2010-6-8 AD
| ||||||
保誠 (2378)收購友邦單刁撻Q,粉碎嘅唔單止係保誠稱霸亞洲保險業嘅夢,CEO譚天忠(Tidjane Thiam)嘅烏紗都可能隨時不保。為咗穩住自己張凳,佢惟有使出撒手鐧,提早喺噚日股東年會開始前,派發頭5個月嘅成績表,希望股東睇錢份上,放佢一 馬。 睇返保誠張成績表,今年頭5個月保費銷售增長27%,仲特別highlight咗4月同5月嘅增幅,高過首季兩個百分點,有成28%, 擺明係同股東講,保誠喺自己嘅領導之下做得有聲有色啦!而佢一直話要focus嘅亞洲業務,首5月增長33%,4月同5月更加創新高o忝! 保 誠張成績表咁省鏡,股東又冇理由唔受嘅,加埋譚天忠喺股東會一開場就認低威,話友邦單刁搞到佢同部份股東不和,o依家非常後悔,所以以後會盡心盡力做牛做 馬。使出呢兩招,究竟可唔可以保得住張凳?真係要拭目以待。 李華華 | ||||||