ZKIZ Archives


因小失大偏心童菲謝婷婷王晶一拍兩散

2012-10-04 NM



千揀萬揀,最終決定簽王晶的謝婷婷,三年經理人合約終於屆滿,今年初開始,王晶多番挽留,卻未有成功留低婷婷。當初講明要力捧對方成為新一代打女,雖然王晶未有兌現期票,但一直是活動寵兒的婷婷,本著是公司金蛋,加上王晶擺明偏心童菲,決定外闖;還將王晶得力助手一併撬走,一拍兩散。多多錢無用

上週三晚(九月二十六日),已回覆自由身的謝婷婷出席「關注乳癌運動」二十週年活動,對外傳甩王晶後會跟隨謝霆鋒簽約英皇,她斷然否認,更強調若再簽經理人公司,首要條件最緊要「夾」,否則多多錢都無用。謝婷婷並非信口開河,而是有感而發。據瞭解,三年前正式全身投入娛樂圈的婷婷,在多間公司中敲定王晶,只因對方承諾三年五部戲、力捧做打女的條件。「婷婷喺公司三年,到而家都係拍得三部戲,第一部《李小龍》,係文雋公司開嘅,之後拍嘅《猛鬼愛情故事》,婷婷根本唔鍾意個劇本,覺得個角色唔係咁適合佢,加上套戲係兩個故事佢只佔其中一個,所以拍得唔係咁開心。到最後一部《絕色武器》,話曬第一次孭重飛,但公司宣傳唔係好多。相比起童菲出寫真集,王晶搵咁多人撐場,出曬力做宣傳,佢覺得公司好大細超。」知情者說。

力谷晶女郎

新寵童菲今年六月出寫真集,王晶掟近百萬,連巴士都做埋廣告,記者會當日又嗌齊錢國偉、葉念琛撐場,出曬力。「婷婷覺得自己唔受重視。老實講,近年佢出好多活動同接美容廣告,騷價八萬蚊起跳,其本上佢一個人嘅收入,已經可以養起成間經理人公司,但啲資源就集中曬喺童菲身上,好似公司開《大上海》,有周潤發、黃曉明,都係俾童菲擔正女主角,所以佢覺得公司好偏心。」謝婷婷不願留低,更將一直幫她的經理人及女助手帶埋走。「婷婷走咗冇耐,啲人就跟住辭職,個助手而家都有跟住婷婷出嚟,所以晶哥都有啲嬲。」一名公司員工說。

反枱收場

藝人和公司、經理人反面,甚至公開互相指摘,不歡而散的例子比比皆是,嚴重的甚至對簿公堂,無回頭!

謝安琪300萬贖身

因經理人夏森美跟環球關係惡劣,加上四大唱片歌手絕跡無線,繼而吳雨霏加盟環球坐正,謝安琪事業雪上加霜,為免坐以待斃,最終以三百萬贖身費解約。

農夫演唱會難產

本來講好今年八月開騷,但臨開騷前突然以門票滯銷宣佈取消演唱會,令農夫和經理人對星煥唱片極度不滿,雖然離滿約日子不遠,仍決定長痛不如短痛,提早解約。

Solar打足六年官司

孖仔樂隊Solar早於06年跟蜂鳥唱片關係變壞,07年自立門戶,結果遭對方入稟要求賠償,最後Solar被判賠償505萬,兩人上訴亦被駁回,月前蜂鳥再入稟,索取Solar財務資料,雙方打足六年官司。

 
因小 小失 失大 偏心 菲謝 婷婷 王晶 一拍 拍兩 兩散
PermaLink: https://articles.zkiz.com/?id=38239

婷婷唔知阿哥戀事

1 : GS(14)@2014-09-22 22:20:56



謝霆鋒與王菲復合,身為霆鋒胞妹的謝婷婷自然成為傳媒追訪目標。婷婷於香港時間前晚在意大利維羅納欣賞內衣品牌INTIMISSIMI冰上時裝滙演,對於鋒菲復合,婷婷暫時對事件不作回應,就算問她對王菲的印象,婷婷也表示回港後再談。婷婷表示,大部份時間不在香港,她之後還會繼續在外地工作,待回港時會跟哥哥了解事件,看來連親如胞妹的婷婷也不知情。記者昨日致電聯絡霆鋒母親狄波拉,但她一直將電話關上。此外,前晚出席時裝滙演還有葡萄牙球星基斯坦奴朗拿度的俄羅斯模特兒女友Irina Shayk和榮文蔚等等。撰文:白白



【動LIVE】萬人罷課 蘋果全程直播:和平佔中: http://occupycentral.appledaily.com
YouTube: http://bit.ly/occupycentral




來源: http://hk.apple.nextmedia.com/entertainment/art/20140922/18874133
婷婷 婷唔 唔知 阿哥 戀事
PermaLink: https://articles.zkiz.com/?id=285691

婷婷透視闖意大利

1 : GS(14)@2016-04-12 18:16:14

謝婷婷日前飛往意大利維也納出席一個泳衣品牌舉行的「2016春夏泳衣騷」,同場仲有日本名模道端Jessica、美國名模Ana Sofia Martins、巴日混血名模Emi Renate Sakamoto等等。身材高䠷的婷婷雖然沒有穿上火辣三點式,但她以laser cut通花上衣透黑bra配貼身皮褲現身,型格十足。婷婷表示很開心可以參與這麼大型的泳衣騷,更直言會緊貼最新一季的泳裝潮流。活動後,婷婷在當地多留兩天遊玩,品嚐意大利美食,之後再往威尼斯玩,婷婷當然會坐威尼斯著名的貢多拉船欣賞水都迷人景色。撰文:黃曉妍





來源: http://hk.apple.nextmedia.com/entertainment/art/20160412/19567315
婷婷 透視 意大利
PermaLink: https://articles.zkiz.com/?id=299102

謝婷婷瞓身演繹JLC X紅底鞋王鑽錶

1 : GS(14)@2016-06-06 03:17:46

紅底鞋王Christian Louboutin年前踩入美容界,推出甲油名唇膏系列,大受歡迎,最近又踩入鐘錶界,為慶祝積家錶的主打Reverso系列誕生85週年,特別與紅底鞋王Christian Louboutin聯乘,為經典系統設計腕錶帶,品牌更邀請謝婷婷為新錶拍攝新一輯照片。婷婷以便服look和晚裝look示人,其中更以喱士bra top瞓身演繹新錶,謝婷婷說:「作為Christian Louboutin的忠實粉絲,這次他與積家的合作,看到他為Reverso翻轉系列腕錶所注入的獨特鮮明個性,實在令人眼前一亮。」更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160605/19642086
謝婷 婷婷 演繹 JLC 紅底 鞋王 鑽錶
PermaLink: https://articles.zkiz.com/?id=302064

已換季!婷婷、法拉齊挽Tod\\

1 : GS(14)@2016-08-18 06:04:32

謝婷婷星期一於Instagram上戴了每日一look的靚相,穿上休閒白tee襯黑色半截裙,孭了sharp色的Tod's秋冬Double T新袋,為平淡的造型更添色彩;另一邊廂,陳法拉與黃子華演出的舞台劇《前度》日前終於圓滿結束,二人完騷後拉隊到銅鑼灣慶功,法拉當日手挽Tod's秋冬款的Wave Bag,新袋有織皮及tassel等細節,容量特大,加上紅黑白三色,夠晒搶眼。




來源: http://hk.apple.nextmedia.com/entertainment/art/20160818/19741060
換季 婷婷 婷、 法拉 齊挽 Tod
PermaLink: https://articles.zkiz.com/?id=306386

【馮仁昭四圍超】婷婷拍偉仔易入戲

1 : GS(14)@2016-09-14 05:52:18

謝婷婷噚日到中環出席活動,剛過了34歲生日嘅佢,笑言每年工作中度過生日係最開心,早前到意大利拍電影《歐洲攻略》外景,生日正日返港都要為品牌展開拍攝工作,但好開心父母去探班送驚喜。佢透露新戲會同梁朝偉合作:「第一次合作,每一場都有少少驚喜,佢係演技派,對住佢好易入戲,我成日都睇佢做戲,偷吓師嘛。」撰文:馮仁昭




來源: http://hk.apple.nextmedia.com/entertainment/art/20160914/19769842
馮仁 仁昭 四圍 婷婷 婷拍 拍偉 偉仔 仔易 易入 入戲
PermaLink: https://articles.zkiz.com/?id=309065

謝洛美載謝婷婷兜風

1 : GS(14)@2016-12-10 03:45:35

在荷李活電影《復仇者聯盟》(The Avengers)系列中演「鷹眼」的謝洛美維納(Jeremy Renner),早前來港,連日透過Instagram分享在港行蹤。謝洛美獲王敏德親自駕駛直升機飽覽維港景色,又跟謝婷婷約會,由她做導遊帶謝洛美品嚐香港美食,而謝洛美就駕着電單車載婷婷穿梭尖沙嘴跟中環鬧市,作為回報,婷婷亦大方在Instagram公開片段。謝洛美除放上坐鐵騎的英姿照片外,更去睇馬騮,十分充實。婷婷正在上海拍攝馬楚成導演的《歐洲攻略》,昨日透過助手回應表示:「而家拍緊戲,唔回覆住嘞。」採訪:李森




來源: http://hk.apple.nextmedia.com/entertainment/art/20161209/19859239
洛美 載謝 謝婷 婷婷 兜風
PermaLink: https://articles.zkiz.com/?id=318937

婷婷清楚謝洛美行蹤

1 : GS(14)@2016-12-17 23:54:36

謝婷婷跟「鷹眼」謝洛美維納(Jeremy Renner)傳緋聞,婷婷前晚在上海出席Max Mara時裝騷,被追問緋聞時,她哈哈大笑:「唔講佢喇!聖誕應該唔會有機會見到,佢要陪個女,佢有個BB女。而家講乜都太早,我哋都有keep住聯絡。」問婷婷拍拖會否公開?她說:「每段感情係睇對方嘅意願,為咗唔想有磨擦,等大家有共識之後再決定處理方法。」會否閃婚?她說:「唔會,我做呢啲嘢一定會同爹哋媽咪講,而家工作好忙,未有心理準備要結婚。」婷婷表示不會看王菲演唱會,因為她在香港拍廣告,她說:「身邊好多人都問我有冇飛,我淨係知個package好靚。」採訪、攝影:曾小嘉




來源: http://hk.apple.nextmedia.com/entertainment/art/20161217/19867805
婷婷 清楚 洛美 行蹤
PermaLink: https://articles.zkiz.com/?id=319372

謝婷婷聞鷹眼冧笑

1 : GS(14)@2017-01-14 07:54:36

謝婷婷、Ana R.及鄧愛嘉等昨晚到深水埗出席設計系學生時裝表演,着黑色透視裝性感登場的婷婷,最近跟荷李活影星「鷹眼」謝洛美維拿(Jeremy Renner)傳緋聞,早前她在社交網貼相講生日快樂,問是否祝福鷹眼?婷婷甜笑說:「係呀,正日都有同佢講happy birthday。」問到有否進一步發展?婷婷說:「要慢慢做吓朋友先。佢喺美國冇同佢慶祝,同佢講咗自己工作唔得閒,下年生日先再慶祝。」提到鷹眼就快有新戲上,她說:「係呀,但冇請我睇首映,佢都好多戲上,自己過年都有好多嘢做,冇計劃見面,情人節都要做嘢。」採訪:王連連攝影:沈健程


「鷹眼」謝洛美維拿資料圖片

■剛宣佈懷孕的鄧愛嘉(右)跟人母Ana R.交流陀B心得。



來源: http://hk.apple.nextmedia.com/entertainment/art/20170113/19894826
謝婷 婷婷 婷聞 聞鷹 鷹眼
PermaLink: https://articles.zkiz.com/?id=322527

婷婷洛杉磯密會鷹眼

1 : GS(14)@2017-02-18 00:51:26

【紐約直擊】謝婷婷於香港時間前晚現身紐約的Michael Kors2017秋冬時裝展,被問到會否跟緋聞男友「鷹眼」謝洛美維拿(Jeremy Renner)見面?她坦言對方身在洛杉磯,自己剛由洛杉磯到紐約,追問是否見過鷹眼?她甜笑認:「係呀。」是否一起慶祝情人節?她含蓄說:「冇,噚日係情人節,我噚日已經到紐約啦。」



■婷婷承認去紐約前,見過「鷹眼」謝洛美維拿。資料圖片

問二人是發展中還是男女朋友關係?婷婷甜笑說:「唔答,嘻嘻!」遠距離戀愛是否好難?她說:「我唔覺,但?家好專心做嘢,細個真係拍拖重要,大個越嚟越愛我嘅工作。」同場還有碧琪麗芙莉(Blake Lively)花碌碌靚爆撐場。採訪:林嘉慈




來源: http://hk.apple.nextmedia.com/entertainment/art/20170217/19930476
婷婷 洛杉磯 密會 會鷹 鷹眼
PermaLink: https://articles.zkiz.com/?id=326757

【馮仁昭四圍超】婷婷認戀鷹眼 已見家長

1 : GS(14)@2017-03-03 00:54:38

■謝婷婷噚晚冧笑話早前喺美國同鷹眼家長見面。





現年34歲嘅謝婷婷噚晚同周嘉玲、曾昭亮以及姚書軼等,到中環出席美容產品發佈會。婷婷話剛喺美國洛杉磯返港,問佢有冇同46歲嘅「鷹眼」謝洛美維拿(Jeremy Renner)見面,佢全程甜笑,啱啱過去嘅情人節係咪同鷹眼度過?婷婷話:「冇特別慶祝,情人節前夕見過面。」發展成點?佢話:「唔好咁快,畀多啲時間,就係爭時間。」



■婷婷話鷹眼支持佢喺美國發展。資料圖片

支持留美發展

婷婷又話男友非常支持佢喺美國發展:「喺LA識咗好多人,有進步,搵到一間演藝學校,私人教做戲,我估嗰邊生活適合我多啲。」佢透露曾經見過鷹眼嘅家長,雖然兩個人年齡相差十二年,但無阻發展,佢話:「我自己比實際年紀成熟。」另外,懷胎七個月嘅曾昭亮,踩住三吋高踭鞋,表示預產期係下月尾。撰文:馮仁昭




來源: http://hk.apple.nextmedia.com/entertainment/art/20170301/19943018
馮仁 仁昭 四圍 婷婷 婷認 認戀 戀鷹 鷹眼 已見 家長
PermaLink: https://articles.zkiz.com/?id=327315

谷胸徐子淇收細仔禮物心甜婷婷爆霆鋒唔激得「怕佢為證明去結婚」

1 : GS(14)@2017-05-14 10:50:57

■謝婷婷未有看過該宋祖德食狗屎新聞,但諗起都反胃。



徐子淇、關之琳(之之)、謝婷婷、宋芸樺和白歆惠等前晚雲集將軍澳邵氏影城出席卡地亞派對。身穿白色低胸晚裝的徐子淇,谷胸上陣,問到出門前有否給老公李家誠過目?徐子淇說:「OK嘅,今晚大家party嘛,輕鬆啲。」今日母親節,徐子淇會跟媽咪、奶奶和一家大細一齊過,她說:「細仔喺學校自己整咗個相架,有佢張相同手印,係第一份禮物,好開心好甜!」謝婷婷被問到內地評論員宋祖德指謝霆鋒和王菲已分手,如消息是假,會食400克狗屎。婷婷未有看過該新聞,她說:「吓,好激喎!咁絕嘅,我唔鍾意,咁奇怪,自己唔想睇,佢係咪真係咁鍾意食呢啲嘢,我真係怕阿哥為咗證明一齊,真係走去結婚,唔好講,諗起都反胃。」



■關之琳和卡地亞北亞洲區域行政總裁Nigel Luk在派對上碰面。

■徐子淇前晚穿上白色低胸晚裝出席邵氏影城舉行的卡地亞派對。


「上月見到佢哋」

問婷婷知否霆鋒跟阿菲的感情如何?她說:「上一個月見到佢哋一齊都very good。」婷婷被爸爸謝賢催婚,她表明不想結婚,她說:「佢成日都話我老㗎啦,其實係佢想我快啲結婚啫!我覺得冇乜必要。」她指男友「鷹眼」Jeremy四歲女兒跟她很好,大讚男友女兒獨立。前日Quintus生日,婷婷表示有出席生日會,昨日張栢芝老友張文慈在微博貼生日會相,透露有過百小朋友參加。在玩遊戲時,哥哥Lucas輸了要受罰被搽cream,壽星仔Quintus衝出要為哥哥擋駕。



■謝霆鋒跟王菲(右)上月與謝婷婷見過面。資料圖片

■Lucas(右)玩遊戲時輸了要受罰,壽星仔Quintus為哥哥擋駕。微博圖片


之之陪母飲茶

有份出席派對的之之,問她母親節是否跟媽咪過?她說:「哎呀,我媽咪好忙㗎!佢要打麻雀,都係自己過,可能嗰日同佢飲茶。」同場的台灣女星白歆惠嫁香港富商後定居香港,提到與兒子的第一個母親節怎樣過?她說:「簡單一家三口吃飯,真的好棒,他最近在playgroup打了腳印送給我,收到時都掉眼淚。」採訪:羅慧敏攝影:仇志德、陳順禎




來源: http://hk.apple.nextmedia.com/entertainment/art/20170514/20020485
谷胸 胸徐 徐子 子淇 淇收 收細 細仔 禮物 心甜 婷婷 婷爆 爆霆 霆鋒 鋒唔 唔激 激得 怕佢 佢為 證明 結婚
PermaLink: https://articles.zkiz.com/?id=332965

婷婷爆鷹眼投訴少見面

1 : GS(14)@2017-06-25 09:31:23

■謝婷婷自爆早前飛LA陪鷹眼練歌。



謝婷婷、薛芷倫及馬詩慧等昨晚現身中環四季酒店出席護膚活動,婷婷提到與緋聞男友「鷹眼」謝洛美維拿(Jeremy Renner)的拍拖生活,她沒否認戀情:「我喺LA嗰邊,專心返學,有時間見面,喺屋企睇吓戲,食吓飯,佢都專心佢嘅音樂,會唱歌、彈琴、彈結他,佢練緊嗰時我會專心聽。」二人分隔兩地,會否夾時間見?她表示:「我冇提議,自己工作為先,都唔知佢支唔支持,有時佢覺得我只係工作唔理佢,但自己搏殺期,唔想做嘢分心,隔咁遠都係好,感覺佢想有個人喺身邊想穩定。」



■薛芷倫指對於被「L太」捽面一事已放下。

另外,薛芷倫早前在節目提到癌病康復後在社交活動被「L太」捽面,她表示:「如果透過電視有人講畀佢知,做呢件事情傷害咗我,我唔怪責佢,係想正面訊息講,生病係應該俾人關心,唔係做一啲行為傷害人。」採訪:羅慧敏攝影:沈健程




來源: http://hk.apple.nextmedia.com/entertainment/art/20170624/20066692
婷婷 婷爆 爆鷹 鷹眼 投訴 見面
PermaLink: https://articles.zkiz.com/?id=336771

婷婷唔認鷹眼:冇拍拖

1 : GS(14)@2017-07-07 01:33:02

謝婷婷昨日現身尖沙嘴出席美容活動,最近去日本小休,未有看爸爸謝賢的新劇,她說:「我覺得佢係型。」提到謝賢在訪問講謝霆鋒離婚而落淚,她說:「吓!唔好話畀我聽佢喊,佢喊我又喊,因為都唔係一件開心嘅事,平時聽到一個男人傷心,尤其係爸爸,佢咁堅強、cool同sweet,又多笑容,自己都忍唔住。」婷婷直言霆鋒離婚改變她對婚姻睇法:「?家可能有啲影響,只要愛大家就得,唔使結婚。」問到會否影響與鷹眼謝洛美維納(Jeremy Renner)結婚?婷婷改口風:「佢唔係我男友,我哋冇真正拍拖,我冇認過。」採訪:羅慧敏攝影:葉君海




來源: http://hk.apple.nextmedia.com/entertainment/art/20170706/20079947
婷婷 婷唔 唔認 認鷹 鷹眼 拍拖
PermaLink: https://articles.zkiz.com/?id=338199

婷婷等鷹眼確定

1 : GS(14)@2017-07-09 03:39:12

謝婷婷上月高調默認與「鷹眼」謝洛美維拿(Jeremy Renner)拍拖,惟之後男方傳有正印女友,日前婷婷再改口指兩人沒真正拍拖。婷婷前晚出席品牌活動,問到鷹眼近日手部受傷時,她卻以曖昧關係形容兩人的感情狀況,究竟二人是甚麼關係?婷婷笑言:「同鷹眼嘅關係冇改變,不過見大家咁關心我哋嘅狀況,所以今日都有text佢,問吓佢隻手傷成點,佢話仲係好痛。」她直言享受這種曖昧關係,又透露鷹眼兩次問她為何不承認其「男友」身份,婷婷續笑道:「其實英文有好多種,見到隻狗可以係I love you,小朋友同好友都可以係I love you,唔會無啦啦未得對方承認之下,去認呢個男友身份同關係!」採訪、攝影:卓寶花




來源: http://hk.apple.nextmedia.com/entertainment/art/20170708/20082352
婷婷 婷等 等鷹 鷹眼 確定
PermaLink: https://articles.zkiz.com/?id=338500

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019