無綫花旦愛情路楊怡姊弟戀開花鍾嘉欣生B
1 :
GS(14)@2016-09-29 08:05:38胡杏兒去年就搵到真愛，同李乘德結婚，而跟杏兒同期嘅花旦，大都已經離開大台各奔前程，有啲北上搵銀，有啲就榮升賢妻良母。楊怡今年做咗兩個好大決定，事業方面，佢決心離開大台返內地發展，明年就會接胡杏兒力演舞台劇《我和春天有個約會》，飾演姚小蝶一角。感情方面就更加唔駛講啦，今年三月佢同拍咗拖四年嘅羅仲謙，喺英國舉行童話婚禮，下月2日就會喺香港補擺喜酒兼註冊。佘詩曼 感情路上，阿佘似乎唔及事業順風順水，出道多年嘅佢，緋聞男友一大籮，好似吳卓羲、陳豪、林峯、鄭嘉穎等等，但全都係冇米粥，真命天子似乎仲未出現。講到演藝事業，阿佘就得過兩屆視后，今年5月就撇大台，自己成立工作室，返內地搵真銀。鍾嘉欣鍾嘉欣同伍允龍緋聞就傳咗好多年，兩位當事人一直都冇承認戀情，直至嘉欣BB嫁俾加拿大脊骨治療師Jeremy Leung後，上月底仲喺加拿大生埋囡囡Kelly。
來源:
http://hk.apple.nextmedia.com/entertainment/art/20160929/19784890
楊怡今嫁羅仲謙「心跳有點加速」
1 :
GS(14)@2016-10-02 13:35:28■楊怡昨午到達酒店做預備，表示根據習俗婚前一日不可見新郎羅仲謙。
現年37歲的楊怡今日升呢做人妻，嫁給細自己5年的羅仲謙，早上於尖沙嘴麗思卡爾頓酒店接新娘，晚上則筵開50圍大宴親朋。昨日下午約2時，準新娘楊怡於謙謙的助手陪同下，坐七人車入住酒店做準備，戴黑超的她心情又靚又風騷。
■楊怡昨日在微博貼出和羅仲謙的婚紗相晒恩愛，為婚禮做倒數。
■心情靚爆的楊怡邊行邊講電話，跟傳媒揮手後入升降機。
■有男子拿着疑似裝有楊怡訂做婚紗的大袋到酒店。
心情靚爆揮手
酒店職員幫忙搬行李上房，楊怡忙於在旁親自打點，她說：「嗰啲係婚禮要用嘅嘢，有啲係今晚上頭要用，媽咪晏啲會過嚟幫我上頭。」問到準老公謙謙呢？她坦言：「佢今日唔會嚟啦，因為結婚前一晚唔見得嘛。」說罷她即坐七人車離去，約一小時後又折返，邊行邊講電話，等升降機上房時還跟傳媒揮手：「辛苦晒大家啦，聽日先講啦。」楊怡昨日貼婚紗相上網晒恩愛，並留言：「心跳有點兒加速了，是因為靠近了嗎……倒數了……」她和謙謙今年3月在英國肯特郡利茲普城堡（Leeds Castle）舉行童話婚禮，而今晚婚宴以古堡風做主題，據知馬國明、吳卓羲、王浩信、單立文等做兄弟，姊妹團就有唐詩詠、馬賽、康華等。
■楊卓娜為妹妹楊怡婚禮親手整手工藝品，昨晚更到酒店陪妹妹。
楊卓娜整賀禮
楊怡胞姊楊卓娜昨日跟親友到酒店，並展示為婚禮做的古堡及小手工，她說：「自己約一個月前準備，送畀佢哋婚宴上用。」問到楊怡的心情？她表示：「佢好開心好緊張，自己都為佢哋婚禮忙到天光5點幾，姊妹團今晚都會嚟，我哋開會度接新娘遊戲，唔會好辣，咁多個靚仔喺度，我哋會錫住佢。」之前楊怡經理人陪大妗姐到達，為楊怡上頭做準備，其間有男子拿着一個大袋入酒店，疑似是楊怡訂做的婚紗。採訪：黃曉妍攝影：陳慧安
來源:
http://hk.apple.nextmedia.com/entertainment/art/20161002/19788093
藝人愛寶島拍拖楊怡謙謙行夜市香香游夜水
1 :
GS(14)@2016-10-11 08:11:51做藝人忙到甩轆（紅嗰啲），要放假都難，何況去旅行呢！所以有見及此，唔少圈中藝人都會揀去短途旅行拍拖或者係度假充電，而台灣就正正係一個又平又近嘅選擇。岑麗香 Joshua（強強）：31歲嘅香香公主同圈外男友Joshua（強強）拍拖1年幾，男友係加拿大一間證券公司的合夥人，成日分隔異地，放假梗係要sweet下啦！早前佢哋就去咗台灣拍拖，香香仲喺酒店被本報讀者「爆相爆片」捕獲，着住比堅尼嘅香香仲胸壓男友o添！楊怡 羅仲謙：啱啱新婚嘅羅生羅太，拍拖多年都仲係咁sweet，去年10月羅生喺台灣拍電影《泡沫之夏》，當時仲係女友嘅楊怡知道男友忙於工作，仲特登人肉速遞飛去探班，仲被影到拍拖行饒河夜市。吳若希 Alex Ho：比較近期嘅就有吳若希同前男友Alex Ho，今年7月佢哋喺曼谷拍拖被爆撻着，吳若希仲高調認愛，8月中又一齊出發去台灣旅行，仲着晒情侶裝晒恩愛o添！不過好境不常，喺9月中唔知係咪因為冇去旅行嘅關係，吳若希突然喺ig宣佈分手。胡杏兒 李乘德：杏兒同老公上年年底結婚，度咗差唔多兩個半月蜜月先至復工，年中老公Philip去咗台灣出席朋友婚禮嘅時候，原本未能出席嘅杏兒專程由內地飛去台灣畀surprise老公。
來源:
http://hk.apple.nextmedia.com/entertainment/art/20161011/19796766
揀比華利山別墅築愛巢JM同Kay楊怡做鄰居
1 :
GS(14)@2016-10-21 05:28:06「模Art」文詠珊( Janice Man)同「iBANK筍盤」吳啟楠(Carl)感情穩定，仲話佢哋好事近，喺比華利山別墅揀咗個2,500萬三層單位築愛巢！其實位於大埔比華利山別墅，各座洋房大致外望吐露港海景或者船灣海景，兼且遠離市區，低密度，吸引到唔少藝人入住。好似最近再度有喜嘅謝安琪(Kay)同老公張繼聰，就係租住翠樺道雙號屋。三年抱三嘅陳豪，13年就買咗比華利山湖景道雙號屋。而楊怡同大埔居民羅仲謙結婚後，都揀番大埔住，以四萬蚊租比華利山別墅，實行大埔居民居大埔。
來源:
http://hk.apple.nextmedia.com/entertainment/art/20161021/19807398
楊怡賀陳少邦大婚 生B互勉
1 :
GS(14)@2016-11-06 15:49:14跟林峯和楊怡於同期無綫藝員訓練班出身的36歲陳少邦，今年6月與32歲澳門電視主持女友鄭加盈註冊結婚，一對新人昨於尖沙嘴帝樂文娜公館酒店擺喜酒，而下月17日二人將再到澳門旅遊塔設宴款待親朋。陳少邦昨日找來楊明、徐榮、李霖恩、黃嘉樂等人擔任兄弟，擔任伴郎的鄭世豪因早前打籃球弄傷十字靱帶而撐着枴杖到場。佘詩曼、楊怡、周家怡、張美妮、黃浩然、莊思明等前來飲喜酒，晚宴由喬寶寶擔任司儀。
■已為人妻的楊怡（左）昨晚與佘詩曼出席婚宴。
【感動爆喊】■陳少邦在台上致辭時，一度感動落淚。
■擔任兄弟的楊明與女友莊思明被追問婚期。
■一對新人與伴郎鄭世豪及兄弟團大合照。
新娘想龍鳳胎
陳少邦與鄭加盈昨穿禮服婚紗接受傳媒訪問，應要求攬到實肉緊咀嘴，陳少邦興奮地說：「好開心，好緊張，怕有甩漏。」問到造人大計時，他說：「今晚不設防，不過我今晚都不醉無歸㗎啦。」鄭加盈指生BB順其自然，揚言父親是龍鳳胎，希望有少少遺傳。昨日一對新人未有接新娘儀式，但有「爆門硬搶新娘」。問到愛的宣言，鄭加盈大讚老公孝順，陳少邦則讚老婆靚女，他說：「我老婆好靚，同埋做呢行都知，身邊人會好慘，佢對我好關懷，好體貼，又唔會畀壓力我，令到我可以實現自己夢想，亦好鼓勵我。」之後他更連講十次「好愛」，笑言比林峯還要多。楊明與女友莊思明昨晚被追問婚期，但楊明笑言目前先以工作為重。問莊思明是否等胞姐莊思敏結婚後才能結？她笑謂：「唔知等到幾時喎。」
唔畀老公壓力
楊怡昨因老公羅仲謙要開工而單拖前來，問她可有跟一對新人講夫妻相處之道時，她說：「唔使啦，我都要學習，總之大家相敬如賓，對對方有份信任。」會否與老公夾時間造人？楊怡笑說：「食飯都難啦，總之大家目標一致咪得囉，唔好畀對方有壓力，咁個天一定會畀小朋友我哋嘅。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20161106/19823882
謙謙唔喺身邊楊怡健身貼圖背後男人係邊個？
1 :
GS(14)@2017-01-12 08:08:32正喺上海參與舞台劇《我和春天有個約會》嘅楊怡，今次上海站嘅演出就要去到本星期五(13日)先完結，咁楊怡為咗保持狀態，昨早佢就係微博到貼咗張佢做健身嘅相，背後就仲有一個男人。冇錯，仲有一個男人呀！咁楊怡就好鬼馬咁留言：「Keep keep keep fit，誰和我一樣勤力...」咁榮升咗做羅仲謙太太嘅佢，當然有好多粉絲估佢背後男人緊係羅生啦，但就有眼利嘅粉絲就話似黃德斌多啲喎！其實網民都真係好心水清㗎，楊怡同黃德斌o依家就一齊參演《我和春天有個約會》，一齊做gym當然唔出奇啦，仲有就係有網民話羅仲謙o依家正係「一休頭」，即係話佢剃咗頭，所以楊怡身後有咁多頭髮嘅男士，一定唔係羅生喎！而睇番羅仲謙微博，見到佢早兩日仲話自己係台東進行拍攝，相信佢應該唔係上海。
來源:
http://hk.apple.nextmedia.com/entertainment/art/20170112/19894324
Next Page