黎姿收女兒親筆畫
1 :
GS(14)@2017-05-18 02:14:14■黎姿（左二）偕弟與父母過母親節，並在網上晒囡囡畫的賀卡。微博圖片
群星昨日齊在網賀母親節，而有三個女兒的幸福人妻黎姿，在微博貼跟父母和弟弟合照，還有女兒畫給婆婆的賀卡，留言：「世上只有媽媽好！」蔡卓妍於昨早6時許已貼童年時跟媽媽合照，感性寫道：「寧願媽媽你是妹妹，愛玩就玩有我照顧你。」林夏薇則貼陪媽媽飲茶相，竇靖童亦上載跟天后媽媽王菲及陳家瑛笑得開懷的合照。
仍在坐月的台灣組合S.H.E成員陳嘉樺（Ella），則被好姊妹任家萱（Selina）爆她曾做荒唐事，前晚Ella有感而發在社交網撰文，指人生第一個母親節覺得很幸福，感激老公悉心照顧，更自爆：「我來自首荒唐事就是我太怕熱，所以偷偷沖了幾次冷水澡。」網友笑她是地表最強媽媽，彷彿聽到Selina的怒吼：「你這個瘋婆子！」撰文：皓騫
■阿Sa貼上與母親（右）的舊照，並叫媽媽「多寵愛你自己才美」。互聯網圖片
■（左起）竇靖童上載跟陳家瑛及母親王菲笑得開懷的合照。互聯網圖片
■上月誕下BB的Ella，幸福地過母親節。互聯網圖片
來源:
http://hk.apple.nextmedia.com/entertainment/art/20170515/20021293
為李嘉欣預祝47歲生日黎姿：大美人永遠美麗
1 :
GS(14)@2017-06-18 11:18:176月20日係大美人李嘉欣嘅47歲生日，不過佢喺踏入生日月無耐，已經喺微博留言叫大家唔好送禮物，佢留言：「每年收到的禮物和祝福都讓我很感動，踏入了生日的月份，『禮物』意義是分享喜悅和愛，如果你正打算送我禮物的話，請考慮支持『Ukulele暑假班眾贈行動』，給自閉症兒童一個難忘的夏天！」生日都不忘做善事，真係好愛心，查實有時唔一定收禮物先開心，同埋一班朋友見吓面，食個飯已經好開心，嘉欣嘅好友黎姿，前日喺微博貼咗啲食飯相，同場仲有嘉欣嘅家姐李嘉明與及設計師好友張潔雯。睇見佢哋個個樣都冇乜點變，都係凍齡美魔女，令人好葡萄。之後黎姿都留言：「Happy birthday to大美人祝永遠美麗、健康、喜樂常在！」嘉欣亦轉發微博：「謝謝你們美美的祝福！」
來源:
http://hk.apple.nextmedia.com/entertainment/art/20170618/20059872
李嘉欣相約黎姿慶生 穿Valentino花裙飄女人味
1 :
GS(14)@2017-06-23 01:44:37明天便是大美人李嘉欣(Michelle)的生日，日前她相約一班好姊妹食飯慶祝生日，包括黎姿、家姐李嘉明與及設計師好友張潔雯，之後黎姿更在微博貼食飯相。雖然Michelle即將踏入47歲，不過無論樣貌、皮膚與身材都保養得宜，是出晒名的凍齡美魔女。日前她穿上Valentino2017早秋系列的印花裙，加上一頭曲長髮，顯得美豔動人，充滿女人味；同枱食飯的45歲黎姿周同屬是凍齡美魔女，穿上白色上衣的她，簡單配搭黑色chocker，增加型格時尚，望落好young好青春。
來源:
http://hk.apple.nextmedia.com/entertainment/art/20170619/20061252
黎姿愛粉紅 穿出溫婉女人味
1 :
GS(14)@2017-07-02 14:19:3645歲的黎姿08年退出娛樂圈，翌年與商人馬廷強結婚，今天已是人妻兼3女之母，也是上市公司的主席，一身兼數職，縱橫商界又要照顧家庭，早前還宣布冠夫姓改名為「馬黎珈而」。前日黎姿在微博貼了一張豬寫實畫，表示自己好鍾意隻豬：「其實我最鍾意粉紅色的小豬豬！我屋企就有三隻！」還留了「粉紅小豬」、「PinkPiglets」、「luvmydaughters」這幾個tags，錫晒3個千金，相中她穿上粉色外套，完全凸顯這位45歲人母兼女強人的身份，亦柔亦剛，而粉色更起了減齡的作用，她適合她的溫柔的個性及氣質。
來源:
http://hk.apple.nextmedia.com/entertainment/art/20170702/20076341
黎姿遊故宮憶拍劇辛酸
1 :
GS(14)@2017-07-05 03:49:36■黎姿近日重遊北京故宮，回憶13年前拍《金枝慾孽》的往事。微博圖片
黎姿近年打理醫學美容生意，今年公司上創業板，成為上市公司主席，更改名黎珈而。近日黎姿帶三個囡囡去北京旅行，在微博貼上遊故宮的短片，又留言緬懷13年前在北京拍《金枝慾孽》的點滴：「人在北京故宮，令我想起以前拍攝《金枝慾孽》的點滴；雖然是日以繼夜的拍攝，但與一班好拍檔工作，充滿歡樂。而最辛苦是時值冬天卻要拍皇宮夏天戲份，凍到差點連對白也講不出。回想起也不知道當時是怎樣捱過去的。今次帶着我三隻小豬豬遊北京，感覺很新鮮。」
■黎姿留言表示三個女兒不停問她中國的歷史。微博圖片
黎姿當年憑該劇的角色「玉瑩」打敗「如妃」鄧萃雯及「爾淳」佘詩曼，獲得無綫視后。撰文：唐如
來源:
http://hk.apple.nextmedia.com/entertainment/art/20170703/20076690
黎姿見爺爺雕像激動
1 :
GS(14)@2017-07-07 02:42:26現名「馬黎珈而」的黎姿，最近帶三位千金到北京旅遊，繼日前在微博晒和囡囡遊故宮後，昨日又分享參觀北京中國電影博物館的照片，館中有介紹他的爺爺黎民偉的相關作品資料，還擺放了有「香港電影之父」之稱的黎民偉雕像，黎姿不禁嘆道：「心中有點點激動，雖然我從來沒有見過他，但小時候總會聽到爸爸和嫲嫲說過他一些往事。」黎姿指爺爺醉心電影藝術，相信電影可以滋潤人的心靈，站於雕像前留影的黎姿更謂：「身為電影之父的孫女，有點不好意思的是在電影界未有好作品。但爺爺對自己事業的熱誠、堅持和執着，是我好好學習的榜樣。」撰文：葉綠悠
來源:
http://hk.apple.nextmedia.com/entertainment/art/20170705/20078816
洪永城半山搬到地面住黎姿谷底反彈成闊太
1 :
GS(14)@2017-08-02 05:59:39好多藝人表面風光，但其實背後分分鐘孭起頭家，真係有苦自己知。好似近年愛情方面唔多得意嘅洪永城，亦係家道中落嘅人之一，話說洪母係台灣人，早年營商，家境殷實，家中排行第二嘅洪永城10歲起就被送去新西蘭留學，可惜經濟差，生意失敗，家道中落，佢屋企更越搬越落，由住半山搬到尖沙嘴同天后等地方，物業賣得嘅都賣。後來洪永城回港工作，由有線轉NowTV再轉去無綫，先叫做撈番起身價。而最勵志嘅例子，應該係生於電影世家嘅黎姿（現名馬黎珈而），佢係香港電影之父黎民偉嘅孫女，家中有唔少電影明星，原本家境不俗，可惜自黎姿嫲嫲過身後，其因患腦膜炎失聰嘅父親因不擅爭家產，導致家境變差，黎姿一家四口更由豪宅搬到東頭邨居住。黎姿年紀小小就已經出去做嘢兼職幫補家計，更因一次到父親工作地方探班，被許冠傑睇中，介紹佢去試鏡入行，亦因此踏上星途。黎姿入行以來，做齊歌影視三棲藝人，代表作更有《金枝慾孽》及《珠光寶氣》等。到2008年宣佈全面退出娛樂圈，同年嫁商人馬廷強，婚後專心相夫教女，並抽時間幫其胞弟打理醫學美容公司生意，今年初更成功喺創業板掛牌。
來源:
http://hk.apple.nextmedia.com/entertainment/art/20170802/20108718
息影發展醫學美容王國黎姿做完董事再買千萬豪宅
1 :
GS(14)@2017-08-04 06:11:50改咗名做馬黎珈而嘅黎姿，婚後幫老公馬廷強生咗3位千金就梗係幸福啦，其實喺另一方面佢都係女強人嚟o架！喺07年黎姿細佬黎嬰因為嚴重車禍昏迷，及後蘇醒，而身為家姐嘅黎姿喺08年仲以照顧細佬為由退出娛圈，退出後主力打理細佬嘅皮膚護理中心，而喺08年佢仲同商人馬廷強結婚。退?幕前多年，黎姿唔係剩係做少奶，其實佢亦好致力發展事業，佢仲成功發展佢嘅醫學美容王國，喺今年初仲成功將佢嘅醫學美容公司卓珈（8358）喺創業板掛牌上市，配售價0.8元，開市報2.51元，上市首日仲曾經高見5元，收市報3.95元。喺上月初佢仲斥資4,400萬元買入半山騰皇居II高層單位，實用面積1,282方呎，成交實用呎價達3.43萬元，呎價仲創埋屋苑同類單位新高。不過最近卓珈嘅股價似乎唔係咁理想，就好似今日咁收市價報1.52元，下跌5%。而現時公司市值6.08億元。
來源:
http://hk.apple.nextmedia.com/entertainment/art/20170803/20110545
Next Page