為復出鋪路？李麗珍脹爆睇醫生
1 :
GS(14)@2016-10-19 05:28:47喺今年6月同填詞人潘源良四度分手嘅李麗珍，其後好友羅明珠又猝逝，珍妹當然大受打擊，本身已經低調嘅珍妹變得更加低調。今日有周刊報道話，日前喺銅鑼灣遇到珍妹，全黑打扮嘅珍妹去睇醫生，搵嘅就係圈中好出名嘅減肥醫生張惠賢，不過報道話50歲嘅珍妹無復當年勇，身型明顯發福咗好多，所以喺街上冇乜途人認得佢，兼且因為佢要坐的士過海，都俾司機拒載，搞到佢一度黑面兼扁嘴。查實珍妹都已經淡出咗一段間時間，唔知今次搵醫生出手減肥，係咪諗住修心養性，寄情工作呢？
來源:
http://hk.apple.nextmedia.com/entertainment/art/20161019/19804966
自爆睇《鬼怪》喊幾次孔劉開金口 台妹狂叫
1 :
GS(14)@2017-04-30 15:22:25現年37歲的韓劇《鬼怪》男神孔劉，將於本周六於香港亞博館開騷，昨晚率先於台灣的新莊體育館舉行粉絲見面會，吸引5,500名粉絲捧場，孔劉父母亦有到現場。男神以白馬王子造型現身，更驚喜開金口唱歌。原本在記招上表示不打算唱歌的孔劉，一出場就開金口獻唱歌曲《我心中倒映著我的樣子》，送上第一個驚喜，唱到中間時更走出延伸舞台，跟粉絲拉近距離，台下即時尖叫。孔劉唱完歌後介紹主持黃子佼出場，主持化身「地獄使者」登場，孔劉幽默回應：「我還以為李棟旭到現場了！」二人一黑一白地重現《鬼怪》經典場面。
■現場有5,500名粉絲撐孔劉，場面墟冚。
■不少粉絲一早到場外等候，亦有人售賣孔劉的周邊商品。
■主持黃子佼（右）變身地獄使者與孔劉行catwalk。
男神愛光脫脫
孔劉之後跟粉絲分享內心故事，並說：「今天把我當成老公、男朋友、朋友都可以！但我剛才看到有男粉絲，麻煩把我當朋友就好。」Oppa自爆曾經歷重考，同時又分享打籃球的影片，由於每投必入，被主持笑言是經過剪接，孔劉自豪地回應：「公司內我最會打籃球。」更即場於台上玩投籃機騷球技。其好友MY Q現身當嘉賓，更踢爆與孔劉去旅行時經常看到對方光脫脫的樣子，令MY Q萬般不願意，又指孔劉睡覺有鼻鼾。而孔劉接受台灣《蘋果日報》專訪時，自爆煞科後才有時間看《鬼怪》：「雖然有點丟臉，但我看時哭了好幾次。」提到目前仍是單身、但已4次演過父親角色，他表示：「我以後會成為好爸爸的。」撰文：梁展雯
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170430/20006059
自爆睇舖直落 蔚雨芯視察樓盤
1 :
GS(14)@2017-08-18 08:00:45■蔚雨芯噚日着牛仔褸又冇化妝，睇樓盤嗰陣仍然被認出。讀者提供圖片
【爆相爆片】擁32D上圍嘅「魔鬼胸」蔚雨芯（Rainky），舊年簽約吳奇隆旗下公司，返咗內地發展咗一段時間，最近轉移陣地返香港，接拍劇集、兩部電影同美容院代言人等，亦加入華星冰室做市場經理，瓣數多多。大前日《蘋果》讀者洪先生透過「爆相爆片」，話見到Rainky去咗睇荃灣新盤荃城匯，佢當日素顏現身，着住一件牛仔褸包到實，pure又清純。洪先生話：「今日大約4點45分左右，見佢同一個男人一齊去睇樓，另外仲有兩名地產男代理，佢去睇完示範單位，再去咗模型區，睇咗足足5分鐘，好似幾有興趣。」其間亦有人認得佢，仲話：「Rainky Wai？正喎！」
■「魔鬼胸」蔚雨芯除咗幕前，仲做埋市場經理。資料圖片
鍾意三房
馮仁昭問Rainky係咪買樓？佢話只係去參考吓，自言未有能力上車：「我陪經理人去睇咋，嗰朝我哋仲去埋睇舖，因為有份投資嘅華星冰室想開分店，我哋去完元朗、大埔，咪順便睇埋荃灣樓囉，經理人同太太都好想買，我去參考吓。」Rainky坦言90後置業好難，自己好鍾意三房間隔：「人人目標都係買樓啦，其實首次置業首期好吸引，但自己未敢供住，仲要搏命啲。」
來源:
http://hk.apple.nextmedia.com/entertainment/art/20170818/20124542
Next Page