【平等共存】80後唔養寵物愛影街貓 想做鄰居多過做主人
1 :
GS(14)@2017-01-07 00:29:37與阿平相熟的貓，名為「阿哥」，由附近一位婆婆放養。
有種鄰居總是神出鬼沒——屋簷上、街角口、巷弄間，時而隱身在叢木之中，時而躺平於陽光底下。你知道他們的存在，但未必會駐足細看。這些不甚起眼的鄰居，偏偏成為80後文樂平（阿平）鏡頭下的主角，「我覺得貓係一種好靚嘅生物，尤其眼睛。佢嘅眼睛，用現代化嘅數碼相機影完，番屋企放大嚟睇，你會見到佢眼入面仲有好多嘢，倒影見到好多景物。」阿平是街貓攝影愛好者，2009年開始接觸攝影，因就讀的中文大學有不少流浪貓，便經常在午飯、放學時間拿着相機通山走，拍攝貓足跡。單單一處山頭當然容不下他。幾乎有街貓的地方，就有可能碰見這位背着紅色背嚢、文質彬彬的大男孩。他於3年前設立Facebook專頁「喵Hunt」，分享他走遍香港拍下的貓足跡。由初初着迷拍攝貓咪特寫，到後來被貓與環境、人的互動吸引，再配上有趣Caption，阿平的作品有故事、有溫度，還曾經贏得LENS攝影比賽，「盡量唔想做假場景，想用觀察嘅形式，保持一段距離，見到一種情境就記錄低。希望我嘅相除咗有貓之外，都有訊息可以帶出嚟，會有一個故事。即使唔係太明顯嘅故事，都希望將個故事講到出嚟。」你以為愛影貓就一定愛養貓？其實不然，皆因阿平認為「飼養寵物」含有階級意味，「我比你更強，比你更有能力，所以我就可以養埋你咁，我自己唔太接受呢種諗法。我唔係反對人幫手領養流浪貓，我唔排除有咁嘅需要，但自己就唔想做呢個角色，寧願選擇同佢哋一齊住喺社區入面，做鄰居角色多過做主人。我想選擇一種平等嘅關係。」數年影貓生涯裏最令他印象深刻的，卻與另一拍攝街貓的專頁有關。該專頁專門拍攝某地區的貓，卻於一年半前突然停止更新。阿平後來到訪該區，發現當地已成為景點，不少人專程去看街貓，令他反思這是否專頁停止運作的原因，「心態上睇非壞事，但可能帶俾嗰度嘅貓好多滋擾，會提自己除咗做興趣之餘，要留意後果，唔好好心做壞事。」怎樣才是與街貓共存的理想方式？阿平則認為是「佢有佢住佢搵食，我哋都有我哋住我哋搵食，唔會騷擾到大家存在。」很多人常投訴街貓四處出沒、叫嚷是騷擾，阿平卻反問，難道我們人類沒有對環境產生滋擾？「我哋一樣都做緊呢啲嘢，例如夜晚開燈咁，其他生物可能都要瞓覺架喎，但我哋因為自己喺度住，就不斷改變個環境。咁點解我哋唔可以都對其他喺度住嘅生物，有一個包容喺度呢？」
阿平接觸了兩年的白貓，生性較怕人，曾嘗試為她尋找領養卻未成功。
阿平最初愛拍攝貓咪特寫，圖為LENS攝影比賽得獎作品。
後來阿平偏愛拍攝貓與環境的互動，以情境說故事。
被人類趕絕的街貓？阿平卻笑說這其實是錯覺，因他熟悉該處的貓，深知牠們根本不會走上樓梯頂。
Facebook專頁：喵Hunt記者：封愷瑜攝影：徐振國、劉永發
來源:
http://hk.apple.nextmedia.com/su ... t/20170106/19888175
【元朗搵貓】攝影師唔影婚禮 轉做龍友影街舖貓
1 :
GS(14)@2017-08-02 06:16:06Basa Yung(instagram：Basacat)，作品以流浪貓以及舖頭貓為主題。
最近朗豪坊舉辦了一個猫の夏日寫真館，展出了14個日本攝影師，以貓為主題的作品。當中Rojiman的作品十分可愛，經常也會以貓毛製作不同型狀的貓貓帽以及道具的作為拍攝主題。
香港亦有唯一一個代表Basa Yung(instagram：Basacat)，作品以流浪貓以及舖頭貓為主題。現職為地產代理的Basa，曾經是一個婚禮攝影師，家中亦養了3隻貓。因為工作彈性關係可以經常在街上四圍走，相機總是旁身，一發現街貓就會拍攝。今日Basa就帶記者發掘元朗區的舖頭貓，每張照片的背後亦隱藏了不同的社區故事。立即出片！
Basa作品喜歡較多背景作為構圖。
擅長捕捉貓貓表情，如貓剛剛瞓醒的一刻，貓鬚開始動，預計會打呵欠便立即拍攝。(由受訪者提供)
大吉是藥材舖的貓店主。(由受訪者提供)
Instagram人氣大師Rojiman。
Rojiman經常也會以貓毛製作不同型狀的貓貓帽以及道具的作為拍攝主題。
朗豪坊猫燑夏日寫真館。
猫の夏日寫真館朗豪坊4樓通天廣場即日至9月3日記者：翁怡富攝影：潘志恆、伍慶泉(部份照片由受訪者提供)2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170802/20108790