懶理被封世紀賤男鄭俊弘認甩未婚妻「何雁詩好支持我」
1 :
GS(14)@2017-04-06 07:41:32■新任賤男鄭俊弘被富貴未婚妻揭發暗交何雁詩，乖仔形象一鋪清袋。資料圖片
現年33歲的星夢歌手鄭俊弘（Fred），在無綫捱了多年才彈起，昨日被驚爆密冚富貴未婚妻beebs長達三年，而未婚妻就揭發他劈腿「巨聲幫」何雁詩，鄭俊弘昨晚蒲頭表示與beebs已分手，又多謝何雁詩支持，何雁詩被問到兩人可會發展，回覆「有可能。」
鄭俊弘於01年參加無綫《全球華人新秀歌唱大賽》獲亞軍，翌年入訓練班做藝員演閒角，直至四年前在《星夢傳奇》節目奪冠一夜成名後，即速撇陪他捱足六年的舊愛姜麗文，並傳出暗媾吳若希和蔡思貝，原來，鄭俊弘的真命天女另有其人，於三年前秘交富家女beebs，前年更求婚成功，然而最近被未婚妻踢爆偷食何雁詩兩個多月，爆seed的beebs透過閨蜜向傳媒舉報賤男。
■鄭俊弘昨晚在旺角的唱片公司蒲頭。
■鄭俊弘和何雁詩為合唱歌《真心真意》拍MV，女方狂在社交網晒婚紗相似示威。
■何雁詩否認是第三者，昨在Ig留言：「清者自清，行得正企得正。」
「佢係好男仔」
24歲的何雁詩是巨聲幫出身，早前跟鄭俊弘合唱《真心真意》着婚紗拍MV又攬又錫。昨日有自稱鄭俊弘未婚妻的閨蜜向傳媒爆料，指好友於三年前遊船河認識鄭俊弘，鄭俊弘以保事業為名玩地下情，beebs一直在金錢上照顧未婚夫，怎知今年2月男方對未婚妻忽冷忽熱，上月22日更發現男方「失蹤」數小時，從Uber收據揭發他夜訪何雁詩香閨，怒審下鄭俊弘終承認鍾意何雁詩，日前更被傳媒影到孖何雁詩到林村蜜會。被指跟準人夫暗交兩個月的何雁詩，昨以短訊回覆傳媒否認拍拖：「不是第三者，我哋係普通好朋友。」問到知否鄭俊弘有未婚妻？她表示：「其他嘢真係唔知咁多，關於佢嘅事可以問番佢啦，我唔會答啦。」鄭俊弘有否跟你解釋？她力撐對方：「朋友唔需要解釋啦，佢係好男仔，過去嘅嘢唔需要向任何人解釋。」是否相信其為人？何雁詩冧爆表示：「當然相信，佢都係一個好男人，我相信佢一定會對大家有個交代。」之後她在社交網留言：「清者自清，行得正企得正。」
坦言可發展
昨晚8時許，鄭俊弘在何哲圖陪同下離開位於旺角的公司，他否認一腳踏兩船：「求婚係有，分手唔關第三者事。」對於舊愛爆料，他無奈說：「佢有自己處理方法。」問到是否向舊愛承認鍾意何雁詩？他拒答：「呢啲唔多講。」跟何雁詩有否發展機會？他說：「做好自己先，我有好多嘢要反省，公司同屋企人支持我，感受好多嘅愛。」他否認專追有錢女，對於何雁詩本身有情緒問題，會否擔心令她情緒惡化？他說：「反而佢好支持我，好鼓勵。」對於被罵世紀賤男，他說：「呢啲唔理太多。」跟舊愛溝通收口？他說：「呢啲就冇，了結咗，?家要往前看，分手一段期間。」對於被鄭俊弘公開多謝支持同鼓勵，何雁詩短訊回覆傳媒：「互相支持理所當然，我哋上下一條心。」問到兩人有否發展機會？何雁詩坦言：「我覺得有，因為乜都有機會。」此外，昨日本報收到讀者爆料，指扮乖仔的鄭俊弘曾搭上奀星陳婉婷，陳婉婷昨回覆傳媒否認其事。雖然何雁詩昨日沒蒲頭，惟上月13日，本報發現素顏的何雁詩現身中環，傾電話時露出甜笑，不知是否和鄭俊弘通電話。採訪：畢紹基、吳耀輝、孔志豪、羅德光攝影：楊浩賢、陳辰、朱志聰
來源:
http://hk.apple.nextmedia.com/entertainment/art/20170406/19981061
零缺點！超級暖男朴寶劍被封綜藝嘉賓王
1 :
GS(14)@2017-04-13 00:24:04韓劇《雲畫的月光》男星朴寶劍一向被同行激讚係零缺點男星，加上佢待人接物都係超級暖男，唔少同佢合作過嘅前輩都對佢有讚冇彈，而佢除咗深受同行歡迎外，亦都深得綜藝節目歡迎。早前朴寶劍先後為三大韓國綜藝節目演出，當中包括SBS嘅《Running Man》、MBC《無限挑戰》同埋KBS嘅《兩天一夜》，呢三個綜藝節目都有唔少粉絲，當中《無限挑戰》和《兩天一夜》亦有收視保證，但係朴寶劍都獲三大節目力邀做嘉賓。當中去年朴寶劍邊拍緊《雲畫》之餘，亦抽空上咗《兩天一夜》，而且佢又兩度出演《RM》，加埋佢日前出演「國民節目」《無限挑戰》，可見佢真係深受各綜藝節目歡迎，堪稱綜藝嘉賓王。
來源:
http://hk.apple.nextmedia.com/entertainment/art/20170412/19988267
台巿面驚現致癌毒蛋 三雞場被封
1 :
GS(14)@2017-04-22 10:49:24■台灣民眾慎選雞蛋。台灣《蘋果日報》
台灣當局昨日公佈，近日抽檢市面出售雞蛋時，首度驗出有雞蛋樣本含有號稱「世紀之毒」的致癌物二噁英（Dioxin），超出當地標準逾一倍，為當地首次雞蛋案例。當局稱不排除毒蛋已流入全台巿面出售，已勒令對當地出產毒蛋的三處養雞場進行管制，目前正追蹤毒蛋流向。而本港自前年起已禁止台灣禽蛋進口。
二噁英超標逾倍
台灣食藥署昨公佈，今年較早前委託國立成功大學進行二噁英監測計劃時，在一顆雞蛋樣本中驗出每公克脂肪中含5.2皮克（千億分之5.2克）二噁英，超出每公克脂肪2.5皮克的當地管制限值逾一倍。毒蛋採樣自苗栗縣頭份市「合成批發行」，追溯來源則是彰化縣芳苑地區駿億、鴻彰與財源三處養雞場，合計一日產量近5萬顆雞蛋。署方稱已對三雞場的雞隻和雞蛋全數現場封存，若複驗結果不合格則全數銷毀。至於市面如正銷售三雞場的雞蛋，需於今午3時前全數下架。本港食安中心昨指，自前年1月因應台灣爆發禽流感，已禁止所有台灣禽蛋進口至今。二噁英為劇毒致癌物，常是工業中對含塑膠的廢棄物作不完全燃燒而流入周邊環境。如人體大量攝取更可引發皮膚病變、影響生殖能力及破壞免疫系統等，對孕婦則可引致流產和畸胎。不過香港浸會大學生物學系教授黃港住指，這次雞蛋二噁英超標一倍「算好低，食咗未必有事」；要超標至少100倍並長期攝取始會對身體造成影響。台灣《蘋果日報》/《蘋果》記者
來源:
http://hk.apple.nextmedia.com/international/art/20170422/19997793
7年「死」6次半JM被封「女版羅樂林」
1 :
GS(14)@2017-06-10 12:22:58Janice Man文詠珊近年轉戰電影圈，拍多咗好多電影，其至有「女版羅樂林」之稱，呢個名點嚟？係因為JM演嘅角色，多數去到最後都要死。
JM第一次「死」就係喺2010年，同舊老闆黎明合作拍《為你鍾情》，當時佢角色係撞車死。第二次就喺2011年，電影《報應》演黃秋生囡囡被綁匪監生焗死，同年又拍咗《Laughing Gor之潛罪犯》，當時就係被炸死，到咗12年拍《大追捕》，就被王敏德錯手殺死。之後三年JM演嘅電影角色都有幸唔使死，喺2016年嘅《寒戰II》入面就被車撞死，至於《兇手還未睡》呢，就半死，因為結局係講佢昏迷咗，呢次就計半次啦。
來源:
http://hk.apple.nextmedia.com/entertainment/art/20170605/20045099
黎諾懿囝囝被封型B姚樂怡囡囡愛玩水
1 :
GS(14)@2017-08-02 06:15:05有「神之馬壯」之稱嘅黎諾懿昨日喺IG貼同囝囝「小春雞」嘅合照，囝囝個樣較似爸爸黎諾懿，細個已經眼大大、面尖尖，絕對係一個型B，連網民都讚「小春雞」係靚仔。而另一個湊B大過天嘅，就係廿四孝媽咪姚樂怡，前年生咗囡囡「小雞髀」Gaibe，囡囡已經一歲幾，姚樂怡亦喺IG貼出一條游水片：「小雞髀好喜歡游泳。」見囡囡有媽咪靚靚遺傳，尖面、嘴細同鼻高，樣子相當可愛，原來佢哋一家過咗大海玩，囡囡仲細，落水要戴手袖同用水泡，樂怡成程睇住，仲忍唔住同囡囡咀嘴。
來源:
http://hk.apple.nextmedia.com/entertainment/art/20170801/20108072
蔡少芬17歲大熱奪季李珊珊被封身材最好港姐冠軍
1 :
GS(14)@2017-08-04 06:11:12《香港小姐競選》雖然中間停辦過幾年，但係原來唔經唔覺由第一屆香港小姐到o依家已經過咗足足七十一個年頭，當中參選嘅佳麗更加係不計其數，而原來有唔少佳麗喺參選時都非當年輕，有部份更加係雙十年華都未到就已經嬌艷欲滴嚟同各界佳麗爭艷鬥麗。邱淑貞無數人心目中永遠嘅女神邱淑貞早喺1897年以19歲之齡參選香港小姐，更加係首位入選最後十二強嘅佳麗，不過後來就被同屆嘅候選佳麗指控佢曾經幫個下巴整容，令到豆豆因而退選，柳暗花明又一村，呢件事無礙豆豆嘅事業發展，而喺1999年嫁咗俾商人沈嘉偉嘅豆豆o依家亦已經淡出娛樂圈，現時49歲嘅佢仲育有三名好靚嘅囡囡。蔡少芬近年喺大陸發展嘅蔡少芬出名好戲就大家都知，而佢就喺1991年17歲嘅時候就參選香港小姐，雖然最終不敵同屆嘅郭藹明同周嘉玲屈居季軍，但係佢都成功踏入娛樂圈，更憑住佢嘅演技越做越紅，現時43歲嘅佢就喺2008年佢就同大陸男星張晉結婚，現時肓有兩女。麥家琪1993年18歲嘅麥家琪籍參選香港小姐而進入娛樂圈，佢喺大台做咗冇耐就過檔去到亞洲電視，更加成為當時嘅當家花旦之一，好似《我和僵屍有個約會》等都搵到佢嘅身影，而喺電影方面佢就有非常多嘅性感演出，喺《偷窺無罪》中更全裸出鏡，現時42歲嘅佢喺2006年同王國豪律師結婚後肓有兩子一女。李珊珊39歲嘅李珊珊喺19歲嘅時候就參選1996年嘅香港小姐，憑住36E嘅勁爆身材拉出極為誘人嘅S形，令佢順利奪得該屆港姐后冠，而佢更被稱為史上身材最好嘅香港小姐冠軍，奪冠後有唔少狂蜂浪蝶埋身嘅佢當年就揀咗同錢嘉樂拍拖，一拍就拍咗8年，喺2006年分手。陳思齊原名陳凱怡嘅前大台藝員陳思齊，喺2000年年僅18歲就參選香港小姐，不過最後大熱倒灶五甲不入，作為當年大熱嘅佳麗之一，出道多年以嚟都只可以喺劇集當中演配角或路人，而期中演得最多嘅就係古裝劇中嘅丫環，但係佢就因為一次貪靚，喺12年已經幫一間藥廠做代言，仲親身去示範打Botox，整鼻同下巴，但打Botox嘅劑量over咗，搞到個樣唔同咗而做過封面。
來源:
http://hk.apple.nextmedia.com/entertainment/art/20170803/20110548
張文采反口唔頂更黃紫盈受屈落淚被封「淚的小花」
1 :
GS(14)@2017-08-06 18:41:18今年30歲嘅黃紫盈，畢業於中文大學新聞及傳播學院，之後就加入大台嘅互動新聞台做主播，咁點解大家又會叫佢做「淚的小花」呢？咁就要講番4年前，喺大台發生咗一件事。是咁的，13年6月27日，當紫盈BB如常咁坐係新聞台上報新聞時，當佢正報道南非前總統曼德拉嘅健康狀況未有好轉，現任總統祖馬要取消出訪鄰國莫桑比克，鏡頭前嘅紫盈BB突然緊抿嘴唇，雙眼通紅，聲線變得顫抖，兩滴眼淚終於忍不住掉下來。紫盈BB呢兩滴眼淚即時觸動咗萬千宅男網民嘅神經，個個都金田一上身，好想查出點解紫盈BB為何掉眼淚，最後謎底終於解開喇。原來事件經過係咁嘅，紫盈BB因與另一主播張文采爭權，後者答應了「頂更」，隨後卻反口，紫盈BB因受了委屈而流淚，被網民封為「淚的小花」。最後佢哋都有被高層照肺，而紫盈BB更被逼放大假思過，思完過嘅佢選擇咗離開大台，一於佢有佢嘅生活，張文采就繼續做主播。咁紫盈BB都唔愁出路㗎，佢離開大台後，就以自由人身份，不停接工作，如接司儀工作、行騷，亦會拍下旅遊節目咁，紫盈BB離開大台時，就曾經話有好多廣告客戶向佢招手，時薪更高達五萬蚊。
來源:
http://hk.apple.nextmedia.com/entertainment/art/20170806/20112984
Next Page