ZKIZ Archives


「想有人陪我環遊世界」唐詩詠愛的呼喚明冧洪永城

1 : GS(14)@2015-01-30 08:49:23





■唐詩詠前晚出席活動時開到口等人親自表白,睇怕洪永城今次真係一擊即中喎!


多年來唐詩詠一直被崔建邦牽着鼻子走,直至去年拍劇遇上三十一歲旅遊王子洪永城(Tony),二人始互生情愫,唐詩詠那顆寂寞的心再被掀動。最近二人經常約會被傳媒撞破,日前Tony在公開場合更坦白承認對唐詩詠展開追求,大呼對唐有三百個like。據知外表放浪不羈、經常口花花的Tony,今次對三十三歲唐詩詠相當認真,他半年前展開猛烈追求時,已經考慮清楚,之前二人結伴一起看楊千嬅演唱會,更已經是默許雙方的關係。


■洪永城日前公開表示對唐詩詠有好感,令伊人大表驚喜。資料圖片

情人節怕人跟

唐詩詠前晚到九展出席一個頒獎禮,有愛情滋潤的她顯得明艷照人,被問到Tony對她公開示愛,她甜笑說:「係!」開心到暈得一陣陣的唐詩詠,定神後回答說:「係嘅,佢份人同佢啲節目一樣好有驚喜,好有正能量,喺人生最需要正能量時遇到佢係好開心,我希望個正能量繼續落去囉。」唐詩詠又擺明冧爆新歡說:「我都好鍾意陽光男同埋旅行。」不過當問到唐詩詠二人何時開始拍拖,她竟然窒一窒說:「多謝佢一直畀驚喜我,但我仲好需要空間。」仍帶有幾分矜持的唐詩詠表示日前才聽到對方公開示愛,但未收到親口告白,情人節將至,唐詩詠未敢答應Tony約會,她笑說:「嘩,如果我講咗,好多人(記者)等我。」不過她卻不期然漏口風說:「其實都想有個人陪我環遊世界。」Tony似乎已經得米!



郭晉安遭包圍

另外,郭晉安前晚在現場被內地同胞重重包圍,更有同胞強行玩自拍,安仔說:「內地耐唔耐都有失控,如果掹到身上啲乜咪畀你囉,都試過俾人扯甩手錶同太陽眼鏡,其實反而有呢啲場面係開心,因為好熱情,試過有個騷本來唱五首歌,最後一首都冇唱,因為一唱歌個個上台影相。」採訪、攝影:藍文浩



■兩人去年拍劇《載得有情人》暗生情愫。劇照

■郭晉安出席活動時遭內地同胞包圍,但他無投訴更笑言很開心。



來源: http://hk.apple.nextmedia.com/entertainment/art/20150130/19021635
有人 陪我 環遊 世界 唐詩 詠愛 愛的 呼喚 永城
PermaLink: https://articles.zkiz.com/?id=287563

唐詩詠洪永城撻着三個月

1 : GS(14)@2015-02-04 21:23:23





■唐詩詠和洪永城拍拖已是公開的秘密。資料圖片


唐詩詠和洪永城這對緋聞男女,關係認真撲朔迷離,這邊廂男方發表愛的宣言,女方又開綠燈直認有發展空間,但轉頭又表示多謝大家關心,仍在觀察中。不過昨日有周刊報道,原來唐詩詠和洪永城已經拍拖三個月,在大台已經是公開的秘密。洪永城去年十一月拍劇時,他坐着的是唐詩詠的私家摺椅。日前洪永城被發現於鯉景灣寓所與唐詩詠撐枱腳,但行蹤曝光後,兩人分別各自找友人陪食,上演一場大龍鳳飯局。撰文:張曦彤





來源: http://hk.apple.nextmedia.com/entertainment/art/20150204/19027861
唐詩 詠洪 永城 撻著 三個
PermaLink: https://articles.zkiz.com/?id=287625

唐詩詠戀洪永城似燉湯

1 : GS(14)@2015-02-10 01:07:41





■專注煎年糕的唐詩詠,俯身露事業線搶晒鏡。


唐詩詠、何傲芝和何傲兒昨日在將軍澳出席情人節活動,疑與洪永城蜜運中的唐詩詠穿上透視低胸加露腰裙示人,成功搶晒鏡,連擁有34D豐滿上圍的何傲兒也被比下去。



唐詩詠在台上烏身煎年糕時洩春光,之後又主動錫小男孩,表現風騷,被問到今個情人節是否有人約時,她甜笑說:「嗰日太危險喇。」她不肯透露是否與洪永城拍拖,但承認對方是一個「幾好嘅選擇」,她說:「好似燉湯咁,要慢慢嚟,睇長遠,唔係短暫關係。」問會否送朱古力?她笑說:「對佢咁好?叫佢自己買啦。」她直言收禮物怕有壓力,黃翠如曾透露洪永城鍾意行沙灘,唐詩詠則反寸說:「留畀佢哋(黃翠如與蕭正楠)去啦,我驚撞到佢哋。」而多次被撞破戀情的何傲兒,繼續否認周子揚的男友身份,透露情人節要在工作中度過。採訪、攝影﹕藍文浩



■洪永城曾隔空向唐詩詠示愛。資料圖片

■唐詩詠與小男孩嘴對嘴,未知洪永城會否感到酸溜溜。

■何傲芝(右)、何傲兒齊齊穿紅色裙示人。



來源: http://hk.apple.nextmedia.com/entertainment/art/20150209/19034435
唐詩 詠戀 戀洪 永城 似燉 燉湯
PermaLink: https://articles.zkiz.com/?id=287745

洪永城被指做馬騮戲上位

1 : GS(14)@2015-10-14 08:02:38

■洪永城被指一見余詠珊即上前打招呼問好,更有傳他靠擦對方鞋上位。資料圖片


近年頻頻曝光的洪永城,當年由仍是有線高層的余詠珊一手發掘入行,其後余詠珊過檔無綫,亦招攬洪永城過檔,並頻頻安排愛將參與各大節目演出,極力栽培,早前洪永城更被力捧主演劇集,事業發展如坐火箭。不過,一直有傳洪永城靠擦余詠珊鞋上位,日前便有傳媒在電視城餐廳,目睹洪永城更向余詠珊大施冧功。報道指當日洪永城開工期間,發現余詠珊在餐廳食午飯,於是立即放下手頭工作走上前打招呼,恭恭敬敬地站在一旁跟余詠珊有講有笑,甚至當眾扮猩猩,逗得余詠珊哈哈大笑。報道指洪永城前前後後做足15分鐘馬騮戲,令在場其他人也為之側目。記者昨日曾致電洪永城,但未獲回覆。撰文:魯吉





來源: http://hk.apple.nextmedia.com/entertainment/art/20151014/19331824
永城 被指 指做 做馬 馬騮 騮戲 上位
PermaLink: https://articles.zkiz.com/?id=293171

與洪永城疑幻似真翠如BB解畫:他要鬆開手

1 : GS(14)@2015-10-28 23:19:08

■洪永城和黃翠如的拖手相,令不少巴打和絲打暗自落淚。資料圖片


洪永城和黃翠如曾經是大家眼中襯到絕的一對,如今二人都心有所屬,洪永城找到入得廚房的唐詩詠,黃翠如又找到敢言上進的蕭正楠,洪永城和黃翠如的疑幻似真的關係亦到此為止。怎料日前洪永城和黃翠如這對舊拍檔在獅城手拖手行紅地毯,有不少網民大呼「好襯」,洪永城接受訪問時,表示拖黃翠如女友唐詩詠不會呷醋,還說:「唔知翠如有冇後悔揀咗Edwin(蕭正楠)!」一張拖手相,加一點點醋意,網上隨即瘋傳一篇關於黃翠如和洪永城的潮文《我諗每個男人心裏面都有一個黃翠如》,有不少網民看到都大呼「感動」,紛紛代入角色,將自己變成黃翠如和洪永城。



■蕭正楠在獅城的頒獎禮上,身旁的是岑麗香而非女友翠如BB。

■黃翠如回應潮文明示蕭正楠就是她找到的那個他。資料圖片


■洪永城和黃翠如在螢幕前的合拍和默契,令他們成為大家眼中的一對。微博圖片

洪永城升呢「男神」

潮文瘋傳之後,一度被高登網友唾棄的洪永城,被指在爛劇《張保仔》演出差強人意,劣評如潮,卻在一夜間扭轉劣勢,竟然被封為「高登男神」,成功吸引一群宅男膜拜,真是始料不及。昨日潮文女主角翠如BB終於出手,她在facebook寫下千字文解說《我諗每個男人心裏面都有一個黃翠如》,她表示:「每個人心裏面都有對黃翠如同洪永城,太平實普通,太易代入……然後有一天,洪永城說,他已經找到他的她,要鬆開手,先上台,黃翠如有點感性,送上祝福;然後,黃翠如繼續一個人在紅地毯上走呀走,有一天,她跟洪永城說,她好像也找到了她的他。洪永城說:乜自閉都會拍拖?」翠如BB真摯回覆感人潮文,卻無意間露了玄機,根據以上的先後次序,洪永城應該是先找到他的唐詩詠,然後,黃翠如再遇上她的蕭正楠,誰棄誰,太明顯了吧?撰文:非非





來源: http://hk.apple.nextmedia.com/entertainment/art/20151028/19349850
與洪 永城 疑幻 幻似 似真 真翠 翠如 BB 解畫 他要 鬆開
PermaLink: https://articles.zkiz.com/?id=293520

【男女之間】如果你是唐詩詠?五招搞掂洪永城

1 : GS(14)@2015-11-01 23:13:35

最近城中熱話「每個男人心裡面都有一個黃翠如」,令女生們紛紛代入唐詩詠角色,幻想男友也有個紅顏知己一起吃飯宵夜去旅行應該怎樣做。有人選擇扮大方,亦有人勢要殲滅「情敵」,而研究兩性關係多年的愛情專家Tracey Steinberg就有以下五個建議給各位參考。1.和她成為好姐妹與翠如bb為敵只會令男友成磨心,不如改變策略和她變成好友,還可能會從她口中得知更多男友的事,不過最重要都是經營好與男友的感情,咁就打風都唔甩啦。2.相信他要記得,你才是他選擇的人,除了相信他,還要對自己有信心,醋程上身只會引起無謂爭吵,對你們的關係百害而無一利。3.理解他們的關係男人較易向女人透露自己的情感,與女性交流亦可使他們更了解異性,所以多數男人都愛有紅顏知己,但不代表他們有友情以外的瓜葛。4.相信自己的直覺專家Tracey指,如果有跡象顯示他們不止是好朋友,例如男友永遠不介紹你們認識,甚至和她調情比你更密,你便要小心。若你本身並不多疑也覺得事有蹊蹺,便應直接向男友了解。5.直接問他當發現有不妥時,切勿妄下定論,應坦誠向他提出疑問,了解他們的關係,例如二人之前有沒有約會過?還是真的視對方為兄妹?不過攤牌時記得要有真憑實據,不要自己憑空想像。記者:陳倢資料來源: cosmopolitan.com





來源: http://hk.apple.nextmedia.com/su ... t/20151101/19355413
男女 之間 如果 你是 唐詩 五招 搞掂 永城
PermaLink: https://articles.zkiz.com/?id=293643

蔡思貝傳嗒洪永城

1 : GS(14)@2016-01-22 16:27:28

■有指蔡思貝(左)介入洪永城與唐詩詠的戀情。資料圖片


蔡思貝早前捲入假學歷事件,仍被無綫力撐做小花,新一代無綫「發電機」的蔡思貝有半打觀音兵,不時與男藝員傳出緋聞。最近蔡思貝才暗認與「舞男」麥秋成拍拖兼同居,不過昨日有報道指她與洪永城因拍劇撻着,唐詩詠因此怒撇洪永城。報道更指蔡思貝和洪永城一齊放假相約做運動,洪永城之前在娛樂節目要搵伴玩滑翔傘,他第一個想起蔡思貝,到拍攝當日,又對女方照顧有加,BBQ期間洪永城更服侍周到,為蔡思貝燒雞翼,未知二人有冇兩份食呢?此舉令正印唐詩詠與洪永城鬧交,搞到分手兼搬離愛巢。撰文:非非





來源: http://hk.apple.nextmedia.com/entertainment/art/20160122/19461565
蔡思 思貝 貝傳 傳嗒 嗒洪 永城
PermaLink: https://articles.zkiz.com/?id=294798

洪永城拍拖變熟男

1 : GS(14)@2016-02-08 03:25:02

洪永城昨日獲品牌邀請,現身沙田分店擔任星級店員,大會又請到黃芷晴、林鈺洧及Super Girls成員Heidi出席。情人節將近,洪永城透露已安排好節目,不過女友唐詩詠日前卻稱未收到他的邀請,當日更可能要工作,洪永城表示:「係咩?等我同佢經理人check check佢個期先。」洪永城又稱留意到近來有關女友打扮漸趨開放的報道:「大家互相影響啦,佢而家有自己嘅處事方式,我都有受佢影響,變得成熟咗。」早前有指馬國明「撬牆腳」,洪永城笑言:「我邊夠馬明爭,總之一笑置之,都係吹水新聞。」採訪:曹家誠攝影:陳志嵐





來源: http://hk.apple.nextmedia.com/entertainment/art/20160206/19481658
永城 拍拖 變熟 熟男
PermaLink: https://articles.zkiz.com/?id=295494

洪永城忽現ViuTV

1 : GS(14)@2016-04-13 17:09:00

繼「坤哥」吳業坤日前倒米大讚新免費電視台ViuTV的節目有創意後,貴為無綫愛將的洪永城前晚被委以重任,以他主持的旅遊節目《在那遙遠的地方.古巴》,力撼ViuTV的《跟住矛盾去旅行》,會否再令無綫收視失守?留待下月初ViuTV公佈的收視成績自有分曉。不過事隔10多小時,即昨日下午2時半,竟然見到洪永城現身ViuTV,當時正播出他擔任主持的節目《食勻全中國》,莫非洪永城極速倒戈?原來洪永城未過檔無綫前,除了為有線拍過旅遊節目外,2008年曾轉投now TV,當時他主打做旅遊節目主持,包括《一個地球》及《食勻全中國》及遊戲節目《撳錢》主持,ViuTV目前主攻黃金時段的節目,在下午時分大多重播一些收費台自家製作的節目,結果變成洪永城VS洪永城。撰文:唐琛悠





來源: http://hk.apple.nextmedia.com/entertainment/art/20160413/19568477
永城 忽現 ViuTV
PermaLink: https://articles.zkiz.com/?id=299225

【旅遊籽】坐郵輪去古巴 唔使學洪永城嘅

1 : GS(14)@2016-05-08 01:45:36

古巴變天在望,人人趕在麥當勞和星巴克駕到前一睹鐵幕後風光,日前首隻美國郵輪終於到埗,睽違50年再度靠岸。坐郵輪玩古巴乃上上之策,原因有四:首先,古巴陸路發展相對落後,由首都夏灣拿到第二大城市聖地亞哥(Santiago de Cuba),足足要22小時車程,坐到腰骨都斷;其次是價錢,古巴酒店供應不足,雖然質素參差,但酒店價錢高踞不下,三來陸路旅遊,通常要報跨日數本地團,坐郵輪在不同港口可以有不同玩法,有時跟團,有時自遊行,彈性高得多,最後一點,對香港人也是最重要的,是船上提供Wi-Fi,雖然速度有限,但比在陸地上搜尋網絡肯定方便得多,起碼上到facebook先。以往MSC等郵輪也有古巴環島行程,不過多由古巴出發,如今美國郵輪Fathom重新啟航,以美國邁阿密作起點和終點,八天行程停靠三個主要城市,留在首都夏灣拿兩日一夜,船上八天食宿由18,000港元起。據官網資料,七、八月暫時尚有房間供應。記者:陶思敏資料圖片



古巴酒店供應短缺,Airbnb開放在即,不想為住宿頭痛坐郵輪最好。

Fathom於美國邁阿密出發和回程,八天環島遊索價18,000港元起。



來源: http://hk.apple.nextmedia.com/su ... t/20160506/19599492
旅遊 郵輪 古巴 唔使 使學 學洪 永城
PermaLink: https://articles.zkiz.com/?id=299799

馮仁昭四圍超:唐詩詠唔認洪永城求婚

1 : GS(14)@2016-05-21 17:49:41

資料圖片








洪永城被指以前拍拖都係玩票形式,成日掛住打機、睇波同去旅行,甚少計劃將來,但自從認識唐詩詠之後就改變咗,近年公開認愛,對外表示有意成家,就係想將唐詩詠「私有化」。噚日有報道指洪永城日前喺台灣向唐詩詠求婚,仲搜集資料睇人哋啲婚紗相,又研究外國搞婚宴,之但係唐詩詠冇即刻答應,洪永城亦未放棄,會再搵機會求婚。馮仁昭噚日問過唐詩詠,佢話:「冇啲咁嘅事。」撰文:馮仁昭





來源: http://hk.apple.nextmedia.com/entertainment/art/20160519/19617605
馮仁 仁昭 四圍 唐詩 詠唔 唔認 認洪 永城 求婚
PermaLink: https://articles.zkiz.com/?id=300731

嬲嬲豬無視男友係咁氹唐詩詠唔畀洪永城拖手

1 : GS(14)@2016-05-25 10:03:43

【嬲爆爆】■洪永城昨日與女友唐詩詠在銅鑼灣穿梭,不過唐詩詠最初面黑黑似乎有點嬲。DV圖片








【銅鑼灣】洪永城(Tony)與唐詩詠本月9日晚被本報拍到在西半山睇樓,似想買大屋築愛巢,昨日兩人又相約到銅鑼灣逛街。約下午5時左右,記者在希慎道發現兩人,當時唐詩詠正一臉不悅,面黑黑對住男友,而Tony就不斷說話,似在努力想氹回女友,但女友卻不瞅不睬。



【兩食檸檬】■洪永城落足嘴頭氹女友,甚至出手扶過馬路,但失敗而回。

■唐詩詠再度快閃,懶理洪永城好意。

■唐詩詠直到見到女性友人,才重拾笑容。



扶過馬路被拒

後來Tony與唐詩詠一起過馬路,Tony明知有記者在現場,仍企圖示好想扶女友過馬路,但詩詠卻加速步行避開,食了一次檸檬的Tony沒有放棄,之後第二度想捉住唐詩詠手過馬路,但女友可能還在生氣,未肯給他拖手,再度加速避開,令到Tony再一次食檸檬。不過,Tony唔忿氣,繼續說話氹對方,結果終於見到詩詠展露笑容,兩人又開始邊行邊說話。兩人之後走到附近一間餐廳,原來他們約了一位女性朋友喝咖啡,由於越來越多記者趕到現場不斷拍照,Tony僅坐了一會就先行離開。記者立刻上前追問是否要買大屋準備迎娶唐詩詠?他笑笑口說:「冇啲咁嘅事!」問他有否結婚計劃?他答:「暫時未有結婚打算。」再問他結婚會否請馬國明?他只笑沒回應,然後向記者揮手離開。事後記者打給洪永城,問他為甚麼激嬲女友?他回應:「冇呀!我哋好開心!佢冇嬲!可能影相角度問題,以為佢嬲啫!」



■翠如大談與男友蕭正楠同遊韓國,一樣甜蜜。

■關菊英與同性密友周偉利昨日亦在銅鑼灣行街。DV圖片



翠如拍拖返港

曾與洪永城傳緋聞的黃翠如前晚在九龍灣出席活動,同場還有唐詩詠老友馬國明。翠如BB早前跟男友蕭正楠同遊韓國,她表示不夠時間買衫,在旅行途中要洗衫替換,她強調跟男友是各自洗衫,雙方不會見到對方的內衣褲。馬國明被問到有傳洪永城向唐詩詠求婚,他表示跟洪永城不熟,亦未有聽聞唐詩詠提及此事,認為唐詩詠結婚自然會公佈。此外,關菊英與同性密友周偉利昨日在銅鑼灣行名店,兩人在店外見到有記者,菊姐都有微笑打招呼,然後與周偉利上車離去。採訪、攝影:徐錦池、非非





來源: http://hk.apple.nextmedia.com/entertainment/art/20160525/19625865
嬲嬲 嬲豬 無視 男友 係咁 咁氹 唐詩 詠唔 唔畀 畀洪 永城 拖手
PermaLink: https://articles.zkiz.com/?id=301454

馮仁昭四圍超:夜蒲黐實 自稱婚前派對洪永城舊愛纏身挑機唐詩詠

1 : GS(14)@2016-06-01 11:36:58

■唐詩詠係城中出名好女仔,唔知洪永城會唔會好好把握機會娶老婆。資料圖片








感情是非不絕嘅洪永城「浪子回頭」,遇上「不能錯過的女友」唐詩詠,自此修心養性努力工作,但係佢兩個公開戀情之後,花邊新聞仍然傳個不停。噚日又有報道話2012年洪永城同金融業女友Emily拍拖嗰陣,向鍾舒漫嘅形象指導Bird出擊,兩個人喜愛夜蒲經常結伴到蘭桂坊,最終因為Bird嘅介入,令洪永城同Emily分手。之不過洪永城同Bird戀情都係曇花一現,雖然係咁,佢哋一直保持聯絡,早前洪永城仲被發現孖住Bird出席友人派對,狀甚親密。



■Bird同洪永城有過短暫戀情,最近似乎愛火重燃。資料圖片

■洪永城當年被指搭上Bird,先導致同Emily(圖)分手。資料圖片



親暱叫「熊熊」

洪永城被指趁唐詩詠同馬國明去拍旅遊節目呢個空檔,約埋一班朋友去夜蒲,人腳入面包括Bird,而舊愛就全程黐到實,事後Bird仲擺相上網,自稱呢個係佢同洪永城嘅婚前派對,附上一張合照加心心圖案,下面有一條圖片說明「明天我要嫁畀你啦。」嘩!呢一下擺明係向唐詩詠挑戰喎!其實Bird同洪永城關係密切有迹可尋,每逢洪永城出騷整造型Bird都會貼相,人前人後又叫對方做「洪寶貝」或者「熊大人」,甚至更親密叫「熊熊」。呢啲超越男女關係嘅行為,已經響起警號,近月Bird速速刪走所有同「洪寶貝」嘅相,唔知係咪洪永城怕正印唐詩詠誤會,定係驚無綫扎棍,勸退舊愛放佢一馬。撰文:馮仁昭





來源: http://hk.apple.nextmedia.com/entertainment/art/20160601/19635635
馮仁 仁昭 四圍 夜蒲 蒲黐 黐實 自稱 婚前 派對 永城 舊愛 纏身 挑機 唐詩
PermaLink: https://articles.zkiz.com/?id=301609

洪永城被指翻撻舊愛Bird唐詩詠發功:唔會管住另一半

1 : GS(14)@2016-06-06 02:54:39

【維護男友】■唐詩詠昨日出席活動時,表示對男友洪永城給予百分百的信任,尊重對方的社交自由。


自唐詩詠和洪永城(Tony)公開關係,外界對緋聞不絕的洪永城改觀,不過,最近洪永城又出事,被指瞞住詩詠跟舊愛Bird Tse翻撻,令到詩詠嬲爆當街「攤牌」。昨日正印唐詩詠出席上環活動,不斷為洪永城拆彈,又向男友大派定心丸,給予對方百分之百的信任。



「係正常社交」

唐詩詠昨日接受訪問時,話題都是圍繞男友洪永城,她說:「其實好小事,花邊新聞,唔使咁緊張。」被指嬲爆匿埋喊,詩詠說:「我自己唔知,花邊新聞箒,Tony有講過話去飲嘢,呢啲係正常社交,我唔會太過去管住另一半,咁樣會辛苦自己,如果刻意去管住一個男人,關係都唔會長久。」洪永城舊愛Bird Tse在fb貼出跟洪永城合照,加心心emoji又寫上「明天我要嫁給你」,會否覺得對方向你挑戰?詩詠大方說:「我冇睇到呀,可能佢哋朋友自己啲inside joke,我自己唔評論。其實係正常社交,我自己都有男性朋友。」如果是正常社交,詩詠都可以約朋友去街?她說:「如果係嘅話,同另一半講都會尊重,但係我自己選擇冇特別咁做。」



【Ig放閃】■洪永城前日在Ig貼與唐詩詠合照,反擊一腳踏兩船的傳聞。

【挑釁正印】■有指Bird與洪永城夜蒲,公然向正印唐詩詠挑釁。資料圖片



男友洪永城被指花心緋聞多,但是詩詠偏偏投以信任一票,她說:「大家唔使咁多揣測,唔係咁嚴重嘅箒。」有人質疑是不是給予太多空間和自由?她說:「呢個係我嘅方法,成年人知道自己做乜嘢,唔需要特別講,互相尊重。」


■唐詩詠日前被指因洪永城翻撻舊愛而當街黑面。資料圖片


詩詠之後又為日前與男友被影到在銅鑼灣黑面一事解畫,她說:「當時我只係唔笑箒,嗰陣係嚇親同有啲受驚,一時間反應唔切,係美麗嘅誤會。」洪永城被指未能融入其朋友圈?詩詠說:「大家都係緊張我箒,未有機會介紹,我會安排吓!」昨日又有報道指Bird Tse在翻撻新聞曝光後,在Ig貼圖留言說:「I am everything you can't control」,Bird回應周刊報道時說:「我冇睇報道,我了解吓先。」採訪:曹家誠攝影:陳俊強





來源: http://hk.apple.nextmedia.com/entertainment/art/20160603/19638640
永城 被指 指翻 翻撻 舊愛 Bird 唐詩 詠發 發功 唔會 管住 一半
PermaLink: https://articles.zkiz.com/?id=301794

洪永城放閃 反擊被指偷食

1 : GS(14)@2016-06-06 03:03:10

■洪永城罕有貼與唐詩詠的合照,還留言表示好恩愛。


洪永城近日被指翻撻舊愛鍾舒漫形象指導Bird,在女友唐詩詠與契哥馬國明出埠拍旅遊節目時,相約Bird夜蒲,事後Bird貼相上網,自稱為洪永城搞婚前派對,但留言:「我要嫁畀你!」該報道更指詩詠為了此事,與洪永城在銅鑼灣街頭疑「攤牌」,詩詠更黑面走人。


■有指洪永城翻撻前女友Bird,二人醉爆合照。資料圖片


昨日洪永城終於在Instagram為事件解畫,他貼了一張與女友詩詠開餐的合照,詩詠拿着一條串燒,狀甚滿足,身後的洪永城咧嘴而笑,他留言:「黐線,我哋不知幾好。」洪永城放閃一小時已經接近萬個like,還有自稱花生友的黃翠如回應:「結婚啦!」撰文:非非





來源: http://hk.apple.nextmedia.com/entertainment/art/20160602/19637227
永城 放閃 反擊 被指 指偷 偷食
PermaLink: https://articles.zkiz.com/?id=301944

胞兄有明星相洪永城曾家住半山坐Benz出入

1 : GS(14)@2016-08-13 14:50:16

「每個人心裡面都有對黃翠如同洪永城」…曾以為洪永城同黃翠如係圈中最佳螢幕情侶,最終洪永城遇上「不能錯過的女友」唐詩詠,而翠如就搵到佢嘅Mr Right—蕭正楠。翠如爸爸黃永華早前公司喺創業板新股聯旺集團(8217)上巿,黃父身為大股東兼行政總裁,賬面身家億億聲,翠如BB頓時由慳妹變有錢女,蕭正楠被網民讚揀女友眼光獨到,洪永城則被寸走寶,之不過呢…洪永城家底本身都唔差㗎!洪永城母親係台灣人,早年營商,家境殷實,洪永城喺屋企排第二,10歲起被送去新西蘭留學,「因為我讀書太差,小學考第尾嗰種」,童年時算係有錢仔,但家道中落,「屋企(由半山)越搬越落,由羅便臣道、堅道、柏道,再到尖沙嘴、天后」,家人並非炒燶樓,純因經濟差,令生意失敗,連本來持有嘅物業都要變賣。屋企曾經富貴過,住過羅便臣道,有Benz車出車入,不過家境喺2002年變差,洪永城回港工作,其後透過HKU SPACE完成澳洲Curtin University嘅市場學課程,當年喺灣仔君悅酒店行畢業禮,媽咪及兄弟都有撐場支持。睇番洪永城嘅畢業相,佢胞兄都幾有型,甚有明星相。洪永城畢業後加入有線,成為有線娛樂台節目《活得很滋味》旅遊主持之一,2008年轉去Now又係做旅遊節目主持,洪永城2012年再轉投無綫。




來源: http://hk.apple.nextmedia.com/entertainment/art/20160812/19733201
胞兄 有明星 相洪 永城 曾家 半山 Benz 出入
PermaLink: https://articles.zkiz.com/?id=305542

浪漫3粒鐘 忽然面左左洪永城攬翠如 摩天輪談情

1 : GS(14)@2016-08-13 14:50:18

【嬲嬲豬】■翠如BB突然黑面,洪永城似乎很無奈。DV圖片





【中環】洪永城與黃翠如在現實中各自有另一半,前者與唐詩詠拍拖,翠如BB則與蕭正楠感情相當穩定,二人私底下感情似足兄弟,不過無綫依然愛將二人塑造成公仔箱情侶,再開劇給他們扮情人。大前日黃昏時段,洪永城與翠如BB現身中環海濱旁的摩天輪取景拍劇,身穿墨綠色恤衫及卡其褲打扮的洪永城抵達,他率先與工作人員研究及睇劇本作準備,之後一身白恤衫、短裙的OL打扮的翠如BB亦加入拍攝。翠如BB、洪永城與工作人員齊進入摩天輪車廂埋位,其間二人戲份似情侶交流,見翠如BB挨着洪永城心口,而洪永城亦搭着她的膊頭,兩人甚有默契笑笑口談情,亦有拍一些有點面左左沒交流的鏡頭,演得相當投入。



【攬到實】■洪永城擁着翠如BB,在摩天輪上欣賞夜景。DV圖片

【傾唔完】■黃翠如與洪永城大前日現身中環海濱。DV圖片

【孖住走】


蕭正楠拒拍

一停機時,翠如BB與洪永城又各自埋首讀劇本,整個工作團體用了近3小時完成拍攝,之後便走人返回化妝車。當中翠如在摩天輪車廂中和工作人員影大合照,之後更貼相上微博分享。其男友蕭正楠即留言「幸福摩天輪」,翠如亦回贈他一句「邊個話帶我去」,二人在打情罵俏。據悉,洪永城與翠如BB正拍攝無綫新劇《我暪結婚了》,飾演一對夫婦,因各自在敵對公司工作,加上要供樓不可以辭工,惟有扮單身。於劇中,翠如BB上司黃浩然會有力追她的情節,監製更想搞噱頭搵「正印」的蕭正楠來飾演,不過他火速婉拒,避免將戀情當宣傳。採訪、攝影:楊浩賢、陳辰




來源: http://hk.apple.nextmedia.com/entertainment/art/20160812/19732499
浪漫 粒鐘 忽然 面左 左左 左洪 永城 攬翠 翠如 摩天輪 摩天 談情
PermaLink: https://articles.zkiz.com/?id=305543

曾全裸「惡鬥」洋妞洪永城要剪毛搣膠紙

1 : GS(14)@2016-08-13 14:50:19

洪永城(Tony)以30歲有線出道,08年轉投now,由於洪永城做旅行主持一向好瞓身,2009年洪永城為now去西班牙拍旅遊節目《一個地球》解構畢加索裸體抽象畫,導演要求洪永城全裸上陣扮畢加索名畫造型,同外籍model肉帛相見演「爆房」。洪永城當時去畢加索博物館,導演睇啲畫就問點解全部都裸露,跟手就喺當地book咗間酒店房,「四條友連埋兩個西班牙女仔玩6P咁上去」,扮畫入面嘅動作,譬如個公仔摸女人胸,洪永城就摸住,佢都講過拍攝時有啲尷尬,有啲位置要貼膠紙封住,驚有任何反應,拍完要剪毛先搣到膠布,全裸演出,令佢終身難忘。佢講過自己好處係冇底線,全裸係噱頭嘢,節目已冇乜人睇,唔做番啲嘢吸引人睇更加冇人知,開心咪去囉,有好效果就得,認真夠晒搏!後嚟於2011年拍now《食勻全中國》又係全裸上陣,介紹洛陽浴堂。




來源: http://hk.apple.nextmedia.com/entertainment/art/20160812/19733229
曾全 全裸 惡鬥 洋妞 妞洪 永城 剪毛 膠紙
PermaLink: https://articles.zkiz.com/?id=305545

為阻馬明埋身 洪永城做阿四日夜黐實唐詩詠

1 : GS(14)@2016-08-17 08:01:30

「不能錯過的女友」唐詩詠…雖然同洪永城拍拖直今,早幾個月傳過洪永城趁女友唔喺香港,翻撻舊愛,令唐詩詠嬲嬲,幾經辛苦o氹番女友,兼晒合照力證情不變,不過外界一直覺得佢跟契哥馬國明襯啲,馬明出席公開場合亦不時讚唐詩詠係一個好女仔,昨日有周刊指,洪永城都呷醋,唔止多咗喺網上提起女友,即使要開工,都去探女友班。據報道指,唐詩詠因為要照顧年老嘅爸爸,拍拖初時只係間唔中去洪永城位於西貢嘅屋企過夜,有傳係洪永城同時要趕開工,喺男友哀求下,唐詩詠亦多咗去西貢新居留宿,而且洪永城為咗趕絕情敵,就算開完工幾攰,佢都照陪唐詩詠去睇戲、上月仲一齊睇林海峰talk騷,盛傳馬明有時會去片場探唐詩詠,甚至接收工,洪永城為阻馬明,早前見女友喺將軍澳廣場拍外景,洪永城忽然去探班,全程照顧女友,又摸唐詩詠頭髮、主動為女友拎手袋,又幫女友影相,發現有記者,唐詩詠即叫男友走先。另洪永城亦愛屋及烏,知唐詩詠係孝順乖乖女,就連唐詩詠嘅親友都照顧埋,上周五朝早6點揸車去接唐詩詠嘅親友,先再返屋企休息。




來源: http://hk.apple.nextmedia.com/entertainment/art/20160817/19739835
為阻 阻馬 馬明 明埋 埋身 永城 做阿 阿四 日夜 黐實 唐詩
PermaLink: https://articles.zkiz.com/?id=306252

繁忙時間巴士站拍劇勁NG累街坊危險上落車 洪永城耍冧

1 : GS(14)@2016-08-21 08:11:02

■洪永城在街上拍一場邊行邊想然後儍笑的戲份,但NG多次始完成。





【大前晚 西環】無綫劇集在公眾地方拍外景,不時引起公眾不便,日前洪永城於西環拍《我瞞結婚了》時,外景隊就佔用其中一條行車線,令巴士難以埋站,乘客要冒險在馬路落車,加上洪永城演技唔掂頻NG令拍攝時間延長,令更多街坊受到影響。對此洪永城向街坊致歉說:「同街坊講聲唔好意思。」並揚言有機會會到西環跟街坊影相補番數。



無綫小生花旦買少見少,為填補不足,惟有急推一眾演技未夠班的藝人上位,包括本來擅於拍旅遊節目的洪永城,拍劇僅年多的他去年在《張保仔》升做男一,結果被網民狠批演技唔掂,甚至封他為史上最差男主角。不過,縱使洪永城演技不濟,但在無綫最強後盾余詠珊力撐下,無阻他的男主角之路,在近日開拍的新劇《我瞞結婚了》中繼續擔正男一,與黃翠如飾演一對秘密夫妻。大前晚,洪永城在西環拍攝該劇外景,結果又因為演技不濟頻NG而累街坊。



【佔用馬路】■無綫大前晚在西環取景拍劇,因佔用一條行車線,令巴士難以埋站,對乘客上落車造成不便。

【無法埋站】■因無綫外景隊阻路,巴士無法埋站,乘客要在路中上落。


導演教演技

大前晚7時半左右,洪永城於西環皇后大道西取景,外景隊佔用了一條行車線,位置正處於巴士站。無綫攝製隊站在馬路上拍攝,因而令巴士難以埋站,乘客亦要於馬路落車。雖然無綫在公眾地方進行拍攝理應會向相關部門申請,但因當時正值放工時間,交通比較繁忙,無綫佔用了一條行車線,無疑令交通變得更擠塞,加上洪永城頻頻NG導致拍攝時間延長,結果對公眾更加造成不便。記者現場所見,當晚劇情講述洪永城在街上邊行邊想事情,其間他一度自high甜笑,並行到街口回頭一望。沒想到如此簡單情節,洪永城拍了8、9次也未如理想,最終要由導演教路及工作人員給意見,洪永城始順利完成一個場口,一個鏡頭拍足半小時,可見洪永城演技方面要多加注意磨練。



■另一場戲要拍洪永城入店內買粥。

■NG了8、9次,洪永城露尷尬表情。

■不用埋位時,髮型師為洪永城整理頭髮。

之後,劇組拍攝洪永城到粥店買外賣鏡頭,未知他是太熱還是擔心再NG關係,等埋位時一度大汗淋漓,不停用紙巾抹汗,最終洪永城拍了3、4次便完成收工,比之前一個鏡頭大有進步。而拍攝期間引來不少途人圍觀,有市民跟洪永城打招呼,洪永城亦笑住點頭回敬。



■劇中飾演秘密夫妻的洪永城與黃翠如,日前在中環摩天輪取景。資料圖片

道歉補番數

記者前日致電洪永城,對於拍攝阻街坊一事,他語帶歉意說:「我哋係喺西環嘅巴士站拍攝,但當時唔為意阻住啲街坊,可能當時專注於拍攝嘅情緒,冇為意到旁邊有冇阻住到其他巴士,當時我拍攝嘅時候係喺行人路嘅,但係我相信我哋嘅工作人員係禮貌。我哋冇俾途人鬧,不過就真係可能霸佔咗少少位置,同大家街坊講聲唔好意思先,有機會就去番西環同啲街坊影相補番數。」採訪、攝影:黃曉程、羅德光、何慧斯




來源: http://hk.apple.nextmedia.com/entertainment/art/20160821/19744161
繁忙 時間 巴士站 巴士 拍劇 劇勁 NG 街坊 危險 上落 落車 永城
PermaLink: https://articles.zkiz.com/?id=306734


ZKIZ Archives @ 2019