自嘲中坑 封陳文敏偶像
1 :
GS(14)@2017-02-03 02:50:36【本報訊】女神不在乎體重，男神又何須介意年齡？「我覺得我唔係（男神）啦，搵個中坑嚟做男神，有啲尷尬喎！」38歲的蔡騏對被封新一代律政男神有點抗拒，年齡是主因，多番自嘲是中坑，面上卻未見即將踏入4字頭的滄桑。他拒當男神，卻有極尊重的男神，「最佩服嘅係陳文敏，佢係我嘅role model（模範）」。
Band 4生狂煲英文
蔡稱中學讀Band 4，在獲港大法律系取錄的人中較罕見，蔡騏稱中四才發奮，中七時老師說：「你唔會讀到law（法律），你啲英文太差。」他忿忿不平狂煲英文，結果1997年獲取錄，「你話入唔到我就入畀你睇」。他坦言對法律並不特別有情意結，「讀文科，冇乜科好揀吖嘛」，又指美劇中的律師看似優游，吸引他這位人馬座青睞。他自言大學時「走堂走得好勁」，選擇當大律師而非律師「都係覺得自由啲」，「我嘅一切都係隨緣，做人好relaxed」。港大法律學院前院長陳文敏去年在港大副校長遴選過程中受打壓，這位前學生亦積極聲援，「佢喺學識上係泰斗……我當時真係好激動」，打壓事件更令他對偶像更添尊重：「之前佢（陳文敏）事業受衝擊，出嚟講嘅嘢，都係文質彬彬；啲人對佢無禮、無理，佢都可以斯文咁回應，係好有修養，鬧人都咁斯文，我真係做唔到。」■記者許偉賢
來源:
http://hk.apple.nextmedia.com/news/art/20170202/19915258
「處子秀」自嘲年老 調侃身旁助理
1 :
GS(14)@2017-03-04 00:21:34【明報專訊】新官上任的中銀監主席郭樹清昨上演了首場「處子秀」，面對記者尖銳提問，郭樹清採取「大方向、大方針」由自己回答；細節內容，則多次強調自己「上班第三天」輕輕帶過，再交給同場出席的兩位副主席王兆星和曹宇，以及主席助理楊家才去作答。
「只懂農村改廁 不懂管銀行」
雖然這種處理方式好像給人敷衍之感，但郭樹清卻以幽默感淡化這種情緒。被問到怎樣看金融監管改革這敏感議題，他直言自己過去4年於山東都是處理實體經濟工作，沒考慮太多金融監管的事情，又自嘲自己老了，「年齡愈大愈對以前的事情記得清楚，對新的東西學習和接受能力比較慢，上星期我還在想山東的工作」。之後憶述去年山東提出農村改廁計劃，「你要問農村改廁有什麼模式，我知道，有三個模式，你說銀行監管有什麼措施，目前我一個都沒有」，令全場捧腹大笑。
笑位不止一個，銀監會主席助理楊家才回答非法集資問題，特別強調山東的非法集資比較少，沒料到郭樹清立即調侃他：「我當了主席你才表揚我，我在山東時你怎麼沒表揚我？」楊家才一下子面露尷尬，更戲劇性靦覥吐出一句「沒有機會嘛」，台下立時笑翻。
來源:
http://www.mpfinance.com/fin/dai ... 0585&issue=20170303
起步仆倒柯文哲自嘲：跑道彈性好
1 :
GS(14)@2017-04-08 20:44:02因為一句「香港很無聊，香港一個小島有甚麼好看的？」繼而引發港台風波的台北市長柯文哲，昨日視察世界大學運動會主場館時，不知是否心不在焉，當他落場試跑時，不料起步3秒就因重心不穩仆倒在地，整個人趴在地下！柯事後自嘲，跑道不錯有彈性，影片掀熱議，其跌倒的畫面更成網民改圖對象。
起身跑完全程 面露不悅
世大運今年8月登場，作為開閉幕主場館、田徑賽事場地的台北田徑場，當局斥資1.7億新台幣（約4,300萬港元）修建，人稱柯P的柯文哲昨前往台北田徑場，視察世大運場館整建進度，其間親身落場試跑，和世大運培訓選手、吉祥物熊讚賽跑。第一次鳴槍起跑時，因熊讚偷步，要重新開始，接着第二次鳴槍，意想不到的事終於發生，柯前腳一腳踏出，就因為重心不穩而跌倒，還趴在賽道上。柯隨後自行起身跑完全程，但表情凝重顯露不悅。他會後打趣說，一切還好，不過這代表跑道還不錯，還滿有彈性的，他接着又說：「做甚麼事情都要好好準備，標準動作應該是先跑一圈暖身過再跑，像這種沒準備要突然跑都會受傷。」跌倒事件引發網友熱議，網民笑稱：「連跌倒都這麼萌，唉呦真受不了」。台灣《蘋果日報》
來源:
http://hk.apple.nextmedia.com/international/art/20170408/19983319
薛凱琪自嘲欠樣貌身材
1 :
GS(14)@2017-04-08 20:44:30■薛凱琪前晚起舉行一連四場演唱會，穿上大露背裝出場。
薛凱琪（Fiona）前晚在旺角麥花臣場館舉行一連四場「夢之途中薛凱琪音樂紀2017」，何超蓮、周國賢、余安安等前去捧場。演唱會主題是她入行的心路歷程，其間播放圈中人分享快樂的片段。Fiona說：「呢個騷提大家搵到自己鍾意係乜，上天一定會畀你，有時係工作上，有時係家庭，樣貌、身材，我就冇呢啲喇！」當Fiona講到低潮時，兩度落淚，唱完《十年後的我》更一發不可收拾，她說：「每次諗番起我有基本需要，我已經好快樂，以前快樂好短得三分鐘，?家唔係，快樂永遠陪伴我身邊，好多嘢我哋控制唔到，好開心帶快樂畀大家。」採訪：王連連攝影：仇志德
■當唱到《十年後的我》，薛凱琪忍不住落淚。
■薛凱琪坐在舞蹈員身上，大派飛吻。
來源:
http://hk.apple.nextmedia.com/entertainment/art/20170408/19983188
【動畫●泡菜x榨菜】過年着韓服拜黃大仙 港韓混血兒自嘲怪胎
1 :
GS(14)@2017-05-27 00:06:53Jade係香港出世，土生土長嘅港韓混血兒，媽咪係韓國人，Jade講笑話：「全屋女人都棟起腳食飯！」
尋找首爾的香港】「我屋企嘅女人都係棟起隻腳食飯！」90後Jade即場示範韓式餐桌禮儀－－「棟起隻腳、晾起隻手」，仲有㗎，「飯碗要擺低，一定用匙羹食，餐餐都要食泡菜！」咪以為Jade係哈韓族，而係港韓混血兒，呢一切都喺韓籍媽咪身上學返嚟，仲笑住話，「爸爸係香港人，佢見我哋食飯咁粗魯都無辦法。」
仲有，飯碗要擺低，一定用匙羹食，餐餐都要食泡菜！
Jade細細個就會着韓服，
仲話媽咪試過叫佢着韓服去黃大仙拜神。
Jade喺香港出世，土生土長，聽Eason、霆鋒啲歌長大，當年韓風仲未襲港，未有少女時代、Super Junior、BigBang等令人為之瘋狂嘅K-Pop歌手，呢半個韓國人嘅身份，令Jade擁有不一樣的童年。「怪胎」兩個字，Jade用嚟形容細個嘅自己，「身邊嘅人會問我好多奇怪問題，好似細個搵小學，有人聽到我同媽咪講韓文，因為佢哋唔識聽，就問『你媽媽係新移民嚟㗎？』」即使去到韓國，韓國嘅親戚都會問，「香港有冇西瓜呀？食多啲西瓜啦！香港有冇柑呀？食多啲柑啦！」對於當時只係小朋友嘅Jade，根本唔識答，「只係覺得好煩囉！」
Jade細個覺得自己係怪胎，無論香港朋友定韓國親戚都會問佢奇怪問題。
直至大長今嘅出現，先令佢為自己擁有一半韓國身份感自豪。
雖然Jade喺香港長大，亦離唔開韓國文化。例如過年，香港人會去親戚屋企拜年，但Jade就要跟媽咪周圍去拜神，「我最記得有一年大年初一，媽咪叫我着韓服去黃大仙拜神，當年套韓服係橙紅色，周圍啲人都望住我！」佢話嗰時超級唔鍾意，超級尷尬！小學時期，都有試過被取笑，嗰時學校除咗Jade係港韓混血兒，仲有個港日混血男生，「我記得細個同嗰個男仔打交，畀老師罰企，其他老師行過就話，『嘩！做咩呀？日韓大戰呀o依家？」Jade話嗰時真係覺得好肉酸！
大長今後K-Pop都開始彈起，有次Jade識朋友可以到後台同Rain合照。
Jade話韓國親戚住嘅屋都好似畫中畫嘅模樣。
直到Jade15、6歲，玩一個韓國社交平台，該平台嘅特色係每日會隨機抽選用戶作介紹。有一次Jade被選中，平台介紹佢係「懂得五國語言的香港韓國混血女生」，點知就收到韓國網民嘅惡意留言，內容係「香港韓國呢啲唔係叫混血，係叫國際婚姻呀！」Jade話「國際婚姻」係對其父母嘅侮辱，因為韓國人所指嘅國際婚姻，係30歲以上嫁唔出、娶唔到老婆嘅人，要喺落後地區例如越南，買個老公或者老婆返嚟。細個面對咁多港韓文化差異，Jade唔係太鍾意自己係半個韓國人，直至大長今嘅出現，先由令人奇怪變成令人羨慕，「大長今播出之後，越嚟越多K-Pop歌手出嚟，當啲人知道我係港韓混血兒就會話，『吓？你係韓國mix嚟㗎？嘩！好勁呀！咁你咪識講韓文囉？』」
喺榨菜同泡菜之間，Jade話唔可以唔食泡菜，不過講到做人，就話想做香港人，「始終喺香港長大，鍾意香港文化多啲，唔係好鍾意韓國嘅階級觀念，即係我大你一年，就叫你做乜你都要照做。」
Jade又話唔習慣韓國男人嘅大男人性格，所以如果喺港韓之間揀另一半，都希望揀返香港人，唯一只有一個要求，「我會好夢寐以求一個韓式婚禮，男朋友係咩國籍都要着韓服！」
Jade Chin Blog
https://www.facebook.com/jadechinblog場地提供：狎鷗亭居酒屋地址：尖沙嘴諾士佛臺9號冠福中心1樓電話：35792992記者：鄒倩婷（阿仙）攝影：峰 Neo剪接：Roy編審：陳家文
來源:
http://hk.apple.nextmedia.com/entertainment/art/20170526/20034003
Next Page