秋生指軒仔請食飯
1 :
GS(14)@2017-01-26 07:44:01■秋生昨日叫大家不要針對軒仔。
黃秋生昨日在金鐘出席港鐵活動，問到張敬軒被踢出《歌手2017》導致抑鬱復發，秋生即說：「冇事呀，我同佢食過飯，本來見面想安慰吓佢，點知到頭嚟仲請番我食飯。」他續說：「希望呢啲咁荒謬嘅事唔好再發生，唔好不停去炒作。」談到劉德華墮馬盆骨多處骨折留院，秋生指華仔短訊回覆：「我對佢身體有信心。」此外，軒仔昨日凌晨在微博以簡體字貼文訴心聲，首度為《歌手2017》被踢出局開腔：「能有幸與專業頂尖的班底交流學習，一起享受過音樂，已夠幸福。感謝所有工作人員對於音樂不計回報的努力。」採訪、攝影：羅慧敏
張敬軒 資料圖片
來源:
http://hk.apple.nextmedia.com/entertainment/art/20170124/19906547
首度講《歌手》事件致抑鬱軒仔：好多人問我食藥未
1 :
GS(14)@2017-02-07 05:16:01張敬軒昨晚現身奧海城，出席有份配音的電影《LEGO蝙蝠俠英雄傳》首映，同場還有陳倩揚、姜皓文等人。軒仔早前為湖南衛視《歌手2017》錄影了一集，可惜最後被飛出節目，之後他一直沒開腔回應，直至昨日凌晨，他忽然在其新歌《下次愛你》的網上音樂平台留言，透露錄這首歌前一晚，他剛知道會「被消失」。
「唔煩就假嘅」
昨晚軒仔受訪時提到在Instagram的留言，他說：「其實因為公司同我講首歌要上架喇，咁錄歌嗰時又真係知道節目被抽起嗰日，所以希望用呢件令大家知道件事係咁，唔煩就假嘅，估唔到會牽連大波，令屋企人、歌迷同公司都擔心我，上一個節目平地一聲雷，好多過程唔知點講，但對我嚟講係一個小故事。」軒仔指沒有刻意了解被飛原因，又謂節目組當日好有誠意邀請他，他被感動才參與節目。有指他在微博寫愛國論仍被飛起？軒仔說：「我只係重申自己係中國人，雖然?家係香港人身份，咁香港人都係中國人啦。」是否節目組要求？他續謂：「唔係要求，係嗰時好多聲音，14年要講嘅都講晒。」不過，問軒仔文章是否出自他手筆，節目組可有參與意見？他苦笑謂：「細節我都唔記得，對於節目得失，唔會睇得太重，今次有林憶蓮，抱住追星去做。」
■陳倩揚一家昨晚去看首映。
■姜皓文表示跟魯芬都算熟朋友，覺得離世消息好突然。
「困擾好多年」
至於傳他抑鬱症發作？軒仔認為有必要澄清：「關心我係好，但呢個名困擾咗好多年，傳媒冇查詢我本人同問公司，好多人問我食藥未，有冇睇醫生，覺得好怪，要澄清，令好多人擔心，呢件事冇影響情緒。」他還笑說屬猴的他已過本命年了，今年一切會好。採訪：盧妹攝影：葉君海
來源:
http://hk.apple.nextmedia.com/entertainment/art/20170207/19919864
內地粉絲紅館力撐軒仔菀之：呢個騷有血有汗
1 :
GS(14)@2017-02-18 00:51:26張敬軒與王菀之（Ivana）「合體」舉行一連4場的紅館騷昨晚頭場開鑼，黃偉文、Ivana老公Eric So、蔡一智夫婦、蔡一傑等前來捧場。軒仔一頭紅髮，以白閃片西裝及黑褲打扮，與黑色閃片girdle騷腿、烏蠅眼黑帽造型的Ivana出場，二人合唱《開籠雀》、《相對論》、《柳暗花明》等多首歌，當中軒仔跳舞時差點掃低Ivana的帽。到二人唱蔣志光與韋綺珊經典歌曲《相逢何必曾相識》時，更全場歡呼，Ivana笑言：「一個opening用晒自己一年脫苦海存貨。」軒仔笑說：「咁辛苦為乜，今次呢個騷有血有汗。」
■軒仔與Ivana以黑白配服裝造型拖着手出場。
■未開場，已有近200粉絲排隊買紀念品。
■Eric So一早入場支持老婆Ivana。
「雷達監視老公」
軒仔更笑Ivana的黑帽似浴帽：「係雷達監視老公。」之後，Ivana落台，軒仔笑言：「過咗新十五，同佢開騷似初三咁，每次嗌交都嗌唔贏。」早前，軒仔傳被內地封殺，「被退出」內地節目《歌手》，昨晚有不少內地粉絲來港撐他，當中有來自深圳的蕭小姐在臉上畫上「軒」字，她買足四場飛來睇軒仔，表示覺得他好善良，自《歌》後更一直留意網上留言，覺得對他不公平。問到會否擔心軒仔以後冇得返內地開騷？她表示：「有擔心過，相信事件會解決，相信內地唔會咁。」另一來自美國的張先生就叫軒仔做自己。在場外，開騷前已有200位粉絲排隊買紀念品，當中有Eric So為兩人設計的訂做肖像figure，亦有印上「陪你對抗種種對手」的螢光帶，為軒仔打氣。採訪：馬建華攝影：沈健程
來源:
http://hk.apple.nextmedia.com/entertainment/art/20170217/19930494
遭《歌手》封殺後 與王菀之踩入紅館軒仔唱被消失的歌 跪地謝Fans
1 :
GS(14)@2017-02-18 09:51:46■軒仔感激歌迷入場支持，前晚以嗌爆咪聲量向大家講多謝。
張敬軒與王菀之（Ivana）這對老友，前晚起一連四晚踩入紅館，舉行「The Magical Teeter Totter張敬軒．王菀之」演唱會，二人又唱又跳，加上不時鬥嘴互窒，場面搞笑。軒仔被內地封殺，早前被飛出節目《歌手》，軒仔前晚在台上重提「被消失」之餘，又唱兩首本來在節目唱的歌圓夢，還單腳跪地答謝觀眾。
張敬軒早前上內地節目《歌手》被踢出局，他完成第一集錄影後，內容卻全被刪走，用CG、剪接刪除所有拍到他的鏡頭，原因軒仔被翻舊賬，指他是撐港獨撐佔中，雖然事後他再談被飛，表示細節記得不清楚，又謂對節目得失看得不重，但前晚在演唱會台上重提此事，還唱出陳百強的《等》，以及其代表作《櫻花樹下》，表示兩首歌本來是在節目內唱，又向台下觀眾鞠躬，再單腳跪地答謝觀眾。
微博多十幾萬Fans
軒仔在台上說：「唱呢兩隻歌，其實係我特意揀嘅，大概喺差唔多一個月之前，我諗大家都有睇報紙喇。」此時有觀眾大聲叫他「唔好講」，軒仔聞言向四面觀眾作90度鞠躬，然後以嗌爆咪聲量向大家講多謝。他續說：「當時呢個節目想我唱多啲廣東歌，呢兩首歌原本打算喺節目唱，一首係代表作，一首係粵語流行曲最輝煌嘅歌，係我偶像陳百強作品，今次可以把握機會，向觀眾致意，唱畀大家聽，算係圓咗心願。」完騷後，軒仔與王菀之齊齊接受傳媒訪問，問軒仔是否好感觸要多謝觀眾？軒仔說：「唔係，只係好開心有咁多觀眾嚟支持，有啲歌迷喺台灣、馬來西亞飛過嚟睇。」至於是否刻意選唱那兩首歌？軒仔謂：「我又冇咁諗過，只係當時畀個導演睇，覺得呢個版本好好聽，係想個演唱會好好聽。」前晚不少內地歌迷專程來港捧場，軒仔表示知道：「人生就係咁，每件事都有兩面，嗰件事之後我微博多咗十幾萬fans，Ig都多咗，今晚係一個我同Ivana嘅演唱會，想帶畀大家視覺同聽覺享受，冇諗太多嘢！」
■軒仔前晚在紅館開騷，重提被飛出《歌手》，更下跪多謝歌迷。
■軒仔與王菀之扮鬼扮馬?觀眾。
■一班舞蹈員化身迴轉壽司，在軒仔與王菀之身邊團團轉。
針唔拮到肉唔知痛
問軒仔是否好感動？他坦言：「感動㗎！其實話針唔拮到肉唔知痛，對於我嘅感覺，我冇歌迷咁心痛，或者好多歌迷支持我好多年，佢哋心痛我捲入咗呢啲事入面，所以今晚我都冇留力，將最好嘅留畀佢哋，我知好多搭飛機同火車嚟，可以振興埋零售業！」前晚演唱會於8時35分開場，王菀之以全黑打扮現身，配襯穿白西裝的軒仔，之後二人鬼馬跳舞，又唱《娥姐賣粉果》兼在台上猜包剪揼，結果軒仔輸了，王菀之就扮連續掌摑軒仔。另外，王菀之於唱《表參道》時，穿黑色deep V性感大露背裝與男dancer跳辣身舞。採訪：馬建華攝影：沈健程
■軒仔任由性感女舞蹈員在他身上摸來摸去。
■着低胸裙的王菀之被男舞蹈員又攬又錫跳辣舞。
【演唱會曲目】
1.《開籠雀》2.《相對論》3.《柳暗花明》4.Medley：《相逢何必曾相識》、《叉燒包》、《牛油蛋撻》、《娥姐賣粉果》5.《找對的人》6.《好時辰》7.《畫意》8.《酷愛》9.《水百合》10.《留白》11.《井》12.《最好的》13.《該死的快樂》14.《迷失表參道》15.《等》16.《櫻花樹下》17.《羅賓》18.《頭髮亂了》19.《小團圓》20.《青春常駐》21.《迷失藝術》22.《笑忘書》23.《末日》24.《伴我啟航》25.《低科技之歌》、《粒糖有毒》26.《Chotto等等》27.《友誼的小船》28.《My Way》29.《我真的受傷了》30.《下次愛你》31.《風起了》32.《擁抱一個人》33.《手望》
來源:
http://hk.apple.nextmedia.com/entertainment/art/20170218/19931737
住舊宅‧錄音室吸「靈氣」軒仔被指「通靈」要搵師傅？
1 :
GS(14)@2017-04-04 08:56:02張敬軒去年斥資2千萬買張國榮同梅艷芳生前御用嘅錄音室，更豪裝休息室變成五十年代嘅懷舊火車廂，又曾住摩星嶺文物大屋Felix Villas兩年，豪花200萬整成歐陸feel，昨日有周刊指軒仔一直想開錄音室，近排成日閉關喺錄音室，上周五影到軒仔雙目無神、成個人好攰。據報道指軒仔最近主力搞音創作，有傳軒仔同友人講過感受到錄音室嘅「靈氣」，每次喺錄音室都有音樂靈感，佢去年4月又試過將錄音位置，換上哥哥生前專用咪，枱放咗歌譜，以呢個方式悼念哥哥，而佢住大屋Felix Villas時，亦都講過屋內有「精靈朋友」，一位有「通靈」能力嘅朋友同軒仔講覺得佢住大宅最有心，又會「照顧」大屋，之但係報道話軒仔有啲黑仔，去年初胃酸倒流又聲沙，要減少接job，又曾因嚴重流感入院，澳門個唱要取消。報道聲稱軒仔搵過李居明求助，有傳軒仔覺得個錄音室同大宅有靈異嘢，覺得有啲渾滯，本來參加大陸節目《我是歌手》錄咗一集被「叮走」，運氣似乎未有好轉，周刊問過軒仔，佢話搵李居明係講劇曲藝術，唔介意同靈界共處，覺得靈界唔會傷害佢。
來源:
http://hk.apple.nextmedia.com/entertainment/art/20170404/19979675
Next Page