【被彈戲屎】陳凱琳浮誇欠層次
1 :
GS(14)@2016-08-21 08:11:03陳凱琳
近年無綫好多演員都被網民彈「戲屎」，前晚洪永城拍一場回頭笑戲，都要NG近8、9次，但「戲屎」又豈止洪永城一個呢？
陳凱琳
陳凱琳在去年播出《張保仔》的半桶水演技被網民狂插表情浮誇、冇層次、冇深度、超高音尖叫，連前輩黃秋生都忍不住出口批評。
李思捷
李思捷多年來被網民彈演技得一個樣，只靠浮誇演技，就連上年播映的《今晚睇李》主持技巧，都被網友勁彈，認真慘情。
黃翠如
黃翠如近年參與多部劇集，包括《師奶MADAM》、《師父．明白了》等，不過網民有彈冇讚，指她將對白逐個字讀出來，全冇感情。
蔡思貝
蔡思貝於《衝線》、《純熟意外》等擔正做女一，但演技被評麻麻，不論劇情不論角色，都只得一個表情。
來源:
http://hk.apple.nextmedia.com/entertainment/art/20160821/19744176
兩度與陳凱歌合作 奧斯卡常客《霸王別姬》監製心臟病猝死
1 :
GS(14)@2016-09-07 21:46:15【1953-2016】■英國著名監製Donald Ranvaud於蒙特利爾酒店內猝死，終年62歲。
英國著名監製Donald Ranvaud本來正於加拿大蒙特利爾電影節擔任評審，他於當地時間周日晚上突然於酒店內猝死，終年62歲。電影節的發言人已確實其死訊，但未有透露原因，有指他是死於心臟病。
■Donald監製的作品中，最為港人認識的是張國榮主演的《霸王別姬》。
89年旅居中國
Donald監製過不少著名作品，最為港人熟悉的是下周一60歲冥壽「哥哥」張國榮主演的《霸王別姬》。曾是記者並於1975年創辦獨立電影雜誌《Frameworkin》的Donald，於1989年開始做全職電影監製，於1989年至1993年在中國居住時監製了陳凱歌《邊走邊唱》及《霸王別姬》兩部作品。Donald其後搬到去拉丁美洲居住，將注意力放在當地電影，於1998年監製了由巴西導演路達沙利斯（Walter Salles）執導的《中央車站》（Central Station），該片更獲奧斯卡最佳外語片提名。之後Donald與巴西名導費蘭度梅維里斯（Fernando Meirelles）兩度合作，監製了《無主之城》（City of God）及《無國界追兇》（The Constant Gardener）。《無主之城》及《無國界追兇》分別於04及05年獲得4項奧斯卡提名，英國女星麗素慧絲（Rachel Weisz）更憑《無國界追兇》獲奧斯卡最佳女配角。
閉幕全場默哀
蒙特利爾電影節主席Serge Losique形容Donald是位好友、作家及對電影上了癮。電影節於當地時間周一舉行閉幕禮，期間全場為Donald進行了一分鐘默哀，而為得獎者舉行的慶祝活動亦取消以示尊重。撰文：泰米
■《無主之城》在04年獲得4項奧斯卡提名。
■長澤正美（中）及中井貴一（左二）出席蒙特利爾電影節閉幕禮時，有向Donald默哀。
來源:
http://hk.apple.nextmedia.com/entertainment/art/20160907/19762424
鄭嘉穎錫爆賴慰玲 陳凱琳狂冧趙永洪反擊
1 :
GS(14)@2016-09-08 00:21:432016-08-24 EW
早排，鄭嘉穎上內地的節目，被發現家中的雪櫃上，有一張紫色心形便利貼，貼紙上寫滿綿綿情話。當時，他透露是借用雪櫃同女友陳凱琳溝通。熱戀中的情侶，竟要靠便利貼溝通，關係似乎有點疏離。
今年鄭嘉穎的生日，陳凱琳竟然被好姊妹賴慰玲搶先和男友切蛋糕；而之前盛傳，鄭嘉穎為撐賴慰玲斗膽到與無綫高層駁火，「鄭賴」關係明顯非比尋常，陳凱琳想唔呷醋都難！據密友透露，現正拍攝新劇《翻生武林》的陳凱琳，於是狂冧對手趙永洪。兩人在片場黐到實，恍如進入無人之境，還不時影頭貼頭自拍照，重點是她還公開放「蜜照」到社交網，反擊味濃！
為女互窒
現年四十七歲的鄭嘉穎，一四年與陳凱琳（Grace）認愛後， 不時高調晒恩愛；可惜，有指陳爸爸陳桂祥一直介意鄭嘉穎與愛女相距廿二年，又冇家底，所以多番阻撓；其實，外間亦一直不看好這段感情。難怪，鄭嘉穎今次拍拖一反常態，每次訪問都不避嫌提起女友，相比昔日與佘詩曼、周麗淇等拍拖都收收埋埋，確實差天共地。
不過，最近就有指鄭嘉穎當年拍《殭》時，除了跟陳凱琳擦出愛火之餘，對演藝學院出身、主修演技的高材生賴慰玲，同樣留有「感情」。據說，早前無綫搞定期聯誼飯局，當晚鄭嘉穎、黃宗澤及高層曾勵珍（珍姐）等一班幕後都有出席。席間，鄭嘉穎大讚賴慰玲做戲好，指她在《殭》中的表現入型入格，又讚她扮巴渣港女演得好。當時，珍姐就着這個話題反映自己的另一番意見，因為兩人「 意見分歧」，結果弄成互窒的場面。
搶先慶生
鄭嘉穎一向都對珍姐必恭必敬，當晚為了賴慰玲竟同珍姐駁火，大家當然「O晒嘴」。最近，鄭嘉穎四十七歲生日，與他一同拍《迷》劇的賴慰玲就搶先買定蛋糕，與他在電視城canteen切蛋糕慶祝；此外，賴慰玲還在社交網放出兩人慶生的合照，顯示情非泛泛。另一邊廂，正印女友陳凱琳就只能在社交網，放出一張兩人的舊合照，相形見絀。
據密友透露，為了以牙還牙，近日正忙於拍《翻生武林》的陳凱琳，於是狂冧劇中勁多對手戲的趙永洪。大熱天時，扮演錦衣衛的陳凱琳，穿着既厚又重的戲服，汗流浹背下，仍興致勃勃地與趙永洪玩孖公仔自拍。「套劇男人眾多，但係Grace就只係捉住趙永洪玩，出面熱辣辣，啲演員一cut機就會走埋一邊唞唞。不過，Grace就唔會休息，好雀躍咁同趙永洪傾偈，佢兩個喺片場黐到實！」而最神奇的是，在陳凱琳的社交網，她與趙永洪的「蜜照」竟比鄭嘉穎更多，鄭的男友地位岌岌可危。
撰文 馬木義 設計 黎志堅
【巨輪變亂倫】姦養女陳凱琳被轟
1 :
GS(14)@2016-10-15 12:12:14【擲落床】
東山再起的吳岱融在劇集《巨輪II》扮大奸角高天鷲成功出位，不過，在演強姦養女陳凱琳的一場戲，卻被網友狠批巨輪變亂倫，劇情講述吳岱融得知陳凱琳愛上蕭正楠，竟強抱她入房擲落床施暴，除鞋除衫兼強吻，網友睇到媽聲四起。
【硬錫嘴】
Raymond Yiu TooCool：巨輪變亂倫！陳健光：放咗上床，第一件事幫個女除鞋。
Sunny JaJa：見到陳凱琳乜火都收晒。
Candy Lam：難為吳岱融！
Ka Kin Lo：韓劇經常癌症撞車，cctvb劇就經常強姦、輪姦、迷姦、亂倫，下年可能開拍《巨輪3（姦）》。
Chau Lap Ki Rocky：TVB真係呢，強姦當有趣。
來源:
http://hk.apple.nextmedia.com/entertainment/art/20161015/19801123
陳凱琳演技浮誇成《巨輪II》死因？！
1 :
GS(14)@2016-10-16 08:20:04大台喺2013年播出由陳展鵬、蕭正楠、鍾嘉欣同田蕊妮主演嘅劇集《巨輪》，當時被觀眾捧為神劇之一。一向睇收視食飯嘅大台，梗係食髓知味拍《巨輪II》，仲吼準時機，安排劇集緊接《城寨英雄》播，以為可以食住《城寨》同埋《巨輪》嘅餘威，斷估會有個底，但係冇諗過，《巨II》播完第五集，觀眾已經嘈到拆天，仲話套劇已經播咗大結局！吓，套劇明明39集，何來大結局呢？原因好簡單，因為大家最期待嘅畫面，即係第一輯主角陳展鵬同嘉欣BB嘅結婚戲份，已經喺第五集出咗街，之後佢哋就冇再出現過喇！故事發展落去，亦唔再係之前嗰輯咁，講兄弟情講奮鬥史，反而集中喺女主角陳凱琳身上，仲要硬插啲強姦戲嚟谷收視。話說《巨II》講到陳凱琳被「父親」吳岱融強姦嘅戲份，花生網民就話《巨輪》變「亂倫」！亦有唔少網友批評套劇，話阮兆祥同田蕊妮原本係夫婦角色，今次夾硬被拆散。再加上劉思希同陳凱琳嘅演技相當浮誇，有網民更希望該劇腰斬。網民咁多不滿，《巨II》收視梗係唔會太好，平均收視曾經只有23點（約149萬人次收看），咁身為女主角嘅陳凱琳之前出席活動時，除咗話介意收視唔好之餘，再講到佢演技被狠批一事，佢就話：「朋友都有問，我是有啲不開心，但不可以一下子改變點演戲，要一步一步來。」
來源:
http://hk.apple.nextmedia.com/entertainment/art/20161016/19802487
踢走陳凱琳蔡思貝李佳芯為上位放棄愛情？！
1 :
GS(14)@2016-10-20 08:05:36大台新晉花旦李佳芯近日憑《巨輪II》被吳岱融掟錢鬧臭x一幕，而人氣急升，昨日周刊爆李佳芯喺年初同大台加簽咗5年合約，換取喺《律政強人》中擔正機會，結果就被佢成功跑出，就連新劇《踩過界》都係由佢做女主角，而備受力捧嘅陳凱琳同蔡思貝都要靠邊站。不過，由有線過檔去大台、身為「余黨」成員之一嘅李佳芯，就被周刊爆佢最近俾大台高層余詠珊「照肺」，叫佢要同現時效力ViuTV嘅奀星陳炳銓要「保持距離」。李佳芯喺被照肺後就立即做嘢，對內就叫陳炳銓低調的，周刊引述陳炳銓身邊人士話，李佳芯冇話要分手，但就叫男友暫時唔好見住，不過陳炳銓似乎都已經打定輸數，預咗戀情凍過水，李佳芯亦已搬離兩人喺西貢嘅愛巢，，返筲箕灣娘家住。
來源:
http://hk.apple.nextmedia.com/entertainment/art/20161020/19806248
【馮仁昭四圍超】陳凱琳疑隱瞞被姦戲嘉穎躁底鬧導演
1 :
GS(14)@2016-10-21 05:28:09■有指鄭嘉穎介意女友陳凱琳拍裸泳同被姦戲，開工時黑面。資料圖片
陳凱琳拍《巨輪II》畀劇中養父吳岱融險強姦一幕，吳岱融演技被網民大讚，反而陳凱琳就被指戲屎，點知原來呢一場戲，仲激嬲埋男友鄭嘉穎，而鄭媽媽亦有微言，覺得陳凱琳好蝕底。噚日有周刊指鄭嘉穎近日睇到網民留言，佢即有啲躁，日前嘉穎唔知係咪因呢件事影響心情，失控拍枱鬧導演。
■陳凱琳喺《巨輪II》有場畀養父吳岱融險姦戲。資料圖片
介意裸泳
周刊又指，陳凱琳早前試過同嘉穎講自己同蕭正楠有一場喺沖繩嘅「裸泳」戲，點知嘉穎好大反應，仲叫佢唔好拍，可以代女友搵監製傾。陳凱琳最終說服到男友，但之後拍嗰場被姦戲，唔知係咪怕男友又介意，有傳陳凱琳隱瞞拍被姦戲一幕，喺呢幕播出之前，佢先主動同男友及未來奶奶解釋，當時嘉穎有啲黑面，但就冇怪責女友，只係講呢行接戲嘅利弊。據知嘉穎一向好緊張女友，近日拍新戲《迷》時開工黑面，有知情者話有次拍廠景，導演叫佢拍幾個散shot，嘉穎就拍枱話唔好阻住，係咁爆粗，一句唔拍就即走，成場呆咗。知情者仲話嘉穎開工成日請工作人員食嘢，相處得幾好，但播女友被姦戲嗰排就有啲火，而鄭嘉穎至截稿前仍未回覆。撰文：馮仁昭
來源:
http://hk.apple.nextmedia.com/entertainment/art/20161021/19807281
陳凱琳騰雞做手術
1 :
GS(14)@2016-11-06 15:49:14陳凱琳（Grace）昨日到馬鞍山為「Terry Fox Run Hong Kong2016」活動擔任嘉賓，陳爸爸為愛女擔任攝影師。Grace透露在加拿大讀書時，已認識運動員兼馬拉松發起人Terry Fox：「喺學校知道佢係名人，不過今年跑唔到，因為晏啲要做眼睛激光矯視手術，都有四百幾度近視，所以以精神及捐款形式支持。」Grace坦言擔心手術有風險，事前考慮了很久，手術後亦會休息最少一星期。問到男友鄭嘉穎可會陪她做矯視？Grace說：「佢唔喺香港，要去宣傳電影，爸爸會陪我。而家科技咁先進，佢都唔係好擔心，而且好多人都做過（矯視），叫我最緊要休息多啲，唔好玩手機。」採訪、攝影：盧妹
來源:
http://hk.apple.nextmedia.com/entertainment/art/20161106/19823886
陳凱琳手術後報平安
1 :
GS(14)@2016-11-08 05:45:52■陳凱琳近日做完激光矯視，表示不能化妝及玩電話。互聯網圖片
圈中有不少女藝人都有近視問題，好似周慧敏、鍾嘉欣和廖碧兒，她們在螢光幕前眼大大亮晶晶，卸妝之後，就要戴厚眼鏡。原來陳凱琳（Grace）都有這個煩惱，早前她出席活動時，表示打算做激光矯視，除去近400度的近視，在進行手術之前，Grace都有少少擔心，因為做任何手術都會有風險，再加上是靈魂之窗，所以她直言在手術前個心「囉囉攣」，加上男友鄭嘉穎要開工，不可以陪伴在側，所以特別缺乏安全感。昨日Grace在Instagram貼相報平安，指自己已經做了矯視手術，她留言表示手術很成功，但是手術後不可以化妝，亦不可以經常看電話，暫時只可以放一張舊相給大家看和報平安。撰文：非非
來源:
http://hk.apple.nextmedia.com/entertainment/art/20161108/19826000
講錯「粉身碎骨」被嘟姐抽水陳凱琳：我以為係啱
1 :
GS(14)@2016-11-22 00:24:46■陳凱琳（左）前晚做司儀時講錯說話，用錯四字詞「粉身碎骨」。
陳凱琳前晚在將軍澳電視城舉行的無綫《萬千星輝賀台慶》上擔任司儀，在康華、馬蹄露和樊亦敏演出後，陳凱琳口快快說：「頭先高踭鞋又高，個台又高，所以話TVB每一個藝人都『粉身碎骨』，令大家開心。」她語出驚人，估計開口夾着脷說出的「粉身碎骨」，應該是「奮不顧身」才對，陳凱琳在台慶大日子講錯說話，認真大吉利是。
■鄭裕玲（右）抽水取笑失言的陳凱琳，朱千雪（左）事後否認偷笑。
「其實幾可愛」
之後，鄭裕玲（嘟姐）不忘抽水：「做我哋藝員一定要對觀眾負責，如果唔係明明『奮不顧身』就變成『粉身碎骨』喇。」朱千雪聞言似掩嘴偷笑。對於口快失誤，陳凱琳前晚回應：「我講錯咗一句，不過呢啲鬼妹係差唔多，其實都幾可愛吖，粉身碎骨。」她又否認是緊張所致：「我真係以為粉身碎骨係啱，我始終對四字詞語唔係好熟悉。」更自爆嘟姐其後有在後台提醒她。採訪、攝影：張俊銘
來源:
http://hk.apple.nextmedia.com/entertainment/art/20161121/19840346
Next Page