輪住擺酒 基仔光棍節請飲
1 :
GS(14)@2015-08-12 08:36:46■基仔與Lorraine將於四季酒店補擺喜酒，據知邀請的圈中嘉賓陣容強大。資料圖片
下周二（18日）踏入43歲的古巨基，於去年7月12日在拉斯維加斯跟助手陳英雪註冊，結束20年愛情長跑，婚後一年的基仔，終擇好日今年11月11日光棍節在中環四季酒店補擺喜酒，採西式自助餐雞尾酒會形式舉行，據知，基仔將廣邀星級好友出席盡興，包括劉翔、傅明憲、倪震和周慧敏夫婦，還有當年同列無綫五虎的古天樂、吳家樂，合拍內地劇《情深深雨濛濛》的趙薇、林心如、蘇有朋，當然少不了同屬英皇的容祖兒、謝霆鋒、林峯，場面肯定盛大過頒獎禮。
■基仔昨日受訪時表示會為老婆設計婚紗，並取笑老婆肥。資料圖片
■怕醜的古太昨戴了基仔的面具遮樣，十分搞笑。微博圖片
基仔親設計婚紗
基仔昨接受本報電話訪問時說：「唔係特登揀光棍節擺酒，因為嗰日係好日，又咁啱得嗰日book到酒店場地。」他承認會廣邀各地好友出席，問預計花費多少錢？他說：「要埋單先知，因為而家仲諗緊場地佈置，我都會參與設計，包括場地佈置、邀請卡、餅卡。」基仔更大爆會親自為老婆設計婚紗：「甚至乎古太套婚紗，我都會參與設計。」問婚紗款式是否要封胸？基仔笑說：「如果古太減肥減得切，咪設計得性感啲，如果減肥減唔切，咪多布啲囉。我自己嗰套，就睇吓夠唔夠時間，梗係整老婆嗰套緊要過整自己嗰套。」基仔講完都頂自己唔順，怪叫：「嗚呀！好肉麻呀！」至於婚宴以雞尾酒會形式，基仔說：「想從簡啲，我同古太好怕大龍鳳。」當日會否唱情歌冧老婆？基仔說：「最近出咗隻碟，裏面主打歌送畀老婆，至於到時唱唔唱，睇吓度咗rundown未囉，歌名咪《找到你是我最偉大的成功》。」採訪：鍾國仁、皓騫
來源:
http://hk.apple.nextmedia.com/entertainment/art/20150812/19252119
阿里今年光棍節推至25國
1 :
GS(14)@2015-10-15 02:22:00http://www.mpfinance.com/htm/finance/20151014/news/ec_ecd1.htm
【明報專訊】阿里巴巴上市後覑力推動全球化戰略，一年一度的天貓「雙11」光棍節活動，主題亦由「網購狂歡節」升級為「全球狂歡節」，引入25個國家參與，在天貓平台推售產品。主席馬雲昨日出席活動啟動禮時表示，中國內需潛力巨大，由互聯網掀起的跨境交易革命，將推動中國從出口大國轉而成為世界最大進口國家。
广告
馬雲：中國將成最大進口國
馬雲認為，擔心中國經濟放緩並無必要，正如長身體的時間已經過了，接下來要「長腦子」。中國未來的機會在拉動內需。10年到15年後，中國中產階級人數將從3億增長至5億，屆時消費能力是美國的三倍，要滿足這些人的消費需求，必須以全球之力應對。
他續指，阿里巴巴今年商品交易總量會超過5000億美元(約3.9萬億元)，這個成績沃爾瑪用了60年才做到，而公司則僅用16年達成，如果採用更好的辦法如加強透過流動電子產品銷售，將更大釋放內需。
剛擔任阿里巴巴總裁的Michael Evans亦首次以新身分公開露面，表示5年後中國將成為全球最大電商市場，阿里巴巴將繼續保持跨境業務增長，在意大利、法國、德國開設辦事處，並加強美國、英國和亞洲市場的實力，最終成為真正的全球性公司。過去人們以改變中國的程度來評價阿里巴巴，未來將以改變世界的程度來評估阿里巴巴。
5000多海外品牌參與
是次天貓「雙11」活動特別開設國家館，有25個國家和地區的5000多個海外品牌參與，全場貨品包郵費免稅費，昨開始預售。港台館中，香港品牌樓上和卓悅等亦已進駐。
光棍節結婚4周年王浩信夫婦入馬場︰好難忘
1 :
GS(14)@2015-11-13 08:45:56噚日係光棍節，娛樂圈喜事重重，除咗王菀之及賈曉晨先後爆婚訊外，古巨基及羅天池噚日亦補擺喜酒。除此之外，杜德偉及黎諾懿噚日亦慶祝結婚周年紀念，而王浩信與太太陳自瑤（YoYo），不經不覺已婚四年，佢哋於2011年11月11日呢個好日子結婚，翌年YoYo誕下囡囡，囡囡現時都三歲幾。噚晚兩公婆喺馬場度過「絲婚」（亦有稱花果婚），佢哋悉心打扮慶祝，並攬實合照，認真甜蜜，YoYo謂：「過了一個很特別的結婚週年紀念日，去馬場慶祝還是第一次！謝謝朋友們的悉心安排，很難忘呢！」
來源:
http://hk.apple.nextmedia.com/entertainment/art/20151113/19370827
【光棍節掃貨】小米推新紅米手機 1千蚊有交易
1 :
GS(14)@2016-11-10 07:40:40小米繼早前推出了小米MIX後，亦發佈了兩款新型號手機紅米4和紅米4A，當中最矚目的相信是其親民的格價，特別是入門版的紅米4A標價為人民幣499元(約港幣$570元)，標準版和高配版紅米4分別為人民幣699元(約港幣$800元)和899元(約港幣$1,030元)。
兩款新型號手機在外形設計上與紅米Note4無太大分別，紅米4分了金、銀、灰三種配色以及金屬機身，而紅米4A只有金色和粉色。產品規格方面三機同樣配備了5吋1280 X720屏幕、500萬像素前鏡以及1300萬像素主後鏡頭。入門版紅米4A最大的差別在於Snapdragon425處理器、2GB RAM、不支援指紋識別以及3120 mAh的電池容量，不過對於少於$600的定價，相信有一定的吸引力。新機將於11月11日在內地小米官網開售。記者：翁怡富
紅米4和紅米4A入門版的紅米4A標價為人民幣499元(約港幣$570元)。
產品規格方面入門版紅米4A不支援指紋識別，電池容量較少的3120 mAh。
來源:
http://hk.apple.nextmedia.com/su ... t/20161109/19827223
鍾麗緹與夫光棍節領證
1 :
GS(14)@2016-11-12 05:55:03■鍾麗緹與張倫碩昨在雙方父母及親友見證下領證登記。微博圖片
34歲的內地男星張倫碩日前豪花千萬在北京舉行一個以海洋為主題的婚宴，迎娶46歲的鍾麗緹。一對新人特意揀選昨天11月11日光棍節，早上11時11分，於張倫碩的家鄉山東臨沂簽紙領婚證，在雙方父母及親友見證下，正式成為張生張太。鍾麗緹和張倫碩比在擺酒當天打扮明顯較樸素，他們為對方戴上婚戒及打指模，並不時錫錫，甜蜜滿瀉。之後張生張太在微博貼相，兩人穿上簡單的白色衫，但不失搞笑作風，嘟嘴、晒V字勝利手勢，表現既恩愛又合拍，短短數分鐘已經有超過六百個祝福留言，祝兩人婚姻生活幸福美滿。撰文：嵐山
來源:
http://hk.apple.nextmedia.com/entertainment/art/20161112/19830800
【光棍慎入】求婚唔送鑽戒送乜好？ 霸氣港女：一張冇銀碼嘅支票啦
1 :
GS(14)@2016-11-12 05:55:06一講求婚，冧到呀
今時今日，做光棍又煩拍拖又煩，做老襯就煩上加煩，至少求婚嗰吓已經要使一大筆錢─無錯，就係鑽石戒指喇！於是我哋就追訪一眾港男港女，了解佢哋點睇一粒求婚鑽戒嘅意義，睇吓有冇其他物件可以代替鑽戒；同時我哋亦都搵嚟理工大學講師兼前廣告創作總監曾錦程，解構吓求婚＝鑽戒嘅傳統到底係點樣出現。記者：余傲芝 攝影：Neo
前廣告創作總監曾錦程為我哋解構求婚＝鑽戒嘅傳統點嚟
「鑽石恆久遠，一顆永留存」，就係呢句口號令到鑽石擁有非凡意義
Fiona認為鑽戒冇咩意義，都係用嚟炫耀居多
喺27名受訪者入面，9成人都認為求婚時需要一隻戒指，而指定鑽石戒指亦有6成人，其他就覺得銀戒指或自製戒指亦可接受。至於鑽石戒指嘅意義，大家嘅睇法不一，大概可以分為「有誠意同重視嘅表現」、「係承諾同永恆嘅意思」、「用嚟晒命或比較」、「人做我做」等等。有過半數人認為可以搵其他物件代替鑽戒，去旅行送支票送公仔等都榜上有名，不過亦有少數人認為要跟隨傳統，無論如何都要鑽戒。
李小姐話用汽水拉環求婚都幾浪漫，有時候唔一定要啲咩物件
李生認為求婚用鑽戒可免則免，因為求完婚隻戒指又冇咩用
曾錦程指出，求婚用鑽石戒指呢個傳統好大程度上係因為戴比爾斯(De beers)喺1947年推出嘅一系列廣告企劃，尤其係「鑽石恆久遠，一顆永留存」(A diamond is forever)呢個口號，令到原本毫無價值嘅炭變成擁有非凡意義嘅鑽石。當時戴比爾斯喺非洲有個好大嘅鑽石礦，而由於供應多會令到價格降低，所以佢哋就諗到將鑽石同愛情扣連，加一個好強嘅無形價值落去。不過曾錦程認為廣告嘅成功係「因為呢個社會好多嘢好脆弱，愛情亦一樣，所以鑽石『永恆』嘅象徵意義補救現代人嘅心靈空缺，所以係人本身有問題，再被營銷商利用人類弱點。」
鍾生話都係嗰句：首先要有女朋友啦
楊小姐認為冇嘢可取代求婚戒指，比佢一個信心去嫁比佢
來源:
http://hk.apple.nextmedia.com/entertainment/art/20161112/19830913
光棍節煮愛心晚餐G.E.M.同神秘人撐枱腳
1 :
GS(14)@2016-11-13 11:32:38前日係11月11號，因為全部都係「1」，好似單身一人咁，就俾人約定咗呢日叫光棍節，屬於單身人士嘅一個日子。今年25歲嘅宇宙巨G.E.M.鄧紫棋，都有趁住光棍節放咗啲煮飯相上Instagram同微博，留言話：「烤雞腿是前所未有的多汁！烤牛排配流心的雞蛋也是太美味了～」但唔好以為佢想借煮嘢食呻未搵到男朋友，因為佢成個煮飯過程，都有位神秘人幫佢揸機影相，而且仲係二人晚餐，實在好有可疑。其實G.E.M.上個月已經俾《蘋果》見過佢同一位擁有model身型嘅男仔喺中環戴情侶戒撐枱腳，所以有唔少人見G.E.M.喺光棍節放相，都好奇問佢，今次同邊個撐枱腳食飯，咁答案會唔會係上次嗰位model型男呢？
來源:
http://hk.apple.nextmedia.com/entertainment/art/20161113/19832255
【無美人睇香車】光棍節最佳節目 黃金海岸睇汽車嘉年華
1 :
GS(14)@2017-11-13 03:42:44全球最大馬力跑車Bugatti Chiron首次於香港亮相。
全新旅遊專頁，即like籽想旅行：
https://fb.com/travel.appleseed第二屆Gold Coast Motor Festival汽車嘉年華於屯門黃金海岸舉行，展期由即日至11月12日，適逢「1111」亦是俗稱的光棍節，愛睇靚車的男士們，不妨趁這個黃金機會，好好為自己大飽眼福。
今年GCMF繼續與多個汽車品牌及收藏家攜手合作，合共展出逾80部經典名車，當中焦點是全球唯一的Pagani Zonda Fantasma Evo，亦有首次在本地亮相的超跑Bugatti Chiron，其他重點靚車還包括Lamborghini Sesto Elemento、McLaren P1 GTR等。古董車迷更保證目不暇給，經典汽車包括Ferrari250 GT/E、Toyota2000GT與及是本地最早登記汽車Bentley3L1926。
今年活動主題古董車Ferrari250 GT/E。
極為罕見的保時捷拖拉機。
Lamborghini Sesto Elemento，全球僅生產20部。
若怕家人悶親亦毋須擔心，場內設有圍繞汽車作主題的活動專區，包括兒童賽車場、小火車、賽車遊戲、汽車主題美食、音樂表演等，一家大細玩足、睇足一日，實是消閑好節目。
千匹跑車Koenigsegg Agera S，採用全碳纖車身及輪圈。
McLaren P1 GTR特別版，車身配上特別拉花。
活動細節地點：屯門黃金海岸舉辦日期：即日至11月12日上午10時至7時門票：三天尊尚通行證$800、一天通行證$100、一天通行證（長者及小童優惠票）$60採訪：廖宏俊攝影：蕭志南
來源:
https://hk.lifestyle.appledaily. ... e/20171112/20211630
Next Page