撻着富豪8個月 擬三度出嫁瑪麗嘉兒收35卡鑽戒訂婚
1 :
GS(14)@2016-01-23 19:29:34美國巨肺天后瑪麗嘉兒（Mariah Carey）與第二任丈夫Nick Cannon離婚後，去年搭上澳洲富豪帕克（James Packer），昨日傳來拍拖僅8個月的二人已經訂婚，帕克是在紐約向女友送上35卡鑽石戒指求婚，瑪麗嘉兒當晚即戴上剛到手的巨鑽風騷現身，向傳媒高調晒命。據美國傳媒報道，瑪麗嘉兒與富貴男友帕克發展穩定，去年11月已開始同居，早前又帶同瑪麗與Nick Cannon所生的龍鳳胎周遊列國，早與瑪麗的子女打好關係。本周四，帕克在紐約的一個飯局上，突然拿出35卡巨鑽戒指向女友跪地求婚，當時瑪麗的好友亦在場見證這個重要時刻，據知她即時答應婚事，當晚二人踏出餐廳時已有大批記者守候，瑪麗拖實未婚夫登車，她獲在場記者恭喜後心情勁靚，趁臨走前一度伸出左手大晒剛到手的35卡求婚鑽戒。
■瑪麗嘉兒近月已經常在網上晒恩愛合照。
訂婚鑽戒
Miley唔嫁又嫁
覓得第三春的瑪麗於93年下嫁唱片公司高層Tommy Mottola，97年離婚；08年再嫁Nick Cannon，去年又結束第二段婚姻。貴為澳洲傳媒大亨的帕克則坐擁近360億港元身家，是澳洲四大富豪之一，他與瑪麗同樣離過兩次婚，與前妻育有三名子女。帕克與瑪麗撻着後高調公開戀情，去年10月帕克以新濠博亞娛樂聯席主席身份到澳門，瑪麗就做跟得女友，為新濠影匯開幕禮擔任表演嘉賓。另外，樂壇壞女孩Miley Cyrus與電影《飢餓遊戲》（The Hunger Games）系列男星廉安咸士禾夫（Liam Hemsworth）翻撻後又再訂婚，目前再次同居。兩人於12年曾訂婚，翌年取消婚約，豈料兩年半後又再復合。撰文：哥羅
■瑪麗嘉兒與前夫Nick育有一對龍鳳胎。
■Miley翻撻廉安後，兩人已第二度訂婚。
來源:
http://hk.apple.nextmedia.com/entertainment/art/20160123/19463288
古堡婚禮「希望似公主出嫁」羅仲謙高呼太太 楊怡冧晒
1 :
GS(14)@2016-03-28 14:16:09■羅仲謙和楊怡昨日一出機場已笑着接受在場的傳媒祝福，楊怡戴在左手的巨鑽婚戒非常搶眼。
新婚的羅仲謙和楊怡昨日終於由英國飛回香港，約下午3時半，心情大靚在機場笑住手拖手接受傳媒祝福，但現場混亂，擾攘5分鐘才能做訪問。榮升羅太的楊怡左手無名指戴上巨鑽婚戒，估計主石約3卡，四邊鑲滿鑽石，sweet爆的她說：「呢啲嘢幾多卡唔緊要。」兩人不肯透露求婚過程，只說是在今年，楊怡感動到喊。問楊怡事前知不知？謙謙搶答：「知道我咪好失敗？」突然結婚是否奉子成婚？楊怡大反應謂：「唔係啩？咁快，我條腰今日好似22吋。」
■昨日機場有近百傳媒採訪，一度引起混亂。
■（左起）楊卓娜與老公和謙謙的爸爸隨後出閘。
■楊怡昨日在微博貼相放閃。
在港補擺酒
問是否已簽紙註冊，他們說：「當去旅行，一行十幾人左右，希望雙方家長見面，有甜蜜、美好回憶。」兩人透露會在香港補擺喜酒，但未必會返圍村。問到當日愛的宣言？謙謙笑言：「講英文㗎喎，唔好啦，而家講會甩甩漏漏。」謙謙解釋為何到英國利茲普城堡結婚：「因為我鍾意英國嘅古典氣氛，同埋我希望太太好似公主咁出嫁。」楊怡冧爆甜笑說：「多謝。」問到婚禮費用？謙謙說：「唔重要啦，最重要係令太太開心就OK。」楊怡直言仍未習慣被叫羅太，問她與無綫續約成數時，她搞gag謂：「今年擺酒成數一定高。」是否趕生B？她說：「都唔係咁急啫，順其自然。」謙謙補充：「我太太都唔急我急乜嘢？」謙謙之後要出外開工，可擔心新婚就分開？楊怡說：「幾好吖，我唔使偷偷摸摸。」二人承認已同住，臨離開謙謙應記者要求錫了楊怡額頭兩次，之後一齊返將軍澳寓所。
■有讀者透過本報「爆相爆片」，影到羅氏夫婦前晚現身英國希斯路機場。讀者提供圖片
返家後，楊怡立刻更新微博再放閃，貼二人手牽手的婚紗照並寫：「將踏入人生另一階段，謝謝你從此牽着我走……」胡定欣、胡杏兒等留言祝賀。之後羅仲謙回覆：「羅楊怡，謝謝你的愛。」另外，讀者Man昨透過本報「爆相爆片」，提供一張羅氏夫婦等前晚6時許在英國希斯路機場的相片，Man透露他們乘坐的並非經濟客位。採訪、攝影：黃曉妍、畢紹基、馮嘉銘、葉君海、黃曉程、吳耀輝、徐錦池
來源:
http://hk.apple.nextmedia.com/entertainment/art/20160328/19546958
盤翠瑩伯明翰出嫁老公：佢係我等待已久嘅人
1 :
GS(14)@2016-05-21 17:49:37前無綫新聞主播盤翠瑩同前香港足球隊成員馮嘉奇，於香港時間大前日喺英國伯明翰舉行童話式浪漫婚禮，盤翠瑩舊同事兼現任無綫新聞主播張文采亦專誠飛到英國出席。馮嘉奇昨日以英文短訊回覆《蘋果》，佢話：「我現在感覺好似我哋初初識嗰日一樣，上帝早有安排，而我都知道佢(盤翠瑩)係我一直等待已久嘅人，係命中註定。」馮嘉奇透露婚禮喺Eastnor Castle舉行，有38名親友來臨作見證，佢話：「我哋向上帝祈求，由今日直到以後，無論好與壞，貧與富健康與疾病，都會關懷對方，直到永遠。」問到太太是否有喜？佢話﹕「唔係，不過都唔使擔心，我會加油，多謝大家對我哋嘅祝福，感謝大家。」
來源:
http://hk.apple.nextmedia.com/entertainment/art/20160519/19617927
【爆相爆片】靚爆姊妹團9.9陪出嫁張名雅叉腰掃家品 孕味濃
1 :
GS(14)@2016-08-18 06:04:29【叉腰慢慢揀】■上周五張名雅在沙田為婚後愛巢添置家品。讀者提供圖片
前港姐張名雅（Carat）和未婚夫律師蔡錦豪（Joe）下月9日結婚，喻意「長長久久」，一對新人將會在尖沙嘴洲際酒店筵開30多席，早前張名雅邀請姊妹和兄弟團飯聚，姊妹團名單包括陳庭欣、何傲兒、唐貝詩、《體育世界》前主持李靄璣、何佩珉、譚凱琪，還有張名雅圈外朋友Kelly、Angela和Vivian。
【平底鞋穩陣】■素顏的張名雅身穿背心牛仔褲，打扮樸素。讀者提供圖片
■張名雅和男友蔡錦豪將於下月9日在尖沙嘴洲際酒店擺酒。資料圖片
■張名雅跟拍拖半年的蔡錦豪結婚，有指他們是雙喜臨門。資料圖片
■張名雅早前邀請一班姊妹團開心飯聚。互聯網圖片
不怕被搶鏡
姊妹團中有部份是張名雅在加拿大認識10多年的朋友，亦有圈中好友，全部都是索女，問她找來靚爆姊妹團不怕被搶鏡嗎？張名雅回覆傳媒說：「我哋啲兄弟姊妹一定有番咁上下，最緊要係大家都靚，只不過大家都話結婚嗰日，新郎哥新娘子一定會係最靚嘅，主角嘛，都冇話搶唔搶，都唔擔心呢樣嘢嘅。」本報收到讀者Winnie透過《蘋果》「爆相爆片」，表示上周五見到張名雅一個人在沙田的大型日式百貨公司看家品。
平底鞋出巡
現場所見，素顏的張名雅戴上黑框眼鏡，穿背心牛仔褲，外披一件黑色外套，打扮樸素看似一個學生妹。張名雅當日穿上平底鞋，做出叉腰的動作，早前有報道指她因為懷孕，所以拍拖半年急急和男友成婚。張名雅回覆傳媒說：「嗰日難得放假冇化妝出去，等皮膚休息吓，睇吓有冇嘢啱新屋，竟然咁橋俾人見到。」對於被指是雙喜臨門，張名雅曾說過是因為愛而結婚，記者再追問是否雙喜臨門？她笑說：「呢條問題都答過啦，唔答喇，哈哈！」之後續說：「有心任何嘢都做到嘅，睇上天安排啦，哈哈哈！」採訪：非非、唐心悠
來源:
http://hk.apple.nextmedia.com/entertainment/art/20160818/19740272
貝安琪宣佈明年出嫁
1 :
GS(14)@2016-09-01 06:24:30貝安琪、薛凱琪、關禮傑女兒關楓馨及何超鳳女兒何鍶珩昨晚現身中環，出席Dior唇膏活動。貝安琪一身鬆裙，更有點肚凸凸，她宣佈會與男友Simon結婚：「應該會喺明年，同未婚夫識咗10幾年，喺紐約識，拍咗7個月拖，但唔係有咗，亦唔係閃婚，會在香港搞儀式同擺酒。」
Simon 資料圖片
薛凱琪剛在越南與陳意涵及張鈞甯再合作拍《閨蜜2》，大談煞科不捨得二人：「每一次煞科都忍唔住喊，掛住對方，啱啱返香港已忍唔住去台灣同佢哋食咗餐飯，佢哋嚟緊去橫店拍劇，張鈞甯仲話要用方法介紹我入劇組，要成日見，我哋有晒情侶杯。」採訪：盧妹攝影：葉君海
來源:
http://hk.apple.nextmedia.com/entertainment/art/20160901/19755771
2018年意國出嫁
1 :
GS(14)@2016-09-02 05:49:38劉幸儀早前與拍拖兩年多的意籍男友Roberto（蘿蔔）訂婚，據悉婚期已定於2018年，難得二人同樣熱愛健身，將榮升外母的翁靜晶笑言最擔心女兒的婚紗不合穿，她解釋：「因為已經買咗，但佢啲肌肉越嚟越勁。」翁靜晶表示意大利人的婚禮是由女家負責，她笑言要努力籌錢：「唔係佢哋儲，係我儲呀！各處鄉村各處例，要返意大利擺，聽聞酒水就男方出，但都計唔到咁多。」問到大女萬儀有沒有着落？她笑說：「千祈唔好又揀外國人，貼埋大床咁滯！唔好兩個都要籌錢嫁，希望嫁中國人咪收禮金囉。」
來源:
http://hk.apple.nextmedia.com/entertainment/art/20160902/19756943
Next Page