笑到最後：狂人政策得個講字
1 :
GS(14)@2016-11-16 05:09:02如果要為2017年捉一隻「黑天鵝」，高明會估特朗普係正常人，正常過奧巴馬，選舉時激進主張全部都「太耐冇講等於唔存在」。先旨聲明，高明唔認同特朗普當選係黑天鵝，因為選票已經寫明佢參選，仲要係代表兩大黨之一，乜都睇清睇楚，冇可能係黑天鵝。但係換個角度，今年有英國脫歐、ISIS恐襲、難民危機、巴拿馬文件外洩、李斯特城拎英超冠軍等等，五顏六色嘅天鵝都被世人見過，如果話特朗普隻天鵝係黑色，又好似啱啱哋，因為黑天鵝已冇乜特別驚喜。講番正題，點解會預測特朗普正常過奧巴馬？因為每次有新總統上台，都會被政敵描述到世界末日將至。就以奧巴馬上台為例，啱啱發生金融海嘯，諗得出同「債」有關嘅項目，都會被美國新聞報道指為下個爆煲源頭，例如信用卡債或者大學生貸款，而奧巴馬參選嘅政綱就係奧巴馬醫保，類似全民醫保嘅政策，當時都被評論員話埋炸彈。當然喺量化寬鬆政策下，以上泡沫都冇爆到；而今次只係角色換咗特朗普。何況當選後特朗普已開始縮沙。如禁止伊斯蘭移民嘅政綱，當選後就喺網站刪走咗，之後又擺番上網，明顯係縮沙先兆；又如特朗普基建近日成為炒高銅股嘅原因，但周五港股收市後商品市場又升轉跌，因為投資者覺得基建仲係得個講字。最新發展莫過於科技股，當選後科技股大跌，一個原因係投資者掟科技股買基建股；另一個原因係選舉時特朗普成日批評亞馬遜「反壟斷」。更重要新聞係：特朗普委任矽谷金主Peter Thiel做過渡政府成員，而後者而家又係facebook董事局成員，搵個矽谷金主入過渡政府內閣，睇牌面冇可能反科技。好多人都話，美國制度三權分立，總統都受制於制度，但係今次市場反應係當咗特朗普係其他第三世界國家獨裁者。身為一個影響唔到大局嘅微小投資者，如果齋講未做就驚定先，咁真做咪嚇破膽？香港人過去五年感受最深，參選政綱講吓啫，唔係信呀？
高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20161114/19832613
同小方分手後，小方好多女 Stephy得個排球妹
1 :
GS(14)@2017-05-18 02:14:17鄧麗欣(Stephy)自從去年同拍拖十年嘅方力申(小方)分手後，佢就開始寄情打排球，仲自組女子排球隊Loey，經常四出打比賽，至於感情，仲盛傳過Stephy改變口味冧同台灣排球教練小牛(鄧衍敏)，至於小方就繼續物色另一半，身邊女伴如車輪轉。何超蓮 盛傳小方「越級挑戰」，上年七月疑同超蓮撻着，又指阿G.E.M.係媒人，上年阿G.E.M.生日，小方同超蓮仲一齊到賀㖭。強國粉絲之前有讀者爆料，話小方疑似暗交強國新歡「彤彤」，有兩人喺酒吧飲紅酒同蹺手談心嘅相。不過小方例牌否認，只係話「just a fan」。陳瀅有指小方睇中咗「宅男女神」，出動埋糖妹做紅娘，約陳瀅去老蘭酒吧密會兩粒鐘。不過小方話當晚同場仲有四、五個朋友，間接否應緋聞。張沛樂(沙律)有傳去年擔任ViuTV選美節目《美選D.n.A》評判時，已經對其中一位參賽者張沛樂（沙律）起痰，之後仲公然抄牌，但女方已有《點五步》林耀聲做男友。到今年3月，兩人喺鍾景輝生日派對重逢，有指小方即時以WhatsApp攻勢打動女方，又約做gym同游水。
來源:
http://hk.apple.nextmedia.com/entertainment/art/20170515/20021984
【唔係得個殼】油麻地偽美食車好吸睛 梳乎厘班戟超軟熟
1 :
GS(14)@2017-06-10 12:23:25am.pm外形醒目，似足外國的美食車。
油麻地港鐵站A出口對開的小巷捷徑，是通往登打士街的必經之路，最近出現了一架黃色的美食車，原來是新店「am.pm」，其實這不是真的美食車，只是外牆裝修得像一架美食車一樣，此店主要賣雞蛋仔及梳乎厘班戟，一個原味pancake只是$28，相當抵食。
原味梳乎厘班戟，$28。
朱古力厚窩夫，$25。
Black Monster（芝麻味雪糕），$20。
am.pm店主李威衡（Ray）。
am.pm地址：油麻地彌敦道560譽發廣場地下B舖記者：張欣頤攝影：林栢鈞2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170605/20044474
偷食男得個吉車震梁榮忠珠峰洗底 周永恆自稱人渣
1 :
GS(14)@2017-06-22 07:42:30電影《志明與春嬌》名句：「成世人流流長，總會愛上幾個人渣。」就好似自然定律一樣，喺圈中，每隔一段時間，就會浮出幾個背妻或女友偷食嘅人種出嚟。數一數，倪震孔雀開屏酒吧啜爆大陸女學生張茆，再有導演彭順斷正喺商場同o靚模Liddy(李悅彤)咀嘴調情。以上人種嘅共通點，都係偷食，而更加重要嘅，偷食完都竟然得到正印或另一半原諒。之不過，未必個個咁好彩，偷食完，都可以當粉筆紙?咗去當冇事發生。梁榮忠05年時，梁榮忠背住拍拖8年嘅鍾麗淇，偷食朱慧敏，更爆出車震事件。被傳媒稱為「世紀賤男」，事後遭鍾麗淇斬纜。07年，梁榮忠得志雲大師安排拍攝真人騷《勇闖玉珠峰》，一心洗底。近幾年又埋頭苦讀，完成戲劇藝術碩士學位，早年再修畢中大藝術行政管理碩士。可惜世紀賤男招牌跟一世，想喺電視入屋唔再有佢份，惟有讀多幾張「沙紙」責袋，同時轉型做幕後搞話劇，匿埋電台開咪。(新聞連結：
http://bit.ly/2shBq2V)吳浩康02年入行嘅吳浩康(Deep)，由於聲底夠厚，當年被指係Eason陳奕迅接班人，兩年內出過兩隻EP，本應前途無可限量，可惜佢喺2004年，警方一次掃毒行動中，被搜出銀包內有一點二克可卡因，事業應聲而下。事業難翻身，不過把口o浪過油嘅吳浩康，歷年情史一籮籮，幾乎兩年換一次女友。13年吳浩康同鍾舒漫拍拖，二人仲去到談婚論嫁地步，但吳浩康被影到同o靚模Yvette Chow拖手喺街頭互啜。慘被背叛嘅鍾舒漫，最終取消埋婚禮。周永恒自稱「人渣」嘅周永恒，出道至今負面新聞不絕，10年同趙頌茹(阿Yu)奉子成婚，不過3年前阿Yu報警指遭周永恒打傷，同時周永恒背妻偷食公司拍檔劉依靜（Ruby），二人更有多張淫照流出。阿Yu最終單方面結束4年婚姻，獨自撫養一對女兒。
來源:
http://hk.apple.nextmedia.com/entertainment/art/20170621/20063722
【得個恨字】加拿大麥記紙杯托變擴音機 一日限定音量提升101%
1 :
GS(14)@2017-08-02 06:15:55去快餐店買外賣時，如買上幾個餐有幾杯汽水時，店舖通常都會送上紙杯托擺放飲品，等大家無咁容易倒瀉。不過這些紙杯托用完就要掉，有無物盡其用的方法？早幾日位於加拿大多倫多Woodbine Beach的麥當勞餐廳就曾推出過一款一日限定的特別版紙杯托，相信大家拎上手後一定唔會掉。
這款特別版紙杯托其實是一個紙製Boombox，只需將手機、平板放入特製的凹位內，就能做到擴音功效，原理近似將手機放入紙杯或玻璃杯內擴音一樣，但擴音效果更加理想，有網站測量過音量能提升101%；當然未計擴音效果，單講紙製Boombox賣相已經好有型，而且紙製Boombox更是100%可循環再造。唔好以為這款一日限定產品設計好馬虎，背後其實是由麥當勞餐廳、加拿大滑鐵盧大學（University of Waterloo）研發小組以及工業設計機構Stacklab合力開發而成，不過成個計畫只在一間麥當勞以一日限定方式推出確實有點浪費，如果可以將這項設計推展到更多店舖就好，相信如果收返少少費用都有好多顧客願意畀錢購買！
資料來源：Mobilesyrup記者：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170801/20107682
【排通宵得個吉】遲來大媽先上岸 一肚氣姐：公平咩？
1 :
GS(14)@2017-08-18 08:00:45開幕前一日下午已經嚟排隊，結果輸畀朝早7點先嚟嘅大媽，點會唔嬲！
美食博覽今朝開鑼，我地派出記者阿Sa實試排通宵搶$1筍貨，昨夜見只得十幾人排隊，人數唔多，心諗付出努力一定可以得到回報，點知少年都係太年輕了，先係窈窕人龍越變越粗碌，再嚟後浪推前浪，前浪變後浪，幾個朝早先嚟排隊嘅阿姐成功突圍排到頭位，排通宵的結果得個吉空手而回，公平咩？
一開閘首先彈出嘅係……為了鮑魚為了燒賣，大家都可以去到好盡。
記者：曾冠輝、黎婉婷攝影：鄧鴻欣
來源:
http://hk.apple.nextmedia.com/su ... t/20170818/20124700
買甚麼都能以積分抵消？信用卡積分不用再得個儲字！
1 :
GS(14)@2017-09-17 12:15:29【特約報道】今時今日，大多數人只著重信用卡的不同購物優惠或回贈，希望慳多點，賺多點。大部份人往往卻忽略了如何「好好利用」積分！很多人喜歡儲積分，但你真的有留意自己儲了多少積分嗎？縱使真的儲到一個指定分數可以換禮物時，又發現可選的禮物選擇不多，不是真的合自己心水，換機票又要很早計劃。付款時即時扣積分是一個不錯的選擇，但不是每一間商戶都能扣積分，根本不知何時才能使用。
Citi最近就推出「Pay with Points憑分消費」，顧名思義就是直接用積分來抵消簽賬。兌換過程簡單易用，只要用可儲積分的Citi信用卡簽賬後就會收到SMS短訊通知。只需3 clicks，即可用積分抵消簽賬，而且還可以自由選擇用多少積分來抵消簽賬，最吸引是並無商戶限制，任何本地簽賬均可用積分抵消，甚至網購也沒有問題！整個過程以手機操作即可，能省卻繁瑣的積分計算和上網兌換禮物的時間。「Pay with Points憑分消費」直接用積分抵消簽賬，積分變相成現金，何時何地都用得！這還不是最精明？
■第一步：以指定Citi信用卡簽賬後將會收到SMS短訊通知。
■24小時內按短訊內上之連結，即可於第二步：「Pay with Points憑分消費」網站內自由選擇要兌換的金額。
■第三步：成功憑分抵消簽賬後便會收到即時確認通知。
來源:
http://hk.apple.nextmedia.com/financeestate/art/20170904/20141811
Next Page