ZKIZ Archives


【長假煲劇】Netflix離線睇片 Win10電腦都用得

1 : GS(14)@2017-04-15 23:29:18

早前Netflix已提供到可以事先將劇集下載到iPhone或Android手機或SD卡內離線播放,方便係方便,但始終手機屏幕最多都係5吋、6吋,襯復活節搭飛機外遊時煲劇似乎未夠過癮!好在Netflix剛剛就推出另一項新服務,就係除支援到iPhone同Android離線睇片之外,連Windows10上的Netflix App都提供了「Download& Go」功能,同樣地可以預先將劇情影片下載至電腦,然後再離線慢慢睇,即係話可以用上十幾吋屏幕的Windows10手提電腦或平板睇片,唔會睇到眼矇矇,小朋友睇片時亦唔會咁易加深近視。
Netflix近期最Hit新劇首推《漫威鐵拳俠》(《Marvel’s Iron Fist》),不過若嫌唔太適合親子Family Trip睇的話,都可以諗下幾套合家歡劇集或影片,譬如有人見人愛的動畫電影《藍精靈2》(《The Smurf2》),由7位活潑布偶帶領小朋友認識表演藝術的《朱莉的小舞台》(《Julie’s Greenroom》),改編自網絡漫畫的韓版合家歡喜劇《心靈的聲音》(《The Sound of Your Heart》),又或者改編自暢銷懸小說並剛上架的原創劇《漢娜的遺言》(《13 Reason Why》)。另值得提一提,Netflix近期改用一如YouTube的新Like/Dislike評分系統,啱睇畀Like,唔啱睇可以畀Dislike;畀完Like後唔好以為之後無用,平台原來會參照你的喜好,之後再推介啱睇的節目畀你睇,等你唔使再花大量時間慢慢揀劇,又好似幾好用。
http://bit.ly/2p0MhxY資料來源:Netflix, The Verge文:布偉倫2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


Windows10上的Netflix App新增「Download& Go」功能,可供離線下載的劇集/影片簡介旁邊都有相關按鈕。

《朱莉的小舞台》由7位活潑布偶帶領小朋友認識表演藝術,啱晒父母陪住小朋友一齊睇。

改編自網絡漫畫的韓國合家歡喜劇《心靈的聲音》由紅星李光洙主演。



來源: http://hk.apple.nextmedia.com/su ... t/20170415/19990706
長假 煲劇 Netflix 離線 線睇 睇片 Win 10 電腦 都用 用得
PermaLink: https://articles.zkiz.com/?id=330683

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019