月內生得 老公傍實謝安琪挺肚會友 張繼聰呆等接送
1 :
GS(14)@2017-02-02 02:34:11【肚大如籮】■謝安琪（右）腹大便便，日前外出與友人食飯。
【大埔】謝安琪（Kay）還有約一個月生得，臨盆在即的她十分好胃口，日前晚上約9時許，家住大埔的Kay挺巨肚出動覓食，現身同區的雞煲店跟5、6位友人聚餐，由於即將生B的關係，雖然着了一身黑look打扮，但面龐十分圓潤，氣色很好。當晚Kay撇甩老公張繼聰約朋友開餐，見到坐在食店內的她開懷大嚼，全晚和友人有傾有講十分開心，原來愛妻號張繼聰負責做柴可夫，等大肚老婆食完飯後安全送她返屋企。
【大擦雞煲】■謝安琪現身大埔的雞煲店跟友人聚餐。
【雞啄唔斷】■謝安琪（右二）步出店外與朋友依然傾唔停。
路人認出
張繼聰約10時許現身食店附近，他先到便利店購買飲料，其間有路人認出張繼聰，很興奮跟朋友分享發現藝人，但就沒有趁機上前合照留念。當阿聰買完飲品後，邊飲邊行返上座駕乖乖等老婆，沒有入食店打擾眾人聚會，十分識做。約晚上10時15分，Kay和友人埋單後離去，步出店外依然傾到雞啄唔斷，其中一位朋友還陪Kay站在街上，等張繼聰將座駕駛至，此時Kay發現記者，心情靚靚的她友善地揮揮手，之後就上車由老公接載返家。
【早到伺候】■張繼聰先到便利店購買飲品。
【老公接載】■張繼聰負責做柴可夫，專程等謝安琪食飯後護送返家。
化身娘娘
現年39歲的Kay，跟張繼聰育有9歲兒子張瞻，現陀B女湊成一個「好」字，正靜待小公主出世的她，前日大年初三，她在facebook貼化身娘娘的賀年相，笑言開了一個OKTV安琪電視台，祝大家日日開開心心，還逐一回覆網友留言，果然得閒。採訪、攝影：黃曉程、朱志聰
來源:
http://hk.apple.nextmedia.com/entertainment/art/20170201/19913901
張繼聰謝安琪最叻放閃結婚10年恩愛如昔
1 :
GS(14)@2017-02-02 02:34:11張繼聰同謝安琪（Kay）07年奉子成婚，一直恩愛至今，上年Kay胎B女，宣佈暫時休息，喺呢段時間入面，張繼聰多次被影到陪住Kay出街，對老婆照顧有加。結婚咁多年以嚟，張繼聰一直係愛妻號，07年度嘅叱咤頒獎禮，深情咁喺台上話過「我同我自己講，我一定好好照顧我太太，照顧我個仔。」最經典嘅，就肯定係呢句：「就算時光倒流幾多次，我都會娶你做老婆。我愛你。」結果佢講得出做得到，成功將以往女尊男卑嘅印象扭轉。而最man一次，係上年Kay開完演唱會，張繼聰喺Ig貼咗同老婆嘅合照，不過有人嫌Kay樣衰，結果張繼聰迅速回覆：「我覺得我太太是真‧漂亮！小姐，你覺得你在這裡留下這樣的文字，我看到會有什麼反應？」再數近少少，上年11月張繼聰被影到親手幫Kay換走對鬆糕鞋，之後仲公開話：「如果條路個窿，我都瞓喺地下俾佢行過去！」呢兩公婆除咗平時出街恩恩愛愛，都好鍾意耍花槍，上個月兩個人為咗《男兒當入樽》呢套漫畫嘅擁有權「鬧交」，呢個共同嗜好，甜蜜得嚟又溫馨。直到今年1月20號，喺佢哋結婚10周年，張繼聰再次喺facebook撰文感謝Kay嘅陪伴「晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福完滿。」
來源:
http://hk.apple.nextmedia.com/entertainment/art/20170201/19914045
張繼聰諗定剪臍帶
1 :
GS(14)@2017-02-19 13:59:56張繼聰及莫凱謙等昨晚在石硤尾運動場出席籃球活動，陪一班小朋友練波，阿聰表示以前經常在街頭打籃球，打波時少不免會衝動有碰撞，曾試過被撞斷肋骨，又試過差點咬斷自己條脷。他笑言：「太太叫我今日嚟唔好整親人。」老婆謝安琪預產期在下月底，阿聰坦言心情好期待：「?家拍緊劇，生嗰幾日會陪太太，已經同演員前輩打晒招呼，嗰幾日見我心情忐忑，可能講講吓對白走咗去。我會幫太太剪臍帶，上次生仔時都有剪。」他已向囝囝解釋會多個妹妹要照顧，希望家庭新成員會帶給囝囝快樂。採訪、攝影：曹家誠
來源:
http://hk.apple.nextmedia.com/entertainment/art/20170219/19932880
張繼聰讚初生女叻老婆Kay停工冇時限
1 :
GS(14)@2017-03-24 17:08:00■張繼聰昨在Ig分享再做人父的喜悅，囡囡張靖十分可愛。
現年40歲的謝安琪（Kay）昨午3時許在沙田仁安醫院剖腹誕女，小公主重7磅半，取名張靖，英文名叫Karina，再為人父的張繼聰於傍晚5時在醫院外向傳媒報喜，大派曲奇餅，他開心說：「多謝大家祝福，我都好似經歷新階段，BB喺3點幾出世，7磅半，開刀。」
好亂驚會喊
張繼聰自嘲9年前兒子出世時，自己似飲醉酒講好多次多謝：「今次坐開少少，都差啲撞到儀器，好感動，囡囡好叻，好快出世，好大聲喊，自己有剪臍帶。我同太太都好開心感動，自己keep住硬漢啲，感覺太太好偉大，見到過程好肉赤，兩個夠晒數，除非科學發展到男人可以代生。」他透露太太已餵第一次的母乳，自己抱着囡囡時被捉着手指：「我同太太傾偈，佢望住我喊，其實自己要小心處理，唔會錫晒個女，唔會唔理老婆。太太生完好攰，自己呢刻都係好亂，如果早半個鐘落嚟驚講講吓會喊。」講到囡囡取名張靖，張繼聰說：「我由細到大好鍾意呢個字，太太都係，好恬靜，英文名本來諗咗，點知有晚發夢小妹妹話要同媽咪一樣K字頭叫Karina，嗰時未知仔定女，好似囡囡報夢自己揀。」有報道指Kay今次生完就結紮，但後來又打消計劃想再追，他否認：「從來冇呢個打算，覺得兩個夠晒數。」
■再做人父的張繼聰昨日宣佈囡囡已出世，又向傳媒派曲奇餅。
■謝安琪為9歲的兒子張瞻添了一位小妹妹。資料圖片
?囡囡瞓覺
問到Kay是否停工三年？他說：「冇諗過幾時復工，見佢望囡囡眼神，一兩年走唔甩。」昨晚張繼聰在Instagram貼抱着囡囡的照片，Karina在父親懷中熟睡，非常可愛。麥浚龍對於契女出世，他開心說：「等Kay坐完月先去探佢同BB。」採訪：張俊銘、盧妹攝影：畢紹基、徐錦池
來源:
http://hk.apple.nextmedia.com/entertainment/art/20170324/19967780
張繼聰拖白只激老婆
1 :
GS(14)@2017-04-17 07:20:11張繼聰和白只昨日到佐敦為電影《今晚打喪屍》錄主題曲《雙截龍》，拍照時，張繼聰主動拖白只的手，令白只尷尬又無奈，張繼聰笑謂：「老婆睇到都嬲呀！」他表示今次是首度與白只合作電影：「仲係第一次一齊喺錄音室錄歌，好有紀念意義。」張繼聰表示片中跟萬梓良及吳家麗合作，近距離跟兩位前輩學戲：「休息嗰陣，萬子哥都教我哋好多嘢，好似上咗堂咁。」問他電影於6月上映時會否帶太太謝安琪欣賞？他說：「佢成日問幾時上，不過個女太細，帶埋佢即係我冇得睇，阿仔都可以，但有時帶佢睇恐怖片，佢夜晚會怪我搞到佢瞓唔到覺。」採訪：盧妹攝影：仇志德
來源:
http://hk.apple.nextmedia.com/entertainment/art/20170417/19992077
【我主場】受糖尿病困擾 訂明工作時間萬梓良出山打喪屍 張繼聰白只擋子彈
1 :
GS(14)@2017-06-11 16:09:17■萬梓良（中）和後輩張繼聰（左）及白只合作，鏡頭前後都十分合拍。攝影：仇志德
【《蘋果》專訪】系出名門，萬梓良（萬子）、白只和張繼聰都是鍾景輝的高徒，都稱之為演技派，難得今次為了「打喪屍」聚首一堂。不同年代的演技派代表人物，同場較勁，白只和張繼總都自愧不如，同被萬子的氣場震攝，亦親眼目到「成吉思汗」上身的萬子，在片場如何威武非凡。採訪：君喬久別銀幕的萬梓良，繼12年《懸紅》和13年的《古惑仔：江湖新秩序》後，今次再跟一班陌生的年輕後輩合作，拍攝港產片《今晚打喪屍》，原來背後有段古。萬子日前於觀塘接受本報記者專訪，談到為何相隔幾年才有一部作品，他哈哈笑說：「冇乜人請！」
■張繼聰（左）表示從萬子身上學到演員應有的專業態度，獲益良多。
■萬子（右二）為拍這場避喪屍戲，在街市跑足兩晚。
■萬子是鍾景輝（中）藝訓班的學生。資料圖片
導演誠意打動
萬子近年長居內地，坦言對香港電影已經生疏，今次難得為港產片出山，原來是被導演盧煒麟和監製鄭思傑的誠意打動，他說：「佢哋好有心，經好多人輾轉搵到認識我嘅朋友再聯絡我，咁我就約咗個時間返香港傾。」回港傾談期間，發現面前素未謀面的年輕人均是他的影迷，對自己以往作品有深刻印象。萬子笑謂：「佢哋好希望同我合作，最後我用咗去兩次洗手間時間去諗，然後返埋位就答應演出。但最重要係時間，因為近年健康情況唔好，有糖尿病。」萬子希望與劇組訂明工作時間，令作品得以最佳精神體力狀態演出，不負影迷的寄望。首次接拍喪屍片，豈不是要經常進入瘋癲狀態不停走避？萬子透露自己戲份甚少需要走避，動作場口都集中在結尾，但都跑了兩晚。憶起這兩晚演出，萬子指辛苦了戲中飾演他兒子的白只及世姪張繼聰，他說：「嗰場戲喺街市拍，現場佈滿反應彈，所以拍攝時要一take過，導演嗌開始，佢哋兩個就扶住我跑，旁邊啲菜同食物就炸到亂飛，我夾喺中間，咁佢哋就幫我擋晒，尤其白只要保護爸爸就中得最多。」
叫前輩印象深
跟兩位後輩張繼聰及白只首度合作，萬子表示由於大家都是King Sir鍾景輝的學生，所以一開始已經有共同話題，而最有趣是首日開工當他坐在片場等待時，白只匆忙走到其身旁，九十度鞠躬大叫「前輩」，令他印象深刻。跟萬子合作，白只表示完全感受到甚麼叫氣場，最記得第一次對稿時，聽到萬子哥讀出對白，便完全感覺到這便是戲，白只說：「萬子哥就似一個舵手，有佢帶領住，我就有個跟住對象，每一個鏡頭拍完都唔係望導演先，係望萬子哥先睇吓係咪收貨。」阿聰指最深印象是一場萬子哥獨自近六分鐘的戲，現場環境又熱又焗，但從鏡頭中深深感受到演員在鏡頭前的力度已經不是演技，而是跟鏡頭融為一體，他說：「呢份態度令我立即學到，真係遇到好攰嘅時候都唔好話辛苦，耐心啲去繼續做。」原來在街市走避喪屍一幕有小故事，便是三人等埋位經已等到深夜好累，但導演一叫埋位，萬子哥就捉住白只及阿聰大叫「畀個好嘅」，然後埋位拍，那刻兩人指感受到「成吉思汗」在旁。場地提供：TOWARD Studio
來源:
http://hk.apple.nextmedia.com/entertainment/art/20170611/20051648
前世情人極心甜！張繼聰B女笑眼冧爸爸
1 :
GS(14)@2017-06-16 01:47:50張繼聰老婆謝安琪(Kay)3月生咗細女張靖(Karina)，好多人話囡囡係爸爸嘅前世情人，張繼聰就絕對係人辦。除咗之前彈結他同囡囡KaKa Ball（囡囡乳名）深情對望外，啱啱張繼聰就貼咗條片上網，佢對住B女問：「你開唔開心呀！」點知只得兩個幾月大嘅KaKa Ball，竟然識得用BB話應爸爸，搞到老竇心到甜晒。張繼聰留言話：「當你鍾意講嘢到達咗某個境界??連兩個幾月大嘅女士都會回應你。」KaKa Ball仲識得咪咪眼咁笑，單眼皮眼仔細細嘅佢，同爸爸十足餅印咁樣，難怪張繼聰形容自己對住佢，十足「癡漢」一樣囉！
來源:
http://hk.apple.nextmedia.com/entertainment/art/20170614/20055766
張繼聰白只合力打喪屍
1 :
GS(14)@2017-06-16 01:47:51張繼聰、白只於電影《今晚打喪屍》中演好兄弟，擁有拯救地球的信念，遇上喪屍襲港，他們將生活中日常用品如雞蛋仔夾餅機、上海理髮店焗頭罩等，再加插自我創意製成打喪屍武器。阿聰在戲中熱烈追求顏卓靈，拍攝期間白只跟顏卓靈的戀情公開了，白只強調對拍攝沒任何變化。
■慈父上身的阿聰，冧爆抱着囡囡。互聯網圖片
另外，阿聰太太謝安琪3月誕下細女張靖，昨日阿聰在Ig上載片段，他在片中問B女：「你開唔開心呀？」囡囡竟識用BB話應爸爸，甜入心的他形容自己對住囡囡十足癡漢。採訪、攝影：馬建華場地提供：TOWARD Studio
來源:
http://hk.apple.nextmedia.com/entertainment/art/20170614/20054810
Next Page