鄭希怡升Cup搶鏡唐嫣避偉仔電眼
1 :
GS(14)@2016-10-19 05:28:46■鄭希怡昨以喱士低胸裝出席莎莎婦女銀袋日活動，非常搶鏡。
鄭希怡（Yumiko）、內地演員唐嫣與湯怡等昨日於跑馬地出席莎莎婦女銀袋日活動，穿上白色喱士低胸裝的Yumiko最搶鏡，她透露自誕下女兒「梁浸浸」後上圍升了一cup，提到老友徐濠縈傳與何超儀鬧不和，Yumiko說：「唔會，咁多年姊妹，我哋不時都會有聚會。」唐嫣透露將飛往意大利拍攝與梁朝偉合演的《歐洲攻略》，二人於戲中演情侶，問她二人有否親熱戲？唐嫣表現害羞說：「有一點點。」有否被偉仔電眼迷倒？唐嫣說：「有呀，女生都會喜歡他，不敢正視他的眼睛。」她還表示偉仔是全民偶像，是真男神。而湯怡前日29歲生日，好友張惠雅（Regen）送上「驚嚇」，用唇膏在屁股上塗了生日快樂。採訪：羅慧敏攝影：沈健程
■（左起）莊思敏、李施嬅、馬天佑及湯怡等昨日盛裝示人。
■唐嫣在新片中與偉仔有親熱戲份。
來源:
http://hk.apple.nextmedia.com/entertainment/art/20161019/19805019
【肥版偉仔】銀河十星演三級超人彈出
1 :
GS(14)@2016-10-27 06:02:32現年61歲的李中寧，86年加入無綫，由於貌似梁朝偉，有「肥版梁朝偉」之稱，當年他與郭富城、邱淑貞、胡越山、李婉華和邵仲衡等五男五女被力捧做「銀河十星」，後被無綫炒魷。李中寧88年拍過電影《求愛敢死隊》，90年突然豁出去接拍何藩執導、邱月清及邱玉茹主演的三級片《三度誘惑》，他扮演「三級超人」，一脫成名，得到過千萬票房，李中寧脫出血路，其後再拍《鬼叫春》、《雞年大姦情》和《新七擒七縱七色狼》等。及至95年拍完電影《信有明天》後便離開娛圈，到英國開餐館，兩年前回流香港，近日被爆做保安員。
來源:
http://hk.apple.nextmedia.com/entertainment/art/20161027/19813071
嘉玲笑偉仔大牌
1 :
GS(14)@2016-11-06 15:49:14【澳門直擊】劉嘉玲前晚在澳門出席一個名錶品牌晚宴，穿上黑色西服現身，同場袁彌明以性感透視裝搶鏡。早前意大利地震，老公梁朝偉在當地拍戲，嘉玲說：「拍攝地點同地震嗰度都差好遠，不過都唔擔心得咁多。」她指偉仔從意大利返港後，至今仍未見過對方。嘉玲表示偉仔之後都會好忙：「偉仔嚟緊要為電影《擺渡人》配音同錄歌，係唔係好出奇呢？佢最近仲搵咗Eason（陳奕迅）幫佢錄demo，學友就指導佢，真係好大牌。偉仔對唱歌都冇信心，今次有兩個歌神陪住，佢有時唱歌都走音，但我都好鍾意聽佢唱歌，如果一有表演要唱歌，學友都會嚟屋企指導佢，真係唔話得。」採訪：卓寶花攝影：陳俊強
來源:
http://hk.apple.nextmedia.com/entertainment/art/20161106/19823884
偉仔金城武發笑功Eason鬚唱《擺渡人》
1 :
GS(14)@2016-11-10 07:39:53由梁朝偉、金城武、陳奕迅（Eason）及Angelababy主演、王家衛監製及張嘉佳執導的電影《擺渡人》，將於下月23日聖誕檔上映，前晚電影公司發佈了電影海報，以及由Eason演唱的愛情版主題曲《讓我留在你身邊》MV，今次《擺》片有兩首主題歌，Eason及梁朝偉各唱一首。
■王家衛特別安排Eason表演一場，大獻歌藝。
■偉仔在《擺渡人》中為贏得杜鵑芳心，扭盡六壬重逗對方一笑。
與Baby一對
Eason版的MV，其實是將電影片段剪輯而成，其中一個鏡頭是Eason滿面鬍鬚，穿了一件皮褸在彈琴高歌，整個造型看起來很man，戲中他與Angelababy是一對，而偉仔與杜鵑、金城武就與張榕容是情侶。而從片段中，不難發現這是部愛情加瘋狂式搞笑影片，平時金城武與偉仔都是以有型的迷人魅力去吸引觀眾，但兩人在片中就放下身段，扭盡六壬去搞笑，完全不顧形象。能夠令到平時極有主見的兩大帥哥甘願任由擺佈，還肯亮相內地綜藝節目，相信普天之下，只有王家衛能做得到。
■兩大型男偉仔（右）與金城武在《擺渡人》落力搞笑，完全放低身段。
■平時只會擺有型甫士的金城武，難得見到他在鏡頭前扮鬼扮馬搞笑。
■金城武在戲中與張榕容演情侶，兩人有親暱鏡頭。
改編小說
《擺渡人》是改編自張嘉佳同名小說，當中的擺渡人是城市裏的超級英雄，把人從痛苦中解救出來。用快樂和溫暖、抵抗這個世界的悲傷。故事講述梁朝偉和合夥人金城武開了一間酒吧，專門替酒吧客人解決問題，他們成為某城市的金牌擺渡人，只要你預約擺渡，刀山火海都會使命必達。撰文：鍾國仁
來源:
http://hk.apple.nextmedia.com/entertainment/art/20161109/19827130
偉仔懶理嘉玲之之不和
1 :
GS(14)@2016-12-06 03:56:09■梁朝偉昨日出席電影《擺渡人》宣傳，全程笑臉迎人。
梁朝偉、陳奕迅（Eason）和張榕容，昨日在紅磡碼頭出席電影《擺渡人》宣傳，該片將於本月23日上映，電影公司安排他們為一艘帆船命名「擺渡人號」，三人在船上調酒時，偉仔喝了一啖即面容扭曲，十分惹笑。
偉仔表示要返上海為電影《歐洲攻略》開工，本周四未能陪老婆劉嘉玲過51歲生日，對於嘉玲跟關之琳不和，偉仔淡定說：「而家冇乜嘢可以嚇到我。」嘉玲是否仍不開心？偉仔說：「我唔知喎，呢啲我都冇乜好講，佢亦冇同我講。」有指之之有意復出拍戲，偉仔指拍戲遇上對手講緣份。Eason被問到老婆徐濠縈是否仍為何超儀一事不快？他說：「好耐啦，都唔使講啲乜嘢，我都冇乜嘢可以講。」Eason又大讚偉仔唱歌好聽。採訪：張俊銘攝影：仇志德
■（左起）Eason、張榕容及偉仔示範調酒，偉仔喝後即面容扭曲。
■偉仔、張榕容及Eason昨登上帆船宣傳，吸引大批巿民圍觀。
來源:
http://hk.apple.nextmedia.com/entertainment/art/20161205/19855359
【有話兒】偉仔想拍喜劇 愛得童真
1 :
GS(14)@2016-12-09 00:03:51梁朝偉和張榕容日前於黃埔宣傳新戲《擺渡人》，電影設有三個愛情故事，分別是偉仔與杜鵑，金城武與張榕容及陳奕迅和熊黛林。杜鵑身形高䠷，偉仔坦言拍攝時需要企木箱遷就高度，感覺麻煩，不過依然享受拍喜劇的過程，他說：「唔想拍劇情片，因為太沉重，拍完《一代宗師》之後，想拍喜劇，會開心啲。」他自言每個人也有童真及嚴肅一面，自己在朋友及太太劉嘉玲面前都有搞鬼一面。至於張榕容則與金城武有段微妙愛情，她說：「我煮的餃子非常難吃，只有他一人欣賞。故事說我倆很開心，搞笑而親密，但沒有親熱。」
■偉仔與金城武（右）在戲中演酒吧老闆。劇照
■Eason（右）日前接受有線訪問，獲偉仔（左）大讚演出真誠。
Eason被摸大髀
另外，偉仔和陳奕迅（Eason）日前接受有線訪問，分享拍攝趣事。偉仔在戲中飾演酒吧老闆，專為人解決情緒問題，他笑說：「最妙係王家衛叫我演得吊兒郎當啲，畀人唔知係咪真嘅感覺，非一般正經輔導員。」偉仔今次更會開金口演唱主題曲，他笑言：「初時我話唔係啩！但王家衛叫我參與吓，咁好啦。」提到和Eason首次合作，偉仔大讚對方演出夠真誠：「我除咗鍾意聽Eason嘅歌，佢嘅戲亦有睇，覺得佢做戲好真誠。」對此Eason大感興奮說：「可以同偶像合作真係好開心，偉仔只要做自己已經影響到我，我可以吸收好多有用嘅方向。」導演張嘉佳早前曾表示將自己最喜歡的演員都放在此戲中，Eason大爆對方初次見面已相當熱情：「佢係咁摸我大髀，我心諗第一次見面咋！」採訪：張俊銘
來源:
http://hk.apple.nextmedia.com/entertainment/art/20161208/19858101
為《擺渡人》錄音畫面出晒嚟偉仔：唱歌好大壓力
1 :
GS(14)@2016-12-24 10:42:36■（左起）金城武、劉嘉玲、梁朝偉、Angelababy、陳奕迅、熊黛林和李璨琛昨晚出席《擺渡人》在會展舉行的首映。
梁朝偉、金城武、陳奕迅（Eason）、熊黛林和楊穎（Angelababy）等主演、王家衛任監製的電影《擺渡人》，昨晚於灣仔會展舉行慈善首映禮，劉嘉玲亦有撐老公場及上台做嘉賓。
■金城武（左）指在偉仔面前拍喊戲壓力很大。
■剛做人妻的熊黛林與陳奕迅在台上分享拍戲趣事。
■王家衛（左二）指《擺渡人》是紀念澤東的25周年作品。
懶練歌拒開個唱
偉仔受訪時，聽到傳媒讚他唱的主題曲唱功不俗，開心謂：「真㗎？其實我都好大壓力，我話不如叫Eason唱，原來Eason本身喺電影已經有首歌，自己諗點樣會唱得好聽過Eason，但後來拍完套戲錄歌，感覺好唔一樣，錄嘅時候一幕幕畫面出現。」問會否開演唱會時，他說：「唔好啦啩，我咁懶，又唔會練歌。」問他錄歌是否得張學友幫助很多？偉仔說：「Eason都係，佢專登入錄音室，錄咗demo畀我。我將來都好想同佢合唱同一齊拍戲。」說到無綫近日重播《新紮師兄2》，偉仔表示未有留意。
金城武捱凍淋水
另外，金城武昨日下午在灣仔君悅酒店出席《擺渡人》的答問大會，一向給人男神感覺的他，今次以不修邊幅形象示人。金城武笑言拍攝前反而擔心導演遲遲未為角色定向，他說：「因為怕不夠時間，幸好拍前一個月終於定好，我也將角色設定比較卡通及漫畫化，但不會太誇張。」他解釋過往給人一年拍一部片，只是誤會。今趟跟梁朝偉繼《雙城》、《赤壁》後再合作，金城武欣賞對方的喜劇感，又爆拍《赤壁》時被偉仔整蠱，他說：「我演孔明要黏鬍鬚，每次他都會走過來跟我說笑話，每次都引我大笑甩鬚。」他大讚偉仔專業，就算導演每日改對白，偉仔都會專心練好普通話對白。而自己亦加了一場打鬥戲，在兩度氣溫下穿短袖衫淋水感覺很辛苦。採訪：卓寶花、張俊銘攝影：仇志德
來源:
http://hk.apple.nextmedia.com/entertainment/art/20161223/19874015
傳內地出價兩億邀偉仔拍真人騷
1 :
GS(14)@2017-01-14 12:25:42近年內地為咗搶收視，不惜用銀彈政策去招攬巨星拍真人騷，好似大美人林青霞、黎明、郭富城、劉嘉玲同趙雅芝等等。不過昨日有周刊報道，就算銀彈政策點咁吸引，亦唔係個個都有興趣，呢個係邊個？之唔係梁朝偉囉！事緣近期偉仔為《擺渡人》喺內地做宣傳，因為佢喺戲中嘅角色好新鮮，於是有唔少內地電視台對佢好有興趣，加上佢又好少亮相綜藝節目，結果開價兩億人民幣仔，希望可以打動偉仔答允演出。報道仲話有知情人士話一向我行我素嘅偉仔，雖然有同老婆劉嘉玲講過呢件事，但係講完得出嘅結論都係唔做，而且佢本身都唔想喺鏡頭前挑戰高難度任務，況且今年啲工作排得好密，所以最後都推咗！而偉仔嘅經理人公司事後接受周刊訪問，佢哋話確實係有搵過偉仔做真人騷，但係今年啲工作已經安排好，主要係拍戲為主，所以冇期接！
來源:
http://hk.apple.nextmedia.com/entertainment/art/20170114/19896427
Next Page