碧桂園一家親 「駙馬」任非執董
1 :
GS(14)@2016-12-09 07:55:43【明報專訊】「一家親」嘅碧桂園（2007），主席楊國強本來已搵咗佢兩個女同埋侄仔入董事會，噚日又添新丁，公司宣布委任「駙馬爺」、中國女首富楊惠妍嘅老公陳翀做非執行董事，佢以後每年就可以袋37萬人仔。
除咗同楊家嘅親戚關係，公司並冇交待太多陳翀嘅背景，淨係話佢38歲，讀化學出身，有清華大學同倫敦大學學位，仲係廣東省海外留學青年聯誼會首屆會長，一副傑出青年模樣。其實呢位中國女首富嘅男人都唔簡單，老竇喺東北某省嘅副廳級高官，佢自己曾經畢業後亦都一路係碧桂園做事，直到呢幾年先自立門戶，投資煤炭新能源。
擁官二代背景
不過佢仲有個特別身分，叫碧桂園董事局特別助理，上星期五啱先喺北京，陪同參加岳父大人出任清華大學名譽校董嘅活動。話就話非執董嘅工作喺監察董事會，但如果老闆係自己岳父，小琴就真喺唔知邊啲嘢講得，邊啲唔講得咯。
email:
[email protected]
[小琴密語]
來源:
http://www.mpfinance.com/fin/dai ... 0836&issue=20161209
家夢委電競選手任執董
1 :
GS(14)@2016-12-21 08:14:26【明報專訊】邊個話打機無發達？家夢（8101）公布，委任今年25歲專業電子競技選手王柏勤任執行董事，年薪36萬元，公告無提學歷，皆因王柏勤無讀過大學，他喺中七畢業後便隻身返中國全職打機，3年前帶領內地電競隊伍「皇族」喺世界賽攞到亞軍，一戰成名。
家夢通告入面話，王柏勤「於電子競技、電子商貿及互聯網行業擁有豐富經驗及知識，為世界知名的《英雄聯盟》專業玩家」。翻查過去訪問資料，王柏勤曾經透露中七喺華仁書院畢業後離家出走，去到內地參加電競比賽，贏咗冠軍，然後加入「皇族」出戰各項大賽。
近年王柏勤已退出職業賽，轉為直播打機及出售電競商品，根據他本人所言，每月收入逾4萬元，甚至比家夢開出嘅月薪3萬仲要高
資策執董「自購自撻」旗下豪宅
1 :
GS(14)@2017-02-11 18:34:05【本報訊】資本策略（497）旗下尚家生活位於銅鑼灣道33號的豪宅新貴Yoo Residence，出現發展商自己撻定事件。土地註冊處資料顯示，豪宅新貴Yoo Residence的22樓D室一房單位，實用面積349方呎，於2013年4月一手新例實施之前，以1,216.2萬元售出，呎價34,848元，並已經簽定正式買賣合約，買家為方文彬（Jimmy），中英文名皆與資本策略執行董事同名，估計為同一人。惟買家於購入單位近4年後，於上月取消交易。根據買賣協議，買家須於2013年10月9日或之前分4次共付約243萬元樓價，餘款則於入伙前付清；而項目於去年首季入伙。本報致電方文彬了解事件，惟無人接聽。
屯門居屋連環破頂
近期接連有新盤推出的啟德，刺激鄰近屋苑二手市況。牛池灣富誠地產曾遠東表示，曉暉花園5座高層F室，實用485方呎，兩房連天台間隔，以708萬元成交，呎價14,597元，為屋苑首次有兩房造價逾700萬元，呎價亦首度升穿14,000元。原業主於2004年9月以238萬元購入，賬面賺470萬元。屯門兩個居屋連環破頂。祥益地產黃慶德稱，龍門居16座低層B室，實用484方呎，同屋苑上車客即睇即買，以自由市場價395萬元購入，呎價8,161元，成交價破兩房自由市場新高，呎價亦打破屋苑紀錄。原業主於2008年6月以133.8萬元自由市場價購入，獲利261.2萬元離場。同區富健花園則錄居二市場新高價，單位為9座高層B室，實用484方呎，區內綠表上車客斥資295萬元入市，呎價6,095元，創屋苑兩房綠表成交價新高。中原地產彭少忠表示，青衣長安邨安清樓中層1室，實用面積496方呎，綠表市場以295萬元易手，呎價為5,947元。原業主在2014年1月以198萬元綠表買入，3年賬面賺接近100萬元。
來源:
http://hk.apple.nextmedia.com/financeestate/art/20170210/19923583
信置執董陪林鄭見工程界
1 :
GS(14)@2017-02-11 18:55:11【本報訊】工程匯昨主辦2017特首選舉論壇，4名特首參選人林鄭月娥、曾俊華、葉劉淑儀及胡國興分別出席。打頭陣的林鄭由其競選辦副主任信置執董黃永光陪同赴會，黃更留守至曾俊華的環節聽取對方與工程界對話。曾俊華被問及會否擔心被抄政綱時回應，「唔驚，我嘅政綱係好公開，印晒出來，個個都可以拎一份」，又指對方肯抄是好事，認為不論誰勝出都應推出有關措施。
留守至曾俊華環節
與會的工程界選委有建制亦有民主派，包括前立法會議員何鍾泰、梁廣灝、民主派「進步工程」名單的蘇耀坤等，其中何鍾泰稱已有取向，但拒透露；蘇耀坤則希望了解參選人對政改、《基本法》23條的立場。林鄭離開時稱曾任發展局局長5年，與工程界有緊密合作，席間大家都關心香港的基建狀況，她預告會提出新理財哲學，「畀到佢哋定心丸，繼續投資基建」，又指目前問題是提交立法會審議的基建項目要長時間才獲撥款，影響工程招標，亦有人關心推出工程項目平均性，不想時多時少，並鼓勵年輕工程師多關心社會，議政論政。緊接出場的是曾俊華，與林鄭赴會的黃永光未隨林鄭離開，繼續留在會場。曾俊華會後指對於爭取工程界支持感樂觀，笑言：「我成世人都樂觀嘅。」被問前天得知手握194票的香港友好協進會支持林鄭時稱「好驚」，他說：「其實我好驚，唔係真係好驚。」他又指不擔心被抄襲政綱，認為有人抄是好事。另一特首參選人葉劉淑儀呼籲工程界選委予以提名，讓她可入閘，「我相信會攞到啲。我聽到啲掌聲，我下星期會跟進（爭取提名）。」■記者陳雪玲
來源:
http://hk.apple.nextmedia.com/news/art/20170211/19924927
二五中環 萬南 輝山「玩失蹤」執董 身份惹市場遐想
1 :
GS(14)@2017-04-10 03:16:53http://www.metrodaily.hk/metro_c ... %E9%81%8E%E7%B3%A7/
上星期五輝山乳業(6863)股價以直插冇水花式暴跌，之後拉閘到而家，缸湖傳聞涉及有人造假數及挪用資金，不過公司已正式否認，唯一肯定係執董葛坤(圖)上星期發信畀公司，指工作壓力大到要休假，要求唔好搵佢，然後就「玩失蹤」唔知去向。最搞笑係呢位葛坤女士，一度盛傳佢係輝山主席兼大股東楊凱嘅愛妻，但喺公司年報又唔見披露關係，最後集團否認。睇番葛坤背景，之前做楊凱秘書出身，學歷唔高，居然可以入局，重係一致行動人士，難怪唔少人咁諗。
專門幫人搞上市嘅老友唔評論輝山個案，但佢話商場中類似似是疑非關係相當多，因為內地實行「一孩政策」多年，好多富二代私生仔女唔可以公開認(情婦更加啦)。最奇怪係仔女連姓都改埋，睇落完全冇關係，卻又半公開地安插入公司做高層，乖巧地避過披露，做刁便可「這麽近那麼遠」。
中環在線：林作做毫子股執董年薪60萬
1 :
GS(14)@2017-05-26 23:53:42多瓣數嘅林作殺入財經界！佢早前放棄做大律師，走去做「補習天王」，最近做埋上市公司執行董事，加入舊年上市嘅地基工程股汛和（1591）做執董，簽約3年，年薪60萬元，即月薪5萬元。
稱提供策略意見
汛和係隻毫子股，專做地基工程分包，舊年9月上市，集資約1億元，噚日收報0.104元，市值4億元，奀豬豬；另外，汛和上市唔夠一年，上個月已經配股，大股東嘅持股量由75%，跌落51%，雖然仲係過半數，但係好易俾人誤會佢係一隻殼股喎。林作就唔評論汛和嘅股票性質嘞，只係解釋，今次係機緣巧合之下，認識到金融界猛人，搵佢加入汛和，佢唔識地基工程生意，但做過兩年大律師，將會為公司嘅企業管治同合規事宜提供策略意見，希望盡量畀到貢獻咁話。有家底嘅佢，竟然又話「我真係想搵錢……長遠希望搵更多」。27歲嘅林作瓣數認真多，而且經常變身，佢為人所認識，當然係因為有位「十優港姐」麥明詩做女朋友（唔知真散定假散），佢兩年前選區議員失敗後，一度專心做大律師，早前轉行走去做「補習天王」，家陣做埋上市公司，查實佢知唔知道自己究竟想發展邊一瓣呢？李華華
mailto:
[email protected]
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170526/20034127
同內地官方有冇關係？ 羅馬執董：大家估吓
1 :
GS(14)@2017-07-29 01:46:13【明報專訊】前排負面新聞多多嘅羅馬集團（8072）今次真喺邁向新里程啦，集團噚日響記者會度，宣布收購灝天金融旗下兩間子公司：灝天環球35%股權及灝天信貸50%股權，董事局又建議集團改名中國國家金控，仲搵埋中銀老臣子林廣兆加盟。
改名中國國家金控 自稱獲國資委祝福
不過，作為一間民企，改名改到成間國企咁，正常應該唔係咁易批喎？主席張惠彬就話，佢哋今次係得到「國資委物資流通國際合作事務中心金融資產能源管理諮詢委員會主任」（個銜頭足足30字！）包亞平（圖中）嘅祝福，未來集團會對國家政策同埋一帶一路作出貢獻。
到咗發問環節，小琴同一眾記者都好想知搵到國資委出席記者會，係咪同內地官方有咩關係呢？執行董事余季華就懶神秘咁話畀大家估下喎，佢仲笑住咁講公司同世界各地客戶都有合作，自己都好想同國企有緊密合作。而集團管理層都覺得內地發展空間好大，對公司嚟講喺好好嘅商機，作為香港公司，好應該響一帶一路出返一分力。
email:
[email protected]
[小琴密語]
來源:
http://www.mpfinance.com/fin/dai ... 4266&issue=20170728
與李澤楷交情深 任電盈非執董
1 :
GS(14)@2017-09-17 16:18:26【本報訊】香港回歸後，霍德表面上已退出本港政壇，但他2002年起獲委任為李澤楷旗下電盈（008）的非執董，直至逝世前仍身居此職，與李澤楷交情甚深。當年電盈曾表示，委任霍德是相信他深厚的人脈網絡，可助公司聯繫英國商界，拓展英業務。不過霍德敏感的政治背景，市傳一直惹來中方不滿及猜疑，而電盈過去10多年來不少富爭議性交易，都會見到霍德身影。
曾代解釋疑種票事宜
電盈近年最富政治色彩的交易，為2006年李澤楷欲出售大部份電盈資產，予外資麥格里和新橋，事件引發中方極大反彈，當時電盈中資股東網通亦反對交易，市場就有傳李澤楷處理該次風波，幕後的軍師就是霍德。由於電盈2000年擊敗新加坡對手、舉債鯨吞香港電訊，外界一直視之為獲中方祝福下得到的結果，但中方想不到數年後，李卻欲將電盈甩身予外資，惹來政治風波。另外，由於電盈長期低迷，小股東與李澤楷關係惡劣，李曾多年缺席股東會。而多次極具爭議的股東會，如2008年身陷種票風波的電盈私有化方案表決，就是由霍德以主席身份代主持會議，在會上向股東解釋種票事宜。霍德生前長駐英國定居，據指他會不定時赴港交代業務。據電盈2016年年報，霍德去年4次董事會中出席了3次，股東周年大會亦有參與。■記者范穎琛
來源:
http://hk.apple.nextmedia.com/news/art/20170911/20149237
Next Page