| ||||||
| 正 所謂「虎父無犬子」，如果父母喺行業入面有豐富經驗同有咁上下成就，做仔女嘅應該點都唔會差得去邊嘅！人稱「街市偉」嘅澳瑪娛樂（959）大股東吳文新， 可能都想培養自己個仔繼承衣鉢，所以上星期五由公司正式委任佢嘅乖仔Victor做澳瑪娛樂執行董事。華華噚日睇到澳瑪嘅通告，話現年21歲嘅 Victor，家陣仲喺美國普渡（Purdue）大學主修機械工程學。今次嘅執董委任期為三年，董事酬金每年12萬，除開即係每個月都有成1萬蚊人工，對 於唔少仲係讀緊書、又或者啱啱畢業嘅大學生嚟講，都算唔錯o架喇！ 仍在美讀書 年薪12萬 雖然Victor年紀小小就做執 董，而且仲係博彩行業嘅新人，但佢爸爸喺公司通告入面講明，對囝囝做執董鼎力支持。吳文新家陣唔只身兼希臘神話控股股東，仲係澳門博彩專業協會嘅創會會長 兼會務總監，又喺澳門博彩業、娛樂、運輸同酒店等行業有超過40年經驗，相信有佢喺後面撐腰同指導，Victor唔會令小股東失望啩！不過，華華睇晒成份 通告，都冇Victor嘅中文名，唔知佢係低調，唔想畀人知自己做執董，定喺佢只得英文名呢？李華華[email protected] | ||||||