📖 ZKIZ Archives

拜車公 左丁山

2012-2-5  AD

年初五日，宜祭祀祈福，於是在吉時午時到車公廟參拜求籤，一落的士，就遇到兩位講普通話、穿和尚袍之僧人行過來猛講「恭喜發財」，咦，唔通係和尚自由行， 行到嚟車公廟攞利是？如果係就好醒目噃，自由行同胞無處不在，車公廟內便有不少，如林奮強所言，一國兩制，兩制講政治架構，一國講全國經濟融合，統一市 場，人與錢通行無阻。人已經係嘞，錢就逐步嚟，人民幣離岸中心，民企來港上市，香港人民幣存款以點心債，及 QFII方式回流大陸，就係銀紙全國通嘅漸進方式。
大勢所趨，順者昌，逆者亡，企圖擔沙塞海，製造人為障礙，阻止本港與內地人錢互通者，實在天真到極，鼓吹本土主義，歧視內地人，智者所不為也。一啲政客倡議禁止雙非孕婦來港，純粹係迎合民粹，毫無遠見及原則，完全冇包容性，枉費中央大員傳話話可以接受佢。
如 沙膽虹所云，香港要融合內地人，做大個餅而唔係自我設限，拒同胞於閘外，有人話點忍得甚麼北大教授孔慶東狂妄之言，話香港人係狗，要鬧臭佢。左丁山不以為 然，孔慶東？號稱教授，不知何許人也，睬佢都嘥氣，鬧佢即係畀面佢，我地大人有大量，一笑置之可也，豈可同佢一般見識。香港人自重自尊自信，千萬不要自卑 而產生自大自戀情意結，覺得外人不順眼，在大陸人大款面前，不卑不亢，不會反應過猛、過度。
車公廟求籤，是否靈驗，各位求籤之人自有結論，難以普 遍化，以左丁山十幾二十年經驗，可以話車公籤即使唔靈，但好有一貫性，例如十幾年來求自身籤，一路都得到上籤中籤，而現實生活的確感覺良好，四季平安，無 驚無險，但求橫財籤呢，幾乎年年都係中籤下籤，且以下籤居多，唔到你唔服，事實上，每季入馬場都係做善事，如不抱此心理入場，輸到儍咗都似。冇橫財命就冇 橫財，唔似得研究 C與中貿林兩位，每季必有重鎚贏大錢之日。現在甚麼都科學化，求完籤，記下冧巴，用 iPhone下載車公 apps就可以得知籤文，容易到極。

PermaLink: https://articles.zkiz.com/?id=30936

鄭紹康拜車公轉運「唔可以有風駛盡」

1 : GS(14)@2017-01-31 16:01:57

■林作、游學修和鄭紹康日前去車公廟轉風車。



有「天下第一關」之稱的鄭紹康，去年犯太歲有不少阻滯，踏入雞年他有不少新部署，除公關工作外，會拓展工作室業務，已有電視台接洽他做清談節目主持。鄭紹康日前就帶同旗下藝人游學修及有合作計劃的林作去沙田車公廟轉風車求轉運，他做足拜車公、轉風車及擊鼓等習俗，並說：「舊年最大得着係簽游學修。」



■鄭紹康去年犯太歲遇阻滯，踏入雞年已有不少新部署。

■鄭紹康三人之後會合麥玲玲與馮美基，更獲贈幾句。

■鄭紹康跟足習俗三支清香拜車公。

林作笑仇家多

鄭紹康說：「舊年幾跌盪、過山車咁，識到佢（游學修），雖然成日都會拗，大家相遇時間佢情緒唔高，我就遇上困難，大家一齊探索唔同媒體空間。」游學修笑言與他屬兩個世界：「同佢談戀愛好辛苦，我哋講錢唔講心，我哋想法、圈子好唔同，兩個仲揣摩，互相認識對方宇宙。」林作全程搞搞震，更幫鄭紹康揀了一個四季平安風車：「要四季平安啦，你咁多仇家。」而鄭紹康就表示揀風車有學問：「一排風車入面，要揀有一個風車轉唔到，係廟宇姐姐教，做人唔可以有風駛盡?。」


游學修遇困難

之後，三人會合麥玲玲與馮美基（May姐）吃團年飯，林作向玲玲師傅求有「?完鬆」運行，而玲玲師傅就寄語游學修雞年會困難重重，當播種期。對於鄭紹康，玲玲師傅直言他去年小人超多，贈言他今年要大變化：「行得偏鋒啲都唔怕，佢條命適合做中間人角色，做中間人角色是非口舌係難免，唔係好傷害是非就冇所謂，帶旺番人氣有新搞作。」另外，May姐亦贈言如何化解公關災難：「公關接觸太多人，得罪人一定有，最緊要件事係『和』，幫個客攞到最多嘢，好似打麻雀一樣，唔使吓吓都13么，求其食糊就得。」採訪：唐如攝影：沈健程、陳順禎場地提供：王家沙花樣年華服裝提供：La Perla




來源: http://hk.apple.nextmedia.com/entertainment/art/20170131/19913224
PermaLink: https://articles.zkiz.com/?id=324819
Next Page
ZKIZ Archives @ 2019