ZKIZ Archives


搵定錢籌備第二期手術韓君婷歪鼻自然咗

1 : GS(14)@2015-12-18 08:52:07

■韓君婷昨日大方承認完成了第一期矯型手術,鼻形變得更自然。


韓君婷早年在新加坡意外跌倒導致鼻骨移位破相。今年7月回流返港後,韓君婷復出態度積極,除了四出找工作機會,更公開表示會接受鼻骨整形手術,希望重拾昔日美貌。昨日韓君婷現身港台為普通話台錄音,鼻形明顯有所改善,比早前更自然。問到她有關鼻骨手術時承認已經完成第一期手術,她說:「之前有去照骨,自己唔係機器,唔係一返來就整得,同埋年尾及聖誕好多醫生放假,唔可以咁急,明年將會進行第二期手術。」


■韓君婷明年會接受第二期手術,回復靚鼻指日可待。

唔心急返無綫

昨日有報道指韓君婷心急搵錢做矯形手術,除了簽約商場騷包薪月入4萬,上個月秘密會見無綫高層,更有意拍劇。問韓君婷是不是等錢使,所以平價頴撈返無綫,她否認說:「係傾緊一啲job,未落實。需要時間,就算係傾都未必即時,可能出年先得。」她強調不是價錢問題,最緊要是工作方向,無論拍劇、做節目、做司儀都無所謂,她更形容自己似樓盤:「自己係open option,好似樓盤咁,可能人哋以為2015年尾樓盤好貴,但係我一向收得唔貴。」曾患抑鬱的韓君婷,對於所有不利傳聞不以為然,不過曾經跟經理人鬧翻的她,明言要找一個好的經理人,她說:「其實每次傳版本都唔同,有時話封殺,有時話好好,每日傳方向唔同,總之好多嘢係其他人理解,而家未confirm,自己唔係急於搵工作,自主權大,唔想求其搵,想搵夾嘅經理人。」韓君婷之後會接拍一個廣告,不過她強調不是矯形廣告,而她亦不會接受任何鼻骨手術贊助,她說:「手術我係寧願自己畀錢,之後係有一個廣告配合,而家都係傾緊。」採訪、攝影:王連連





來源: http://hk.apple.nextmedia.com/entertainment/art/20151218/19416332
定錢 籌備 二期 手術 韓君 君婷 婷歪 歪鼻 自然
PermaLink: https://articles.zkiz.com/?id=293975

韓君婷:我接受同性戀

1 : GS(14)@2016-03-06 16:12:16

韓君婷日前接受商台訪問,重提入行後和髮型師Sherman拍拖一年,可惜男友因肝癌離世,她坦言至今仍未放下這段情:「點解要放低?嗰段係真愛,係遺憾同可惜,因為我係嗰種一旦愛上,就會歇斯底里全心全意為佢付出嘅人。」曾與陳早茵傳緋聞的韓君婷自爆有同性追求者:「我接受同性戀,真愛是無界限,性別唔應該受規限。」





來源: http://hk.apple.nextmedia.com/entertainment/art/20160306/19518217
韓君 君婷 接受 同性
PermaLink: https://articles.zkiz.com/?id=297040

韓君婷淡出娛圈

1 : GS(14)@2016-10-10 04:28:29

■韓君婷昨宣佈加盟了一所藥廠研究醫學美容。



韓君婷與顏子菲昨日於銅鑼灣出席醫學美容中心周年慶,韓君婷宣佈剛加盟了一所藥廠,現在主力宣傳醫學美容,並逐漸淡出娛圈。問她會否當白老鼠?她說:「會,自從我崩咗個鼻,就開始研究醫學美容。」韓君婷之前揚言要再為鼻子動手術,昨天所見她的鼻孔依然凹陷,問她會否再動手術?她說:「盡量唔想再做多一次,之前做得唔係咁好,因為環境關係發炎,所以驚咗。」問之前的手術算是失敗嗎?她說:「都唔算,但冇得再靚啲,而家OK,唔可以做影相嘅model,拍廣告都唔夠膽。」採訪:羅慧敏攝影:仇志德




來源: http://hk.apple.nextmedia.com/entertainment/art/20161009/19795178
韓君 君婷 淡出 娛圈
PermaLink: https://articles.zkiz.com/?id=311290

入行19年經歷肥瘦鼻歪韓君婷轉行OL 做美容白老鼠

1 : GS(14)@2016-11-10 08:02:39

■韓君婷毅然離開娛圈,上月轉做醫學美容,她表示新工作令她重生,帶來很多滿足感。攝影:林德雄



現年41歲、97年亞姐冠軍韓君婷,當選後在娛樂圈打滾至今19年,曾因40吋坐圍被取笑做「籮霸」,過去十多年體形又脹又縮。前年她在新加坡仆崩鼻,搞到破相,幸好手術後康復。韓君婷忽然對醫學美容有興趣,上月低調到一間藥廠返工,退出幕前轉行做OL,公司日前更派她主持一個醫美講座,即場示範美容儀器,貪靚的她直認愛做「白老鼠」。



韓君婷於97年當選亞姐冠軍,之後加入娛樂圈,由亞視做到無綫,她曾離港到新加坡協助胞兄打理生意,近日韓君婷回流香港,個多月前受聘Merz德國藥廠做診所發展培訓執行員,主力宣傳醫學美容和相關儀器。韓君婷日前接受本報專訪,被公司安排到尖沙嘴一間皮膚中心主持醫美講座的她,對新工充滿熱誠:「轉工係可以令一個人有重生感覺。」



■韓君婷日前主持講座,又親自向客人講解儀器。

■韓君婷不介意自己的身形成焦點,14年前成功纖體後,即把家中的磅都丟掉。

■去年韓君婷承認仆崩鼻,之後接受鼻骨矯形手術。資料圖片

做演員永冇辭職

講座中,韓君婷細心介紹最新美容儀器和示範,表現淡定。告別幕前轉做OL,她強調並非厭倦當藝人,只是想接受新挑戰:「藝人講際遇,好多外來因素,我唔係嗰種要做明星。做藝人成日要聽唔同聲音,有真有假。我而家搵到啱嘅工作,受公司賞識,嗰份滿足感好大,我對醫學美容好有興趣。」會否因戲癮想復出?韓君婷直言:「演員成日有戲癮,做演員永遠係演員,永冇辭職,到我死嗰日都會寫出嚟,避唔到呢啲新聞。」過去演藝生涯絕對為她留下美好回憶,即使被稱「過氣藝人」都不計較,韓君婷說:「我唔會嬲,反而開心佢哋對我咁深刻印象,證明當年做出成績。」


獨愛大躉尤加利

新工讓韓君婷接觸新事物、新科技,比做藝人時話題更多。她的工作要推銷美容儀器和產品,必須做「白老鼠」,但她強調多年來臉孔從沒添加或微調:「五官純天然。」韓君婷前年不慎在新加坡滑倒令鼻歪變形,去年醫生建議接受第一期鼻骨矯形手術,她表示暫時不會再做手術:「基本上係康復,唞氣運作正常冇問題,個鼻太多注意力,就等同以前太多注意力擺咗喺我嘅盆骨度。」5呎7吋高的韓君婷過去10多年暴肥暴瘦,一時巨咪籮霸,體重高達150磅,一時變火柴人,弱不禁風,多年來成為笑柄,她說:「身形同體重,對我嚟講最冇壓力,我肥又有導演搵我拍嘢,瘦又有人搵我拍嘢,對我工作冇阻礙。我最鍾意當年錢嘉樂叫我做『大躉尤加利』呀,日本妹,卡娃兒!」眼前仍偏瘦的韓君婷到底現在體重多少?她說:「我唔知,我屋企個磅喺減肥後掉咗,你日日望住佢畀你壓力,唔需要咪掉咗,點解要為一個冧把咁唔開心?」韓君婷自評現在狀態有7分,她說:「我唔係生出嚟靚女,要靠打扮加分,懶人享受唔到呢啲,如我有80歲命,仲有3分可以進步。」採訪:陳杰




來源: http://hk.apple.nextmedia.com/entertainment/art/20161110/19828224
入行 19 經歷 肥瘦 鼻歪 歪韓 韓君 君婷 轉行 OL 美容 老鼠
PermaLink: https://articles.zkiz.com/?id=314892

未放低病逝髮型師男友韓君婷曾言接受同性戀

1 : GS(14)@2016-11-10 08:02:39

韓君婷厭倦做幕前,現轉做醫學美容,仲做得唔錯。事業都有起色,但感情方面睇嚟就唔係咁順利,因為佢仲係單身,佢仲話就算唔結婚都冇問題。其實韓君婷97年當選亞姐冠軍後投身演藝界之後,喺98年公開承認與髮型師男友相戀,可惜99年不幸罹患肝癌去世。而韓君婷今年接受電台訪問時,自言未放低對方。99年,韓君婷又被指介入伍士榮與周海媚的戀情,又傳獲有婦之夫雷冠賢管接管送,當時雷妻高菲菲力指韓是狐狸精。00年,韓君婷就同設計師男友相戀,對方更送贈一間包店給她作為求婚禮物,不過喺04年就分咗手。後來唔知係唔係因為多次感情重創,韓君婷嘅「品味」亦開始轉變,被發現同陳欣健女兒陳早茵行為過密,成日以糖黐豆姿態出入夜店。喺今年韓君婷仲話可以接受到同性戀。




來源: http://hk.apple.nextmedia.com/entertainment/art/20161110/19828301
未放 放低 病逝 髮型師 髮型 男友 韓君 君婷 婷曾 曾言 接受 同性
PermaLink: https://articles.zkiz.com/?id=314895

韓君婷拒再開刀整鼻樑

1 : GS(14)@2016-11-24 07:39:41

轉投醫學美容機構工作的韓君婷,昨日到商台接受訪問,她對新工作非常投入兼信任,之前試過打透明質酸、肉毒桿菌素去皺療程。談到會否再接受手術糾正鼻樑,君婷表明沒有計劃再做手術,她說:「以前我畀自己個樣係85分,而家畀70分,同埋需要開刀我都要諗一諗,尤其了解咗美容之後,更加唔想冒險。」她笑指做人太完美會惹嬲別人。採訪、攝影:馬建華




來源: http://hk.apple.nextmedia.com/entertainment/art/20161124/19843400
韓君 君婷 婷拒 拒再 開刀 鼻樑
PermaLink: https://articles.zkiz.com/?id=316845

身形變足20年韓君婷97選美 第一次失敗

1 : GS(14)@2017-06-25 11:26:59

■韓君婷二十年來經歷高低起跌,現在笑看人生,重拾自我。



【《蘋果》專訪】香港選美史上,在二十年間出現了很大的變化,今日已經沒有亞姐,再說港姐的地位,亦今非昔比。回憶總是美好的,1997年的亞姐冠軍韓君婷和港姐冠軍翁嘉穗,給大家難忘的印象,選美之後的二十年,讓她們細訴自己的小故事。當年因亞姐冠軍朱燕珍瞞婚被除去亞姐冠軍之名,本來亞軍的韓君婷接棒1997年亞姐冠軍權杖,對於她來說,一世難忘。現年41歲的韓君婷日前受訪時笑說:「蝕咗嗰晚,就係蝕咗嗰吓戴后冠同繞場一周嗰吓!」回想當年今日,韓君婷在亞姐總決賽只得亞軍,初嚐「職場體驗」,她說:「第二日返工嘅時候,你就會知道你係第二同第一嘅分別喇。就算你整整吓頭都好,都會俾人拉開你推你埋一邊,點解呢?就因為冠軍到喇,做咗冠軍先,你第二唔緊要喇。咁所以呢個體驗對於我嚟講好珍貴囉,因為人生裏面,我徹徹底底一次真係失敗,講真,鬼叫你攞唔到no.1咩!」



■韓君婷於08年再踏亞姐舞台,把握機會坐上冠軍寶座拍照留念。資料圖片

■韓君婷曾患抑鬱症,她表示最介意做「火柴人」。

■韓君婷於2001年《獎門人》節目被冠以「巨躉」稱號,但她稱當時只有120磅。

■韓君婷在一間醫學美容藥廠工作,要培訓醫生使用公司產品。

介意做火柴人

入行之後,韓君婷簽公司外闖,又過檔無綫,曾經由「巨躉」變做「火柴人」,二十年的變化,韓君婷今日依然故我,講到一個「肥」字,她說:「冇一個電視或者電影嘅導演係有叫過我減肥,冇人因為覺得我肥咗醜樣囉!」她續說:「只不過我籮大囉,呢個係英國人身形。」韓君婷認為02年拍纖體廣告前是最肥,原來只是128磅。比起「巨躉」,韓君婷更加介意做「火柴人」,因為當時她患抑鬱症,並未有即時處理:「抑鬱係因為我個blood裏面製造唔到某一啲嘢出嚟,但係點樣發現呢,就係纖體廣告之後,減肥、StarEast追唔到數,又自己再執埋啦,種種呢啲問題,咪會有個domino effect囉,咁好明顯有影響工作,因為我喺無綫就停咗。」採訪:懷鈺、嵐山攝影:陳慧安場地提供:高興




來源: http://hk.apple.nextmedia.com/entertainment/art/20170625/20067570
形變 20 年韓 韓君 君婷 97 選美 第一次 失敗
PermaLink: https://articles.zkiz.com/?id=337012

韓君婷2.0曾同性戀「唔係我想要嘅嘢」

1 : GS(14)@2017-06-25 11:27:00

■韓君婷的初戀髮型師男友葉錦昌不幸患上肝癌,於99年離世。



感情路上,韓君婷亦不是一帆風順,初戀髮型師男友葉錦昌(Sherman)99年病逝,是最大打擊,她形容:「我諗韓君婷嘅感情路上,初戀之後,一路都係向下滑。」韓君婷多次捲入三角戀的漩渦,被指當年介入伍士榮及周海媚戀情,及後又與九巴後人雷兆光堂弟雷冠賢搭上,更被雷太高菲菲公開指摘。



■韓君婷直認曾是同性戀者,早年傳出戀上陳欣健長女陳早茵(左)。資料圖片

之後韓君婷驚爆戀上陳欣健長女陳早茵,更被拍到車廂激吻,又共赴同居,在06年分手時,韓君婷更一度暴瘦至88磅,她說:「同性戀喺2017年,或者2010年嘅時候,都唔係一件好誇大嘅一件事囉。咁我試過,但我決定咗唔係我想要嘅嘢。」




來源: http://hk.apple.nextmedia.com/entertainment/art/20170625/20068064
韓君 君婷 2.0 同性 唔係 係我 想要
PermaLink: https://articles.zkiz.com/?id=337013

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019