KLOOK招聘MT 人工高兼有無限年假
1 :
GS(14)@2017-10-30 00:55:43■KLOOK總裁王志豪表示：「MT人工一定高過我。」。李家皓攝
【本報訊】港產初創Startup、旅遊產品預訂平台KLOOK，公佈今年將推出「見習行政人員（MT）計劃」，負責人稱人工一定會較投資銀行同類職位更高，而且享有無限年假，進入最後一輪面試的應徵者，更必須到外地「旅行見工」！聯合創辦人兼總裁王志豪（Eric）笑言：「MT人工一定高過我，可能仲快過我買樓。」
KLOOK最新公佈，獲得近6,000萬美元（約4.7億港元）C輪融資，今次融資為目的地旅遊領域的全球最高融資金額，由紅杉資本、高盛、經緯創投聯合牽頭。
3年內須周遊列國
投資銀行出身、在2014年辭工兼賣樓創業合夥成立KLOOK的Eric，表明今次資金除會用作開拓歐美市場外，今年亦會重金禮聘2名MT，「一定係高薪，我哋希望突圍而出，唔係一定要去銀行，或地產公司先有高人工。」現時市面上MT薪酬一般約2至3萬元，Eric強調MT職位人工一定比市價高。至於花紅方面，每年一個月是基本，「如果你工作表現超標得好勁，可能係一年或兩年嘅Bonus。」要有高人工，當然要用心工作。MT須於3年內周遊列國，到KLOOK全球各地辦公室工作。現時KLOOK於全球開設13個辦公室，來年將於德國柏林、荷蘭阿姆斯特丹、美國三藩市及紐約增設據點。
Eric續稱，MT工作包括洽談商務合作、市場推廣、客務關係及成為旅遊達人，「佢哋真係要玩，但同時要負責製作內容、寫文拍片，發掘新旅遊產品」。要成功奪得筍工，須過五關斬六將。招聘會有最少三輪面試，入圍的最後6位應徵者，更須到外地參加3日2夜旅行，接受一連串考驗。「入職要求最重要係Fast learner、EQ要高，我哋唔會話要一個好hardcore既skillset，係睇softskill，有冇商業頭腦。」KLOOK指11月會就MT招聘提供更多相關資訊。■記者倪敏慧
來源:
https://hk.finance.appledaily.co ... e/20171029/20198038