18個發哥愛甚麼？香港人的情人─周潤發
1 :
GS(14)@2015-02-14 08:56:49
■發哥日前在成都接受本報訪問，並逐一回答香港市民的提問。攝影：曾小嘉
周潤發貴為國際巨星，但他堪稱被市民野生捕獲最多的名人，不用去美國比華利山，求其行過九龍城、搭港鐵及各大行山徑等都有極大機會捕獲發哥。在各大社交網站，發哥都成為「呃like」貼圖的熱賣景點，以他的受歡迎程度，足以成為香港人的情人！為了讓大家對自己的「情人」加深了解，本報在香港訪問了十八位市民，每人向發哥錄影了一條問題，再帶到成都讓發哥親自回答。雖然發哥被萬眾寵愛，但已被私有化的他在今日情人節，當然就只有發嫂陳薈蓮有權將發哥捕獲。採訪、攝影：文國駿、葉君海（香港）、曾小嘉（成都）
■發哥經常被捕獲，更會揸機影合照。資料圖片
資料圖片
■拿着平板電腦的發哥，看到市民對他的好奇時會心一笑。DV圖片
Q1
野生獵人：個個都想同你合照，你最想野生捕獲邊個？發哥：最近喺西貢有隻好大嘅野豬，俾人鎖住，後尾漁農署捉咗再放番上山，我想搵番隻野豬，佢好cute！
大東山
Q2
體育用品達人：你鍾意行山行邊條路線？發哥：大東山、鳳凰山、九牙嶺、萬宜水庫、馬鞍山、馬騮山？你想喺邊度撞我？我條條路都到，下次見。
Q3
手機靚姐：你係用iPhone定Samsung呀？發哥：對唔住呀，兩個都冇用呀，我用諾基亞㗎！
Q4
為食高Ling：你撐唔撐地道小食呀？鍾意食乜呀？發哥：我梗係撐啦，你噏得出我都喫過晒啦！
Q5
粉嫩機迷：你平時打唔打機呢？發哥：（儍笑）對唔住，我老花、近視兼散光，我唔打機嘅。
Q6
少女食神：你鍾唔鍾意菠蘿包配奶茶？發哥：奶茶就唔飲啦，削胃。菠蘿包一定食，個牛油要打孖上。
Q7
幼稚園女生：發哥，你係我偶像嚟㗎，你嘅偶像又係邊個呀？發哥：我偶像咪你囉！（啜啜）
Q8
港鐵阿姐：你平時搭邊條線？成日撞唔到你。發哥：我多數搭「黐線」。荃灣黐埋東涌線，咪「黐線」囉！
來源:
http://hk.apple.nextmedia.com/entertainment/art/20150214/19041387