ZKIZ Archives


颳風停市 李小加友人:香港「太死板」

1 : GS(14)@2016-08-04 01:53:24

【明報專訊】噚日「妮妲」登陸香港,唔少打工仔都得到額外假期,而港交所(0388)主席李小加亦都唔例外,仲好有閒情逸致咁打咗篇網誌。

驟眼睇篇網誌,仲以為小加得閒到將佢班朋友嘅對話擺晒上網,不過,細心一睇,又似乎有啲弦外之音喎。網誌提到,小加班朋友仔話,香港作為「說好的國際金融中心」,竟然颳個颱風就停市,令市場有損失;反觀一岸之隔嘅深圳,因為「電子交易化程度高」,所以股市唔使依賴券商同銀行,可以照樣運作喎。

講明滬深市場可統一管理運作

佢哋話,香港「太死板」、「不夠與時俱進」。嗱,大家唔好諗多咗,朋友仔係講緊香港颱風預警制度啫。

唔單止咁,朋友仔仲講到明,滬深兩地市場可以統一管理運作、互相備份,所以打風都可以照樣買賣股票。哦,原來滬深市場係咁樣運作嘅,雖然深港通仲未通,但小琴今次真係長知識了!

email: piano@mingpao.com

[小琴密語]


來源: http://www.mpfinance.com/fin/dai ... 5889&issue=20160803
颳風 停市 李小 小加 友人 香港 死板
PermaLink: https://articles.zkiz.com/?id=304209

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019