ZKIZ Archives


講股明星騎呢上位

>2006-01-19  NextMagazine毛玉萍造市罪成,本週一被判監三年半。有股壇黃大仙之稱的「陸叔」陳永陸,上月曾為她作專家證人,結果老貓燒鬚,被法官直斥其作供混亂兼矛盾,不夠專業。但官有官罵,陸叔照樣姿整貪靚、口甜舌滑,繼續享受師奶、散戶們的愛戴。

況且,一丘之上,又何止得一貉。其舊拍檔「曾sir」曾志英,一樣無任何金融專業資格,但靠爛做、執二攤,也可成功上位。就算攞正牌的窩輪「專家」,雖然包裝專業,但實際亦只為公司利益發言。

與其胡亂信人,不如信自己。股民投資前,最緊要做好功課,認清風險,方好下注。變臉演員陳永陸

上週五,陳永陸出席城市大學的求職講座,全場爆滿,不少學生就算坐樓梯亦要捧場。陸叔擅於迎合聽眾,面對在場二十歲出頭的年輕人,他講Juno、講衛蘭,甚至拍心口說:「咩工我都可以幫你搵,我公司都請researcher㗎!」

娛樂新聞與求職有什麼關係,沒有人深究,只見個個學生都拍爛手掌。一市場系三年級學生讚道:「陸叔講嘢好吸引,又有幽默感,好有共鳴。」

冧醩仔了得,對師奶、散戶更有一手。在月初的積金局活動中,師奶們遇上陳永陸,當正自己碰見大明星,紛紛上前拍照。陸叔亦來者不拒,甚至會捉緊對方的玉手傾談,久久不放,聽得師奶們兩頰緋紅、眉開眼笑。

師奶殺手勤保養

現年五十四歲的陳永陸,外表看來不過四十多歲,皆因他對皮膚保養非常重視。除了每日服食燕窩養顏外,平日也勤於護理:「我皮膚屬於乾性呀,所以我會搽保濕!」他又指着臉頰,呻道:「近來皮膚差咗呀,你睇吓,塊面呢度都出咗啲一點點。」

陸叔五呎五吋高,體重一百三十二磅,身形標準,但他仍怨道:「矮呀!我最唔滿意就係生得矮。」又按着腹部,說要到美容院按摩修身:「有肚腩呀,我要減咗個肚腩!」貪靚姿整的程度,直逼電視台姐仔。

事實上,對很多散戶來說,陳永陸像演員多於股評人。散戶譚先生直言:「我睇佢,當明星咁睇!」

反口覆舌有前科

但 這位演技了得的財經演員,偶爾也會失手露底。陳永陸相識遍中環,偏偏就自稱不認識曾是會景閣街坊、同在中環中心上班的毛玉萍。上月陸叔為她出庭作證時,居 然說其中一名被告於四間證券行開戶口買賣上海地產(已停牌)的股票,並非造市:「可能佢有四個好友,或者四個女友在經紀行做事,每日都要俾番啲生意佢哋 做。」

但經控方律師盤多兩盤,他又承認自己的講法無邏輯。加上他一時說交投量不會影響投資者決定,一時又改說會,嬲得法官韋毅志索性叫陪審團,完全毋須理會其供詞。

陳 永陸變臉的功架,其實早在○二年與乒乓球運動員陳丹蕾合作搞股票資訊網HK6(8206)時,已展露過。招股時,公司以「陸叔」做生招牌宣傳;上市後股價 迅即插水,三日內由三毫跌至一毫三。陸叔一句:「我無參與管理層,股價升跌我都控制唔到。」就把責任推得一乾二淨。他自己呢?前年,把手上HK6的股份全 數沽出,穩袋近一千萬元。

跣散戶實錄

陳永陸不時派發山埃貼士,散戶並非全然無知。愛聽他講股的黎小姐,便對他又愛又恨:「個 死人陸叔成日好似牆頭草咁,兩邊擺!好似建行兩個二、兩個三嗰時唔郁,佢就唱淡,升到兩個半就即刻唱番好,咁我都識講啦!」記者反問為何還要聽他?黎小姐 直說:「嘻!佢有名氣吖嘛!始終有啲消息啩。」

散戶陳小姐亦有被跣經驗:「我跟佢買隻3398(華鼎),買時兩蚊五仙,佢話睇兩個半。」陳遂於十二月買入一萬股,年頭股市連升九日,華鼎股價不升反跌,一度低見一元八角。有分析員爆料:「華鼎呢隻股票,成行都知唔得㗎啦,但陸叔都仲講!」

不少行內人質疑開設財經公關公司雋陸的陳永陸,講股有利益衝突。持有雋陸一半股權的他,忽然扮低調:「我無理間公司㗎。」但說到賺錢能力,卻又回復牙擦本色,暗示自己財源滾滾:「我呢個辦公室(中環中心)每個月開支要十八萬,如果賺廿萬一個月就死啦!」

陸叔 成名路

陳永陸中學時,就讀港島名校英皇書院,與新世界集團掌櫃魯連城二哥魯浩然是同學,因而結識魯連城。

七三年於香港大學化學系畢業後,他即加入滙豐,任職行政練習生。後轉投利家安證券、道亨及德意志銀行工作。

九○年,魯連城引薦陳永陸,擔任大福證券的副董事總經理。後又經親戚介紹認識了顏聯武,因而得到在商台開咪講股的機會,自此扶搖直上。○○年,傳因與大福高層鬧翻,陸叔索性自立門戶搞網站、開公關公司,做其全職股評人。

陸叔身家過億拋離曾Sir

搵銀至上曾志英

相比起早已上岸的陳永陸,其舊拍檔曾志英則仍在財經界浮沉,四出迹撈。陸叔對他有這樣的評語:「希望佢緊記自己係一個財經節目主持人,無喺財經界打滾過、亦無喺證券行做過。」

曾志英近期卻接連於亞視節目《曾sir廿八騷》中,聯同一眾證券行唱好各式高風險的投資產品,包括粟米期貨、窩輪及內地房地產等,完全漠視觀眾是否了解該產品的運作,或可否承擔風險。

一味唱好,皆因有錢搵。一名曾給他搭過膊頭、免費上他節目的分析員笑言:「曾sir好好賺㗎,佢買起亞視個節目時段嚟做,自己再搵廣告商(如高盛、法興證券及永安旅遊等)贊助俾錢,嘉賓又唔收錢喎。」對此說法,曾sir不置可否。

執死雞變擔大旗

深 明搵銀先要有名氣的曾sir,為了出名,他可謂無所不用其極。當他還是無名小卒時,便泊實陸叔碼頭。陳永陸說:「嗰時大福想做節目,曾sir話幫我哋度橋 搵sponsor(贊助商),叫我哋搵佢做主持。」陸叔又表示,他倆一起出書,也是曾志英的主意:「曾sir話佢代筆都得㗎!最後咪出囉!」

羽翼稍豐後,曾志英即單飛發展,就算要執陸叔二攤,亦毫不介意。例如○二年電影《九個女仔一隻鬼》本來找陸叔飾演風水大師一角,最終卻由曾志英演出。記者問陸叔:「聽講曾sir執你二攤?」他即時答:「唔使聽講,直頭係!」

陳永陸對自己的形象執着,曾sir則幾乎所有工作都接,搵銀至上。如即將上演的電影《最愛女人購物狂》,叫他扮上市公司財務總監,他做;旅行社要他帶團,邊帶師奶食海鮮、邊講股,他都做。

「星期一至五fans可以睇我嘅電視節目,星期六、日我搞fans活動,大家又可以見到我。」曾志英沾沾自喜的說:「搞埋個網站,啲人廿四小時都可以同我聯繫。」

據悉,現時找曾志英主持一個兩、三小時的財經講座,收費約二萬元。但平時講投資口若懸河的曾sir,論實際戰績,卻慘不忍睹:九七年一役,他在最高價買入麗港城及大埔新達廣場單位,勁蝕五百多萬元;加上自住的鹿茵山莊單位,仍有二百多萬元按揭待還,難怪要搏命搵銀。

大行包裝術

近年,窩輪發行商喜以美女才俊作招徠,擺出明星陣,法興更是當中的表表者。第一代的窩輪天后李頌慈,就是由法興一手捧出來。

○○年,法興見炒輪的投資者多為男士,遂揀出外表亮麗、頭髮長長的李頌慈當上發言人,溫言軟語的跟股民說:「發行商並非與散戶對賭」、「輪商都想散戶贏錢」,令人信以為真。

法興再發動銀彈攻勢,如花上幾十萬元為李頌慈在酒店開壇講輪、贊助電台及電視節目為她爭取曝光,再贊助她出版財經工具書《窩輪一零一》,使窩輪專家形象深入民心。該書現已賣到第六版,銷量約一萬二千本,甚受投資者歡迎。

但李頌慈去年被高盛挖角,法興遂照辦煮碗捧出另一人,李錦。有業內人士直言:「明星制對外資行好緊要,譬如好似依家李錦代表法興,散戶覺得佢啲嘢啱聽,就慢慢入咗腦,自自然然會認住間公司,一買窩輪就買法興。」
講股 明星 騎呢 上位
PermaLink: https://articles.zkiz.com/?id=1052

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019