ZKIZ Archives


贊助兼開班教佳麗中草藥美容霸王搵世姐省招牌 李華華

2010-9-28  AD





 

正所謂衰開有條路,賣洗頭水賣到上市嘅霸王集團(1338),早排爆出二噁烷風波,消費者一聽到話洗頭水有致癌物質,點會唔驚,霸王7、8月嘅銷售立即大插水!

啱啱先話情況有啲改善啫,今個月頭又再有兩款產品,俾國家食品藥品監督管理局捉佢虛假宣傳,話佢聲稱自己「堅固髮根,韌髮防落」有問題,搞到又要停牌澄清。

所以話,做消費品生意,品牌、商譽係最最緊要,一旦出事,真係有排修補o架!

不過,霸王嘅老細陳啟源勝在做人夠樂觀,佢話可以化危為機,仲繼續大力推銷旗下嘅新產品。

中國區總決賽指定護膚品

公司噚日就宣佈,旗下嘅護膚品品牌本草堂,贊助咗第60屆世界小姐中國區總決賽,成為大會指定嘅護膚品,仲為啲佳麗搞咗個中草藥美容護膚課程,教吓佢哋點樣可以散發「中國美」。

其實霸王最鍾意就係搵大明星做代言人,好似霸王洗頭水有「動L」成龍;最新產品霸王凉茶就有全宇宙最好打嘅甄子丹;本草堂嘅代言人都唔弱,係天后王菲。

今次出動埋世界小姐,究竟霸王嚟緊可唔可以成功洗底?華華拭目以待!

李華華

LiWaWa@AppleDaily.com


贊助 開班 佳麗 中草藥 美容 霸王 搵世 世姐 姐省 招牌 華華
PermaLink: https://articles.zkiz.com/?id=18336

佳麗當透明 網民嘲變臉麥明詩膺港姐犯眾憎

1 : GS(14)@2015-09-01 07:19:53

■麥明詩昨晚成雙料冠軍,只得司儀嘟姐祝賀,其他落選佳麗只是上前恭賀亞軍龐卓欣和季軍郭嘉文。


新一屆香港小姐競選前晚出爐,大會安排全民投票選三甲,23歲的十優狀元、兼劍橋法律系畢業的麥明詩大熱跑出,並兼得最上鏡小姐,成雙料冠軍,亞軍是麥明詩死敵龐卓欣,季軍則是郭嘉文。前晚的節目跟以往一樣毫無驚喜,乏善足陳,但宣佈賽果時的幾分鐘竟才是「戲肉」所在。以往港姐競選當三甲塵埃落定,落選佳麗總會走上鏡前向當選佳麗送抱抱,以示大方。可是前晚鏡頭拍到戴上后冠的麥明詩繞場一周後,其他落選佳麗全部擁着亞軍龐卓欣及季軍郭嘉文,完全當麥明詩透明,唔妥到出面的這一幕實屬罕見。醒目的鄭裕玲(嘟嘟)馬上執生,上前祝賀麥明詩,為她解困順便緩和氣氛。


■港姐冠軍麥明詩昨日與亞軍龐卓欣、季軍郭嘉文及友誼小姐林凱恩會見傳媒。


一臉尷尬的麥明詩下意識望向季軍郭嘉文,兩女眼神接觸了一殺那,郭嘉文即時擰歪面,只與其他佳麗問好。進擊的麥明詩轉而向亞軍龐卓欣埋手,結果一樣被請吃檸檬,幸好無綫攝影師sharp cut(關機)才令這難堪場面畫上句號。麥明詩雖大熱勝出,可是卻不受網友歡迎,尤其高登仔,大部份網民留言都針對她曾變臉。港姐昨晚平均收視27點,約175萬觀眾收看,而宣佈結果和頒獎時段則獲最高收視31點,換句話說約有200萬觀眾看到麥明詩被杯葛一刻。撰文:劉敏





來源: http://hk.apple.nextmedia.com/entertainment/art/20150901/19277140
佳麗 透明 網民 變臉 麥明 明詩 詩膺 膺港 港姐 姐犯 犯眾 眾憎
PermaLink: https://articles.zkiz.com/?id=292098

亞姐爛尾 佳麗慘蝕機票錢

1 : GS(14)@2016-02-09 03:33:05

【本報訊】末屆亞姐《第27屆ATV2015亞洲小姐競選》原定今個月尾會舉行總決賽,但王征入稟將亞視清盤之後,一切製作都已暫停。就連原本有份擔任司儀的蔡國威,也啟動《僱傭條例》第10A條中止與亞視合約,意味這個有超過30年歷史的選美活動最終爛尾收場。



須自費到比賽場地

據悉,有內地賽區佳麗早前墊支了機票錢也未找數,內部消息透露,亞視當時要求參加者自費到不同賽區參加預賽,要事後才能報銷相關費用,由於有不少佳麗來自不同省分,亞視當時要求佳麗先墊支機票錢,結果至今有部份佳麗仍未能取回款項。亞視人事部已全體離職,佳麗取回款項的機會渺茫。本報記者曾致電亞視發言人黃守東查詢,他只回覆:「要了解情況。」未有否認相關傳聞。曾流出裸照的候選亞姐任斐琳,去年12月由廣州到深圳參加「中國內地賽區總決賽」,可惜未能晉身最後20名。任斐琳昨日接受本報電話訪問時,透露每位佳麗去比賽場地前都要先自付車費,她說:「每次都係自費,去到嗰邊就即時報銷,不過我就清晒,其他佳麗就唔清楚。」問到可有其他費用要支付?她說:「比賽期間全部都係佢哋(亞視)安排,衣食住行都包埋,佢哋好似封閉式管理,唔會有自費項目。」■記者戴彩煥





來源: http://hk.apple.nextmedia.com/news/art/20160208/19484000
亞姐 姐爛 爛尾 佳麗 慘蝕 機票
PermaLink: https://articles.zkiz.com/?id=295552

ViuTV《美選》佳麗錯愛紋身石希露 俾仔打裂鼻骨

1 : GS(14)@2016-07-12 03:19:30

■石希露昨日在動物診所返工,身穿醫護制服,手臂紋身相當搶眼。


由ViuTV舉辦的第一屆實況選美節目《美選D.n.A》,上星期四公佈二十名參選佳麗,當日一眾候選人會見傳媒時,兩位佳麗16號石希露(Olga)及18號鄧月平憑F cup逼爆上圍,成為焦點,而Olga手臂上十多個紋身,亦相當搶鏡。
Olga剛被宣佈入圍,即被人翻舊賬,原來她一年前已成為網上紅人,皆因當時有社交網站瘋傳一張她疑被男友虐打fb截圖,標題更寫上「港女被男友打『開年』,fb用戶名是Shek Hei Lo,疑似係Olga本人上傳,更留言寫上:「打我打到咁,劉XX你預咗冇彎轉。」



■石希露一年前被劉姓男友虐打,當時她貼相上fb哭訴慘況。互聯網圖片

■石希露透露與前男友拍拖兩年,不止一次受到對方動粗。互聯網圖片


■忙完一輪工作,石希露想為貓貓剪指甲。

「打過我四、五次」


昨日致電Olga求證時,她直認是相中人:「件事發生喺上年農曆年,我同佢(前男友)有啲爭執,跟住佢就出拳打我塊面,入到醫院,照到鼻骨有啲裂,屋企人之後陪我去報警。呢件事之後,我同佢就分咗手。」
Olga透露自己並非首次受暴力對待:「我同佢拍咗兩年拖,佢起碼打過我四、五次,有時出拳,有時掟嘢,每次我都蠢又耳仔軟,以為佢會改……我本身有紋身,同佢分手之後,我再紋多幾個喺手臂上面,等自己好似惡啲,生人勿近咁。」此外,Olga於荃灣一動物診所做護士,昨日見她穿上制服開工十分忙碌,其間有禮貌、耐心地照顧寵物及求診的客人,當她忙完工作後,欲上前幫貓咪剪指甲,貓咪卻頑皮地逃脫。採訪:王梓嫚、畢紹基攝影:潘冠恩





來源: http://hk.apple.nextmedia.com/entertainment/art/20160711/19689275
ViuTV 美選 佳麗 錯愛 紋身 石希 希露 俾仔 仔打 打裂 鼻骨
PermaLink: https://articles.zkiz.com/?id=303275

猴年旺選美佳麗黛黛熙年今年結婚

1 : GS(14)@2016-08-18 06:04:29

2012年港姐冠軍張名雅早前被好友陳庭欣踢爆好事近,今年9月喺洲際擺酒,嫁律師男友Joe。戚黛黛2003年港姐季軍戚黛黛下月13號同副機師男友Calvin喺意大利一座古堡舉行婚禮。李雪瑩2010年最上鏡港姐李雪瑩喺大台做咗四年,於2014年以進修為由同TVB提前解約,上月宣佈結婚,於Instagram貼出張同未婚夫蘇頌輝頭貼頭嘅合照。宋熙年陳智燊(Jason)去年向宋熙年求婚成功,計劃年底拉埋天窗,於6月在港秘密入紙排期註冊,Jason透露會先註冊後擺酒,陳宋聯婚會在香港、澳洲同倫敦三地輪流舉行。




來源: http://hk.apple.nextmedia.com/entertainment/art/20160818/19741019
猴年 選美 佳麗 黛黛 黛熙 熙年 今年 結婚
PermaLink: https://articles.zkiz.com/?id=306381

《美選》佳麗試做主播

1 : GS(14)@2016-09-01 06:12:29

ViuTV選美節目《美選D.n.A》其中兩位佳麗鄭家雯和許珮榆昨日在柴灣,獲安排嘗試擔任《15分鐘熱度》娛樂新聞主播,鄭家雯帶四個月大兒子王晴風到場,許珮榆表示有留意娛樂及時事新聞:「我有留意楊冪湊囡囡返學、Moka睇郭富城演唱會。」此外,ViuTV開台接近五個月,製作了很多節目,昨日港大民研計劃公佈2016年第二季(4至6月)電視節目欣賞指數調查結果,ViuTV中有四個節目打入最高欣賞指數頭20位,跟無綫看齊,《跟住矛盾去旅行》更登上第2位,而打入第18位的《歐遊全細界》主持蔡雪瑩昨受訪時說:「我哋全個團隊都好興奮。」採訪、攝影:黃曉妍




來源: http://hk.apple.nextmedia.com/entertainment/art/20160831/19754687
美選 佳麗 做主
PermaLink: https://articles.zkiz.com/?id=306927

【馮仁昭四圍超】張沛樂唔知佳麗退選

1 : GS(14)@2016-09-01 06:24:33

ViuTV選美節目《美選D.n.A》兩位候選佳麗張沛樂(沙律左)同羅伊婷噚日喺柴灣,獲安排擔任娛樂新聞主播。對於有傳沙律已被節目淘汰,沙律一臉茫然話:「吓,有咁講咩?大家繼續玩喎。」提到另一佳麗歐家裕疑被陳意嵐批踭兼出陰招要退選,沙律表示唔知情,但佢指陳意嵐為人重義氣,如果歐家裕真係退出,會覺得可惜,羅伊婷則指大家相處融洽。撰文:馮仁昭




來源: http://hk.apple.nextmedia.com/entertainment/art/20160901/19755783
馮仁 仁昭 四圍 張沛 沛樂 樂唔 唔知 佳麗 退選
PermaLink: https://articles.zkiz.com/?id=307050

陳意嵐向退選佳麗道歉

1 : GS(14)@2016-09-03 23:28:56

ViuTV節目《美選D.n.A》參賽者陳意嵐(Tarah)和馬倩宜(Happy),昨日在柴灣錄影挑戰主播節目,之前傳出參賽者不和,二人就表現得相當友好,攬頭攬頸兼拖手。Happy自言會將不滿講出來,笑言曾因背後講人壞話發噩夢。有傳Tarah向另一參選者區家裕批踭,嚇窒對方致退選,她否認:「誤會,我大隻又大頭蝦,論盡撞到佢令佢不滿,一定冇專登,當時佢已經退咗選,報道出咗後我都WhatsApp佢了解過同say sorry,但佢冇覆我,希望有機會當面同佢講。」Happy就在旁撐Tarah不會專登批踭:「係都我批啦,情侶都要磨合啦,而家啲女仔磨合中。」採訪:卓寶花攝影:陳順禎




來源: http://hk.apple.nextmedia.com/entertainment/art/20160903/19758139
陳意 意嵐 嵐向 向退 退選 佳麗 道歉
PermaLink: https://articles.zkiz.com/?id=307347

《美選》佳麗向人妖偷師

1 : GS(14)@2016-09-09 05:09:13

ViuTV選美節目《美選D.n.A》五位參賽者陳意嵐(Tarah)、馬倩宜(Happy)、譚凱倫(Helen)、湯沛宜(ToTo)和余逸思(Yoshi)昨早出發到泰國拍外景,Tarah和Yoshi露腰現身,大會將安排她們接受人妖選美比賽冠軍Miss Tiffany的特訓。
Happy此行帶了不少性感泳衣,對於今次會向人妖選美冠軍偷師,她說:「我身形比其他女仔man啲,佢哋咁嘅架構比女人更女人,我要學吓。」提到大會安排她們去夜店,Happy說:「我以前去蘭桂坊都係着運動衫,啲鬼佬鍾意,都識到朋友㗎,大家都鍾意做運動嘛。」採訪:盧妹攝影:陳俊強




來源: http://hk.apple.nextmedia.com/entertainment/art/20160908/19763552
美選 佳麗 人妖 偷師
PermaLink: https://articles.zkiz.com/?id=308206

港姐港男結果出爐胡㻗搭三點式佳麗膊頭有反應?

1 : GS(14)@2016-09-13 00:19:17

《2016香港小姐競選港姐決賽》昨晚舉行決賽,今次大台就搞搞新意思,玩港姐同港男玩crossover,喺問答環節入面,港男四強之一嘅胡㻗,同港姐候選佳麗5號蘇韻姿同台。問題講到,本身雙方當大家兄弟,蘇韻姿越嚟越鍾意胡㻗,問蘇韻姿點辦好。叻哥問完問題後,胡㻗隻左手一嘢搭落,身穿三點式嘅蘇韻姿膊頭,話:「我哋係好朋友」。之後即刻彈開向後縮,冇幾耐就用左手遮住自己下體,乜咁敏感呀?蘇韻姿睇嚟都feel到唔對路,睥咗胡㻗一下,但係又即刻入戲,輕輕掃佢左臂,仲叫胡㻗做BB o添!至於港姐同港男結果,昨晚亦一同宣佈。港男三甲分別係:冠軍—4號黎振燁、亞軍—9號丁子朗、季軍—1號鍾君揚。港姐三甲分別係:大熱奪冠—6號馮盈盈、雙料亞軍—2號劉穎鏇、季軍—7號陳雅思。




來源: http://hk.apple.nextmedia.com/entertainment/art/20160912/19768223
港姐 姐港 港男 結果 出爐 三點式 佳麗 膊頭 頭有 反應
PermaLink: https://articles.zkiz.com/?id=308768

【馮仁昭四圍超】小方睇中ViuTV佳麗

1 : GS(14)@2016-09-14 05:52:18

方力申啱啱同ViuTV去日本拍攝完選美節目外景返港,噚日佢以活動大使身份出席喺中環舉行嘅藝術節活動,佢大呻行程中男女係分開入住唔同酒店,佢失望咁話:「嗰時跟獎門人(曾志偉)去外景,夜晚仲一齊玩耍盲雞,而家就分開。」小方承認有攞佳麗電話,亦有合眼緣的人,不過就會先了解對方是否單身。撰文:馮仁昭




來源: http://hk.apple.nextmedia.com/entertainment/art/20160914/19769861
馮仁 仁昭 四圍 小方 睇中 ViuTV 佳麗
PermaLink: https://articles.zkiz.com/?id=309068

《美選》佳麗泰國遭爆竊

1 : GS(14)@2016-09-18 10:51:56

ViuTV選美節目《美選D.n.A》早前派出五位參賽者陳意嵐、馬倩宜、譚凱倫(圖)、湯沛宜以及余思逸到泰國拍外景,其間被賊人入屋爆竊,損失數千元港幣,幸無人受傷。馬倩宜說:「我哋全部熟睡,冇人發覺,懷疑個賊放咗迷暈煙。」有裸睡習慣的譚凱倫則說:「我唔擔心財物遺失,最驚係全裸時被人睇全相,好彩今次保得住貞操。」




來源: http://hk.apple.nextmedia.com/entertainment/art/20160918/19773831
美選 佳麗 泰國 遭爆 爆竊
PermaLink: https://articles.zkiz.com/?id=309601

退選佳麗彭美詩爭世界旅遊小姐

1 : GS(14)@2016-09-25 10:28:17

曾參加ViuTV選美節目《美選D.n.A.》面試的23歲混血索女彭美詩,最後棄選,為「錢途」改參加世界旅遊小姐,她前晚在東京參加該選美的香港地區賽奪冠,年底將到泰國參加總決賽,勝出可獲五萬美金。33C彭美詩前晚出賽,先後換上泳衣、和服及晚裝鬥靚,又有答問環節。泳衣雖是一件頭式,但佳麗華麗轉身後面是T-back設計,彭美詩昨日在電話中說:「泳衣好蝦人着,好怕走光。」彭美詩揮低香港賽區其他三名對手摘冠,同時又獲日本健康食品贊助商揀中做代言人。採訪:楊定




來源: http://hk.apple.nextmedia.com/entertainment/art/20160925/19780901
退選 佳麗 彭美 詩爭 世界 旅遊 小姐
PermaLink: https://articles.zkiz.com/?id=309977

【勾心鬥角】《美選》佳麗遭批踭退選

1 : GS(14)@2016-09-25 10:28:18

歷年選美中,除了鬥美貌與智慧,是非、揭黑材料總是指定動作,佳麗們為了搶焦點博上新聞,如戰場般激烈,絕非友誼第一,比賽第二。


出陰招

《美選》佳麗歐家裕與杜汶澤愛將兼填詞人陳詠謙前妻陳意嵐屢傳不和,有指歐家裕因被對方「批踭」,出陰招玩針對,最後她以健康為由退選。


狂爆粗

應屆港姐冠軍馮盈盈一當選即被指前年雨傘運動時,不時在fb以極流利的粗言穢語留言,爆粗鬧特首梁振英、政府高官到建制派議員,被封「爆粗港姐」。


豪放女

以蒙古貴族後人血裔參選的代蓮曦丹美,入圍後即被起底指身為老師的她性格豪放,常在Ig貼火辣水着相,更指她疑似變臉,由豬膽鼻變成間尺鼻。



大話精

89年港姐冠軍陳法蓉近日被同屆季軍梁佩瑚翻舊賬,指她違例拍攝周刊封面,還當眾落淚扮委屈是大話精。亞軍的朱潔儀被安排演台慶劇,有指陳法蓉曾致電朱潔儀指對方執她二攤。




來源: http://hk.apple.nextmedia.com/entertainment/art/20160925/19780904
勾心 心鬥 鬥角 美選 佳麗 遭批 批踭 踭退 退選
PermaLink: https://articles.zkiz.com/?id=309978

佳麗寸「有容乃大」揭《美選》黑幕巨胸翠如內定冠軍 火火食35F豆腐

1 : GS(14)@2016-09-27 08:02:16

■18號「巨胸翠如」Larine突被爆是《美選D.n.A》內定冠軍。



選美真的有黑幕?ViuTV真人騷《美選D.n.A》前晚首播,18號「巨胸翠如」鄧月平(Larine)憑35F箒喱胸搶風頭。據聞一班美選女不滿ViuTV偏袒Larine,傳她是內定總冠軍;前晚眾人在中環看首播時,Larine被其他佳麗質問傳聞,12號李靜蓮(Alina)更說:「我信嘅,呢個世界本來就唔係一定公平!」Larine亦因不覺被火火食豆腐而被寸「有容乃大」!



早前89年港姐季軍梁佩瑚大爆選美黑幕,逼到當年冠軍陳法蓉要與姊妹聯手還擊:「吃不到的葡萄是酸的。」想不到28年後,ViuTV首個舉辦的《美選D.n.A》亦盛傳早已內定鄧月平是總冠軍。有指眾佳麗認為ViuTV偏心Larine,參選期間仍可以與周秀娜合作拍電影做女主角,令其他佳麗羨慕又妒忌。早前有幾位佳麗更向ViuTV投訴Larine在節目中着運動top打泰拳時露出pad墊,擺明想博出位!



■上圍35F的Larine前晚在節目拉筋甚有睇頭。

【18號鄧月平 飛身踢】才藝表演:着bra top打泰拳,起飛腳、側手翻,35F巨咪卻十級震撼。小方評語:睇完自己條筋都有啲緊。


自稱:心已死

一班佳麗與三位主持兼評審方力申、郭偉亮(Eric)及火火等前晚在中環一間酒樓齊齊睇首播,氣氛熱熾!Larine與6號趙詠瑤、7號崔菲嫣、13號梁婉微和14號呂善婷一齊受訪,提起有傳Larine是內定冠軍,其他佳麗陰陰嘴笑,反問Larine:「你自己點睇?」令Larine一臉尷尬說:「其實我係目前最低分,我喺死亡邊緣好多次,我心已死。」趙詠瑤和崔菲嫣似有弦外之音說:「會反敗為勝嘅,黑馬可以變白嘅。」反而Larine看好Alina,對於火火在節目中叫她將咪放歪,擺明要偷看她的事業線,問可覺得被人「食豆腐」?Larine說:「嗰一下唔覺,聽番啲人講就話好似係。」她笑言不會嬲:「方丈份人好大方。」崔菲嫣繼續寸爆:「所以佢心胸廣闊,有容乃大。」



■(左起)13號梁婉微、6號趙詠瑤、14號呂善婷和7號崔菲嫣,質問Larine是否內定冠軍。

■(左起)評審Eric、火火及小方自認評語尖酸刻薄。

■Alina直入12強,不過她直言相信Larine是內定冠軍。

Alina:唔公平

Alina坦言相信有內定這回事:「我信嘅,呢個世界本來就唔係一定公平,但我會繼續玩,做好自己。」11號羅伊婷和15號馬倩宜被其他佳麗看好,羅伊婷說:「咁我都信有(內定),但唔係話呢個比賽,我參加呢個比賽都唔係為冠軍,只係想喺ViuTV繼續發展,咁我同佢賣嘅嘢都唔一樣。」馬倩宜笑言當玩遊戲:「我最近聽咗首歌,話贏輸係天知嘅,係天曉得,我覺得佢(鄧月平)非池中物,係一個好好對手,就當一個好好遊戲,狠狠地去玩。」16號石希露(Olga)早前於facebook講粗口鬧爆ViuTV,前晚她臨時甩底,節目中不留情面狂踩石希露演奏大提琴表現差的Eric,直言不會收斂尖酸惡評,他說:「我哋唔係只係激嬲Olga一個,個個都激嬲,我哋啲評語實在太苛刻,啲ladies冇機會畀我哋收斂,佢哋太唔爭氣。」採訪:嵐山攝影:陳俊強


【講賽制】天使與魔鬼之爭

《美選D.n.A》的賽制非常殘酷,成功晉級的佳麗會分成天使組(Angel)及魔鬼組(Devil),早前已分別出發往日本及泰國進行一連串特訓及打造新形象,天使組獲日本攝影師米原康正教路擺甫士,而泰國人妖亦會教魔鬼組女人應有儀態,其間會再淘汰4位佳麗。總決賽將於12月18日以直播形式舉行,屆時8強會競逐Angel、Devil及The Queen成為總冠軍。




來源: http://hk.apple.nextmedia.com/entertainment/art/20160927/19782621
佳麗 有容 乃大 美選 黑幕 巨胸 胸翠 翠如 內定 冠軍 火火 35F 豆腐
PermaLink: https://articles.zkiz.com/?id=310265

【關仁隱事】「海外佳麗」拍戲替身代勞

1 : GS(14)@2017-01-23 07:45:17

早排「偷食大哥」發炮鬧啲強國演員耍大牌兼得個樣,埋位拍個大頭做個表情就收工,人前就扮辛苦。其實偷食大哥呢個情況喺內地演藝圈已經好普遍,尤其係拍套劇都收億億聲嗰班一線演員,更加係變本加厲,單係「海外佳麗」一個人就有四、五個替身,除咗必要嘅大特寫佢自己親身上陣之外,其餘所有鏡頭都係替身代勞,基本上個人到片場打個轉就閃人,但就收幾千萬人仔片酬,認真唔負責任。撰文:關仁




來源: http://hk.apple.nextmedia.com/entertainment/art/20170122/19904708
關仁 隱事 海外 佳麗 拍戲 替身 代勞
PermaLink: https://articles.zkiz.com/?id=323683

法國佳麗奪環姐冠軍籲開放邊境救難民

1 : GS(14)@2017-01-31 16:01:48

第65屆環球小姐(Miss Universe)總決賽周一在菲律賓馬尼拉舉行,24歲法國佳麗米騰奈爾(Iris Mittenaere)擊敗其他參賽者摘冠,人美心善的她利用選美會聲援難民,希望各國為難民開放邊境。米騰奈爾出生於法國北部城市里爾(Lille),目前正就讀牙科手術學位。她在參賽期間曾表示,各國有權利向難民關閉或開放邊境,但法國等歐洲國家「選擇歡迎難民」。她說:「開放邊境讓我們更方便到世界各地旅遊,探索世界之大。」這句回應成功令她晉身三甲。海地佳麗奪得亞軍,而哥倫比亞佳麗則奪得季軍。根據《斯波坎每日紀事報》報道,今次是法國佳麗第二次奪得環球小姐后冠,對上一次已經是1953年。德新社/bustle網




來源: http://hk.apple.nextmedia.com/international/art/20170131/19913696
法國 佳麗 奪環 環姐 冠軍 開放 邊境 難民
PermaLink: https://articles.zkiz.com/?id=324801

感情生活精采趙世曾近年鍾情國產佳麗

1 : GS(14)@2017-02-19 13:59:41

趙世曾嘅感情生活一直都非常精采,分別同前女友姚煒及兩位女友盈盈(蔡珍妮)、 Terri Holladay育有三名子女。趙世曾同佢哋分手之後,女伴一個換一個,啱啱仲爆出喺大台節目因為出位言論被網民起底嘅拜金港女Seasun Tang(鄧寶怡,前稱Givanna),唔單止幫趙世曾打工兼入住過趙苑之外,近年仲轉咗口味,鍾情國產女伴。
Wendy趙世曾同Terri Holladay分手後,最為大眾所認識嘅女友就係國產女友Wendy,當年趙世曾仲透露女友喺佢內地公司工作,仲叫傳媒稱呼Wendy做趙太。不過佢哋拍拖數年,喺09年趙世曾拖巴西籍模特兒去澳門睇騷,仲暗示同Wendy已經分手。
Lena之後就到來自杭州嘅Lena,趙世曾成日帶住Lena出席活動,二人又經常拍住拖夜蒲出巡大晒恩愛,佢哋仲曾經被影到喺蘭桂坊當街攬錫,趙世曾仲親手幫女友扣緊吊帶衫釦,非常恩愛
Dora喺2013年趙世曾主動帶Dora出席活動,仲主動向傳媒介紹女伴,雖然Dora不時倍伴左右,不過多年嚟趙世曾未有承認女友身份,只係堅稱Dora係其公司內地員工,喺2014年Dora被指欠債,趙世曾當時回應撇清事件,不過未有影響關係,Dora仍不時陪伴左右。
Mandy除咗Dora之外,同期嘅仲有一樣係內地嚟嘅Mandy,佢同Dora一齊傍住趙世曾出入,2014年佢哋仲三人行一齊夜蒲蘭桂坊過平安夜。




來源: http://hk.apple.nextmedia.com/entertainment/art/20170219/19933024
感情 生活 精采 趙世 世曾 近年 鍾情 國產 佳麗
PermaLink: https://articles.zkiz.com/?id=327016

陳凱琳抗拒佳麗整容

1 : GS(14)@2017-06-25 09:31:23

■陳凱琳(右)自爆鄭嘉穎昨晚為她慶祝生日,曹敏莉笑指可能有驚喜求婚。



陳凱琳(Grace)與曹敏莉(Mandy)昨日於九龍灣出席「7.1 O2O香港購物節」活動,大會現場安排蛋糕慶回歸,順便為Grace慶祝26歲正日生日,Grace表示晚上會跟男友鄭嘉穎晚飯慶祝,她說:「佢喺內地拍緊嘢,都返嚟兩日,好開心,知道佢好奔波,好攰好辛苦,好彩我唔使開工。」Grace透露男友已送上實用禮物,問可會收戒指及會否有求婚驚喜?她說:「唔會,大家有共識,今晚唔會。」身旁的Mandy即笑說:「冇人可以保證㗎。」提到今屆港姐面試,疑似有參賽者整容,Grace跟Mandy表示喜歡崇尚天然,Mandy說:「每一屆都有突出嘅,但我就主張天然,評判會識揀。」採訪、攝影:羅慧敏




來源: http://hk.apple.nextmedia.com/entertainment/art/20170624/20066693
陳凱 抗拒 佳麗 整容
PermaLink: https://articles.zkiz.com/?id=336772

港姐17歲佳麗恨入娛圈邱晴被爆曾性感參賽好成熟

1 : GS(14)@2017-08-04 06:11:00

一年一度嘅《香港小姐競選》將會喺今年9月舉行,唔知係咪o依家有太多唔同類型嘅選美,所以聲勢都唔及以前,有時候好多活動仲喺無聲無息間完成,之不過話晒呢個都係入娛樂圈嘅捷徑,仲有好多發明星夢嘅女仔參加。但係o依家睇選美最吸引人嘅地方,唔係講緊邊個最靚、邊個身材最好,反而係一啲嚟自身邊朋友嘅報料,一時又話呢個整過容,一時又話邊個喺夜店工作。用CY術語就係:黑 材 料。喺今屆港姐之中,只得17歲邱晴(Mandy)喺宣傳短片裏面,曾經講過自己由細到大都希望參加港姐,所以當佢符合資格之後,第一時間去咗報名參加,結果順利入圍。咁啱得咁橋,《蘋果》日前收到報料,有讀者話,原來出身於公屋嘅Mandy,一直都好恨入娛樂圈,佢喺舊年曾經參加過一個由酒商贊助嘅選美,同場仲有仙樂都同伍淑怡做嘉賓。翻查番啲資料,嗰陣Mandy嘅打扮都好成熟,着住三點式bra top同超短牛仔褲上陣,一啲都唔似仲未成年。反而o依家候選港姐個樣比較後生,學生味勁濃,身形明顯亦收身咗少少,本身仲係今屆DSE考生嘅Mandy,喺社交平台亦都貼咗唔少讀書時期嘅相片,嗰陣佢似乎係活躍份子,參加咗唔少課外活動,真係好難像到佢會參加呢類比賽。




來源: http://hk.apple.nextmedia.com/entertainment/art/20170803/20110546
港姐 17 佳麗 恨入 入娛 娛圈 圈邱 邱晴 晴被 被爆 爆曾 性感 參賽 成熟
PermaLink: https://articles.zkiz.com/?id=339500

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019