ZKIZ Archives


中環在線:「小股東」咬住新地唔放 李華華


2009-01-13  AppleDaily


 

新鴻基地產(016)小股東真係好緊張新地嘅企業管治問題。繼上星期三有人以「新地小股東」名義喺報章登廣告,寫咗封公開信畀新地董事局,要求公開企業管治檢討報告後,噚日再登廣告,要求4位新地獨立非執董跟進單嘢,並再次促請新地董事局公開份報告。

促公開企管檢討報告

點 解小股東咁鍥而不捨?事緣前主席郭炳湘舊年質疑新地嘅招標同買地程序,新地跟住搵會計師行做企業管治檢討,執行董事黃奕鑑上月喺股東會後主動話,個報告做 好嘞,公司企管冇問題咁話。呢位好有心嘅新地小股東,上周三首次喺報章登廣告,要求新地公開份報告後,新地只做咗個簡單回應,基本上冇理佢。於是佢再登多 次廣告。今次新地直情唔回應o忝,話唔再評論。唉,農曆新年就快到,唔知單嘢要拖幾耐呢?
中環 在線 股東 咬住 住新 新地 地唔 唔放 華華
PermaLink: https://articles.zkiz.com/?id=5256

中環在線:瑞銀咬住利豐唔放再出報告插一刀指投資者失望 李華華


2011-6-30 AD




 

寃寃相報到底何時了,UBS瑞銀大戰利豐(494)到底幾時完?

瑞銀分析員梁裕昌Spencer早排出報告,插利豐兼叫人沽利豐,罕有地令向來低調嘅利豐即刻還手兼還口,喺聯交所出通告反駁兼搞壇大龍鳳策略日同分析員解話。

股價應聲跌3%

策略日上利豐仲號稱有5單收購嚟緊,真情剖白打動咗好多大行分析員輪流出報告「挺豐」,但似乎瑞銀同Spencer真係不為所動,噚日竟然再出招突擊!

噚日嗰份新鮮熱辣嘅報告話,「部份大型供應商考慮離開會拖累產品質素」,去到最後附錄嘅Q&A,再插多一刀「投資者對管理層冇直接回答問題感到失望……」,而佢哋畀利豐嘅目標價繼續係得9蚊!

相比起瑞銀第一次狠插利豐嗰份報告,話「併購表現如果唔達標,反而可帶來豐厚嘅非現金賬面收益」同「併購模式無法持續……」,呢份報告嘅殺傷力都唔輕。

噚日,利豐股價就應聲跌咗3%,收$15.78!

「瑞豐鬥」唔知幾時完

雙方拳來腳往到底發生咩事,相信只有佢哋自己至知,而照o依家最新嘅發展嚟睇,瑞銀應該係咬住利豐唔放,而利豐又應該諗緊計還手,咁搞落去,呢單「瑞豐鬥」分分鐘長命過娛樂版嘅「鋒芝變」都唔定呢!

李華華


中環 在線 瑞銀 咬住 利豐 唔放 放再 再出 報告 插一 一刀 刀指 投資者 投資 失望 華華
PermaLink: https://articles.zkiz.com/?id=26014

咬住唔放黃國強黃偉強

2014-11-20  NM
 
 

 

香港電視的開台劇《選戰》,予人諸多幻想:香港人終於可以一人一票選特首,而且是有競爭、有選擇那種。香港第一個女特首,是李心潔,而非林鄭或葉劉。公仔箱本應是個夢工場。做這場春秋大夢的,有兩兄弟。大哥黃國強是總導演,細佬黃偉強是編審。兩人自小電視撈飯,八九年齊齊加入TVB。大台深似海,一編一導廿多年來從沒相遇,直至跳槽到港視,《選戰》是他倆首度合作。「TVB無論拍醫生律師飛機師,都係同一個tone:輕輕鬆鬆鄧梓峰。我哋(港視)成日強調,套劇要講乜?要咬住嚟講,唔放過佢。」黃偉強話,李心潔老公有小三之類的枝節,不會在劇中出現。咬住唔放,本來就是《選戰》的命運。劇本早在去年九月完成,但到十月,港視便失落免費電視牌照。隨之而來是裁員、未啟動的製作全部煞停。及後王維基以流動電視將港視借屍還魂,再失敗,《選戰》的命運亦隨之而起落。但黃國強誓不低頭:「一次又一次turn down。只不過係我死唔斷氣,成日都走去chur王生。《選戰》個古仔搞咗咁耐,冇理由一疊紙咁擺喺度。」香港人那場選戰也爭取了多年,若佔領過後沒成事,誰又會心息?

港視搞公投,《選戰》以超過十萬票成為開台劇。劇情設定在二○二二年,屆時香港變成怎樣,誰也說不上,但創作人至少能規劃公仔箱內的世界。黃偉強筆下的《選戰》是一則預言:「今日唔知聽日事。不如就以現時的大趨勢做遊戲規則。」他眼中的「大趨勢」很灰:香港人可以一人一票選特首,但提名委員會仍有四大界別,候選人要取得過半數支持,方能出閘,「戲劇上,如果已經有個好完善的選舉,其實冇咁好睇。喺一個咁有限制、咁唔公平——呀,唔好咁講……」偉強陷入劇透邊緣,由國強補上:「係艱難重重。」「喺咁嘅情況下,(李心潔)都爭取到一個位置,大家相信佢有機會改變政局。」第一集講述二○一七年有大事發生,令李心潔投身政壇,並於五年後突破篩選,取得特首選舉的入場券,與廖啟智對壘。他倆本非政治動物,「搞政治」純為填補市場缺口。英美日韓均有政治劇。連中共高層王岐山都要追看《House of Cards》、小日本又有木村拓哉在《Change》中扮首相,唯獨華語世界一片荒涼。三年前,黃偉強任職壹電視,看見台灣總統選舉波譎雲詭,正籌備把它寫成劇本:「可惜公司好快收咗檔。」那邊廂,黃國強剛剛加入了香港電視,狼豬之戰正打得火熱,「不如講政府內部的權鬥,像《West Wing》之類?」兩兄弟一拍即合,卻發現立法會和政府總部的場面難以用實景拍攝,遂把戰線畫在選舉上:「唐營、梁營日日喺報紙上都有古仔,咪當電視劇嚟做。」黃偉強從台灣撤退後,曾反攻大陸,轉投北京一間製作公司。一年後回歸本土,只為心中那一場《選戰》:「除咗王維基,又有邊個肯拍?」

田雞

二人首先要惡補政治。「做咗廿幾年創作,點會接觸到政治題材?好多嘢都係由《選戰》開始。」黃偉強在TVB寫過《烈火雄心2》,但不同的制服,骨子裡都是兩幫男女在溝來溝去。跳出離地的廠景,他有新發現:「其實我都係咁愚昧,今次先知道要幾多提名(特首候選人)先入到閘。」「唔只你,美術組做一件道具,都搞清咗啲嘢。」黃國強說。李心潔的選舉辦公室有一幅提委會的「成分表」,羅列了各個界別的勢力範圍,「佢哋做落先知道漁農界佔咁多票,哈哈。」黃偉強自詡「有少少政治盲」,忽然發現自己是隻熟到快甩皮的田雞,「原來喺分組點票下,代議士根本唔可以循正常途徑反映我哋嘅聲音,我明白班友點解要掟蕉。唔拉布,又可以做啲乜?冇。知道咗,唉,咪感慨囉。」他把這感慨轉化成對白,成了預告片中鏗鏘的一句:「公民抗命,竟然講到變成顛覆政府。因為我哋嘅政府、我哋嘅立法會,被一班爛人把持住。」《選戰》既然教育了劇組上下,出街後難保不會感化牛頭角的順嫂們。這才是港視不獲發牌的最大理由。

死咬

去年十月十五日,黃國強如常跟王維基開會。秘書中途告知:「開記招啦喎。」大家才望向電視。政府宣布港視不獲發牌,全場鴉雀無聲。當時他的另一套劇集《歲月樓情》剛好煞科,看着同事陸續被遣散,他仍未想到作品若不能出街,會留在倉底腐爛,還是怎樣,「我淨係問『點解』。原來你幾條友喺行政會議嘅決定,唔話得俾人知點解?」黃偉強亦寫完了《選戰》的劇本,「老闆講過,啟動咗嘅劇本會照拍。成班人用咗半年時間去寫,都係成本。」其後,王維基宣布港視改為提供流動電視服務。到今年一月,又被指會觸犯《廣播條例》,啟播無期,所有劇本正式宣布死亡。但黃國強日哦夜哦,終於獲王維基首肯。一向堅拒與中央對着幹的王老闆,是因為發牌無望,故意挑戰政治題材?「我覺得又唔係『盡地一煲』,佢本身都鍾意個劇本。開得成,第一,係我應承佢要喺budget內完成;第二係因為李心潔願意接拍。」兄弟倆都覺得李心潔柔弱得來有一團火,不作他選。但剛剛扑槌,又爆出離奇過選戰的枝節:李心潔丈夫偷食斷正、小三的爸爸開槍殺人再自殺。「開頭都擔心佢應付唔到。但開鏡前佢來香港,一坐低,十五集都做好晒筆記。」

《選戰》終於在七月底開鏡,拍了三個月。其間雨傘運動遍地開花,超出了黃偉強的預期,「冇講點收科,當時連佔中點發生都未知。」但劇中仍會提及一四年秋天的那場革命。往年六四、七一,他偶爾會跟朋友去「圍威喂」,「行完出年又嚟過,究竟有乜意思呢?」所以他落旺角支持佔領,「見到啲學生,我真係覺得,原來係要咬住唔放,先有一線機會。」現實黯淡,但二人心存盼望。黃偉強說:「我哋塑造一個香港人認同的、第一個女特首,就等同製造希望。」黃國強和應:「我哋比較樂觀,這可能只係基於一個信仰,我講唔到任何理由俾你聽。」「因為知道(香港)有問題的,唔係得我同你。既然咁多人仲肯去做嘢,其實一定行到,就算樂觀都好正常吖?」

審查

正如港視和《選戰》可以無限復活,香港應該未死得。王維基聲稱開台前已收到八位數字的廣告費,但與每集一百萬的拍攝成本相比,仍有一段距離。「我諗係《選戰》啫,其他應該OK。」黃國強以為廣告商在商言商:「香港是個理性的地方。多人睇,多曝光,不就是多人會買你個節目?」但自動歸邊的人多的是。另一邊廂,騰訊已獲得港視的獨家播放權,悉數購入港視所有節目。「我都想問,大陸係咪會睇到《選戰》?」「每集要剪幾多呢?如果要河蟹,就十五集都唔使播。」他倆有一籃子疑問。在騰訊搜尋「佔中」,只會得出《環球時報》的負面報導;搜尋「六四+天安門」,則有「六十四年來天安門毛主席畫像的N個版本」。《選戰》被「國有化」,大有機會要留給馬化騰獨自欣賞。正因為「理性」,才有自我審查這回事。選舉少不了中聯辦的份兒。王維基對此的態度是:「冇必要唔寫,既然係大家都知道嘅嘢。」但經過發牌事件,黃國強有感港視惹火,「除咗滿足我哋嘅創作、令套戲好睇,都要考慮到公司嘅情況。我哋唔知會有咩影響。」黃偉強接上:「成個項目都已經放任咗你,收斂少少係責任。」「開頭我哋直頭想唔講中央。但又覺得實在太過……」「失真。」「寫得好subtle,唔會落重墨啦。」劇中會有中聯辦要員的角色?「唔……你要自己睇,我哋用咗一啲戲劇方法去處理呢個人物。」「但我唔認為咁係『自我空間收窄』。如果你本住良心都係咁決定,OK。但如果基於利益,係另外一回事。」

1137

三年前,王維基在半島酒店咖啡室,拿着TVB近年最高收視劇集的工作人員名單,逐個約見,兄弟二人都沒有即時過檔。黃國強考慮了十天:「我都幾傻,用咗好多角度去研究。一百萬一集拍唔拍到? 嗰陣我已經做budget。」當時他拍的《法證先鋒Ⅲ》剛出街,收視不俗。某日跑步時他忽然問自己:「唔試過點知唔得?」至於黃偉強,則選擇了向北京靠攏:「王生口才好好。但佢愈吹,我愈驚。」一年後,還是因為《選戰》而回歸。如今《選戰》終於出街,他倆的疑慮亦已釋除。為了清洗TVB的餘毒,王維基曾叫整個劇組停工,齊齊睇美劇。「冰姐(港視行政總裁杜惠冰)見到我哋成班人坐喺度,話:呢度好多錢。」黃國強心想:「呢個老闆真係癲嘅。」王維基又愛到拍攝現場「探班」:「由朝坐到晚,但佢唔係齋睇咁簡單。個衰嘢蠱蠱惑惑,第二日叫咗我入房,問咗好多嘢。」由鏡頭如何處理,以至行內的專有名詞,每事問。「呢種學習精神真係好黐線。」到黃偉強加入時,王維基已經不再外行:「佢由燈光、布景、演員各方面,竟然都可以與部門的人溝通。我喺TVB咁耐,都冇一個上司,可以了解到咁。」

九二八那天,黃國強在金鐘吃了催淚彈。眼淚鼻涕一齊來之際,竟收到公司來電,說攝製隊會出動,記錄歷史性時刻備用,要他指揮云云。接近午夜,老闆急call:「開槍啦,你仲唔走?」「我入到政總門口了。」「仲去政總?行遠啲,拍wide shot咪算。」「好啦好啦。」收線後繼續開工。數日後,他與攝製隊去了旺角,港鐵站上蓋早已針插不入,「我哋冇做開新聞,唔多識走位,有好位都俾人霸咗。」但群眾得悉他們來自港視,都自動讓路:「佢哋話,如果係TVB我就撐番你落去。好好笑!」其實單看股價走勢,已知民心所向。自今年以來,港視命運懸而未決,股價仍升了近百分之十六;TVB繼續一台獨大,卻跌了百分之二十六。黃國強也曾經持有港視股票,「總之就蝕咗啦。」黃偉強也呻笨:「但公司條路太崎嶇了。老闆我哋精神上支持佢。」黃國強更正:「我哋係身體力行支持佢。」

咬住 住唔 唔放 放黃 國強 黃偉
PermaLink: https://articles.zkiz.com/?id=120408

《大聖歸來》:猴子咬住了迪士尼的尾巴?

來源: http://www.infzm.com/content/110931

有人認為,《大聖歸來》把中國與好萊塢動畫制作原本100年的差距縮短為10年。導演田曉鵬卻反複告訴南方周末記者:“這部影片還有很多問題”。 (劇組供圖/圖)

片中原本有一個笑點:穿著性感抹胸裙出現的女妖怪,用雙手托了托她的胸,西方人表示不能理解,英文版中就剪掉了這個細節。

導演田曉鵬至今還覺得“暈暈的”,“像做夢一樣”。

無論在電影還是動畫行業,這個“70後”都是無名之輩。1997年他畢業後第一份工作,就是參與中央電視臺52集動畫片《西遊記》後期。拿到手繪稿時,他覺得驚奇,孫悟空原來可以畫成這樣,但看完故事,他失望了。動畫片中的孫悟空太低幼,身上的魔幻和野性都弱化了。18年後,在動畫電影《西遊記之大聖歸來》中,他把野性和霸氣還給了孫悟空。

《大聖歸來》講述孫悟空禁錮五行山下四百多年,被小和尚江流兒意外解除封印,又偶遇豬八戒。在相互陪伴的冒險之旅中,孫悟空完成了自我救贖,成為超級英雄。

2015年7月10日,《大聖歸來》上映首日,院線排片不足10%,但口碑爆棚,迅速被冠以“中國動畫史里程碑”。有人認為,它把中國動畫與好萊塢的差距從100年縮為10年。

排片和票房開始攀升。導演籌拍八年、找投資碰壁的故事又為影片蒙上悲壯色彩。上映第十天,排片達到16.6%。截止到2015年7月26日,《大聖歸來》票房累計6.66億。

田曉鵬頗有自知之明,他反複告訴南方周末記者:“這部影片還有很多問題。”

如果有機會重拍,想換掉汪峰

盡管被視為“國產動畫最高水準”,田曉鵬仍然認為,《大聖歸來》的特效只是基本符合對故事的烘托,還遠未達到像迪士尼動畫、皮克斯那樣,特效與故事交融,甚至升華劇情。有場戲,孫悟空與山妖在船上打鬥,悟空一棍把山妖打碎,田曉鵬希望能“打出魂來”,讓山妖身體破碎,魂魄飛散。制作團隊做了很多版,還是沒有達到理想效果。

如果有機會重拍一次,田曉鵬首先想換掉片中插曲,汪峰演唱的《勇敢的心》。最初,他是看到歌詞和劇情匹配:“我不是一顆石頭也不是一滴眼淚”,有“自由”,有“勇敢”。但版權方只願提供CD不願提供音軌,音樂只能突兀地摳出來加進去。後來聽起來不合適,再換音樂已來不及了。

好萊塢動畫有一套被反複驗證過的成功模式:家庭+歡樂+冒險,《大聖歸來》套用了這個模式。“超級英雄”概念也是好萊塢式的。

田曉鵬看《功夫熊貓》、《花木蘭》,總感覺片中人物“不是真正的中國人”。他告訴團隊,模式上可以套用,但人物一定要是“我們身邊的人”。孫悟空和江流兒相見,小和尚一路追著問東問西,團隊專門找演員來表演,保證說話方式和動作都是中國式的。

“中國式的超級英雄,更多是俠客,而且一般都會比較累,甚至有些悲情色彩,不像鋼鐵俠那樣硬派、無所不能。”田曉鵬說。西方的超級英雄,往往有個成長脈絡,但東方人的變化,更多是不露聲色的。“孫悟空本身就是超級英雄,他只是需要外界的啟發,對他內心有一個刺激。”

影片最初的定位並非合家歡,考慮到收成,團隊作出妥協:簡化故事主線,片長控制在90分鐘。剪掉的30分鐘,讓情節常顯得不連貫。

田曉鵬想做成人向動畫。日式動漫對田曉鵬影響很深,尤其是其“熱血”風格,可以很好地調動觀眾情緒。“下一步,我覺得應該把美劇的方式和日劇的熱血結合起來,形成我們自己的系統。”他說。

中國風格,不是石頭縫里蹦出來的

2013年底,制片人馮奕把《大聖歸來》帶去美國電影市場(AFM)預售。三分鐘預告片,賣到了二十多個國家。2015年戛納電影節,《大聖歸來》有兩場展映,很多人從頭看到尾。展映結束,預售達到60個國家和地區。影片成本收回了三分之一。

這讓馮奕覺得預售是將來制片流程的大趨勢:“片子沒完全啟動,你就知道哪些區域、什麽時候,大概能賣多少錢,成本估算會有個指導。”

英文版的配音導演,是與宮崎駿合作多年的加拿大人內德·洛特,配音演員是《功夫熊貓》班底。片中原有一個笑點:女妖怪穿著性感抹胸裙出現,用雙手托了托胸,西方人不能理解,英文版剪掉了這個細節。

“面貌上,它不像傳統國產動畫。它有著美式動畫的技術標準。”北京青青樹動漫公司CEO武寒青說,《大聖歸來》成功,對整個動畫界都是好事。“青青樹”是國產系列動畫《魁拔》的制片方。2011年,《魁拔之十萬火急》推出時,也曾被樹為“國產動畫里程碑”,但境遇卻大不相同,後者票房只有305萬。

《魁拔》是標準的成人向動畫電影,目標觀眾是青少年。“青春期受眾最難把握,必須做到極致,讓他們看到新鮮的、能在靈魂深處陪伴他們的世界。”武寒青告訴南方周末記者。

四年前,《魁拔》第一部電影推出時,也制作了動畫片,但沒有平臺播放——視頻網站不買賬,電視臺沒有合適的動畫頻道。《大聖歸來》走紅,《魁拔》也在好轉。三部《魁拔》電影改編的網播劇,目前“都被搶瘋了”,網絡人群才是他們真正的目標受眾。

國產動畫人都想做區別於日式和美式動漫的獨特中國風格。“但中國風格從來不是石頭縫里蹦出來的,它有個進化過程。”武寒青說。

大聖 歸來 猴子 咬住 住了 迪士尼 尾巴
PermaLink: https://articles.zkiz.com/?id=155451

咬住條參 永不翻身

2016-02-04 NM

上市編號(911)嘅恒發洋參上週四一開市暴插九成變仙股,有小股東攬住兩條當日股票推介會的紀念品——野生洋參,向小宗哭股喪。

洋參大王楊永仁喺文咸西街發跡,聽講唔少海味鋪老闆中晒招;最抵死係連海味街附近啲銀行職員都推介埋一份;去年底恒發仲發可換股票據,有人拍心口話「點都托住喺七毫子樓上」,否則揸住票據嘅人可以換日本山崎威士忌浸嘅花旗參;當時日本威士忌炒到冇貨,看似矜貴,再吹多嘴話大陸軍方部隊上場打野戰,要含住片洋參增加戰鬥力,所以大有市場;恒發變成仙股後停牌,有人私底下安慰小股東,謂不是被「𡁻咗隻殼」,計小宗話,小股東何不學吓老人家臨終前為見子孫最後一面,將嗰兩條野山洋參切片,含住喺喉嚨補氣吊吓命好過喇!

金融逍遙客:港大學生哥無料無口才

游走於中港台併購、私募投資的金融多棲動物,現為多間上市公司主要股東及董事

強國財團乘人民幣強勢,近年在海外大舉投資,目標一係大都會核心資產,一係知名品牌,如萬達買AMC院線、比華利山靚地,復星併購clubmed及葡萄牙保險公司,單單數十億嘅deal,喺財經市場都是大新聞,買到鬼佬經紀聽到中國人有興趣嘅項目,都加多兩錢肉緊。呢啲經紀角色,十多年前香港人有絕對優勢勝任。作為東西橋樑,香港一有語言優勢,二有人脈經驗,但時移世易,國內民企財團,中高層管理已盡由長春藤海歸專業管理,一口純正美語加上本身已有華爾街的關係,與鬼佬做deal,級數已非維多利亞港內的HKU或CU師兄可比。看着電視上圍剿李國章及眾多校委會成員嘅畫面,逍遙客真係心噏,即使出師如何有名,手法盡是古惑仔影子,小聰明伎倆。連一向照顧學生溫文儒雅嘅校長,都講生命受威脅呢啲重話,可感受到當時呢班學生哥暴力程度。聽到學生代表慷慨激昂的質問,激動咆哮有餘,內容卻空洞無物,一味話我要見你,依家就見,唔見就唔好怪我哋點點點……睇到咁嘅畫面,逍遙客恍似聽到電影中黑幫大佬講數的對白,唔怪得校長都發火。一句對學生表現極度遺憾,冇料又冇口才的學生代表即場已高下立判。呢班學生哥可能好有理想卻空有一腔熱情,但能力完全不逮,毫無章法嘅做法,早喺佔中時間已暴露無遺。學生可視為一個社會及教育制度的產品,而當下出咗咁嘅產品,宏觀嚟睇,要怪真係唔怪得呢班學生,肯定係整個社會嘅問題,亦係我哋教育環境出咗問題。香港競爭力的衰落,若一味怪外部因素,唔識反省檢討自身問題,對改善自己絕對毫無幫助。逍遙客間公司近年招請剛畢業大學生,唔好話知識面或能力,只係工作態度呢個基本要求上,合格嘅已愈來愈買少見少。繼續出啲咁嘅產品,香港幾時先可重振雄風?

中環寸嘴:恒指見24,000點

工廈大王楊耀松長子,出入高級酒店、銀行及知名食肆,與各路人士打交道,透過美酒佳餚,察看人生百態,讓讀者「嗒」落有味。

嗱,喺度同大家講,我話自己「剝」bra係剝得多,不過冇肌膚接觸嘅,冇計啦,家族係「洋雜世家」,底衫褲乜都做,我都係「睇辦睇得多」先成日剝bra咋!不過我唔鍾意做trading,俾人走數血本無歸,𡃁仔時,陳寶珠前夫開嗰間大大百貨執笠走數,見住啲姑丈去港督府請願。有個老友花廿皮買本雜誌,睇咗我十一月尾登出嚟張路紙,話恒指跌到14,000點,佢信邪避過一劫,咁就唔怕兩公婆去「好酒好蔡」食小便飯,呢鋪咪「上咗鋼板任佢斬」,埋單一皮嘢落樓,不過老友唔識知恩圖報請我去食多餐;唔及得樓下逍遙客,翻啅五次「好酒好蔡」咁富貴。都話日本仔好陰濕,殺出個負利率,我啲Yen decumulator先至鬆一鬆咋,咁就去上環西苑整碗乾燒翅啷吓口,吸收吓骨膠原,皮膚冇咁易皺,咁啱撞到個老闆娘顧太,回憶吓以前喺溫哥華開山劈石嘅日子,總言之搵啲好嘢食,好過啪維他命丸!嗱,再「些牙」張路紙,嚟緊我睇24,000點,仲唔挾你空倉,不過都係鬼佬嗰句sell in May & go away!

大鱷中港瀨嘢

花旗國對沖基金佬空群而出,「沽」注一擲,不過講就梗係兇狠,所謂猛虎不及地頭蟲,呢班大鱷喺大陸同香港都瀨過嘢o架!

對沖基金:Hayman Capital創辦人:Bass J Kyle年齡:46歲瀨嘢之作:07-08年持有經濟日報(423)超過5%權益,估計入貨價在$2以上,在$5.2、$3.354及$1.381均有增持,至09-10年間,以每股一元多沽清手頭股份,損手離場。

對沖基金:Pershing Square創辦人:Bill Ackman年齡:49歲瀨嘢之作:2011年以200倍槓桿比率購入認購期權(call option),賭港元升值30%,但最終沒有實現。

對沖基金:Paulson & Co創辦人:John Paulson年齡:60歲瀨嘢之作:投資加拿大上市大陸林業公司Sino-Forest,被Muddy Waters踢爆造假,公司後來清盤,John Paulson旗下基金損手$7億美元。

咬住 住條 條參 永不 翻身
PermaLink: https://articles.zkiz.com/?id=184696

【飲食籽】咬春 咬住唔放喜迎春

1 : GS(14)@2016-02-04 17:25:50

立春有咬春習俗,即吃春卷,其中福建春卷皮薄、餡料豐富,被視為春卷之冠。兩條$26


【飲食籽:廿四節氣】立春,立即始建也,有開始之意,亦是農曆二十四個節氣的開端,代表春回大地、萬物重生。古人以務農為主,立春之日會大事「迎春」,乃中國最隆重的傳統活動。據說在周代,立春前三日,周天子便要開始齋戒,待到立春當日,親率文武百官到郊外迎春,祈求來年豐收。


老闆阿珠是廈門人,從家鄉運來特製春卷皮,地道得很。


以往人們講究在立春時分要「咬春」,「咬」即是吃的意思,當日有吃春餅(現稱春卷)的習俗,取牢牢咬住春天的意思。嚼一嚼春,滿口清香,留住春天的暖意及愛意。已故食家江獻珠曾在專欄寫道,福建春卷乃春卷之冠,皮薄如紙,餡料講究,切工精細。因工夫繁多,全港只有少數地方提供,位於土瓜灣的廈門風味阿珠小吃店是其一。老闆駱寶珠是廈門人,專程從家鄉帶來特製春卷皮,它和一般春卷皮不同,白色的、薄薄的,有點像潮州小吃糖葱餅的外皮,但少了一點煙韌。福建春卷餡料豐富,當地家庭都有不同配方,隨意配搭,阿珠的配方則由媽媽傳授,約有十款材料,蠔仔、荷蘭豆及紅蘿蔔等,要逐樣切絲切粒,分別炒好,再拌勻調味。「每逢過年過節我們都吃春卷,自己吃自己包,在春卷皮撒上海苔、芫荽、花生糖粉,再抹點辣椒醬後,便滿滿地放上餡料。」立春吃春卷這個習俗,仍在中國北方地區盛行。古時立春還有一項特別活動,名為「打春」。在漢朝時代,會用泥塑立土牛及耕人,並將其打碎,象徵春天來臨,取鞭策老牛下地耕田的催耕之意。另有民間傳說,據說在立春當日可以把雞蛋豎起,代表一年行好運,何解?「春」即雞蛋,立起雞蛋,不就立春了嗎。





福建春卷材料豐福,寓意財富豐盛,多有豆乾、蠔仔、肉碎、椰菜、筍絲、蒜仔、紅蘿蔔絲及荷蘭豆。

包上餡料前,會先放上海苔、芫荽、花生糖粉,再抹上辣椒醬。





廈門風味阿珠小吃店土瓜灣美景街44號安福大廈



記者:何嘉茵攝影:劉永發編輯:陳國棟美術:孔文彬





來源: http://hk.apple.nextmedia.com/su ... t/20160204/19477723
飲食 咬春 咬住 住唔 唔放 喜迎春 喜迎
PermaLink: https://articles.zkiz.com/?id=295303

【今日笑一笑】咬住奶咀唔放口北京狗扮B萌爆

1 : GS(14)@2017-04-08 19:39:46

居於南韓的這頭北京狗,其實已2歲多,但天生童顏加身型偏細小,驟眼看像不足1歲的狗B般,尤其牠咬住奶咀不放的樣子,實在萌爆。
instagram




來源: http://hk.apple.nextmedia.com/international/art/20170407/19982925
今日 笑一 一笑 咬住 住奶 奶咀 咀唔 唔放 口北 京狗 狗扮 萌爆
PermaLink: https://articles.zkiz.com/?id=329547

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019