一家三口糖黐豆勁溫馨張頴康父愛滿瀉嘉年華
1 :
GS(14)@2016-12-31 01:06:38「三寶」張頴康入咗行16年，今年憑住《一屋老友記》終於上位，連續喺大馬同月初嘅大台頒獎禮拎咗「飛躍進步男藝員」，喺台上除咗多謝太太支持，仲話要多謝劉德華鼓勵入行參加訓練班。趁住呢幾日凍咗，多咗冬日氣氛，張頴康前晚一家三口就去咗中環嘅友邦嘉年華，捉住聖誕嘅尾巴。張頴康同太太麥雅緻拖住兩歲幾嘅囡囡，三人齊齊着晒羽絨包到實咁現身嘉年華，期間就遇到李志剛等嘅港台DJ朋友，企喺度吹咗一陣水，之後8個人仲一齊玩攤位遊戲。廿四孝嘅張頴康陪住囡囡玩兒童機動遊戲，無論係迷你火車定小型划艇，都望到囡囡實一實，眼入面好似得番阿女咁。而每逢喺攤位遊戲贏到啲獎品，第一時間就遞俾囡囡，o氹到囡囡勁開心，拎住啲公仔周圍走。咁有父愛嘅爸爸，囡囡就梗係興奮啦，全程嗲實又要拖又要抱，而張頴康亦就晒乖女，唔係拖住囡囡就係抱起佢行，完全話到俾人聽咩叫做父愛！張頴康亦都把握機會，不時拎部相機出嚟影下囡囡。有途人見到張頴康都上前集郵，而張頴康都逐一答應，冇托手踭。
來源:
http://hk.apple.nextmedia.com/entertainment/art/20161230/19881537
Hilary孖男友陪上山遊嘉年華
1 :
GS(14)@2017-01-18 22:21:23■上山詩鈉（左）日前與囡囡Hilary在嘉年華內影相，Gunny當攝影師?兩母女。
上山詩鈉索爆囡囡Hilary，半年前與中東男友甩拖，早前已有泰國籍新男友Gunny，Gunny甚至已經融入家中，日前與上山詩鈉及Hilary去中環AIA環球嘉年華玩。當日傍晚6時半，上山穿上黑皮褸，跟20歲Hilary像孖公仔現身，二人周圍影相，Gunny就當攝影師。雖然伯母在場，二人沒有拖手仔，但因為玩遊戲贏到公仔，?得女友十分開心，離開時二人更一人一啖食雪糕。不過，Hilary前晚已和男友返波士頓讀書，上山去到機場送機，還在Instagram貼相表示不捨得囡囡。撰文：李察
來源:
http://hk.apple.nextmedia.com/entertainment/art/20170118/19900016
勝利嘉年華冇影粉絲失望轟大會
1 :
GS(14)@2017-01-23 07:45:13■韓寶凜（右二）每次護膚後才會見男友李洪基。
BIGBANG昨晚開騷，大批歌迷非常期待，有化妝品品牌於facebook專頁寫明BIGBANG成員勝利前晚現身中環AIA嘉年華舉行的活動，吸引幾百粉絲到場，誰知消息屬流料，活動不見勝利蹤影，有粉絲指勝利有乘車到場，不過因太多人而沒有落車。失望而回的粉絲於網上鬧爆大會，指大會利用勝利之名。前晚活動，29歲的韓劇《主君的太陽》女星韓寶凜提及護膚心得，去年11月她承認與韓國樂隊FT Island的26歲隊長李洪基拍拖：「每次見男友前都會好好護理皮膚。」未知是否有所暗示。至於李洪基昨晚於香港亞博館開騷，前晚率先抵港做準備，估計兩人會抽空見面拍拖。採訪：張俊銘攝影：陳俊強
來源:
http://hk.apple.nextmedia.com/entertainment/art/20170122/19904826
吳佩慈紀曉波陪子女 嘉年華氹氹轉
1 :
GS(14)@2017-01-26 07:44:00■吳佩慈和紀曉波日前陪一對仔女去嘉年華，一家四口齊齊坐旋轉木馬。
【中環】台灣九頭身女星吳佩慈甘做未婚媽媽，為內地百億富商紀曉波誕下一對子女，至今仍未登記結婚做人妻，囡囡小蕊蕊（Hillary）已兩歲，囝囝漢斯（Hans）亦一歲大，日前一家四口到中環AIA嘉年華享受家庭樂，全程由四名身高6呎的保鑣護駕，十分架勢。身披粉紅外套的吳佩慈和小蕊蕊着母女裝，肥嘟嘟的小蕊蕊紮了馬尾，跟媽咪一樣留了長頭髮好可愛，吳佩慈不知是否怕被認出，表現比較酷，而其中一名黑衫保鑣更為老闆娘孭Boy Chanel名牌手袋，而紀曉波就好錫一對仔女，尤其是對「前世情人」Hillary更加錫到燶，不但買雪糕?囡囡開心，更抱着囡囡周圍玩，掟完公仔再去睇迪士尼主題4D動畫，節目豐富。
【買雪糕】■紀曉波對女兒愛錫有加，買雪糕?囡囡開心。
【推BB車】■吳佩慈蹺起雙手，由紀曉波負責推BB車。
【拖住走】■吳佩慈和紀曉波離場時，拖手行返四季酒店。
玩機動扶囡囡
之後吳佩慈一家四口去玩旋轉木馬，身材高䠷的吳佩慈坐在木馬上單手扶柱，另一隻手就扶囡囡騎的木馬從旁保護，至於紀曉波則攬着囝囝一齊騎，十分溫馨。大約下午5時許，一對子女玩到攰坐雙人BB車休息，最初紀曉波親自推BB車，不過期間手機響，紀曉波忙於傾電話，交由保鑣負責服侍小主人，而紀曉波傾完電話之後，就跟吳佩慈手拖手行返四季酒店。雖然紀曉波未給吳佩慈名份，但一直都很照顧女友，去年底他以吳佩慈名義入股怡益控股，當時股值約3億港元，吳佩慈已成為億萬富婆。採訪、攝影：徐錦池、畢紹基
來源:
http://hk.apple.nextmedia.com/entertainment/art/20170124/19906526
貼地親子樂 去嘉年華零排場呂麗君載細仔 同大女鍊車
1 :
GS(14)@2017-02-03 03:10:24【硬碰硬】■呂麗君做「車手」載着細仔子峰玩碰碰車，同大女秀盈互撞。讀者提供圖片
【爆相爆片】大劉劉鑾雄去年11月發聲明與呂麗君已分手兩年，隨即與甘比正式結婚成合法夫妻，呂麗君則專心湊二人所生的一對子女。沒有「大劉紅顏」的光環，呂麗君大前日年初三帶同子女去中環玩AIA環球嘉年華，現場未見保鑣護駕，三母子貼地玩碰碰車，呂麗君更少女上身般，載着細仔與大女秀盈鬥車，難得笑容滿臉。
城中富豪、65歲的劉鑾雄周旋呂麗君與甘比兩位紅顏之間，去年11月終來個了斷，發聲明與呂麗君已分手兩年，往後關係只是二人所生的一對子女、即14歲長女秀盈與6歲細仔子峰的父母，大劉並承諾會將子女的生活費交予呂麗君，確保一對子女生活物質條件如常。大劉之後與甘比於12月正式註冊結為夫婦，成為「唯一」劉太的甘比婚後頻頻獲大劉送贈億億聲的物業厚禮，身家估計最少已逾400億，成為香港女首富。
【冇保鑣】■呂麗君與子女排頭位等玩遊戲，身邊未見有保鑣護駕。
【撞到笑】■平時在公開場合拘謹的呂麗君，被女兒撞到笑笑口，玩得相當投入。
頻密互撞
三人關係明確，呂麗君在大劉的巨額子女生活費下，生活依然富泰無憂，現住在白建時道大屋、出入有司機、保鑣接送。今個新年，呂麗君選擇與一對子女留港過年，大前日年初三，讀者陳先生透過「爆相爆片」直擊呂麗君三母子在中環AIA環球嘉年華享天倫，當時大概晚上約8時，見她們母子三人玩碰碰車，陳先生說：「呂麗君同囝囝一齊坐，大女自己坐一架。喺未開始之前聽到佢問職員係咪一定要扣安全帶，淨係幫佢囝囝扣得唔得，到咗開始嗰陣兩架車都撞得幾密，但係佢哋玩得好開心。」呂麗君平時出入例必有保鑣及大量保安人員開路護駕，但當日似未有像往常的有前呼後擁陣勢，陳先生透露未有發覺呂麗君身邊有其他人，只見到她們三母子：「呂麗君全程冇避忌，玩得好放又好自然，可能當時有啲雨，加上人流又唔算多，所以唔覺有人留意到佢哋，不過佢哋玩咗冇耐已經離開，所以唔知佢哋行咗去邊度再玩。」呂麗君過往甚少被傳媒影到她帶子女貼地親子樂，今次「大細路」上身，載住細仔與秀盈鬥撞碰碰車，沒有大陣仗的保安下，玩得相當放，充滿笑容，絕對不同平時接女放學或帶女出入馬場時的拘謹嚴肅神態，實屬罕見。
■呂麗君帶細仔出街時，保鑣遮陣少不了。 資料圖片
■分手聲明見街後，呂麗君連日外出，其中接女放學時保鑣又用遮擋傳媒。
秀樺都玩
相比之下，甘比三母子就時常打成一片，不時接放學孖住食雪糕，去賣旗，親子節目多多，非常融洽。其實，甘比大女秀樺早前亦曾到過嘉年華，兩個月前，她與婆婆和姨媽陳詩韻等就一起去過，當時秀樺玩機動遊戲時非常盡興。採訪：唐琛悠
■大劉與呂麗君（左）於14年分手，前年她曾與甘比齊陪大劉現身養和。資料圖片
■秀樺於兩個月前由姨媽帶去嘉年華玩飛天韆鞦。資料圖片
來源:
http://hk.apple.nextmedia.com/entertainment/art/20170202/19914779
失婚名模來港過年Danielle冒雨陪仔女 玩轉嘉年華
1 :
GS(14)@2017-02-05 10:48:27【主攻攤位】■Danielle趁年初三帶一對仔女，與經理人一家到嘉年華玩攤位遊戲。
【中環】混血名模Danielle Graham去年宣佈與大馬金融才俊夫婿Patrick Khoo離婚，二人共同撫養一對子女，而Danielle亦漸漸復出演藝界，去年更出烹飪書。今個農曆新年是她離婚後首個新年，她趁假期帶了一對子女Benjamin及Sophia返澳洲，更貼了與女兒游水的親子相上Instagram。年初三當日，Danielle與一對子女及模特兒公司經理人Chris家人去中環AIA嘉年華。
贏到獎品尖叫
當晚大約7、8時許，Danielle及一對仔女、經理人及其夫Andy一家四口，還有外籍友人及另一名小童，在嘉年華先攻攤位遊戲，當時雨勢頗大，但都沒有影響眾人興致，再去玩碰碰車，Danielle玩得相當興奮，排隊時不忘拎手機為小朋友影相。
【淋雨排隊】■雖然落雨，但無損Danielle（右）心情，繼續排隊。DV圖片
【陪仔坐車】■Danielle與囝囝坐碰碰車，不忘自拍。DV圖片
上到車時，Danielle與囝囝坐，由囝囝做車手，未開車前已開始影相，上車又自拍及幫友人拍照。最後，眾人再轉戰拋呼拉圈，Danielle等人贏到獎品時即尖叫歡呼，相當盡興。
■Danielle與大馬籍老公Patrick離婚後，共同撫養一對子女。資料圖片
同前夫關係好
Danielle亦有貼相與經理人一家去行山，本報昨日聯絡Chris，她透露：「Danielle過年之前已經嚟咗香港，前幾日返咗大馬喇。」問到Danielle新年有否與前夫見面，她表示：「佢哋一家人有聚埋，其實佢哋成日都會見，呢個係佢哋parenting方式。」採訪、攝影：徐錦池、吳耀輝
來源:
http://hk.apple.nextmedia.com/entertainment/art/20170204/19917174
李珊珊保怡玩轉嘉年華
1 :
GS(14)@2017-02-09 23:44:16■李珊珊早前約了林保怡玩過山車。互聯網圖片
李珊珊近年深居簡出，但就活躍於微博，見字不見真身，但非常關心時事，她早前已否認患上腦瘤，去年更突然宣佈拍賣港姐后冠作慈善用途時，不過因不獲社署批准而煞停，雖然義賣后冠一事觸礁，但她仍樂觀面對。珊珊上月才貼出跟好友黃?瑩等一齊到韓國首爾旅行，指克服焦慮症出遊，最近又被周刊拍到與老友林保怡去中環的歐陸嘉年華耍樂。當日珊珊一身黑衣打扮，戴上黑色口罩，大膽玩刺激的機動遊戲，她坐上離心力驚人的Atmos Fear時被360度狂轉狂揈，排隊玩過山車時，被途人認出撩傾偈，珊珊都笑着回答，但抗拒影相，人多時更戴回口罩。撰文：劉敏
林保怡 資料圖片
■李珊珊（左二）上月與好友黃?瑩（右二）等到首爾旅行。
來源:
http://hk.apple.nextmedia.com/entertainment/art/20170209/19922052
工聯會03年「爭場」搞嘉年華
1 :
GS(14)@2017-05-13 01:57:45【本報訊】民陣在2003年發起7.1遊行反對《基本法》第23條立法，也曾遭康文署及工聯會，以「優先處理指定體育活動」為由，佔用維園所有足球場，但結果數以萬計市民逼爆維園草地，出席工聯會維園活動的左派人士更遭市民圍罵。此後，左派陣營不再與民陣爭場，就算2012年國家主席胡錦濤來港出席回歸15周年活動，民陣也可成功申請維園足球場作7.1遊行集合起步點。民陣於03年民陣與今次一樣，提早3個月申請租用維園足球場及草地等場地，但卻突然遭工聯會搶走了所有足球場。當時，康文署以工聯會辦足球賽及嘉年華會，該署依康體設施預訂程序，優先處理指定體育活動申請為由，將場地批給工聯會，而民陣只好將7.1遊行集合地點改為維園中央草坪，面積約等於四個球場，結果7.1當日參加遊行的市民，逼爆維園草地及維園一帶的街道，反而6個足球場則人流疏落，當日更有出席工聯會足球嘉年華人士，遭參加7.1遊行市民指罵。
胡錦濤訪港無礙申請
自從03年發7.1遊行後，建制陣營不敢再與民陣爭場，就算之後香港各界慶典委員會辦7.1慶回歸遊行，也選擇在7.1早上或九龍區進行，甚至2012年國家主席胡錦濤來港出席回歸15周年活動，當時港府、建制派也沒有和民陣爭場打壓7.1遊行後，只是胡於下午7.1遊行起步前，先行結束訪問離港。■記者莫劍弦
來源:
http://hk.apple.nextmedia.com/news/art/20170511/20018008
D2 Place大玩懷舊嘉年華
1 :
GS(14)@2017-07-01 10:41:54【明報專訊】都係慶回歸，羅氏集團旗下荔枝角商場D2 Place，呢排趁香港回歸20周年，推出一連兩個月的懷舊活動「香港掂檔」夏日遊樂坊。由7月1日至8月31日，商場內將設立多個港式小食檔，銷售叮叮糖、龍鬚糖、糖蔥餅、特色雞蛋仔、榴槤班㦸、七彩特飲等。食吓嘢好過睇文藝晚會吖！
遊戲攤位方面，除咗提供小型遙控車賽場之外，仲特別設置一個室內水池，畀消費者大玩遙控船。另外，喺天台仲安裝多個港式潮語霓虹招牌，作為大家嘅Selfie位。在地下，則有「荔枝角本地品牌歷史展」。
為咗打響頭炮，今日由中午12點至晚上9點，更會封閉商場對出一段長義街，舉行「香港掂檔」街頭嘉年華，將設置20多個小食和遊戲攤位，以及新晉歌手等約20個表演單位作音樂、歌舞、魔術及小丑表演。
email:
[email protected]
[小琴密語]
來源:
http://www.mpfinance.com/fin/dai ... 8730&issue=20170701
Next Page