📖 ZKIZ Archives

港股美國預託證券靠穩，ADR港比指數收報23615點，比香港收市高13點。匯控收81.12元，比香港收市低3仙，中移動收80.62元，比香港高0.7%。

　   美國諮商局宣佈，10月份消費者信心指數從上月的48.5上升至50.2，好過市場預期的49。相對上半年，消費者信心仍屬低水平，該指數在5月份一度上升至62.7。但值得欣慰的是，10月份消費者對未來六個月經濟活動的預期指數升至67.8，較上月升3.5%。諮商局稱消費者信心回升，可能係由股市上漲帶動，杜指在8月26日收9986點，至今已經漲鰦近12%。

另外，烈治文（Richmond）聯儲銀行的數據顯示，亞特蘭大中部地區製造業活動在10月份有所增強，製造業指數從9月份的負2升至5；發貨指數從負4升至3; 僱員指數從負3升至4，反映經濟活動正在擴張。

8月份標準普爾/Case-Shiller房價指數較上月下跌0.2%，低過市場預期，亦結束了自4月份以來的上升趨勢。20個主要大城市中有19個都下跌，不過若比較去年同期，房價其實仍有所上升。房價下跌的原因相信係買房稅務優惠的終止及憂慮經濟復甦過慢所致。對於房價未來去向，由於好多城市仍存在大量斷供物業，房價好難有作為，而重災區會係鳳凰城及拉斯維加斯，這兩個城市係斷供屋的重災區。

美企業績方面，表現亦好參差，AK Steel 與U.S. Steel都因為鐵礦石成本以及高爐維護的支出不斷提高，但生意又上唔到去，第三季都出現高過預期的虧損，兩隻股票齊挫3%至4%。列印機製造商Lexmark仲恐怖，季度業績差過預期，CEO退休，股價勁插逾兩成！分析員指Lexmark的大部市場被HP搶佔了。支撐大市鮋主力係Coach及福特汽車，兩家公司業績都好過預期。Coach盈利較去年勁升43%，股價亦漲12%；福特汽車則賺鰦17億美元，股價升1.4%。

講開汽車股，又想講纒比亞迪（1211），專欄講完，意猶未盡，想再講纒。比亞迪（1211）公佈首九個月，營業額345億人民幣，按年增加31%，但單計第三季就慘不忍睹，營業額維持102億元，純利僅得1200萬元，較去年大跌99%，每股盈利0.01元，遠低過摩通預期的0.28元，幾間大行立即大幅下調目標價，比亞迪昨日以全日最低位收市，勁插逾10%至51.05元。

比亞迪公布咁差的業績，其實係預鰦，佢低過券商的預期，只是券商預期得好而矣，佢生意出問題已是公開的秘密。我搵番8月24日我在網誌點寫比亞迪俾大家睇睇，我當時咁講:「比亞迪的問題嚴重好多。佢公布截至6月底止半年純利24.2億元人民幣，按年增長升1.1倍，每股盈利1.06元人民幣，不派息，期內收入升 50.3%至242.5 億元。高盛發表報告，指比亞迪上半年業績較預期低，關注公司下半年疲弱毛利率，維持「沽售」評級，目標價41.22元。比亞迪昨日開市仲抽高到47.7元，跟住掉頭回落，收市跌3.8%至44.65元。 正如昨日所講，比亞迪的新業務電動車未上規模，停留在概念階段，更受中央大力支持「國家隊」圍攻。傳統汽車業務開始面對艱難競爭，內地媒體都報到開晒巷， 話不少比亞迪的經銷商逐步退出，因為比亞迪急於增加銷售，要求經銷商大量進貨，經銷商資金周轉不靈，唯有下堂求去。照咁睇比亞迪不易維持上半年這種純利高 增長的勢頭，未來壓力不少，股價由強股變弱股。」

       比亞迪電動車新業務未得，傳統賣車業務急促轉壞，這是最典型的銷售惡性循環，去唔到貨，就向經銷商「質貨」，要佢地食好大的銷售額，經營商都唔係玩№唔想做，係頂唔順，接鰦成手貨都賣唔到，唯有退出經營行列，咁經銷網就愈做愈縮，你話第三季，甚至第四季有乜法子好。

        記住我當時係以「投資的我」的角度，睇比亞迪經營的問題，睇到佢盤生意唔掂，但這只是睇基本因素分析，你若果獱鰦比亞迪，信我沽鰦，跟住就會媽我，佢後來跟大市反彈，到股神巴菲特訪華，比亞迪大炒股神概念，由我講的8月24日收市價44.65元，炒上10月4日高位64.7元，升鰦44.9%，之後股神走鰦佢回番，昨日急跌後收51.05元，回落到只比8月升14%。股神訪華會炒比亞迪，這是「投機的我」炒股的概念，和基本因素無關。

        我以「投資的我」角度睇比亞迪，唔會捕捉到佢10月之一炒。若8月時見佢勢色唔對換馬，無乜特別心水就換恒生H股基金(2828) 吧，這可以當一個比對個案(Base case)，2828在8月24日收116元，昨日收137.4元，比8月時升18.4%，當日沽比亞迪換佢，以一個投資者計，仍有著數。

這亦可見投資和投機不同，投資講基本分析，未必捕捉到短期變化，但中長線應該OK。投機講快進快出，唔係同隻股票做人世，幾差的股票，博反彈都可以買，識止蝕就得啦。

我 剛去內地走了一轉，發覺好多大城市如北京都塞車塞得好嚴重，可供車輛使用的大城市道路顯著地飽和，私家車好難好似過去咁高速增長，另外汽車的產能亦過剩， 價格有壓力，這是內地汽車業的大環境。至於電動車，有排未可以大批量生產，而且阿爺向生產電動車的國家隊傾斜的動機十分明顯，比亞迪亦無大優勢。股神應該 睇到比亞迪業績走勢轉差的問題，他入貨價雖平，但持股甚多，想走都走唔到，唯有局買比亞迪的電動車概念，不過散戶轉身就可以快鱓啦。

陸羽仁