財路：中外運殘到不得了
1 :
GS(14)@2018-01-07 16:00:56中外運（598）嚟緊預測PE，比過去十年平均值，平咗近半，另集團旗下外運發展（滬600270）市值，亦挨近中外運本身總市值，中外運殘到不得了。中外運主打運貨代理、專業物流、倉儲同碼頭瓣數。集團前排公佈今年頭九個月營運數據，絕大部份主打瓣數，都錄到雙位數增幅，而場內專業預測，中外運2017年至2019年EPS0.43（港元．下同）、0.46元同0.51元，現價3.83元預測PE8.8倍、8.2倍同7.4倍，明年同後年專業預估PB0.77倍同0.7倍。中外運過去十年平均PE同PB，分別係13.3倍同0.85倍，集團嚟緊兩年預測PE，比十年平均值，平咗近半。中外運揸住外運發展61%，後邊外運發展最新市值215億元（中外運應佔權益等值131億），中外運喺2015年中港大插之後，無點郁過，一年累計，升咗12.6%咁大把，家陣市值232億元，子公司市值幾乎睇齊集團市值。又睇番全球同級近磅大孖沙，聯合包裹（美UPS）嚟緊兩個財政年度，預測PE19.8倍同18.3倍，聯邦快遞（美FedEX）19倍同16倍，中外運又係平咗大大截。彭博資料，12月三間大行報告，畀中外運平均目標價4.8元，另德銀11月發報告，keep住中外運「買入」評級，目標價6.6元。以呢個至牛目標價計，代表中外運現價要升72%，就算以再上邊一個4.8元目標價計，中外運亦要升25%，到時，集團2019年預測PE先去到9.3倍，係未有耐追得上十年平均PE同行家水位。錢雋細價股專家本欄逢周二刊出
來源:
https://hk.finance.appledaily.co ... e/20180102/20262494
財路：中糧肉食博翻一番
1 :
GS(14)@2018-01-22 05:57:43全國豬價有小牛市，萬洲（288）創新高，中糧肉食（1610）繼續潛喺上市以嚟低位，講PE、PB，又係平咗大大截，中糧肉食超抵搞。中糧肉食係國內第四大生豬養殖商，兼垂直覆合飼料生產、屠宰、生鮮豬肉、肉食製品、經銷零售同凍肉進口，對口係超級大孖沙中糧集團，講級數、業務多元性同母系，全部架勢堂。再睇豬價新聞，綜合內地報載，上周全國生豬平均價上到7.67元人仔一斤，連續刷新九個月新高。又全國多個地區生豬整體均價每公斤突破15元人仔，豬肉股乘勢起飛，香江呢邊嘅萬洲，股價創埋新高，中糧肉食係冇郁過！又萬洲話，由於散養戶持續退出行業，預計到上年尾，全國散養戶養殖出欄佔比，會由2015年57%，降到52%以下，三年內降低6,600萬頭產能。此消彼長下，中糧肉食掂晒！場內專業預測，中糧肉食今年回復增長，今、明兩年EPS0.25港元同0.31港元，現價1.59元預測PE得6.5倍同5.2倍，同樣專業預估PB，得0.88倍同0.75倍。上邊萬洲同期預測PE講緊13.8倍同12.9倍，預估PB2.2倍同2倍。又按彭博有做專業預測行家，內地傲農（滬603363）今、明兩年預測PE44倍同35倍，預估PB6.4倍同5.4倍、牧原（深002714）20.3倍同19倍，預估PB6倍同4.9倍、溫氏（300498）19.2倍同17.6倍，預估PB3.7倍同3.2倍。中糧肉食係至抵搞！買中糧肉食，當翻一番到3.2元，明年預測PE先得10倍，都仲未追到萬洲PE水位！錢雋細價股專家本欄逢周二刊出
來源:
https://hk.finance.appledaily.co ... e/20180116/20276034
財路：炒二線股越秀等爆
1 :
GS(14)@2018-01-28 18:48:55越秀地產（123）喺咁多隻有阿爺背景內房當中，PB至抵搞，資金水向下流，開始炒二線嘢，越秀等爆邊。場內專業預估，越秀今、明兩年預估PB0.49倍同0.47倍，比起本身過去10年平均0.6倍已經平咗截。又越秀對上越秀集團，係廣州市國資委管理，場內同樣份屬阿爺背景嘅，華潤置地（1109），兩年專業預估PB1.3倍同1.2倍、宏洋（081）0.95倍同0.77倍、深控（604）0.68倍同0.63倍、五礦地產（230）無專業預估，家陣PB0.6倍，保利（119）0.55倍同0.53倍，越秀至抵搞！越秀家陣坐擁土儲930萬平方米，折合1億平方呎土儲，兼以13.5發展戰略，喺珠三角同長三角重點配置資源，呢批土儲，以每方呎增值100蚊咁計，已經為越秀帶嚟上百億元肥仔資產增值。越秀土儲唔削，連土儲升值，集團實際PB，係仲吸引。越秀上年累計合同銷售408.7億元人仔，增加35%，原定目標360億元人仔，超額完成，睇到係，內房銷售理想，越秀嚟緊日子，嚟自房產利潤有保證之餘，增值變得好實在。場內專業預測，越秀今、明兩年EPS0.21港元同0.25港元，兩年預測PE得7.7倍同6.4倍，越秀過去十年平均PE講緊10倍，集團兩年預測PE，又比本身平均值，平咗一截。彭博券商報告當中，廣發最牛，睇越秀目標價2.6元，以集團現價1.66元計，代表潛在升幅60%，目標價明年PB0.75倍，啱先追到上上邊內房明年平均PB水位。錢雋細價股專家本欄逢周二刊出
來源:
https://hk.finance.appledaily.co ... e/20180123/20283175
財路：內需股呢隻最抵買
1 :
GS(14)@2018-02-13 03:04:05中糧油（606）已經發咗盈喜，集團聚焦米麵油戰略，食住內需回穩升溫，嚟緊日子，keep住掂過碌蔗。內需瓣數當中，中糧油預測PE亦係至平選擇，勁抵煲。中糧油上月發盈喜，估計就快派2017年成績單，盈利約30億元。粗略計數，就算扣除當中出售生物燃料帶嚟9億元淨收益，中糧油盈利仍高達21億元，比對過去五年成績單，都係最省鏡。現價3.58元，莫講過唔到五年股價新高，就算比對2015年高位5.15元，仲係講緊累跌近31%！又中糧油全年成績單靚仔，皆因各主打瓣數回勇，以上年上半年為例，唔單只毛利翻過一番到36.4億元，毛利率同比亦增加3.9百分點，到8.2%。中糧油係全國第二大包裝食用油品牌企業，旗下小包裝米麵，亦喺內地處領導性優勢。國家統計局數據，上年頭三季，反映最終消費嘅糧油、食品零售額1.18萬億元人仔，同比增加10.6%，食住內需回暖條水，中糧油掂當。場內專業預測，中糧油今年再冇出售業務一次性收益，今、明兩年EPS0.326元同0.37元，預測PE10.9倍同9.5倍，兩年預估PB得0.62倍同0.59倍。場內內需瓣數康師傅（322）今、明兩年預測PE33.2倍同29倍、統一（220）23倍同21倍，同中糧油同系統嘅中國食品（506）預測26.2倍同21倍、蒙牛（2319）預測PE23.1倍同19.3倍，中糧油至抵搞。呢期大行包括里昂同大摩，都睇好內需股，有大孖沙睇好，為呢瓣加添鑊氣。買中糧油，煲翻半番到5.37元咁計，明年預測PE14倍，未追到上邊任何內需瓣數。錢雋細價股專家本欄逢周二刊出
來源:
https://hk.finance.appledaily.co ... e/20180206/20296962
財路：哈電殘爆博升40%
1 :
GS(14)@2018-02-28 07:36:20哈爾濱電氣（1133）吸引之處，係連埋配發內資股後，集團PB仍然低到得0.3倍，而手頭現金係總市值3倍水位，殘到爆！哈電上年話配發內資股畀阿媽，最終今年頭搞掂，每股內資股配發價調整到4.56（港元，下同），就算係咁，連呢壇製作之後，哈電NAV仲講緊高達8.8元，現價3.16元，PB得0.36倍！哈電現價潛喺近2008年金融海嘯以嚟近十年底，貼近2015年中港瘋牛期大插水低位，比起08海嘯價2.52元，唔係高好多！又哈電海嘯期PB最低見過0.57倍，過去十年平均0.75倍，家陣PB比海嘯期仲要低！仲未只。哈電到上年6月尾，揸現金150億元人仔，連配股集資後，總現金到165億元，係新增已發行股數對應總市值54億元嘅3倍！又就算扣埋借款73億元，哈電仲講緊有淨現金92億元，或每股5.4元。哈電現價比配股價平咗31%，比每股淨現金平咗42%！哈電1月尾發盈警，話受累減值同匯率波動，集團就快派2017年成績單，盈利會顯著下跌。但咁睇，按到上年6月尾半年度成績單，出口6.7億元人仔，佔咗成入近40%，而同期新增合同近120億元人仔當中，有17.6億元人仔，亦係嚟自出口。睇到係，尤其火電瓣數，受累環保國策影響，哈電冇運行，但隨住出口提升，尤其一帶一路商機底下，哈電嚟緊日子，係有機會谷底回穩！當博反彈咁計，哈電上番上邊配股價4.56元，講緊要升40%樓上，呢個水位仲係低過每股淨現金值，而目標價PB0.52倍，亦未有耐追上十年平均值。錢雋細價股專家本欄逢周二刊出
來源:
https://hk.finance.appledaily.co ... e/20180227/20316830
Next Page