ZKIZ Archives


買賣樓房的兩手準備(答) Home Blogger

http://www.homebloggerhk.com/?p=7710

讀者早年2007年自知有能力就買進樓房,為他省下不少金錢。如果他今日仲未上車,用盡購買力都不能買進得寶現住單位(4.8mil),更要交付六至七十萬首期加雜費。都係重申一句,現有政府政策係大大咁加重左投資及自住人仕之成本,根本「罰錯左人」你會問買樓自住為何成本增加呢可上會九成仲有退還一半從價印花稅?? 弊在現時換樓買入四百萬單位,印花稅要先比近廿萬,半年後證實你係樓換樓先回一半印花稅予你,首期又要四十萬,加埋裝修冇80萬都「落唔到樓」,政府又冇提供此類融資予市民,銀行的過渡性貸款又只睇樓價,在此情況下兩房住戶難向上流,結果又是未能騰出上車盤,令樓市交流阻塞,人人未能如願。

 

講返阿黃,完成一次樓換樓,由在2007年借入百餘萬到而家居住近五百萬樓房,更開始作第二套房之打算,全賴樓市之「神跡」。本身購買力為$(18000+11000)/10000*50%*2.59mil=3.75mil,但係住梗間樓值成五百萬。當然阿黃只借了1.2mil,現所餘購買力為(3.75-1.2)miil=2.5mil,手上現金又有廿萬,究竟好唔好再買多間樓做投資呢?

 

如果按兵不動,假設樓市升三成,現有住宅由4.8mil升至6.24mil,帳面賺多1.44mil! 假設樓市跌三成,現有住宅由4.8mil跌至3.36mil到時再買返睇中呢間得寶397″,只用1.96mil阿黃如當時買入,一來購買力不用消耗盡、二來如樓市大跌三成後,只要回升至今日位置,阿黃自住樓就對比今日冇升跌,但得寶397就賺了(2.8-1.96)=0.84mill所以只要阿黃明白自身處境、適時忍手,無論後市是升是跌都可站於必勝之地。

 

 

樓房回報有幾好都只係多1-2%,但如能保持自身購買力,多儲CASH才可在淡市打出致命一擊。你想日日KEEP住係高位嬴幾蚊,定係一鋪過係跌市撈舊大錢返屋企,此乃投資心理學。希望除了樓市交流會之外,再開課程同大家討論。樓市心得交流課程已有新班(星期四),此班可予全部讀者報名。

買賣 樓房 兩手 準備 Home Blogger
PermaLink: https://articles.zkiz.com/?id=55216

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019