| ||||||
有圖有真相？唔止，而家仲要有片睇。四名浸會大學傳理學院畢業的學生周沛宗（Andy）、馮境麟（Alex）、周子俊（蛋撻）及龔兆平（Benny），四年前成立製作公司Answer Mark，以「微電影」手法，讓新人做主角，以他們的愛情故事度身訂造短片，在婚禮上播放。他們的創意，還吸引了唱片公司幫襯，為歌手鍾一憲及麥貝夷拍攝《勾手指尾》MV；去年亦被Yahoo!看中，合作拍攝烹飪節目。泊上Yahoo!這個大企後，每月賺十萬元。 記者找來愛情電影導演葉念琛，看過他們的作品後讚「有規模」，但亦有不足之處。他奉勸想入行的年輕人三思，「拍攝、剪接的器材太方便，令更多人加入戰場，最後會減價爭客，質量難並重，惡性循環。」 兩、三個月是婚禮的淡季，但Answer Mark的老闆依然忙碌，因為要為Yahoo!拍攝烹飪節目。常聘用freelance的Yahoo!，這次亦把拍攝外判予Answer Mark，Alex表示以往的工作都是四位老闆親身拍片、導演兼剪片，但接到Yahoo!這張單，他們把拍攝「判上判」，聘用外面一隊三人的攝影團隊，一個負責拍廚師煮食時的標準鏡頭，一個負責拍食物的近鏡特寫，還有一個「執頭執尾」，日薪共三千元，他們解釋：「形象好緊要，如果自己一腳踢，俾個客感覺係好細規模。」 拍攝工作外判，Alex則駐場做導演。由於大部分煮食過程只能一take過，記者見他金睛火眼望着兩個顯示器，指示攝影師走位及拍攝角度，輕微走焦、垃圾筒蓋揭起了，便即時「嗌cut」，「唔睇實嘅，又要重新拍過。」他們不懂煮食，亦令控制拍攝時間出現困難，Alex憶述：「第一集煮雞雜，以為好簡單，拍得靚原來好難，嗰晚由上午十點拍到夜晚八點！」試過廚師整的蛋糕好味，但外表不夠企身，在鏡頭中「表露無遺」，只好重新製作，一等又個多小時。有了經驗，現時拍攝烹飪時間較長的食物時，如要焗、要燉，等候期間會拍其他簡單步驟，充分利用時間，減低成本。這節目每月有十二集，每集二、三分鐘，他們每月收費接近十萬，能夠用愈短時間完成拍攝，開支愈少，便賺得較多。 度身訂造微電影 Alex表示這單生意全靠在Yahoo!工作的朋友介紹。人脈關係是開始，但最終接得成這單生意都是靠往績。開業初期，他們主動幫Green Peace和樂施會等非政府組織拍廣告，「無乜錢賺o架，有時人工都蝕埋，但當儲經驗，又可以打響知名度。」但真正「響朵」是以「微電影」形式拍攝婚禮短片，「好多年輕人肯使錢喺婚禮上，但早拍晚播又好多人做緊，影結婚相又好普通。」他們想出以新人的愛情故事做藍本，加上燈光、美術及配樂等，拍攝約五至十分鐘的電影在婚禮上播放。第一條片命名為《小小戀歌》，「新人話同居時鍾意用memo紙溝通，我用嚟做主題，叫新娘用memo同新郎玩追蹤遊戲，新郎一步一步搵到新娘。」負責拍攝的老闆蛋撻說。客人Dickens Man和Sum一年前結婚，都是找Answer Mark為他們設計影片，Sum說：「我電影系畢業，一直希望有條屬於自己的婚禮片，我又諗唔到咩idea，同佢哋講，老公係揸電單車，希望片裡面有佢架車。」Answer Mark老闆與他們開會幾次，了解二人性格，最終設計了一套婚禮「動作片」，參考畢彼特主演的《史密夫決戰史密妻》，名為《Mr. & Mrs. Man》，新人扮成特務爭奪寶石，其實是為了送給對方。Sum說：「我哋相處一向唔甜蜜，所以打鬥好啱我哋！不過老公唔識用力，又要拍多個角度，每個動作都要拍十幾次，搞到手腳都有瘀傷，但係一個好好玩嘅經驗。」結果播放時亦令全場尖叫，「我在台上致謝時，賓客已經大聲問邊間公司拍。」 參加比賽出位 這些片在婚宴上播放，一晚婚宴最少十幾圍賓客，正是最佳宣傳途徑。他在當晚預備大量卡片派發。他們更主動拿作品《小小戀歌》，參加Esdlife舉辦的婚禮攝錄大獎，獲得「最佳創意短片」金獎，老闆Andy說：「Esdlife好多新人睇，佢哋將作品擺上網之後，我哋接到好多生意。」見反應好，今年再接再厲，以另一條作品參賽，雖然只得銅獎，但記者見他們積極在facebook宣傳，這條片網上點擊率達二萬。台上三分鐘，但他們事前要花幾天跟新人開會度橋，其間又要視察場地、整道具，拍攝需一至兩個星期，後期剪接要一個星期，製作一條片往往花上一個月的時間。坊間有很多婚宴攝影公司，常因遲交相而被投訴，幾個男孩子當初也擔心控制時間會出問題，因此額外花萬多元人工，請來一個女同事，替他們安排日誌，至今未試過遲交片。他們認為控制時間難，控制財政預算亦難。現時一套片收費約二至三萬，包括所有器材、化妝、道具等費用，但亦不時會超出預算，老闆Andy說：「有次幫兩位新人拍年老樣，需要特別化妝，收費一日已經七、八千，唯有將收費略略提高，好彩新人願意俾咋，如果唔肯都要賺少啲o架。」 去年結婚的Dickens和Sum在婚禮上播放由他們主演的《Mr. & Mrs. Man》，令賓客嘩聲四起。新郎Dickens指扮避開紅外線及駕駛電單車這幕，NG幾次才完成，但效果令他滿意。 去廁所度橋 採訪之前，記者以為Answer Mark幾個老闆年紀輕，又從事創作行業，一定充滿活力兼搞笑，怎料他們說話出乎意料地沉悶，他們解釋：「唔係多嘢講就度到橋，有時坐埋一齊幾個鐘都無人發言，可能去一去廁所，沉思吓先諗到嘢。」他們說，創意是重要，但更重要的是揣摩客人的想法，「始終條片係個客嘅，佢哋同賓客鍾唔鍾意先係重點。」婚宴攝影有淡旺季之分，旺季可以一個月有幾條片在手，淡季可能一條片都無，他們要靠接拍廣告維生。他們表示，唱片公司大名娛樂的高層，在網上看到他們的作品，邀請他們為新進歌手鍾一憲及麥貝夷拍攝《勾手指尾》MV，「佢哋出三、四萬蚊，要我哋用兩日時間， 開業資料（8/10） 租金$18,000* 器材$30,000 傢具$30,000 雜費$3,000 總投資$81,000 *兩個月按金，一個月上期 營業資料（5/13） 營業額$300,000 拍攝開支$150,000 人工$40,000^ 租金$8,000 雜費$2,000 純利$100,000 ^四名職員，未計老闆薪金 一點意見葉念琛賺價不賺量 愛情片導演葉念琛，看罷得獎作品《小小戀歌》後大讚：「有規模，我唔識呢對新人都有興趣睇，我幾欣賞啲美術效果。拍呢類片最困難係新郎新娘唔係演員，指導佢哋要花好多時間。」他也批評：「成條片只得新人兩個，可加幾個角色，豐富個古仔。」再看新人化成老妝，一起想當年的《私奔到未來》，「正吖，起碼賓客一見到新人嘅造型一定『嘩』一聲。」葉念琛認為他們製作有誠意，但坦言這行競爭大：「而家拍嘢、剪片嘅器材太方便，home office都得o架，競爭愈嚟愈大，我知有公司用平價去爭客，但做唔切，質素只會差，惡性循環。」他認為要留得低，必定要愈做愈高檔次，賺價而非薄利多銷：「只要你啲嘢正，好多人俾得起錢o架！」他以過來人身份語重心長地建議新人必須緊守聲譽：「俾你做多一個客，但反應唔好，俾人唱衰，以後就無人幫襯。」 | ||||||