ZKIZ Archives


中環在線: 恒大「畀面派對」 彤叔、大劉、張松橋現身 李華華

2009-10-20  AD





 

本 周四隻內房新股齊發,喺市場競逐資金異常激烈嘅情況下,要突圍而出,真係要考心思。噚日開始喺香港路演嘅恒大地產(3333),除咗係當中業務規模最大之 外,竟然能夠搵到一班城中大孖沙畀面現身推介午宴,仲做埋綠葉陪襯主人家恒大主席許家印影咗張大合照,氣勢認真先聲奪人。

彤叔:恒大減價更抵買

噚 日有份出席畀面午宴嘅大孖沙,可謂星光熠熠,有新世界發展(017)主席鄭裕彤(彤叔)、甚少喺公開場合露面嘅華人置業(127)主席劉鑾雄(大劉)、星 島新聞(1105)主席何柱國、長實(001)執行董事葉德銓、英皇集團主席楊受成、資本策略(497)主席鍾楚義、中渝置地(1224)主席張松橋、有 「殼王」之稱嘅陳國強、金利豐董事總經理朱李葉華等,總之排名不分先後。彤叔又再成為傳媒追訪對象,記者問佢點解買恒大(佢旗下周大福入股5000萬美元 作為基礎投資者),彤叔話「我鍾意買恒大」,皆因佢銷售額夠大,減價後更抵買。咁佢怕唔怕要坐艇?佢就回應話,「唔會啩」。李華華 LiWaWa@AppleDaily.com
 



中環 在線 畀面 派對 彤叔 叔、 大劉 、張 張松 松橋 現身 華華
PermaLink: https://articles.zkiz.com/?id=12219

中環在線:耀才畀面派對名嘴齊齊封嘴 李華華



2010-8-12  AD


 

貴為「全港至有實力華資大行」、今日開始招股嘅耀才證券(1428),噚日喺金鐘擺下洪門宴,sorry,係筵開9席宴請同業做上市前推介。各路人馬畀足面座無虛席,遲到者惟有坐後排旁聽,耀才可謂夠晒「飛士」!

咁 成場都係股壇名嘴,敦沛嘅李偉傑、滙業熊麗萍、金利豐黃德几、大福郭家耀、東驥嘅龐寶林都喺度,華華梗係問吓呢班高人點睇呢隻新股喇,殊不知幾個名嘴齊聲 話唔好講,大家行家唔方便做評論;噚日蒲頭,只係捧吓場兼摸下行家個底,無人敢好似何B師傅大大聲講「耀才證券是你首選」,名嘴封嘴,華華咪惟有O嘴行開 囉!

李華華


中環 在線 耀才 才畀 畀面 派對 名嘴 齊齊 封嘴 華華
PermaLink: https://articles.zkiz.com/?id=17374

官義岱 給力 拆拿 軍頭唔畀面習總

1 : GS(14)@2013-05-11 15:55:08

http://www.metrohk.com.hk/index.php?cmd=detail&id=210305&search=1
內地一哥習近平最近整治軍紀首次碰到「軟釘子」。話說內地軍方下令禁止價值45萬元以上豪車掛軍方車牌,點知新規定第一日,就畀記者拍到有貴價車掛軍牌喺京師招搖過市。北京軍區回應查詢時答得好妙,佢哋話喎,之前使用軍牌嘅豪車為咗「避免浪費」,「將有限制的繼續使用」。一個貌似非常嚴格嘅制度,你一開咗個後門,咁就即刻形同虛設。以後大家喺路上見到嘅豪車,都將會係「為咗避免浪費繼續使用嘅」。你話咁咪即係冇咗條規矩?問題係,究竟習一哥畀人咁樣落佢面,咁佢仲有冇後着呢。佢一方面要維持紀律,但亦唔可以同軍頭反面。要平衡兩者,真係一啲都唔容易架!
官義 義岱 給力 拆拿 軍頭 唔畀 畀面 面習 習總
PermaLink: https://articles.zkiz.com/?id=282816

大鐘獎候選帝后集體缺席捱轟李敏鎬畀面贏新人獎

1 : GS(14)@2015-11-23 14:17:51

「第52屆大鐘獎頒獎禮」昨日在爭議聲中如期舉行,今屆大鐘獎星光暗淡,9位入圍影帝和影后的一線明星全體缺席,當中奪得人氣獎的金秀賢、被封影帝、影后的黃政民及全智賢等都冇到(詳見附表),僅得入圍最佳男新人獎的李敏鎬、朴瑞俊等Oppa助陣,李敏鎬更先拔頭籌獲得男新人獎,而由黃政民主演的《半世紀的諾言》就奪10個獎項成大贏家。由於眾韓國代表唔畀面,要靠內地影星高圓圓充撐場面,大會昨即怒轟缺席演員恃住人氣高無視觀眾。



■頒獎禮本部長炮轟缺席明星自恃人氣高。

■全智賢及金秀賢雙雙缺席,令頒獎禮星光暗淡。



今屆大鐘獎可謂多災多難,大會早前原本宣佈「唔到冇獎」政策,但因受到網民抨擊就改口風。殊不知到昨日頒獎禮,9位入圍影帝影后的演員一致缺席,包括影后候選人:《復國者聯盟》全智賢、《愛上變身情人》韓孝珠、《唐人街》金惠秀、《Miss Wife》嚴正花和《半世紀的諾言》金允珍,及影帝候選人:《燥底師兄生擒富二代》和《思悼》劉亞仁、《半世紀的諾言》黃政民、《復國者聯盟》河正宇及《惡意編年史》孫賢周。當中全智賢因懷孕7個月留家養胎,劉亞仁就因要趕拍新劇《六龍飛天》而缺席,至於奪得人氣獎的金秀賢和孔孝真就因有工作在身缺席,令頒獎禮星光暗淡。最後現身的當紅明星就只得李敏鎬、朴瑞俊、李玹雨和姜河那等,加上來自內地的高圓圓,高圓圓更刻意悉心打扮,總算令大鐘獎大會挽回不少面子。由於多位紅星缺席,大鐘獎組委會的本部長趙根宇昨日亦公開炮轟缺席演員:「一場耗資數億韓圜的頒獎禮是為了廣大觀眾,而不是為了演員舉行,有些演員恃住他們的人氣高,就不出席頒獎禮,是對廣大觀眾的無視,韓國部份演員的水準還停留在落後國家水準,根本就配不上他們的明星光環,因為演員的任意妄為令頒獎禮受到影響,可以話是國家的損失。」



■眾影后候選人紛紛缺席大鐘獎頒獎禮,最後要靠內地當紅女星高圓圓撐場。

■林智妍以低胸高衩裙現身,非常性感。

■大勢男星朴瑞俊現身時,以微笑揮手冧圍觀粉絲。



全智賢封影后


雖然昨日入圍影帝影后都沒有到場,但大會照樣頒獎,最終由全智賢封影后,黃政民做影帝,由黃政民主演的《半世紀的諾言》更成為大贏家,奪得最佳劇本、導演獎、最佳作品等10個獎項。畀面出席的李敏鎬就成為全場焦點,他更憑《江南黑夜》先拔頭籌獲得最佳男新人獎,上台領獎時他表示:「第一次以電影起步跟大家見面,通過電影得到大家好多愛,雖然自己仍有很多不足,但也想幫助韓國電影出一分力。」而高圓圓和孫紅雷就得海外部門獎。撰文:施洛冰



【第52屆韓國電影大鐘獎部份得獎名單】

最佳作品:《半世紀的諾言》最佳導演:尹濟均《半世紀的諾言》最佳男主角:黃政民《半世紀的諾言》最佳女主角:全智賢《復國者聯盟》最住男新人:李敏鎬《江南黑夜》人氣獎:金秀賢、孔孝真資料來源:大鐘獎頒獎禮





來源: http://hk.apple.nextmedia.com/entertainment/art/20151121/19381466
大鐘 候選 帝後 集體 缺席 捱轟 李敏 鎬畀 畀面 面贏 新人獎 新人
PermaLink: https://articles.zkiz.com/?id=293874

中環在線:張華峰畀面靚佬賀新股上市

1 : GS(14)@2017-04-22 10:20:34

安領國際(8410)上市,公司做IT安全系統經銷商,就咁睇,同證券業唔算直接門當戶對,但竟然有立法會金融服務界議員張華峰到賀,非常少有!聽聞張議員係因為畀面靚佬股評人鄧聲興(Kenny),事關Kenny出錢出力,上市前已經入股,上市後仲幫手做非執董,Kenny都話好開心請到議員出席撐場。
Kenny之前解釋過點解入股,係因為安領幫手做網絡安全,券商面對監管越來越嚴,呢筆成本硬掘要畀,市場長做長有咁話。




來源: http://hk.apple.nextmedia.com/financeestate/art/20170420/19995157
中環 在線 華峰 畀面 面靚 靚佬 佬賀 新股 上市
PermaLink: https://articles.zkiz.com/?id=331005

【關仁隱事】白叔唔畀面 踢大口妹出局

1 : GS(14)@2017-07-09 12:16:12

呢幾年香港好多導演都北上發展,好似「白叔」因為發展好,喺北京定居,所以佢可以好自由咁拍戲,連老闆都唔敢得罪佢。話說之前「大冬瓜」搵白叔開戲,有日搵手下帶咗個女仔去現場,話老闆想畀呢個女仔客串演某角色,但白叔話一早搵咗人,個手下仲話呢個係老闆意思,白叔都費事理佢,之後老闆都唔敢再提呢件事。另外,白叔最近有部新戲想搵「大口妹」、「吳是素」兩位知名內地女星拍戲,點知兩女啲合約麻麻煩煩,激到白叔要換人,當兩女知道被飛當然腳都震,話一切有商量。撰文:關仁




來源: http://hk.apple.nextmedia.com/entertainment/art/20170709/20083366
關仁 隱事 白叔 叔唔 唔畀 畀面 大口 出局
PermaLink: https://articles.zkiz.com/?id=338753

【飲食籽】麵廠老闆:新年送麵係「畀面」 麵餅凍水浸5分鐘彈牙秘訣

1 : GS(14)@2018-02-13 03:31:59

蝦子麵代表希望來年哈哈大笑。每斤$63

【飲食籽:故味重嚐】又到農曆新年,無論結婚或單身,都難以避過要去拜年,同時又要頭痕送乜畀姨媽姑姐好!而新年送禮很多人都會揀麵,但到底送麵有甚麼意思?大家可能都未必知不同的麵或有不同用意,今次我們就找來老行尊來問一問。


佛記粉麵廠在筲箕灣開了近百年,是今時今日少有堅持把所有製作過程和廠房都留在香港而不往大陸遷移的老麵廠,而現在已傳到第三代繼承人的劉大光(Nelson)手上。因要向不同的食店供麵,他們出產大約50種麵,很多稀有或已在香港已幾乎絕迹的麵種,也能在他們的店中找到。新年就更是他們最重視的日子,因為很多客人也會來買麵送禮,如一些公公婆婆因吃了幾十年,都會指定仔女或孫來買喜歡的麵。製麵師傅為了滿足大家所需,年初一到初三都不休息,努力製麵。若想知道不同種類的麵用來送禮有甚麼特別意思,問問Nelson就對了!


伊麵很多人都用來做長壽麵,寓意長壽。每個(小)$6

佛記粉麵廠的第三代老闆Nelson介紹新式煮麵食譜給大家。


蝦子麵=笑哈哈 伊麵=長壽

他說:「想知大家為何常送麵做新年禮物?就是意頭好,表示『畀面』大家,一份尊敬和一種禮貌。而大家也可根據對象來決定要送哪一種麵。如蝦子麵就是哈哈大笑的意思,伊麵就是很多人都知的寓意長壽。」然後他又拿出一條長長闊闊,像西式寬條麵,又像切條後的乾腐竹物體介紹,「這個叫做乾雲皮,一般水上人會用來煮糖水,一家人新年時一起吃。很簡單的煲滾熱水,放糖後可加蛋,再放入乾雲皮一起煮就可以了。」這三種麵就是新年最好賣的,當然給吃素的老人家,也有菠菜麵和素蝦子麵等可選。除送禮外,大家也少不免會收到人家送來的禮物,Nelson說麵餅放陰涼處大概可存放半年。那收到麵後怎樣才煮得好味?他教我們煮麵的秘技,禮物也可用來煮出創意美食。他說:「其實煮麵都有秘訣,將麵餅放在凍水浸5分鐘,等水滾後放麵,約2分鐘後用筷子撥散後就可食。浸凍水除了可令麵更易撥散,也能令它更爽口彈牙,這適用於大部份麵種。」除此之外,老闆也有新式食譜介紹給大家。他說:「大家除了可以水煮麵,也有些中西混合的方法煮出不同菜式,新年除了好意頭外,也可用來招待客人呢!」記者也跟住試了一遍,兩款都簡單易做,平時不太煮食的人也可試試看。


很少見的乾雲皮,一般水上人會用來煮糖水。

煮麵都有秘訣,先浸凍水更彈牙。

佛記粉麵廠在筲箕灣開了近百年。



三色撈喜麵

【材 料】紅與黃燈籠椒、菠菜(可以綠色菜取代)、麵(已煮熟,可選不同麵種)【調味料】醋、麻油、鹽【做 法】1)水放鹽後,先將彩椒切絲和菜煮熟。2)麵和蔬菜交替加入盆內,再放醋和麻油拌好,或可放到玻璃樽內搖到均勻。3)完成品賣相不錯,味道也清新爽口。


果仁兩麵旺

【材 料】果仁、麵(已煮熟,可選不同麵種)【調味料】意大利黑醋、蘋果醋【做 法】1)麵可先過冷水避免煎完變糊。2)將果仁,如腰果或合核打碎,勿打成粉,留一回點粗粒,避免失去口感。3)在易潔鑊加油,將麵兩面煎成金黃色,可用曲奇餅模輔助。4)麵餅上灑上果仁碎和調味料就完成,脆口之餘醋味可減油膩感。


佛記粉麵廠筲箕灣望隆街3號地下記者:張佩君攝影:張志孟,蕭志南編輯:彭錦明



來源: https://hk.lifestyle.appledaily. ... e/20180212/20300573
飲食 麵廠 老闆 新年 送麵 麵係 畀面 麵餅 水浸 分鐘 彈牙 秘訣
PermaLink: https://articles.zkiz.com/?id=348374

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019