秋官誇欣宜叱咤威盡陳柏宇輸畀坤哥 「我唔夠靚仔」
1 :
GS(14)@2017-01-05 08:01:07■陳柏宇大熱倒灶失落我最喜愛的男歌手獎，他直言：「大家會繼續戥我唔抵」。
【叱咤頒獎禮】《2016年度叱咤樂壇流行榜頒獎典禮》前晚假灣仔會議展覽中心舉行，賽前陳柏宇奪我最喜愛的男歌手獎呼聲極高，但最終由吳業坤冧莊贏得，陳柏宇笑着認輸：「我又唔夠高大、又唔夠靚仔。」而鄭欣宜狂擸3個大獎成為焦點，與容祖兒平起平坐，父親鄭少秋也大讚女兒叻！
商台前晚舉行《2016年度叱咤樂壇流行榜頒獎典禮》，全晚共頒發43個獎，由晚上8時15分開始，頒足4個多小時，嚴重超時。一直傳不會參與的陳奕迅（Eason），宣佈歌曲《四季》獲至尊歌曲大獎時忽然現身，令全場起哄尖叫，Eason更直踩慶功宴被集郵。
台下觀眾喝倒采
坤哥除了憑《百姓》奪叱咤十大第五位，還爆冷冧莊得我最喜愛的男歌手獎，台下掌聲夾雜喝倒采聲，他站在台上則不懂反應，他說：「我都冇諗過得獎，根本冇心理準備，望落台下唔知講乜。」而敗給坤哥的陳柏宇事後表示未有失落，還說不攞獎更開心：「咁樣方向諗，唔使驚自己唔值攞呢個獎，同埋大家會繼續戥我唔抵，呢個係『雙贏』，唔會尷尬。」問是否覺得自己未夠資格？陳柏宇謂：「唔係資唔資格問題，我又唔夠高大、又唔夠靚仔。」他謂現在拿男歌手銅獎是恰到好處。採訪：王連連、馬建華、魯吉攝影：陳俊強、仇志德
■坤哥今年只有一首派台歌，卻爆冷奪得我最喜愛的男歌手獎。
■坤哥聽到司儀宣佈他贏獎時，一時反應不來。電視圖片
■游學修（左）成功向Eason及薛凱琪等集郵。互聯網圖片
■Eason（左）於慶功宴上做佈景板，與坤哥等合照。互聯網圖片
來源:
http://hk.apple.nextmedia.com/entertainment/art/20170103/19884400
聞拍武俠劇耍手擰頭秋官叫阿姐選特首：我會投你
1 :
GS(14)@2017-03-03 00:54:40昔日拍過《書劍恩仇錄》和《倚天屠龍記》等不少經典金庸武俠劇的鄭少秋和汪明荃（阿姐），昨日為沙田香港文化博物館舉行的「金庸館」開幕禮擔任嘉賓。
■金庸是秋官眼中的真正大俠，可惜昨日他未有現身開幕禮。資料圖片
■阿姐指難忘當年首次拍武俠劇《書劍》時誤傷了黃淑儀。
■秋官與阿姐在台上分享當年拍金庸劇的點滴，包括與趙雅芝和黃淑儀演的《倚天屠龍記》。
投謹慎一票
阿姐是選委會文化小組成員，昨日她被問到特首提名一事時說：「因為文化部小組冇綑綁式投票，聽日係提名截止日子，我冇提名任何人，但我會去投票。」問是否選不到提名哪一位時，她說：「睇吓聽日邊個成為正式候選人，跟住我先至去投謹慎一票。」其時身旁的秋官笑問阿姐：「阿姐你下兩屆會唔會選特首呀？我會投你㗎！」阿姐即笑住回應：「我會考慮吓囉。」秋官聞言即謂：「阿姐你記得要揀一個愛香港同愛祖國嘅人嚟投呀。」另外，秋官與阿姐昨在活動上分享當年拍攝金庸劇點滴，秋官1976年憑《書劍》走紅，他指在劇中飾演陳家洛、乾隆皇和福康安三個角色，拍攝時要諸般遷就十分辛苦，反而之後在《倚天》演張無忌舒服得多，他說：「呢個角色幾優柔寡斷，唔識處理感情事，不過佢就好似我個人咁隨和。」其時阿姐即取笑秋官說：「係呀，似你咁優柔寡斷同大愛吖嘛。」演慣大俠的秋官，大讚金庸才是真正大俠，阿姐就指金庸陪伴香港人成長。
誤傷黃淑儀
阿姐指《書劍》是自己首部武打劇，當年最深刻是李司棋墮馬及自己用劍誤傷了黃淑儀，阿姐說：「當時自己唔識用劍，把劍劃到黃淑儀條眉，仲即刻流血，因為自己當時唔識留力。」秋官亦指無綫當年因為電視台打仗而臨急抱佛腳開拍《書劍》：「當時大家都唔識騎馬，騎騎吓有隻馬上邊冇咗人，原來吳孟達掛咗喺樹上邊。」問會否想再合作拍武俠劇時，二人均耍手擰頭，秋官說：「唔好啦，太辛苦。」採訪：張俊銘攝影：仇志德
來源:
http://hk.apple.nextmedia.com/entertainment/art/20170301/19943013
【《蘋果》專訪】25年後俾蟹仔掟落台秋官嗌寶貝仔 世紀團圓
1 :
GS(14)@2017-03-23 06:51:14■25年後丁蟹與三個寶貝仔世紀團聚，秋官更相約邵仲衡、陶大宇和郭政鴻為其5月個唱擔任嘉賓。攝影：周樂恒
鄭少秋20歲入行，一做便半個世紀，不論張無忌還是丁蟹，秋官要幾瀟灑有幾瀟灑，要幾野蠻有幾野蠻。今年是秋官入行50周年，記者請來25年前被丁蟹掟落街的「孝蟹」邵仲衡、「益蟹」陶大宇和「利蟹」郭政鴻跟蟹爸世紀團圓，幾父子一見面興奮相擁，一聲「寶貝仔」，幕幕《大時代》經典場面恍似重現。
■陶大宇誤以為秋官再掟他們三蟹落街，其實秋官只是嫌熱想開窗。
■丁蟹在《大時代》掟四隻蟹仔落街一幕，當年震撼無比。電視圖片
■四蟹當日開工亂爆肚，令秋官最頭痛。劇照
老婆嫌誇罷睇
邵仲衡最難忘當日拍完聯交所通宵戲後再拍跳樓戲，他說：「本來喺幾十層樓高天台度吊威也，好危險，有乜差池就係咁先，終於第二日搭過個景去跳。」大宇好奇問秋官若《大時代》給他改寫結局，會否再掉幾隻蟹落街時，秋官笑說：「唔掉落去就開唔到頭㗎喎！」秋官一向形象正氣，何以肯接演丁蟹這個野蠻角色？他笑謂：「我係信韋家輝嘅，係有少少冒險，因為我初期做嘅時候，影迷全部反對，老婆反對，話咁誇張唔睇，直至後來重播佢同我一齊睇。」原來秋官跟幾隻蟹仔合作都要承受相當大壓力，秋官說：「要㩒住四隻仔，班友亂爆肚，我話你哋可以亂噏但唔好『叉禍』我條路，畀番條路我行。」
■闊別二十多年，丁蟹一家首次聚首一堂，自然興奮。
■入行五十年的秋官，將於5月舉行演唱會。
■孝蟹、丁蟹、利蟹、益蟹齊齊話當年。
「運氣最緊要」
大宇好奇秋官入行50年是抱住甚麼心態繼續堅持努力，秋官說：「我一直好堅持、好有毅力，從排骨秋、面青口唇白、瘦到得半邊人嘅鄭少秋，竟然捱到咁多有代表性嘅角色，做呢行點努力點堅持都好，運氣最緊要。」丁蟹效應已成香港股市現象，有人擔心秋官今年5月28、29日於紅館舉行「半世紀．大時代」演唱會時股市會有大波動，但秋官卻說：「呢個詛咒由我今年入行第50年開始破咗，只要你睇我演唱會佢就會升啦。」秋官還相約三隻蟹仔擔任個唱嘉賓，並建議：「唔係我掉你哋，係你哋掉我落台呀！」幾父子最後合唱《大時代》主題曲，為演唱會作熱身。採訪：戴彩煥、譚倩宜場地提供：香港怡東酒店
來源:
http://hk.apple.nextmedia.com/entertainment/art/20170323/19966665
秋官六后服侍
1 :
GS(14)@2017-03-25 10:34:28鄭少秋將於5月舉行紅館個唱，前晚他為無綫錄影《群星唱談鄭少秋》，演出有蟹仔陶大宇外，還有汪明荃（阿姐）、趙雅芝、黃淑儀、米雪、商天娥和當年在《誓不低頭》演秋官女友的劉美娟等，一王六后的秋官認真威風。大宇又自薦任秋官個唱嘉賓並被掟落台，秋官笑言屆時舞台或要搭高一點。原來黃淑儀是秋官劇裏第一夫人，她笑指從未見過有男士如秋官般貪靚。阿姐表示雖然想再跟秋官合作拍劇，但又怕太辛苦吃不消。阿姐言談間不忘宣傳自己8月紅館個唱，屆時她會唱《熱咖啡》，老公羅家英也會參與其中。撰文：魯吉
■阿姐乘機宣傳自己8月的個唱。
■（右起）嘉賓黃淑儀和趙雅芝大談秋官趣事，黃淑儀更說他貪靚。
來源:
http://hk.apple.nextmedia.com/entertainment/art/20170325/19969066
秋官操弗備戰個唱
1 :
GS(14)@2017-05-18 02:08:23鄭少秋慶祝入行50周年的世界巡迴演唱會，將於本月28及29日在紅館舉行。為求有最佳狀態演出，秋官近日積極排舞練歌，他表示今次要排十隻舞步。本身瘦底的秋官，在地獄式排練之後，比不少同場男舞蹈員看來更弗，他說：「最近塊面係削咗啲，可能今次要跳嘅舞太多，舞步、節奏、歌詞，稍為用神，自然瘦咗。加上保靚聲，平日已少食油膩、刺激食物，呢個月連朱古力、生冷食物，甚至最愛嘅榴槤都一律戒口，可能食太清，體力消耗大瘦咗。」他又自爆太太官晶華忙於還「飛債」，他說：「老婆不斷收到朋友訂飛電話，但飛一早賣晒，真係冇辦法。」撰文：李森
來源:
http://hk.apple.nextmedia.com/entertainment/art/20170516/20022374
Next Page