明飛日本行大運徐淑敏兩女舞獅開年
1 :
GS(14)@2017-01-29 10:31:37■Suki與Kenny陪兩個囡囡在花園玩舞獅。
徐淑敏（Suki）和老公黃浩（Kenny）家有三寶，分別是長女黃心瑤（Vianna）、二女黃心柔（Renee）和孻女黃沁誼（Isabella），連同Kenny媽咪及胞姊，全家七口過新年熱熱鬧鬧。
Suki日前陪Vianna和Renee玩舞獅，兩姊妹一人舞一隻，在屋企花園周圍走，Suki打鼓，Vianna還找爹哋合作，非常有默契。兩姊妹又輪流向爸媽拜年，Vianna淡定講出連串恭賀說話，Renee則口啞啞，但一樣?得父母大利是，Suki笑言：「Renee唔係食螺絲，佢直情係講唔出口，佢怕陌生人。」
「想家人更幸福」
Suki表示雞年是進修年，她將到英國學做管家：「學吓招呼客人技巧、摺衫同放好啲嘢，我覺得做家庭主婦應該樣樣都做到盡善盡美。」她表示「學嘢不是求分數」，但求學以致用：「呢刻使命感係想令家人更加幸福。」Suki一家愛放假出埠旅行，所以明天年初三都會出發離港飛到日本行大運，她說：「我就好鍾意喺香港過農曆新年，但老公屋企習慣避年，妥協咗，所以開咗年，初三先出發。」採訪：陳杰攝影：林德雄
■Vianna（左）舞着大獅頭，妹妹Renee就緊隨其後。
■Vianna和Renee（中）排隊向媽咪拜年?利是。
來源:
http://hk.apple.nextmedia.com/entertainment/art/20170129/19911865
英足盃大勢：大年初二搵韋根開年曼聯炒得起
1 :
GS(14)@2017-01-29 10:31:45曼聯三戰不勝，周日轉戰英足盃第四圈迎英冠韋根勢必回勇，年初二撐紅魔大勝晉級，讓兩球照捧上盤。（球賽編號：星期日27；樂視明日0:00am直播）
曼聯上周四英聯盃四強次回合輸波晉級，作客侯城負1:2，仍以總比數3:2晉身決賽。連同之前兩場英超皆和局收場，曼聯已連續三仗不勝。曼聯領隊摩連奴在英聯盃派出強陣，伊巴謙莫域與保羅普巴等皆正選披甲，考慮到周三馬上又有英超，摩帥會在今仗作輪換，更明言會讓安東尼馬迪爾擔正。另外，剛打破球會累積入球紀錄的朗尼，亦可望在今場復任正選。英冠球隊韋根的領隊華倫哉斯與曼聯亦有淵源，曾任紅魔預備組教練，帶領過對方陣中的保羅普巴、連格與拉舒福特。韋根在上圈淘汰諾定咸森林晉級，隨後乘勢再連贏兩場英冠取三連勝，不過韋根在上半季失分甚多，目前仍居積分榜下游，料護級才是主要目標，哉斯或收起部份主力，加上球隊本身已有尼克包維等傷兵，今訪奧脫福人腳實力有限。
■英足盃第四圈，利物浦主場被狼隊踢出局。狼隊一分鐘就由史迪雅文（中）頂入，其後安祖斯韋文入多球，作客以2:1擊敗有奧歷治破蛋的紅軍。路透社
米禾爾無懼屈福特
曼聯自去年九月不敵曼城後，至今已連續16場主場比賽不敗，近五次在奧腳福作賽，僅一次攻入對手少於兩球，今迎英冠韋根勢反彈大勝晉級。同日其他英足盃賽事，英甲米禾爾在上圈以3:0大勝英超般尼茅夫晉級，今場對同屬英超的屈福特可望再爆冷（球賽編號：星期日5；樂視今日8:00pm直播）。米禾爾今場可「夫添」出擊，射手李爾格哥利腳風極順；屈福特在英超仍受降班威脅，今仗有後衞賀利巴斯停賽，其餘傷兵亦有岩拉伯特及靴里奴高美斯等。屈軍近七場作客不勝，今仗對手縱是英甲分子仍難贏波，米禾爾受讓平/半，下盤值博。賽制：一場過決勝負，90分鐘賽和需要重賽，移師今仗客軍的主場進行。文：何西
來源:
http://hk.apple.nextmedia.com/sports/art/20170129/19912030
畀英足總開年重罰停賽四場推球證雲格冇得鬥「車」
1 :
GS(14)@2017-01-29 10:31:45阿仙奴喺香港時間大年初一深夜就會出戰英足盃第四圈作客對修咸頓，但領隊雲格賽前就收到英格蘭足總送上「大利是」……呢位67歲領隊因為上周主場贏般尼2:1嘅聯賽不滿球證摩斯補時判罰12碼，喺場邊言語攻擊同推撞第四球證安東尼泰萊，就算佢事後即場耍冧都冇用，英足總周五宣佈雲格停賽四場並即時生效，兼罰款25,000鎊（約24.3萬港元），阿仙奴會方亦表示唔打算上訴。據英國《BBC》報道，嚟緊對修咸頓嘅英足盃，以及對屈福特同車路士嘅英超，雲爺爺都冇得喺場邊領軍；如果英足盃唔使重賽，佢就會缺席埋2月11日對侯城嘅英超。
來源:
http://hk.apple.nextmedia.com/sports/art/20170129/19912301
【開年意頭菜】全鴨去骨八寶鴨 乾蒜糯米飯好惹味
1 :
GS(14)@2017-01-29 10:32:07將鴨油炸，皮變至金黃色撈起，再將鴨蒸約一小時便可。
八寶鴨是古菜之一，亦具好意頭，在開年飯常見，在鴨身釀入糯米飯可暖身飽胃，今次找來擅長做古菜的私房菜吳師府負責人吳永皓示範：「八寶鴨最重要全鴨出骨，鴨不要開爛，如果開爛便有餡料走出來。」
吳師傅說，只要一把剪刀便可，用同一方法亦可將其他家禽去骨。「首先要剪走鴨尾，鴨尾剪深些不怕，鴨尾有兩粒鴨子會較羶，如果剩餘少少，整隻鴨會變羶。」沿中間的鴨骨將肉和骨剪開，挑開筋位，慢慢將肉向下推，要小心別弄穿，已去骨的鴨可醃5分鐘以上。
八寶鴨是古菜之一，亦具好意頭，在開年飯常見，在鴨身釀入糯米飯可暖身飽胃。
八寶鴨最有難度是全鴨去骨。
糯米飯及配料一定要先蒸好，千萬不要釀不夠熟的米或生材料入去。先將乾蒜放入糯米飯內，再將所有已蒸熟材料釀入鴨身，放入醃料汁並用竹簽收口。將鴨油炸，皮變至金黃色撈起，最後將鴨蒸約一小時便可。他說，不方便走油，用焗爐都可以，走油要上色皮要靚，焗爐都做到這種效果。材料：光鴨1隻（約2斤半）冬菇10粒臘腸及潤腸各1條粟子10粒鹹蛋黃1個乾蒜2湯匙糯米飯2飯碗記者：何嘉茵攝影：鄧鴻欣
來源:
http://hk.apple.nextmedia.com/su ... t/20170129/19912063
【馮仁昭四圍超】全家半島睇煙花黎姿陪細佬開年
1 :
GS(14)@2017-01-31 16:01:53■黎姿（中）前晚同細佬黎嬰，仲有父母喺半島酒店睇煙花開年。微博圖片
黎姿（GiGi）08年嫁商人馬廷強，跟住生咗三個囡囡，孖女馬家蔚（Pricia）同馬家鎂（Gianna）轉眼已6歲，細女Pegella就4歲。GiGi婚後好低調，甚少帶囡囡出席公開場合，向來好重視家庭嘅佢，即使忙於照顧家庭，但都好關心因車禍受重傷嘅細佬黎嬰，仲特登喺07年棄影從商，接手黎嬰創立嘅醫學美容公司，喺十年努力下，早前成功上市，GiGi一日之內身家更暴升近6億元。啱啱榮升做上市公司主席兼行政總裁嘅GiGi，前晚大年初二約父母同細佬黎嬰去尖沙嘴半島酒店睇煙花開年。GiGi噚日凌晨喺微博貼咗兩張相，除咗有佢着住紅色連身裙，以煙花做背景嘅單人相，仲有同爹哋、媽咪、黎嬰嘅合照，全家福好溫馨，但相中未見GiGi老公同三個囡囡。
■着住紅裙嘅黎姿，笑面迎人，好有節日氣氛。
願家人健康
GiGi仲留言送祝福，她說：：「可與我最愛的家人平安健康一起過年，就是每一年的願望，在這裏我衷心祝福我愛的親人、好友、粉絲們，新的一年萬事如意，身體健康，幸福美滿！」GiGi仲笑到四萬咁口。撰文：馮仁昭
來源:
http://hk.apple.nextmedia.com/entertainment/art/20170131/19913240
金燕玲逐女配開年開得靚
1 :
GS(14)@2017-02-08 22:31:28金燕玲、曾志偉及方皓玟分別憑《一念無明》獲提名最佳男女配角獎，金燕玲表示2017年開年開得好靚，她表示：「做人做演員都好，都係做好自己，有人會睇到自己做出嚟嘅成績。」廖子妤憑《骨妹》首獲提名女配角獎，她說：「一知道喊到癲咗，因為一路怕有期望會失望，一直同自己打定個底係唔會入圍。」
■曾志偉憑《一念無明》獲提名最佳男配角獎。劇照
志偉昨在銅鑼灣出席活動時表示很開心：「多謝，最開心個仔都有提名，我第一個唔係傳短訊畀個仔，係傳畀樂仔，余文樂，我搵佢拍時問佢希唔希望提名，今次有機會，快啲拍，佢好用心，金馬失落咗好可惜，今次係主場就唔同，恭喜佢。」被問到兒子曾國祥比他更厲害？他笑說：「仔威過老竇梗係好！」採訪：張俊銘、羅慧敏
來源:
http://hk.apple.nextmedia.com/entertainment/art/20170208/19920922
【開年飯食乜好】$3,800客家九大簋 愛爾蘭鴨王+拳頭花菇
1 :
GS(14)@2018-02-25 03:23:09客家人過新年喜歡吃九大簋，但近年能吃到的地方已買少見少。有中菜廳就趁今年狗年，推出九大簋宴。每圍$3,800的宴席包括豬、鴨、雞、魚、蝦、蠔、蔬、湯等食材，全部依足傳統，同時奉上，寓意盤滿缽滿。
菜式包括蠔皇卷、燜豬肉、龍躉球、炆魚鰾及燴花菇等，而銀鴨鍋更用上了首次引入香港的愛爾蘭Silver Hill鴨肉，這款「鴨王」深受世界級名廚推崇，如地獄廚神Gordon Ramsay等。多款菜式也是傳統的客家菜，當中的蠔皇卷及燴花菇非常惹味，掌頭般大的花菇燜得非常入味，而蠔皇卷是用了炸香的豬網油包住切粒的蠔豉製成，傳統之中加點新意。
招財進寶燴花菇
瑞犬迎春銀鴨鍋
富貴蠔皇卷
粵北角城市花園道9號城市花園酒店1樓記者、攝影︰黃依情
來源:
https://hk.lifestyle.appledaily. ... e/20180217/20307650
Next Page