冇着制服外套出慧妍活動小冰淚控陳法蓉「好似慈禧咁喝人」
1 :
GS(14)@2016-11-26 13:51:10■梁小冰昨日被陳法蓉訓斥沒穿外套，面燶燶離場。DV圖片
梁小冰昨日在大角嘴出席「東華三院慧妍雅集善膳軒命名典禮」，同場的一班前港姐都都穿上一式一樣的上衣連外套，惟獨小冰沒穿外套，更拒絕跟陳法蓉合照。小冰受訪時破口大罵陳法蓉見到她沒穿外套後，當面訓斥她，小冰強烈要求對方道歉。
要求道歉
小冰說：「我係直腸直肚，佢（陳法蓉）問我做乜唔着制服，咁我覺得熱，所以除咗件外套喺車，但佢就兜口兜面咁、不識大體訓斥我，一嚟到就話我，其實有乜事可以側面講，唔應該咁講。」她續說：「其實冇人話畀我聽要一set咁着，但佢都應該要好有禮貌咁講囉，就算幾熟嘅朋友都要保持禮貌，所以我就拒絕（合照），亦唔需要合照。」之後小冰要求陳法蓉道歉：「當然要啦，私底下我會打番電話畀佢溝通，任何一個會員都要以禮相待，唔應該大庭廣眾咁去講。」她越講越勞氣：「你睇我㷫到，我係直腸直肚囉，好易俾撻着，亦都好易氹番，我唔可以硬㗎，要軟囉，錫我嘅朋友都清楚，其實唔可以咁倔咁直㗎嘛，冇可能做到朋友！」
■陳法蓉（左）自言無權去訓斥任何人。
【唔肯合照】■梁小冰（右一）被陳法蓉（左一）當眾訓斥後，拒絕走近合照。
退出慧妍
前任慧妍會長陳法蓉聽到小冰不滿被訓斥，只是哈哈兩聲：「喂，呢個係佢個人感受，我唔會否定嘅……我冇去訓斥任何人，亦冇咁嘅權去訓斥任何人。」對於被小冰指冇禮貌，她聞言一呆並苦笑：「嗱，OK，不如叫埋佢入嚟吖。」事後小冰接受本報電話訪問時，聲淚俱下：「佢可以拉埋我一邊講，而唔係當眾鬧我。佢唔尊重我，又鬧我。我冇諗過佢好似慈禧太后咁喝人！佢之後仲話我，做乜搞到件事咁大！如果佢唔向我道歉、唔反省，我係唔會原諒佢！」梁小冰昨晚再在微博表示：「如果你毫無悔意，以後我唔會再出席慧妍雅集所有活動，亦退出唔做會員，因為我唔會俾任何無修養的人再一次傷害自己！」採訪：羅慧敏攝影：陳慧安
來源:
http://hk.apple.nextmedia.com/entertainment/art/20161126/19845674
莫可欣勸小冰以和為貴
1 :
GS(14)@2016-12-01 00:01:30電影《三少爺的劍》前晚在圓方舉行首映禮，薛凱琪、方中信和太太莫可欣到場支持，莫可欣是慧妍雅集前主席，對於慧妍風波，她說：「以前陳法蓉成日提點我，佢係好有心幫人嘅，小冰都好nice，我諗誤會啫！以和為貴啦！」但她提醒「其他人唔講咁多嘢」，莫可欣說：「好多情況會遇到，唔係個個受到尊重，有時環境影響，唔係有心。」導演爾冬陞（小寶）感謝徐克導演毫無保留教他拍3D：「拍3D後期都要佢在場全程跟住，我好似參加咗一個大師班咁，咁我唔算高分畢業，60分左右啦！呢啲嘢仲要係喺電影學院4年都學唔到。」採訪：曹家誠攝影：陳慧安
來源:
http://hk.apple.nextmedia.com/entertainment/art/20161130/19849533
指老友被迫埋牆角靚靚撐小冰退出慧妍
1 :
GS(14)@2016-12-03 04:42:47■袁詠儀和張智霖昨日出席活動，力撐梁小冰為人。
梁小冰前晚現身又一城《鋼鋸嶺》群星首映，正式宣佈退出慧妍雅集，昨日跟梁小冰同屆的港姐冠軍袁詠儀開口力挺，為梁小冰做品格證人，強調小冰不是被迫到牆角是不會反擊，更支持對方退會的決定。
「見到佢似見曱甴」
「慧妍之亂」的主角梁小冰，在首映上被問到陳法蓉事後有否道歉？小冰反問記者：「你哋覺得有呢個可能性咩？」她續道：「佢都冇覺得自己有問題，呢件事對佢嚟講係個災難。其實呢件事好易處理嘅箒，不過我當眾同佢開拖，佢可能想喺啲細嘅面前畀個下馬威，不過揀錯咗對象，收唔到科落唔到台！」小冰表示日後一定不會跟陳法蓉同場，小冰說：「如果我見到佢，我驚會好似見到曱甴咁走開！」梁小冰承認已經退出慧妍雅集，她說：「噚（前）晚email咗佢哋職員，同WhatsApp咗聯絡開我嘅人，話畀佢聽我決定退會喇！」
■袁詠儀參加90年港姐，成功奪冠，同屆的梁小冰則獲得季軍。資料圖片
■梁小冰（右圖）前晚出席首映，表示日後不會跟陳法蓉同場。
袁詠儀昨日到尖沙嘴出席活動時，表示跟梁小冰建立友誼長達27年，她所認識的梁小冰是個如非受到好大傷害，是不會出聲的人，要不是逼她去一個走不到的位置，她是不會反駁，發如此大的脾氣。對於梁小冰要退出慧妍雅集，她說：「退囉！我都唔係嗰個會。」採訪：張俊銘攝影：陳慧安
來源:
http://hk.apple.nextmedia.com/entertainment/art/20161203/19853338
小豬讚小冰依然靚
1 :
GS(14)@2016-12-28 08:12:16羅志祥（小豬）前晚在亞博館舉行尾場演唱會，羅媽媽戴黑超力撐愛兒，《少年梁祝》舊拍檔梁小冰都有捧場。其間46歲的梁小冰透過大螢幕扮咀小豬，小豬說：「Oh My God！我的梁山伯與祝英台呀，那時我才18歲，過了20年，嘩，你還一樣年輕、一樣漂亮。」小豬指《少年梁祝》拍得自己很老又包包臉，但充滿回憶：「那時小冰已很好演技，導演又惡，我有不對就直接罵，很大壓力，因為這部戲之後不敢再演古裝片，對白很難背，很感謝小冰今晚來為我加油。」之後又講到跟大S（徐熙媛）合作的《轉角遇到愛》：「拍嗰時有一種心酸，演的時候人人冷落我，大家都訪問大S，到劇集播出街時，都是問大S。」採訪：卓寶花攝影：陳俊強
■梁小冰前晚捧場，並作狀透過大螢幕扮咀小豬。
■小豬和梁小冰曾合演劇集《少年梁祝》。資料圖片
來源:
http://hk.apple.nextmedia.com/entertainment/art/20161228/19878510
Next Page