，就係咁簡單。
來源:
http://hk.apple.nextmedia.com/entertainment/art/20161204/19854432
十優港姐：窮一生精力「孭」債買樓 十分悲哀
1 :
GS(14)@2016-12-09 07:55:47【明報專訊】2015年香港小姐冠軍、人稱「十優港姐」的麥明詩，昨出席恒地（0012）粉嶺高爾夫．御苑樓盤記者會上表示，對於本港樓價高企，她認為，若大學生畢業，窮盡一生精力去「孭」債買樓，其實十分悲哀。因此，她笑言自己在買樓方面，與香港很多事一樣，「未有時間表」。
買樓不一定買新盤
麥又稱，希望可在現時居所附近置業，但指所居住的地區樓價不低，亦希望日後居所可以有廳有房。被問及父母會否資助首期，她指母親應「無能為力」，而且父母亦希望她有獨立能力。對於樓價高企問題，她笑稱「希望在明天」，目前只好暫時接受，希望有天可以改變；她又稱，買樓不一定買新盤，買二手舊樓不但樓價較低，花少少心思裝修亦可成理想居所。
黃翠如：不會購買百餘呎迷你戶
對於近日市面上出現100餘方呎的迷你戶，藝人黃翠如在出席同一場合時表示，自己只是一名香港小市民，亦希望日後居所有足夠空間可與家人居住，而且可有一定的儲物空間，因此不會購買市面上百餘方呎等迷你戶。黃又表示，高爾夫．御苑毗鄰高爾夫球場，高爾夫球場環境優美，若能入住看到球場景致的單位是福氣，她亦希望有此福氣。
來源:
http://www.mpfinance.com/fin/dai ... 0040&issue=20161209
港姐鬥爭停不了 張名雅與陳庭欣反目升級
1 :
GS(14)@2017-01-02 17:02:122016-12-14 EW
近期港姐特別多是非，早前，陳法蓉與梁小冰因一件外套事件，搞到連日來隔空罵戰，而最近又有另一對港姐姊妹反目升級。
今年九月，一二年港姐冠軍張名雅與律師蔡錦豪舉行婚禮，當日，她身上掛滿金飾行頭十足，事後竟傳出開門利是不足五位數。當時，張名雅坦言已知誰是「二五女」；而嫌疑人物，盛傳是姊妹團之一的一〇年港姐冠軍陳庭欣，事件更令兩人在背後暗戰連連。
日前，本刊發現張名雅及陳庭欣，在無綫飯敍活動上被安排坐同一席，但兩人卻完全零交流；席間，記者要求合照，陳庭欣更立即攞袋走人，似乎昔日的好姊妹已達沒彎轉的地步。
派頭十足
一二年港姐冠軍張名雅，今年九月與律師蔡錦豪拉埋天窗，本來是開心的喜事，但卻鬧出是非風波。出閣當日，她邀請了九位伴娘、九位伴郎，取其「長長久久」之意；而新娘子身上孭着的金飾斤両十足，戴滿一對手外，身上還有一大串足金龍鳳鈪，再加上大大隻金豬牌，以及新娘子手上的三卡鑽石婚戒，估計總值逾八十萬，氣派十足。
可是，事後有人向傳媒爆料，當日開門利是只得三千八百元，九個姊妹每人分到不足五百元。張名雅看到報道後，在微博嬲爆留言﹕「人在做，天在看。」另外，她又重申﹕「姊妹團都清楚知道個數（開門利是）有五位數，因大家確確實實分咗開門利是嘅！我都係嗰句，冇所謂，最重要係開心事；我都冇嬲，只係覺得身邊仲有好多好好朋友。最緊要做好自己，謊言一定會自破。」口中雖說不憤怒，但言詞中卻甚有「捉鬼」的味道。
至於，爆料者的最大嫌疑人物，矛頭直指是當日姊妹團之一、一〇年港姐冠軍的陳庭欣，而自覺清者自清的她，對於事件就淡淡然的說：「知道一定唔係自己，其他唔想猜測，就算真有此人，可能冇心或唔小心講出嚟，況且又唔係事實嘅全部，由得佢！」據本刊收到的獨家消息，爆料者其實另有其人並非陳庭欣；可惜兩個「冠軍級港姐姊妹」的感情自此不再。
勢成水火
上周四（十二月八日），本刊就發現張名雅與陳庭欣，在無綫的「職藝員聯歡晚宴2016」活動上，被公司安排坐同一席；可是，陳庭欣見到張名雅同場，就刻意坐開。期間，即使陳庭欣的緋聞男友翟威廉嘗試做和事老，拉攏她們坐在一起，陳庭欣一樣冇面畀。席間，兩女縱然同桌而坐，但完全零交流兼且面左左；而當記者要求她們合照時，反應甚大的陳庭欣，更立即攞袋走人，令一眾人為之驚訝。
上周五（十二月九日）中午時份，記者在銅鑼灣希慎廣場、譚凱琪開設的西餐廳，又發現張名雅與一班好友飯敍。據悉，已經將事件放下的張名雅，為答謝一班姊妹團，在婚禮當日仆心仆命地照顧她，於是搞了這餐慰勞宴。同時，亦希望藉此與陳庭欣重修舊好；可惜，事與願違，被邀的陳庭欣婉拒出席。兩屆冠軍級港姐，昔日攬頭攬頸，如今形同陌路人，確實無奈。
撰文☆武儀 採訪☆娛樂追蹤組 設計☆蔡宛真
豪宅入伙催婚 鍾情麥明詩到馮盈盈林作媽咪要港姐新抱
1 :
GS(14)@2017-01-26 18:22:12■大少爺兼大律師的林作，為洗廁所折腰，出力洗邋遢。攝影：仇志德
【《蘋果》專訪】上屆港姐冠軍麥明詩的大律師男友林作，曾多次被踢爆背女友偷食，慈母林媽媽多次為兒子箍煲，因為她恨飲新抱茶和抱孫。新年將至，林作與媽媽日前在新入伙的豪宅接受訪問，即場被媽媽催婚，林媽媽開口點名大讚名花有主的應屆港姐冠軍馮盈盈合眼緣、乖巧又啱傾，林作即大爆媽咪恨做「港姐奶奶」。
現年27歲的大律師林作前年被爆戀上「十優港姐」冠軍麥明詩，林作的媽咪對這位「新抱仔」愛護有加，可是偏偏男方緋聞不絕，令麥明詩缺乏安全感。過去兩年，他們先後經歷情變、翻撻、掟煲唔掟蓋，近年就疑轉玩地下情。日前林作與媽咪在麥當勞道新居接受本報專訪，林作大爆母親恨有個港姐新抱。
■林作被媽媽催婚，林作笑言其實是媽咪恨有個港姐新抱。
■讀書時期的林作包包面。
■馮盈盈與男友Martin上月到林作新居開P，林媽媽見過馮盈盈竟大讚合眼緣。
讚馮盈盈乖
林作的新居，由他的富媽媽去年斥資6,500萬購入，準備給兒子結婚後做愛巢，可是林作和麥明詩的關係撲朔迷離，不認情侶互稱朋友，卻又不時密會，他們既用情侶車，過時過節又孖住食飯。雞年將至，林媽媽對兒子催婚，恨飲新抱茶恨到出口，她說：「新一年願望，希望個仔可以結婚，咁就最好啦，我好想抱孫，其實佢都差唔多年紀啦……唔好再拖落去啦！」林作沒預計母親公開催婚，頓時不懂反應。可是皇帝唔急太監急，林作的雞年願望並不是想拉埋天窗，他卻搞笑要媽咪生性，賺多些錢：「你做咗咁多年生意，係時候要發大嚟搞啦！」林媽媽講起兒子娶妻，份外興奮，可是提的港姐名字，卻不是麥明詩，而是她的師妹、應屆港姐冠軍馮盈盈，林媽媽說：「其實我幾鍾意馮盈盈，上次林作生日，佢都有嚟。」馮盈盈去年底帶同十優狀元醫生男友Martin孖咇出席林作生日派對，估不到當晚林媽媽就贒中馮盈盈，林媽媽更講到眉開眼笑：「佢好乖，同我好啱傾，總之第一次見就好合眼緣，可惜佢有個10A男友。」不過林作見勢色不對，即落閘制止林媽媽，卻將奶奶講成外母：「我同阿媽討論過，我懷疑佢（媽咪）嘅夢想，係做港姐冠軍外母。」對於林作媽咪大讚馮盈盈，麥明詩昨短訊回覆傳媒：「我都覺得係，佢幾好㗎。」而馮盈盈則答：「係咩？唔好意思，我未睇報道。」
少爺洗廁所
此外，後日大年初一，林作家中的外傭近日休假返鄉，平日做慣大少爺的他卻與媽媽夾手夾腳洗邋遢，林作更不介意彎腰洗廁所，他表示早年英國留學時，也有親手做家務，他說：「以前讀書自己住，邊度有人會幫你執嘢？煮飯洗衫都係自己嚟，不過我最鍾意洗碗，因為洗嘢會有一個莫名其妙嘅快感。」採訪：王梓嫚、嵐山攝影：仇志德
來源:
http://hk.apple.nextmedia.com/entertainment/art/20170126/19908607
屋邨妹升呢港姐實錄 楊思琦慳家買豪宅
1 :
GS(14)@2017-01-31 03:13:28屋邨以往畀人嘅印象，大多係低收入家庭住嘅地方，但係，英雄莫問出處，好多時喺屋邨都出過唔少名人明星，其中「屋邨港姐」人數唔少，仲有好多都入到三甲，一啲都唔失禮。
楊思琦
01年港姐冠軍楊思琦，係著名嘅「屋邨港姐」，小時候居於石硤尾大坑西邨，楊思琦係圈中出名嘅慳妹，佢平日賺埋賺埋，儲錢置業，現時手上已有數個物業揸手，當中包括至少3個千萬單位，有傳合共市值半億。
林莉
05年港姐季軍林莉，於青衣邨出身，佢當選後喺大台發展平平，做吓主持同綜藝節目咁，直至10年，佢挾住「港版林志玲」之名，喺模界大展拳腳，出寫真集同拍廣告，又去台灣同韓國發展，更喺唔聲唔聲之下，原來已行天橋行到去巴黎，升呢國際名模，佢舊年更走上巴黎高訂時裝周天橋，展示法國名師Julien Fournié嘅新裝。
陳庭欣
10年港姐冠軍陳庭欣早年被揭自其任職公務員嘅爸爸退休後，一家人被安排入住九龍灣啟晴邨，由於佢始終係港姐冠軍，所以佢出入上址時，都顯得十分低調，而佢亦不時放聲氣打算「上車」做業主。
張秀文
同陳庭欣同屆選港姐、並獲得亞軍名銜嘅張秀文，同樣係公屋出身，佢曾經向傳媒表示過唔會為住公屋而感到自卑，亦唔覺得會輸蝕畀其他人，而佢亦坦言想盡快搵到錢買樓。
來源:
http://hk.apple.nextmedia.com/entertainment/art/20170130/19913072
Next Page