西環集中營：西環幫倒忙 不認票房毒藥
1 :
GS(14)@2017-01-26 15:51:29林鄭月娥參選特首，既有星級助選團隊、又有建制選委全力支持，莫說拿150個選委提名，就算要拿300到400選委提名也沒難度，背後最大原因是西環出手力撐，但林鄭民望持續下跌，又與西環力撐有直接關係，季陶聽聞西環似不肯承認是「票房毒藥」，不但無意收手，反而更積極為林鄭搞選舉工程，指西環無非要續做「太上皇」，繼續對下屆特首指手劃腳。有地區人士指聽到傳聞，西環為谷林鄭民望，已找建制派區議員幫手安排林鄭落區爭奪民意，「好似話區區都要做，要開行馬力搵齊樁腳做起林鄭個勢」，他笑言類似手法，西環當年也用於特首梁振英身上，「似乎西環未知道自己係票房毒藥，佢越出力用建制派撐林鄭，林鄭民望就越冇得升，如果呢招得，梁振英一早民望翻身，使鬼搞到冇得選」。
圖做太上皇操控特首
另一政界人士指林鄭沒理由不知道西環全力支持，只會令她民望有跌無升，但林鄭與各界交流會面中被問到會否與梁振英及西環劃清界線時，卻指「不會為一場選舉與梁劃清界線或拉遠中央與特區關係」，「換句話說，林鄭係唔會對西環硬撐佢嘅做法say no」，即是林鄭甘心接受西環支持。有民主派選委直言西環的做法，無非要向林鄭「施恩」，可以成為造王者，待林鄭當選後續做特區「太上皇」，「繼續對特首指手劃腳，干預港府施政」，故民主派不是反林鄭做特首，是反西環做特區「太上皇」，「梁家傑講得好，今次特首選戰，根本係一場港人治港與西環治港對決，香港人冇理由支持西環治港」，難怪部份民主派選委料提名曾俊華。季陶周一、三、五刊出
來源:
http://hk.apple.nextmedia.com/news/art/20170125/19908059