|
||||||
|
香港最新失業率 下降至3.6%，已接近充份就業率，再繼續下降嘅話，唐司長就會後悔佢以前講過一句：「在我有生之年，都唔會再見到咁低嘅失業率！」記得當時佢係工商及科 技局局長，適逢失業率不斷上升，有記者問佢幾時會見到失業率跌至2.2%左右，佢有如是回應。正是世事無絕對，香港經濟從03年低位走出，再創高峯，加上 政府大力推動基建，令建造業工人近乎充份就業，於是整體失業率持續下滑，大學碩士搵唔到工喎，係個人問題啫。 呢晚在酒會中碰到一位大機構營 運總裁C，於是問佢：「負責營運，目前最驚邊一樣，日本吖還是其他生意？」營運總裁答：「日本問題係短暫嘅啫，日本人自己必會克服大災難。我目前最頭痛嘅 問題係請唔到工人─藍領工人，明年我地要請五六百名工人，但今天已有不少空缺冇人做，明年唔知點搞好，我同另外一啲機構傾起，佢地話同樣缺人，啲年青人去 晒邊呢？」這是個好問題，或者係去送快餐都唔肯做藍領呢，做建造業工人更加辛苦，咪搞阿哥仔。關於最低工資，營運總裁C話得啖笑，依家連人都請唔到，最低 工資根本完全不適用。 聽營運總裁咁講，香港失業率睇怕有跌冇升，失業人士或與結構性失業有關（即社會上一批年紀大、低技術、較低教育程度之 一批人），又或者係市場上需要工程系畢業生，但搵工嘅係文學院畢業生之類嘅錯配。未來幾年工程界需要大量人手，奈何過往十年來，工程學院最少考試成績優異 生報讀，連大學工程學院教授都眼紅點解會計系啲學生成績過份優異，因為會計講加減乘除啫，微積分可以收埋。但會計系、環球商業系學生識晒A Level微積分喎，工程學院嘅學生對微積分反而僅僅熟，你話點搞？一位大學數學系教授確實係咁問左丁山：「點搞？」大家唯有苦笑。教授又講：「喂，你寫 吓啦，叫啲學生多選理工科，唔好咁側重商科，好唔好？」寫就寫啦，啲九十後聽唔聽，啲九十後家長理唔理，係另一個問題。 |
||||||